სსიპ – გუდაურის განვითარების ფონდის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №2164

2011 წლის 4 ნოემბერი

ქ. თბილისი

სსიპ – გუდაურის განვითარების ფონდის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

„სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სსიპ – გუდაურის განვითარების ფონდის მიერ განსახორციელებელ ღონისძიებათა შეზღუდულ ვადებში ჩატარების მიზნით:

ა) სსიპ – გუდაურის განვითარების ფონდს მიეცეს უფლება, გამარტივებული შესყიდვის საშუალებით შეისყიდოს:

ა.ა) ტურისტთა მომსახურების ცენტრის სამშენებლო სამუშაოები;

ა.ბ) საბაგირო გზების ელექტრომომარაგებისათვის საჭირო მაღალი ძაბვის კაბელები;

ა.გ) მთის სატკეპნი ტექნიკის სათადარიგო ნაწილები;

ბ) სსიპ – გუდაურის განვითარების ფონდმა საავანსო თანხასთან დაკავშირებული საბანკო გარანტიის გარეშე შეისყიდოს ამ განკარგულების „ა“ ქვეპუნქტით განსაზღვრული სამშენებლო სამუშაოები და საქონელი.

 

პრემიერ-მინისტრი                                                    ნიკა გილაური