„საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებაში ცვლილებისა და დამატების შეტანის თაობაზე

საქართველოს მთავრობის

დადგენილება №381

2010 წლის 14 დეკემბ ე რი

ქ. თბილისი

,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებაში ცვლილებისა და დამატების შეტანის თაობაზე

მუხლი 1. ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად ,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით (სსმ, 2004 წელი, №54, ნაწილი III, მუხლი 460) დამტკიცებულ დებულებაში შეტანილ იქნეს ცვლილება და დამატება:

1. პირველი მუხლის მე-7 პუნქტი ჩამოყალიბდეს შემდეგი რედაქციით:

 ,,7. სამინისტროს შეიძლება ჰქონდეს ემბლემა, რომელსაც ამტკიცებს მინისტრი.“.

2. მე-3 მუხლის მე-2 პუნქტს დაემატოს „ქ“ და ,,ღ“ ქვეპუნქტები და ჩამოყალიბდეს შემდეგი რედაქციით:

,,ქ) ამტკიცებს საჯარო სკოლებში საქმისწარმოების წესს;

ღ) ინდივიდუალური ადმინისტრაციულ-სამართლებრივი აქტით ამტკიცებს სრული ზოგადი განათლების დამადასტურებელი დოკუმენტის – ატესტატის მისაღებად ჩასაბარებელი მინიმალური კომპეტენციის საგამოცდო პროგრამას.“.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი                                                                ნ. გილაური