„გურჯაანის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის თაობაზე“ საქართველოს მთავრობის 2012 წლის 7 მარტის №408 განკარგულებაში ცვლილების შეტანის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1307
2012 წლის 6 ივლისი
ქ. თბილისი
„გურჯაანის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის თაობაზე“ საქართველოს მთავრობის 2012 წლის 7 მარტის №408 განკარგულებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის შესაბამისად, „გურჯაანის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის თაობაზე“ საქართველოს მთავრობის 2012 წლის 7 მარტის №408 განკარგულებაში შეტანილ იქნეს ცვლილება და ჩამოყალიბდეს შემდეგი რედაქციით:
„საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან გურჯაანის მუნიციპალიტეტს გამოუყოს 3 546 800 (სამი მილიონ ხუთას ორმოცდაექვსი ათას რვაასი) ლარი, მათ შორის:
ა) გურჯაანის მუნიციპალიტეტში სპორტულ-გამაჯანსაღებელი კომპლექსის რეაბილიტაციასთან დაკავშირებული ხარჯების დაფინანსების მიზნით – 2 845 317 (ორი მილიონ რვაას ორმოცდახუთი ათას სამას ჩვიდმეტი) ლარი;
ბ) პრიორიტეტული ინფრასტრუქტურული პროექტების განხორციელების მიზნით – 601 483 (ექვსას ერთი ათას ოთხას ოთხმოცდასამი) ლარი;
გ) სპორტულ-გამაჯანსაღებელი კომპლექსის სპორტული ინვენტარით აღჭურვის მიზნით – 100 000 (ასი ათასი) ლარი.“.
პრემიერ-მინისტრი ივანე მერაბიშვილი