ენერგეტიკის დარგში მოქმედი ზოგიერთი ორგანიზაციისათვის ოკუპირებულ ტერიტორიებზე საქმიანობის განხორციელებისათვის თანხმობის გაცემის შესახებ

საქართველოს მთავრობის

განკარგულება №754

2008 წლის 17 ნოემბერი

ქ. თბილისი

ენერგეტიკის დარგში მოქმედი ზოგიერთი ორგანიზაციისათვის ოკუპირებულ ტერიტორიებზე საქმიანობის განხორციელებისათვის თანხმობის გაცემის შესახებ

1. ,,ოკუპირებული ტერიტორიების შესახებ“ საქართველოს კანონის მე-6 მუხლის მე-2 პუნქტის შესაბამისად სახელმწიფოებრივი ინტერესებიდან გამომდინარე, კერძოდ – ქვეყნის ენერგეტიკული დარგის სათანადო ფუნქციონირების შენარჩუნების მიზნით თანხმობა მიეცეთ ქვემოთ ჩამოთვლილ ორგანიზაციებს ოკუპირებულ ტერიტორიებზე ,,ოკუპირებული ტერიტორიების შესახებ“ საქართველოს კანონის ძალაში შესვლიდან განხორციელებული შემდეგი საქმიანობებისათვის:

ა) შპს ,,ენგურჰესს“, შპს ,,ვარდნილჰესების კასკადსა“ და შპს ,,კოდორიჰესებს“ – ელექტროენერგიის წარმოების, ელექტროენერგიის რეალიზაციისა და აღნიშნული ჰიდროელექტროსადგურების სარემონტო-სარეაბილიტაციო სამუშაოებთან დაკავშირებული საქმიანობისათვის;

ბ) შპს ,,სპეცენერგორემონტს“, შპს ,,მშენსერვისი – 2002-ს“, შპს ,,მერკური პლიუსს“, შპს ,,ტრანფიბერ – სერვისს“, შპს ,,ეკო – ენერგიას“, შპს ,,მერკურს“, შპს ,,ლუმენს“, შპს ,,კაშხალს“, შპს ,,უბიხი 2006-ს“, შპს ,,თანს“, შპს ,,სპეცენერგოსერვისი – 2000-ს“, შპს ,,ჰიდროგეონერგოცენტრს“, ავსტრიულ-გერმანულ კომპანია ,,ვოიტ-სიმენსს“, უკრაინულ კომპანია ,,ზაპოროჟტრანსფორმატორს“, უკრაინულ კომპანია ,,ტურბოატომს“ – ,,ა“ ქვეპუნქტში მითითებული ჰიდროელექტროსადგურების სარემონტო-სარეაბილიტაციო სამუშაოებთან დაკავშირებული საქმიანობისათვის;

გ) შპს ,,საქართველოს სახელმწიფო ელექტროსისტემას“ – ელექტროენერგიის გადაცემის, ელექტროენერგიის დისპეტჩერიზაციის, მისი კუთვნილი ელექტრული ქსელის ექსპლუატაციისა და სარემონტო-სარეაბილიტაციო სამუშაოებთან დაკავშირებული საქმიანობისათვის;

დ) შპს ,,ელექტროენერგეტიკული სისტემის კომერციულ ოპერატორს“ – ელექტროენერგიის ყიდვა-გაყიდვისა და იმპორტ-ექსპორტის საქმიანობისათვის;

ე) შპს ,,საქართველოს ნავთობისა და გაზის კორპორაციასა“ და საქართველოს მილსადენის კომპანიის საქართველოს ფილიალს – დასავლეთის მიმართულების საექსპორტო (ბაქო-სუფსა) მილსადენის ექსპლუატაციისა და ოპერირებისათვის;

ვ) სს ,,ენერგო-პრო ჯორჯიას“ – ელექტროენერგიის შესყიდვისა და ელექტროენერგიის განაწილების საქმიანობისათვის;

ზ) სს ,,თელასს“ – ელექტროენერგიის შესყიდვის საქმიანობისათვის;

თ) სს ,,საქენერგორემონტს“ – ,,ა“ და ,,გ“ ქვეპუნქტებში მითითებული ენერგეტიკული ობიექტების სარემონტო-სარეაბილიტაციო სამუშაოებთან დაკავშირებული საქმიანობისათვის;

ი) სს ,,საქრუსენერგოს“ – ელექტროენერგიის გადაცემისა და მისი კუთვნილი ელექტროგადამცემი ხაზების სარემონტო-სარეაბილიტაციო სამუშაოებთან დაკავშირებული საქმიანობისათვის;

კ) შპს ,,ენიმპექსს“ – ,,ი“ ქვეპუნქტში მითითებული ობიექტების სარემონტო-სარეაბილიტაციო სამუშაოებთან დაკავშირებული საქმიანობისათვის.

2. განკარგულება ძალაშია ხელმოწერის დღიდან.

პრემიერ-მინისტრი           გ. მგალობლიშვილი