„სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში ცვლილების შეტანის თაობაზე

საქართველოს მთავრობის

განკარგულება №1234

2012 წლის 25 ივნისი

ქ. თბილისი

 „სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში შეტანილ იქნეს შემდეგი ცვლილება:

1. განკარგულებას დაემატოს შემდეგი შინაარსის 2² პუნქტი:

„2². დასავლეთ საქართველოში, იმერეთის რეგიონში, მდინარე რიონზე ასაშენებელი „ნამახვანი ჰესების კასკადის“, ასევე მიმდებარე ზონაში შესაქმნელი სხვა პერსპექტიული ენერგეტიკული ობიექტების სისტემაში მიერთების უზრუნველყოფის მიზნით, სს „საქართველოს სახელმწიფო ელექტროსისტემამ“ განახორციელოს ენერგოსისტემასთან დამაკავშირებელი 220 კვ-იანი ძაბვის გადამცემი ხაზების მშენებლობა.“.

2. მე-3 და მე-4 პუნქტები ჩამოყალიბდეს შემდეგი რედაქციით:

„3. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სს „საქართველოს სახელმწიფო ელექტროსისტემამ“ ამ განკარგულების პირველი, მე-2, 2¹ და 2² პუნქტების შესრულების მიზნით საჭირო საქონლის, მომსახურებისა და სამშენებლო სამუშაოების შესყიდვა განახორციელოს გამარტივებული შესყიდვის საშუალებით.

4. საქართველოს ფინანსთა სამინისტრომ ამ განკარგულების პირველი, მე-2, 2¹ და 2² პუნქტების შესაბამისად, უზრუნველყოს სათანადო ქმედებების განხორციელება, მათ შორის, სს „საქართველოს სახელმწიფო ელექტროსისტემის“ რეაბილიტაციის გეგმაში ცვლილებების შეტანა.“.

 

პრემიერ-მინისტრი                                 ნიკა გილაური