ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
📑 სარჩევი (5 მუხლი)
|
საქართველოს კომუნიკაციების ეროვნული კომისიის დადგენილება №9 |
|
2014 წლის 4 დეკემბერი ქ. თბილისი |
ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ
„ელექტრონული კომუნიკაციების შესახებ“ საქართველოს კანონის 472 მუხლის შესაბამისად, საქართველოს კომუნიკაციების ეროვნული კომისია ადგენს:
მუხლი 1
დამტკიცდეს "ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესი".
მუხლი 2
ეს დადგენილება ამოქმედდეს გამოქვეყნებისთანავე.
|
ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესი
მუხლი 1.
მიზანი
ამ წესის მიღების მიზანია „რადიოსიხშირული სპექტრის განაწილების ეროვნული გეგმითა“ და ევროკომისიის გადაწყვეტილებებით ელექტრონული საკომუნიკაციო მომსახურებებისა და მიწისზედა სისტემებისათვის ჰარმონიზებულ რადიოსიხშირულ დიაპაზონებში გაცემული ამოწურვადი რესურსით სარგებლობის ლიცენზიების მოქმედების ვადის 15 წლით განსაზღვრისა და ტექნოლოგიური და მომსახურების ნეიტრალიტეტის პრინციპის შესაბამისად სარგებლობის უფლების მინიჭების მიზნით მოდიფიცირებისათვის ლიცენზიების საფასურის გადაანგარიშების ერთიანი წესის დადგენა.
მუხლი 2.
ამოწურვადი რესურსით სარგებლობის საფასურის გადაანგარიშებისა და გადახდის ზოგადი პრინციპები
1.
ამ წესის პირველი მუხლით განსაზღვრული ლიცენზიებით გათვალისწინებული ამოწურვადი რესურსით სარგებლობის საფასურს ადგენს კომისია, ამ წესის შესაბამისად.
2.
ამ წესის პირველი მუხლით განსაზღვრული ლიცენზიებით გათვალისწინებული ამოწურვადი რესურსით სარგებლობის გადაანგარიშებული საფასურის გადახდის გრაფიკს განსაზღვრავს კომისია, მოდიფიცირების შესახებ კომისიის გადაწყვეტილების საფუძველზე, ისე, რომ გადახდის გრაფიკი არ ითვალისწინებდეს ამოწურვადი რესურსით სარგებლობის საფასურის 50 პროცენტზე მეტის 1 წლის განმავლობაში გადახდის ვალდებულებას.
მუხლი 3.
ამოწურვადი რესურსით სარგებლობის საფასურის გადაანგარიშების წესი
1.
ელექტრონული საკომუნიკაციო მომსახურებების და მიწისზედა სისტემებისათვის ჰარმონიზებულ რადიოსიხშირულ დიაპაზონში (რადიოსიხშირული ზოლის კონკრეტულ მონაკვეთში) გაცემული ლიცენზიების მოქმედების ვადის 15 წლით განსაზღვრისა და ტექნოლოგიური და მომსახურების ნეიტრალიტეტის პრინციპის შესაბამისად მოდიფიცირებისას, ამ ლიცენზიით განსაზღვრული ამოწურვადი რესურსით სარგებლობის საფასური გამოიანგარიშება შემდეგნაირად:
ა)
ლიცენზიის მოდიფიცირების თაობაზე განცხადების კომისიაში შეტანამდე ბოლო 2 წლის განმავლობაში ამ ლიცენზიით გათვალისწინებულ რადიოსიხშირულ დიაპაზონში (რადიოსიხშირული ზოლის კონკრეტულ მონაკვეთში), იმავე სალიცენზიო პირობებით (ლიცენზიის მოქმედების ვადა – 15 წელი; ტექნოლოგიური და მომსახურების ნეიტრალიტეტის პრინციპის შესაბამისად რადიოსიხშირული რესურსით სარგებლობის უფლება) ლიცენზიის გასაცემად ჩატარებულ აუქციონზე/აუქციონებზე 1 მჰც-სათვის დაფიქსირებული საფასურის/საფასურთა საშუალო არითმეტიკულის შესაბამისად, შემდეგი ფორმულით:
სადაც:
C - მოდიფიცირებას დაქვემდებარებული ლიცენზიით გათვალისწინებული რადიოსიხშირული სპექტრის ერთეულთა ოდენობაა;
n - ჩატარებულ აუქციონთა რაოდენობაა;
Ai - i-ურ აუქციონზე დაფიქსირებული რადიოსიხშირული სპექტრით სარგებლობის საფასურია, i=1,2,…,n;
Bi - i-ურ აუქციონზე გამოტანილი რადიოსიხშირული სპექტრის ერთეულთა ოდენობაა, i=1,2,…,n.
ბ)
თუ იგივე დიაპაზონში ამ მუხლის პირველი პუნქტის "ა" ქვეპუნქტით განსაზღვრული სალიცენზიო პირობებით ბოლო 2 წლის განმავლობაში აუქციონი არ ჩატარებულა, ამოწურვადი რესურსით სარგებლობის საფასური გამოიანგარიშება რადიოსიხშირული ზოლის ამ კონკრეტული მონაკვეთისათვის ბენჩმარკინგის ან/და ბიზნეს მოდელირების მეთოდოლოგიებით შეფასებული 1 მჰც რესურსის სავარაუდო ღირებულების საფუძველზე, შემდეგი ფორმულით:
P= Pn*C
სადაც:
Pn - რადიოსიხშირული ზოლის კონკრეტული მონაკვეთისათვის ბენჩმარკინგის ან/და ბიზნეს მოდელირების მეთოდოლოგიებით შეფასებული 1 მჰც რესურსის სავარაუდო ღირებულებაა;
C - ლიცენზიით გათვალისწინებული რადიოსიხშირული სპექტრის ერთეულთა (მჰც-ების) ოდენობაა;
გ)
იმ შემთხვევაში, თუ შესაბამისი რადიოსიხშირული ზოლის კონკრეტული მონაკვეთისათვის 1 მჰც რესურსის სავარაუდო ღირებულების შეფასება ხდება ამ მუხლის პირველი პუნქტის "ბ" ქვეპუნქტით განსაზღვრული ორივე მეთოდოლოგიის გამოყენებით, ამოწურვადი რესურსით სარგებლობის საფასურის განსაზღვრისას უპირატესობა ენიჭება საქართველოს დემოგრაფიული, ეკონომიკური და ელექტრონული კომუნიკაციების დარგის ფინანსური მაჩვენებლების გათვალისწინებით ბიზნეს მოდელირების მეთოდოლოგიას.
2.
ამ მუხლის პირველი პუნქტის შესაბამისად გამოანგარიშებულ ამოწურვადი რესურსით სარგებლობის საფასურს აკლდება ლიცენზიის მფლობელის მიერ ამავე ლიცენზიით განსაზღვრული ამოწურვადი რესურსით სარგებლობის საფასურის გადახდილი/გადასახდელი ის ოდენობა, რომელიც კომისიის მიერ ლიცენზიის „ელექტრონული კომუნიკაციების შესახებ“ საქართველოს კანონის 472 მუხლის შესაბამისად მოდიფიცირების შესახებ გადაწყვეტილების მიღებიდან, ამავე ლიცენზიის გაცემის/მოქმედების ვადის გაგრძელების შესახებ გადაწყვეტილებით გათვალისწინებული ვადის ამოწურვამდე პერიოდისთვის გადაანგარიშებული ოდენობის პირდაპირპროპორციულია.
ხშირად დასმული კითხვები
- მოქმედებს თუ არა „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“?
- დიახ, საქართველოს კომუნიკაციების ეროვნული კომისიის დადგენილება „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“ ამჟამად ძალაშია. ბოლო კონსოლიდირებული რედაქცია — 04.12.2014.
- როდის იქნა მიღებული „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“?
- „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“ მიღებულია 04.12.2014. მიმღები ორგანო — საქართველოს კომუნიკაციების ეროვნული კომისია. დოკუმენტის ნომერი — №9. სარეგისტრაციო კოდი — 300310000.17.010.016039.
- რამდენი მუხლისგან შედგება „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“?
- დოკუმენტი შედგება 5 მუხლისგან. თითოეული მუხლი ხელმისაწვდომია ცალკე ბმულით.
- სად არის „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 04.12.2014 მდგომარეობით.
როგორ დავიმოწმოთ
საქართველოს კომუნიკაციების ეროვნული კომისიის დადგენილება „ლიცენზიით გათვალისწინებული ამოწურვადი რესურსით სარგებლობის საფასურის გადაანგარიშების წესის დამტკიცების შესახებ“, №9, 04.12.2014, სარეგისტრაციო კოდი 300310000.17.010.016039 (კონსოლიდირებული რედაქცია 04.12.2014). ხელმისაწვდომია: https://legali.ge/law/2569155/