მუხლი 3. სერტიფიკაციის ჩატარების წესი და თანმიმდევრობა

1. სისტემაში პროდუქციის სერტიფიკაციას ატარებს სერტიფიკაციის ორგანო და მოიცავს შემდეგ პროცედურებს:
ა) სერტიფიკაციაზე განაცხადის და მასთან დართული მასალების წარდგენას;
ბ) განაცხადის შევსების სისწორის და წარდგენილი დოკუმენტების სისრულის ანალიზს;
გ) განაცხადზე გადაწყვეტილების მიღებასა და სერტიფიკაციის სქემის შერჩევას;
დ) აკრედიტებული საგამოცდო ლაბორატორიის (ცენტრის) განსაზღვრას;
ე) პროდუქციაზე დოკუმენტაციის (ნორმატიული, საკონსტრუქტორო, ტექნოლოგიური და სხვა) ანალიზს;
ვ) პროდუქციის იდენტიფიკაციისა და პროდუქციის ნიმუშების აღებას;
ზ) პროდუქციის ნიმუშის გამოცდას;
თ) წარმოების მდგომარეობის ანალიზს (თუ ეს სერტიფიკაციის სქემით არის გათვალისწინებული);
ი) მიღებული შედეგების ანალიზისა და სერტიფიკატის გაცემის შესაძლებლობაზე გადაწყვეტილების მიღებას;
კ) სერტიფიკატის რეგისტრაციასა და გაცემას, აგრეთვე სერტიფიკაციის ორგანოსა და განმცხადებელს შორის სერტიფიკაციაზე შეთანხმებით რეგისტრაციას და გაცემას;
ლ) საინსპექციო კონტროლს სერტიფიცირებულ პროდუქტზე (სერტიფიკაციის სქემის შესაბამისად);
მ) მაკორექტირებელი ღონისძიებებს შესაბამისობის ნიშნის არასწორი გამოყენებისა და პროდუქციის და (ან) წარმოების პირობების დადგენილ მოთხოვნებთან შეუსაბამობისას;
ნ) ინფორმაციას სერტიფიკაციის შედეგებზე.
2. პროდუქციის სერტიფიკაციის ყველა პროცედურა უნდა გაფორმდეს დოკუმენტალურად