რიგითი ნომრის მინიჭების დამატებითი წესის განსაზღვრის შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
📑 სარჩევი (7 მუხლი)
|
აჭარის ავტონომიური რესპუბლიკის უმაღლესი საარჩევნო კომისიის დადგენილება №5 |
|
2024 წლის 28 აგვისტო ქ. ბათუმი |
რიგითი ნომრის მინიჭების დამატებითი წესის განსაზღვრის შესახებ
ვინაიდან 2024 წლის 26 ოქტომბერს ერთდროულად გაიმართება საქართველოს პარლამენტის და აჭარის ავტონომიური რესპუბლიკის უმაღლესი საბჭოს მორიგი არჩევნები, აუცილებელია აჭარის ავტონომიური რესპუბლიკის უმაღლესი საბჭოს 2024 წლის 26 ოქტომბრის არჩევნებისათვის აჭარის ავტონომიური რესპუბლიკის უმაღლესი საარჩევნო კომისიის დადგენილებით განისაზღვროს რიგითი ნომრის მინიჭების წესი და ვადები.
„საქართველოს საარჩევნო კოდექსი“ საქართველოს ორგანული კანონის 38 1 მუხლის, „აჭარის ავტონომიური რესპუბლიკის უმაღლესი საბჭოს არჩევნების შესახებ“ აჭარის ავტონომიური რესპუბლიკის კანონის 45-ე მუხლის და 73-ე მუხლის მე-5 პუნქტის შესაბამისად, უმაღლესი საარჩევნო კომისია ადგენს:
მუხლი 1
საარჩევნო სუბიექტს, რომელიც მონაწილეობს საქართველოს პარლამენტის არჩევნებში და საქართველოს ცენტრალური საარჩევნო კომისიის მიერ 2024 წლის 26 ოქტომბრის არჩევნებისათვის მიენიჭა რიგითი ნომერი, აჭარის ავტონომიური რესპუბლიკის უმაღლესი საბჭოს 2024 წლის 26 ოქტომბრის არჩევნებში მონაწილეობის შემთხვევაში მიენიჭება იგივე რიგითი ნომერი.
მუხლი 2
იმ საარჩევნო სუბიექტებისათვის, რომლებიც მონაწილეობენ მხოლოდ აჭარის ავტონომიური რესპუბლიკის უმაღლეს საბჭოს 2024 წლის 26 ოქტომბრის არჩევნებში, რიგითი ნომრების მინიჭების მიზნით უმაღლეს საარჩევნო კომისიაში იმართება წილისყრა, „საქართველოს საარჩევნო კოდექსი“ საქართველოს ორგანული კანონის 381 მუხლით დადგენილი წესით, თუ ამ დადგენილებით სხვა რამ არ არის დადგენილი.
მუხლი 3
აჭარის ავტონომიური რესპუბლიკის უმაღლესი საარჩევნო კომისიის თავმჯდომარის მიერ რეგისტრირებულ საარჩევნო სუბიექტებს რიგით ნომერს წილისყრით ანიჭებს უმაღლესი საარჩევნო კომისია. წილისყრისას ნომრების რაოდენობა შეესაბამება წილისყრაში მონაწილე საარჩევნო სუბიექტების რაოდენობას. წილისყრაში არ მიიღებენ მონაწილეობას ის რიგითი ნომრები, რომლებიც მინიჭებულია საქართველოს პარლამენტის 2024 წლის 26 ოქტომბრის არჩევნებში მონაწილე საარჩევნო სუბიექტებისათვის.
მუხლი 4
რიგითი ნომრები იწყება საქართველოს პარლამენტის 2024 წლის 26 ოქტომბრის არჩევნებში მონაწილე პარტიებისათვის მინიჭებული უმაღლესი რიგითი ნომრის მომდევნო ზრდადი რიცხვიდან. თუ წილისწყრაში მონაწილეობს მხოლოდ ერთი საარჩევნო სუბიექტი, წილისყრა აღარ იმართება და რიგითი ნომერი ენიჭება ავტომატურად.
მუხლი 5
საარჩევნო სუბიექტის რიგითი ნომრის განსაზღვრის მიზნით, სათანადო პროცედურები ტარდება უმაღლესი საარჩევნო კომისიის შენობაში, საარჩევნო კომისიის სხდომებზე დასწრების უფლების მქონე პირთა თანდასწრებით, საქართველოს ცენტრალური საარჩევნო კომისიის მიერ საქართველოს პარლამენტის 2024 წლის 26 ოქტომბრის არჩევნებში მონაწილე სუბიექტებისათვის რიგითი ნომრის მინიჭების შემდგომ არჩევნების დღემდე არაუგვიანეს 55-ე დღისა (პირველი სექტემბერი).
მუხლი 6
ეს დადგენილება შეიძლება გასაჩივრდეს ბათუმის საქალაქო სასამართლოში (მისამართი ქ. ბათუმი, ზუბალაშვილის ქ. №30) მისი მიღებიდან 2 (ორი) კალენდარული დღის ვადაში.
მუხლი 7
ეს დადგენილება ამოქმედდეს
გამოქვეყნებისთანავე.
|
ხშირად დასმული კითხვები
- მოქმედებს თუ არა „რიგითი ნომრის მინიჭების დამატებითი წესის განსაზღვრის შესახებ“?
- დიახ, ავტონომიური რესპუბლიკის უმაღლესი საარჩევნო კომისიის დადგენილება „რიგითი ნომრის მინიჭების დამატებითი წესის განსაზღვრის შესახებ“ ამჟამად ძალაშია. ბოლო კონსოლიდირებული რედაქცია — 28.08.2024.
- როდის იქნა მიღებული „რიგითი ნომრის მინიჭების დამატებითი წესის განსაზღვრის შესახებ“?
- „რიგითი ნომრის მინიჭების დამატებითი წესის განსაზღვრის შესახებ“ მიღებულია 28.08.2024. მიმღები ორგანო — აჭარის ავტონომიური რესპუბლიკის უმაღლესი საარჩევნო კომისია. დოკუმენტის ნომერი — №5. სარეგისტრაციო კოდი — 010220020.34.059.016071.
- რამდენი მუხლისგან შედგება „რიგითი ნომრის მინიჭების დამატებითი წესის განსაზღვრის შესახებ“?
- დოკუმენტი შედგება 7 მუხლისგან. თითოეული მუხლი ხელმისაწვდომია ცალკე ბმულით.
- სად არის „რიგითი ნომრის მინიჭების დამატებითი წესის განსაზღვრის შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 28.08.2024 მდგომარეობით.
როგორ დავიმოწმოთ
ავტონომიური რესპუბლიკის უმაღლესი საარჩევნო კომისიის დადგენილება „რიგითი ნომრის მინიჭების დამატებითი წესის განსაზღვრის შესახებ“, №5, 28.08.2024, სარეგისტრაციო კოდი 010220020.34.059.016071 (კონსოლიდირებული რედაქცია 28.08.2024). ხელმისაწვდომია: https://legali.ge/law/6260117/