„ბაღდათის მუნიციპალიტეტის მერიის პირველადი სტრუქტურული ერთეულის – განათლების, კულტურისა და სპორტის სამსახურის დებულების დამტკიცების შესახებ“ ბაღდათის მუნიციპალიტეტის საკრებულოს 2018 წლის 17 იანვრის №6 დადგენილებაში ცვლილების შეტანის თაობაზე

1. დადგენილების სათაური ჩამოყალიბდეს შემდეგი რედაქციით:

„ბაღდათის მუნიციპალიტეტის მერიის პირველადი სტრუქტურული ერთეულის – განათლების, კულტურის, სპორტისა და ტურიზმის განვითარების სამსახურის დებულების დამტკიცების შესახებ“.

2. დადგენილებით დამტკიცებული დანართის სათაური ჩამოყალიბდეს შემდეგი რედაქციით:

„ბაღდათის მუნიციპალიტეტის მერიის პირველადი სტრუქტურული ერთეულის – განათლების, კულტურის, სპორტისა და ტურიზმის განვითარების სამსახურის დებულება“.

3. დადგენილებით დამტკიდებული დანართის პირველი მუხლის სათაური (ბაღდათის მუნიციპალიტეტის მერიის პირველადი სტრუქტურული ერთეული – განათლების, კულტურის და სპორტის სამსახური) ჩამოყალიბდეს შემდეგი რედაქციით:

„მუხლი 1. ბაღდათის მუნიციპალიტეტის მერიის პირველადი სტრუქტურული ერთეული – განათლების, კულტურის, სპორტისა და ტურიზმის განვითარების სამსახური“.

4. დადგენილებით დამტკიდებული დანართის პირველი მუხლის (ბაღდათის მუნიციპალიტეტის მერიის პირველადი სტრუქტურული ერთეული – განათლების, კულტურის და სპორტის სამსახური):

ა) 1-ლი პუნქტი ჩამოყალიბდეს შემდეგი რედაქციით:

„1. ბაღდათის მუნიციპალიტეტის მერიის პირველადი სტრუქტურული ერთეული – განათლების, კულტურის, სპორტისა და ტურიზმის განვითარების სამსახური  (შემდგომში – სამსახური) არის მუნიციპალიტეტის მერიის სტრუქტურული ერთეული, რომელიც უზრუნველყოფს კულტურის, ძეგლთა დაცვის, განათლების, სპორტის, ტურიზმის განვითარებისა და ახალგაზრდობის საქმეთა საკითხებში მუნიციპალური პროგრამების შემუშავებასა და განხორციელებას“.“;

ბ) მე-3 პუნქტი ჩამოყალიბდეს შემდეგი რედაქციით:

„3. ეს დებულება განსაზღვრავს ბაღდათის მუნიციპალიტეტის მერიის    განათლების, კულტურის, სპორტისა და ტურიზმის განვითარების სამსახურის სტრუქტურას, უფლებამოსილებას,  ანგარიშვალდებულებას  და აწესრიგებს მის საქმიანობასთან დაკავშირებულ სხვა  საკითხებს“.“;

5. დადგენილებით დამტკიცებული დანართის მე-6 მუხლის (სამსახურის ფუნქციები) პირველი პუნქტი ჩამოყალიბდეს შემდეგი რედაქციით:

„1. სამსახური დადგენილი წესით უზრუნველყოფს:

ა) კულტურის, ძეგლთა დაცვის, განათლების, სპორტის, ტურიზმის განვითარებისა და ახალგაზრდობის საქმეთა საკითხებში მუნიციპალური პროგრამებისა და სტრატეგიების შემუშავებასა და განხორციელებას;

ბ) მუნიციპალიტეტის ბიუჯეტის დაფინანსებაზე მყოფი და მის მიერ დაფუძნებული შესაბამისი სფეროს არასამეწარმეო (არაკომერციული) იურიდიული პირების საქმიანობის ზედამხედველობასა და კოორდინაციას;

გ) განათლების, კულტურის, ახალგაზრდობის, სპორტული და ტურისტული ობიექტების რეაბილიტაციისა და განვითარებისათვის პროგრამების პროექტების მომზადებას და დამტკიცებულ პროგრამათა განხორციელების კოორდინაციას;

დ) სკოლამდელი სააღმზრდელო დაწესებულებების სასწავლო-აღმზრდელობითი მეთოდოლოგიისათვის წინადადებების შემუშავებას და დანერგვის ხელშეწყობას;

ე) საგანმანათლებლო-შემეცნებითი პროგრამების, ღონისძიებების, მედიაპროექტების ორგანიზება/კოორდინაციას ახალგაზრდების ცნობიერების ამაღლებისა და არაფორმალური განათლების განვითარების მიზნით;

ვ) ახალგაზრდული მასობრივი ღონისძიებების ჩატარების კოორდინაციას;

ზ) მუნიციპალიტეტში მუზეუმების, თეატრის, ბიბლიოთეკებისა და კულტურის სხვა დაწესებულებების ეფექტურობის მიზნით პროგრამებისა და კონცეფციების შემუშავებას;

თ) მატერიალური და არამატერიალური კულტურული მემკვიდრეობის, ფოლკლორის, ისტორიული, არქეოლოგიური და ეთნოლოგიური ნიმუშების აღრიცხვის, დაცვის, შენარჩუნებისა და პოპულარიზაციის მიზნით პროგრამების შემუშავებას და მონაცემთა ელექტრონული ბაზის შექმნას;

ი) თეატრის, კინოს, მუსიკის, ქორეოგრაფიის, სახვითი და ხალხური ხელოვნების დარგების განვითარების ხელშეწყობას, ეროვნული სიმდიდრის დაცვასა და კულტურა/განათლების სფეროში დასაქმებულ გამოჩენილ პიროვნებათა ხსოვნის უკვდავყოფა/წარმოჩენას;

კ) მუნიციპალიტეტში სპორტის განვითარებისა და ჯანსაღი ცხოვრების წესის დამკვიდრების პროპაგანდის უზრუნველყოფას;

ლ) მასობრივი სპორტულ-გამაჯანსაღებელი ღონისძიებების ჩატარების საკითხებზე წინადადებების შემუშავებას და ტურნირების ორგანიზებას;

მ) სპორტის სფეროში დასაქმებულთა, სპორტსმენთა და მწვრთნელთა მოღვაწეობის წარმოჩენასა და პოპულარიზაციის ხელშეწყობას;

ნ) ტურიზმის ხელშემწყობი მუნიციპალური პროგრამებისა და გეგმების შემუშავებას; ტურისტული ინფრასტრუქტურის გაუმჯობესების მიზნით რეკომენდაციებისა და საინვესტიციო პროექტების მომზადება/ინვესტორებთან თანამშრომლობას;

ო) მუნიციპალიტეტის შესახებ საცნობარო-საინფორმაციო მასალების (ვიდეორგოლები, ფლაერები, ბროშურები) მოძიება/მომზადებას და ტურიზმის ეროვნულ ადმინისტრაციასთან ერთად შიდატურისტული მარშრუტების შედგენას;

პ) მუნიციპალიტეტის ტერიტორიაზე არსებული ისტორიული და ბუნებრივი ძეგლების, კურორტებისა და ადგილობრივი პროდუქციის პოპულარიზაციის მიზნით მიზნობრივი ტურების ორგანიზებას და ადგილობრივ თუ საერთაშორისო ტურისტულ გამოფენა-ბაზრობებში მონაწილეობას;

ჟ) საოჯახო ღვინის მარნების, საოჯახო სასტუმროებისა და კვების ობიექტების პოპულარიზაციის ხელშეწყობას; ქართულ და უცხოურ ტურისტულ კომპანიებთან/სააგენტოებთან კოორდინირებული მუშაობის უზრუნველყოფას;

რ) ტურიზმის სფეროში ჩართული კერძო მესაკუთრეებისა და მეწარმეების კვალიფიკაციის ამაღლების, გადამზადებისა და ტრენინგების ორგანიზების უზრუნველყოფას;

ს) სხვა ორგანიზაცია-დაწესებულებებისათვის მეთოდური დახმარების გაწევას კულტურულ, საგანმანათლებლო, ახალგაზრდობის საქმეთა და სპორტულ საქმიანობაში;

ტ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.