მუხლი 36. კონტროლის ღონისძიებების განხორციელებისას მოწმდება სახანძრო უსაფრ­თ­ხო­­ე­ბის მოთხოვნათა და კანონმდებლობით განსაზღვრული სახელმწიფო ინსპექტო­რე­ბის მიწერილობების შესრულება, მათ შორის:

ა) სახანძრო უსაფრთხოების უზრუნველყოფის მიზნით საორგანიზაციო ღონისძიებების შესრულება;
ბ) ტერიტორიების, შენობა-ნაგებობების და სათავსების მოვლა-პატრონობა, საევაკუაციო გზებისა და გასასვლელების მდგომარეობა, გადარჩენის ინდივიდუალური და კოლექტიური საშუალებების არსებობა და გამართულობა;
გ) საინჟინრო მოწყობილობების მონტაჟისა და ექსპლუატაციის წესივრობა;
დ) ხანძარსაწინააღმდეგო დაცვის სისტემებისა და საშუალებების მოვლა-პატრონობა;
ე) დადგენილი ნორმების შესაბამისად სახანძრო დაცვის შექმნა და შენახვა;
ვ) ხანძარსაწინააღმდეგო პროპაგანდისა და ობიექტების მუშაკებისათვის სახანძრო უსაფრთხოების წესების სწავლების ორგანიზება და ჩატარება, პერსონალის მზადყოფნა ხანძრის გაჩენის შემთხვევაში;
ზ) ნივთიერებების, მასალების, ნაკეთობებისა და მოწყობილობების ტექნიკურ დოკუმენტაციაში სახანძრო უსაფრთხოების მაჩვენებლებისა და მათი გამოყენების სახანძრო უსაფრთხოების ზომების შესახებ ცნობების არსებობა;
თ) მშენებარე და რეკონსტრუირებულ ობიექტებზე შესრულებული ხანძარსაწინააღმდეგო ღონისძიებების შესაბამისობა საპროექტო დოკუმენტაციასთან და სახანძრო უსაფრთხოების სხვა ნორმატიული აქტების მოთხოვნებთან