2.  დამხმარე სახელმძღვანელო – სასწავლო გამოცემა, რომელიც წარმოადგენს დამატებას ან ნაწილობრივ ცვლის სახელმძღვანელოს.
3. პრაქტიკუმი – სასწავლო გამოცემა, რომელშიც მოცემულია პრაქტიკული დავალებები და სავარჯიშოები, რომელიც ხელს უწყობს განვლილი მასალის ათვისებას.
4. ქრესტომათია – დამხმარე სახელმძღვანელო, რომელიც შეიცავს მხატვრულ-ლიტერატურულ, ისტორიულ და სხვა ნაწარმოებებს, ან მათ ნაწყვეტებს, რომელიც სასწავლო დისციპლინის შესწავლის ობიექტს წარმოადგენს.
5. კომბინირებული გამოცემა – გამოცემა, რომელიც ნაბეჭდი ტექსტის გარდა შეიცავს ხმოვან ჩანაწერებს (დისკეტები, ფირფიტები) და გამოსახულებებს (სლაიდები, კინოფირები).
6. მინდორი – დაუბეჭდავი ადგილი ფურცელზე.
7. ტექსტის შრიფტული გაფორმება – (ძირითადი, დამატებითი, გამოყოფა) განისაზღვრება შემდეგი პარამეტრების კომპლექსით: გარნიტურა, კეგელი და შრიფტის ტევადობა, ინტერლინიაჟის გადიდება, სტრიქონის სიგრძე.
8. ძირითადი ტექტსი – ტექსტი, რომელშიც გადმოცემულია სასწავლო გამოცემის ძირითადი შინაარსი.
9. დამატებითი ტექსტი – ტექსტი, რომელიც თან ახლავს ძირითად ტექსტს (პრაქტიკული დავალებები, კითხვები თემის გარშემო, ცხრილები, შენიშვნები, დანართები და სხვ.).
10. ტექსტის გამოყოფა – ტექსტის ნაწილების პოლიგრაფიული გაფორმების შეცვლა (ფრაზების ან ცალკეული სიტყვების, ასოების, ნიშნების) მთლიან ტექსტთან შედარებით, რაც საჭიროა მკითხველის ყურადღების მისაპყრობად.
11. წარწერები ილუსტრაციებზე (წარწერები ნახატზე) – ტექსტი, რომელიც წარმოადგენს ილუსტრაციის სიტყვიერ განმარტებას (სათაური, შინაარსი, პირობითი ნიშნების გაშიფვრა და სხვა), რაც საშუალებას იძლევა ილუსტრაცია განხილულ იქნას როგორც ტექსტისგან დამოუკიდებლად, ასევე ტექსტთან ერთად, რომელსაც ის ერთვის.
12. შრიფტის გამოკვეთა – ნათელი შრიფტი შავ ან ფერად ფონზე.
13. შრიფტების ჯგუფი – ერთნაირი გრაფიკული წყობის მქონე შრიფტები. გოსტ 3489.1-71 შესაბამისად, შრიფტები იყოფა რამდენიმე ჯგუფად, ხოლო თითოეული ჯგუფის შიგნით შრიფტები იყოფა გარნიტურებად.
14. გარნიტურა – შრიფტების კომპლექტი, რომელთაც ახასიათებთ ასოების მოხაზვის ერთნაირი სტილი. თითოეული გარნიტურის შრიფტი განსხვავდება მოხაზულობით და ზომით (კეგელი).
15. გარნიტურის მოხაზულობა – ერთი გარნიტურის ნიშნების კომპლექტი, რომელიც განსხვავდება:
ა) ნიშნების სისქით (ნათელი, ნახევრად შავი და შავი შრიფტი);
ბ) ნიშნების დახრილობით (პირდაპირი, დახრილი და კურსივი შრიფტი).
16. კეგელი – შრიფტის ზომა, იზომება პუნქტებით.
17. შრიფტის ტევადობა – ნიშნების რაოდენობა, რომელიც თავსდება 1 კვადრატი სიგრძის მქონე სტრიქონში.
18. ინტერლინიაჟი – მანძილი სტრიქონებს შორის, რომელიც იზომება პუნქტებით.
19. პუნქტი – სიგრძის ერთეული, ტიპოგრაფიული საზომი ერთეულების სისტემაში, შეესაბამება 0,376მმ.
20. კვადრატი – სიგრძის ერთეული, ტიპოგრაფიული საზომი ერთეულების სისტემაში, შეესაბამება 48 პუნქტს (18,04მმ).
21. სახასიათო გვერდები - გვერდები, ერთგვაროვანი შრიფტული და (ან) ილუსტრაციული გაფორმებით, რომელიც ხშირად გვხდება სასწავლო გამოცემებში.
22. პოლიგრაფიული მასალები – მასალები, რომლებიც გამოიყენება სასწავლო გამოცემის დასამზადებლად (ქაღალდი, ყდები-მუყაო, გარეკანის ფურცლები და სხვა; საღებავები, ფირები და სხვა).