საქართველოს სარკინიგზო კოდექსში ცვლილების შეტანის შესახებ

1. მე-2 მუხლის:

ა) „ჰ³“ ქვეპუნქტი ჩამოყალიბდეს შემდეგი რედაქციით:

„ჰ​³) სარკინიგზო ლიანდაგი – წყვილი რელსი, რომელზედაც მატარებელი მოძრაობს;“;

ბ) „ჰ⁴⁰“ ქვეპუნქტის შემდეგ დაემატოს შემდეგი შინაარსის „ჰ⁴¹“ ქვეპუნქტი:

„ჰ⁴¹) მაგისტრალური სარკინიგზო ლიანდაგი − სარკინიგზო ლიანდაგი, რომელიც განკუთვნილია სასაზღვრო სარკინიგზო გადასასვლელებს, რკინიგზის სადგურებს ან/და საზღვაო ნავსადგურებს შორის ტვირთის გადასაზიდად ან/და მგზავრთა გადასაყვანად.“.

2. მე-6 მუხლს დაემატოს შემდეგი შინაარსის მე-4 და მე-5 ნაწილები:

„4. სახელმწიფოს საკუთრებაში არსებული ან/და სახელმწიფოს წილობრივი მონაწილეობით მოქმედი საწარმოს კაპიტალში არსებული ან/და მის ბალანსზე რიცხული, მოქმედი მაგისტრალური სარკინიგზო ლიანდაგისა და მისი დამცავი ზონის გასხვისება დაუშვებელია, გარდა ამ ქონების სახელმწიფოს 50%-ზე მეტი წილობრივი მონაწილეობით მოქმედი საწარმოს კაპიტალში შეტანის შემთხვევისა.  

5. მოქმედი მაგისტრალური სარკინიგზო ლიანდაგებისა და მათი დამცავი ზონების ნუსხას განსაზღვრავს და ამტკიცებს საქართველოს მთავრობა.“.

მუხლი 2. საქართველოს მთავრობამ ამ კანონის ამოქმედებიდან 6 თვის ვადაში საქართველოს ეკონომიკისა და მდგრადი განვითარების სამინისტროს წარდგინების საფუძველზე უზრუნველყოს მოქმედი მაგისტრალური სარკინიგზო ლიანდაგებისა და მათი დამცავი ზონების ნუსხის დამტკიცება.

მუხლი 3. ეს კანონი ამოქმედდეს გამოქვეყნებისთანავე.