„ჩოხატაურის მუნიციპალიტეტის 2026 წლის ბიუჯეტიდან სოციალური დახმარების გაცემის წესის შესახებ“ ჩოხატაურის მუნიციპალიტეტის საკრებულოს 2025 წლის 26 დეკემბრის N23 დადგენილებაში ცვლილების შეტანის თაობაზე

ა) 22-ე  მუხლი ჩამოყალიბდეს შემდეგი რედაქციით:

„მუხლი 22. სოციალური პრობლემების გადაწყვეტისა და კულტურულ-საგანმანათლებლო სფეროს ხელშეწყობის მიზნით პროგრამების თანადაფინანსება

1.მუნიციპალიტეტის მერიის მიერ თანადაფინანსებას ექვემდებარება სოციალური პრობლემების გადაწყვეტის ან/და მოწყვლადი ჯგუფების (სოციალურად დაუცველი, შშმ პირები, ზრუნვის  სისტემიდან  გასული პირები და ა. შ.) მხარდაჭერის მიზნით წარმოდგენილი პროექტები/პროგრამები.

2. დაფინანსების წესი და პირობები:

ა) დაფინანსება გაიცემა მუნიციპალიტეტის ბიუჯეტით გათვალისწინებული ასიგნებების ფარგლებში, თანხა ჩაირიცხება იურიდიული პირის საბანკო რეკვიზიტებზე მუნიციპალიტეტის მერის ინდივიდუალურ ადმინისტრაციულ-სამართლებრივი აქტის (ბრძანების) საფუძველზე;

ბ) პროექტის თანადაფინანსებისთვის მუნიციპალიტეტის მერიაში წარმოდგენილი უნდა იქნეს შემდეგი დოკუმენტაცია:

ბ.ა.) წერილობითი მოთხოვნა თანადაფინანსებაზე;

ბ.ბ) თანადაფინანსების მომთხოვნის საიდენტიფიკაციო დოკუმენტაცია;

ბ.გ)  დასაფინანსებელი პროგრამა და შესაბამისი ხარჯთაღრიცხვა;

ბ.დ) პროგრამის მონაწილე პირთა რაოდენობა და ბენეფიციართა შესაბამისი სტატუსის დამადასტურებელი დოკუმენტაცია (საჭიროების შემთხვევაში);

გ) თითოეული პროექტი ფინანსდება მხოლოდ ჩოხატაურის მუნიციპალიტეტის ბიუჯეტით განსაზღვრული ზღვრული ოდენობის ფარგლებში;

დ) დაფინანსება შესაძლებელია განხორციელდეს ეტაპობრივად, შესრულებული სამუშაოების ან წარმოდგენილი ანგარიშების საფუძველზე;

ე) დაფინანსების მიმღები ვალდებულია უზრუნველყოს თანხის მიზნობრივი გამოყენება.

ვ) ქვეპროგრამის ფარგლებში სხვა ფიზიკური ან იურიდიული პირების დაფინანსება დაუშვებელია;

ზ) დაუშვებელია თანხის გამოყენება მიზნობრიობის დარღვევით;

თ) დაუშვებელია ისეთი პროგრამის/პროექტის დაფინანსება, რომლის დაფინანსებასაც სრულად უზრუნველყოფს სახელმწიფო პროგრამები.

3. მონიტორინგი და კონტროლი

ა) ქვეპროგრამის განხორციელებაზე მონიტორინგს ახორციელებს მუნიციპალიტეტის მერიის სოციალური და ჯანდაცვის სამსახური;

ბ) დაფინანსების მიმღები ვალდებულია წარმოადგინოს შუალედური და საბოლოო ანგარიშები;

გ) დარღვევის შემთხვევაში შესაძლებელია დაფინანსების შეჩერება ან დაბრუნების მოთხოვნა.“.