„ხარაგაულის მუნიციპალიტეტის მერიის ინფრასტრუქტურისა და კეთილმოწყობის სამსახურის დებულების დამტკიცების შესახებ“ ხარაგაულის მუნიციპალიტეტის საკრებულოს 2014 წლის 2 სექტემბრის №33 დადგენილებაში ცვლილების შეტანის თაობაზე

1. დადგენილებით დამტკიცებული დებულების მე-2 მუხლის მეორე პუნქტს დაემატოს ,,ბ“  ქვეპუნქტი და ჩამოყალიბდეს შემდეგი რედაქციით:

 ,,ბ) კეთილმოწყობის  განყოფილება;“.

2. დადგენილებით დამტკიცებული დებულების მე-6 მუხლის მესამე პუნქტი ჩამოყალიბდეს შემდეგი რედაქციით:

 ,,3. განყოფილების უფროსის არყოფნის შემთხვევაში, სამსახურის უფროსის წარდგინებით და მერის დავალებით განყოფილების უფროსის უფლება-მოვალეობებს ახორციელებს განყოფილების ერთ-ერთი მოსამსახურე.“.

3. დადგენილებით დამტკიცებული დებულების მე-7 მუხლიდან ამოღებულ იქნეს მე-2 პუნქტი;

4. დადგენილებით დამტკიცებულ დებულებას დაემატოს მე-8 მუხლი, რომელიც ჩამოყალიბდეს შემდეგი რედაქციით:

„მუხლი 8. კეთილმოწყობის განყოფილების ფუნქციები

1. საქართველოს კანონმდებლობით დადგენილი წესით მწვანე საფარის, ტროტუარების, სკვერების, გარე განათების  ობიექტების,  სანიაღვრე  არხების,  წყალსაცავების, ხიდების, მცირე არქიტექტურული ფორმის შენობა-ნაგებობების მოვლა-პატრონობაზე ზედამხედველობა.

2. მუნიციპალიტეტის დასახლებათა ტერიტორიების კეთილმოწყობის დაგეგმვა, შესაბამისი პროგრამებისა და პროექტების მომზადება, მათი განხორციელების კოორდინაცია.

3. მუნიციპალიტეტის  კომუნალური საკითხების კოორდინაცია.

4. მუნიციპალიტეტის  კეთილმოწყობის  და  კაპიტალური  მშენებლობის სფეროს მომსახურებაზე ზედამხედველობა.

5. მუნიციპალიტეტის გარე განათების და სანიაღვრე ქსელების ფუნქციონირების კოორდინაცია და მასთან დაკავშირებული წინადადებების შემუშავება.

6. მუნიციპალიტეტის გამწვანების და გაფორმების ღონისძიებების განხორციელების უზრუნველყოფა.

7. მუნიციპალიტეტში კეთილმოწყობის სფეროს პრობლემატიკისა და პროცესების კვლევა, დარგის განვითარებისათვის სამომავლო პერსპექტივების განსაზღვრა.

8. მუნიციპალიტეტის ცალკეულ ტერიტორიათა კეთილმოწყობის სახელმძღვანელო წინადადებების დამუშავება, ან მათი მომზადების პროცესში მონაწილეობის მიღება, მათი განხორციელების ხელშეწყობა და მონიტორინგი.

9. წინადადებების შემუშავება ტერიტორიის დასუფთავების, ნარჩენების გატანის, გადამუშავებისა და უტილიზაციის საკითხებზე.

10. თავისი კომპეტენციის  ფარგლებში მერის, მერის მოადგილეებისა  და სამსახურის უფროსის ცალკეული დავალებების შესრულება.