„შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში ცვლილების შეტანის თაობაზე

1. „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანების მე-2 პუნქტი ჩამოყალიბდეს შემდეგი რედაქციით:

„2. შემოსავლების სამსახურის დავების განხილვის საბჭოს შემადგენლობა და მოწვეული სპეციალისტები განისაზღვროს №1 დანართის შესაბამისად.“.

2. „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებით დამტკიცებული:

ა) დანართი №1 („შემოსავლების სამსახურის დავების განხილვის საბჭოს შემადგენლობები და მოწვეული სპეციალისტები“) ჩამოყალიბდეს შემდეგი რედაქციით:

„დანართი №1

შემოსავლების სამსახურის დავების განხილვის საბჭოს შემადგენლობა და მოწვეული სპეციალისტები

1. შემოსავლების სამსახურის დავების განხილვის საბჭოს შემადგენლობა:

2. მოწვეული სპეციალისტები:

“.

ბ) „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე საგადასახადო მონიტორინგის დეპარტამენტში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებით დამტკიცებული დანართ №2-ის („შემოსავლების სამსახურის დავების განხილვის საბჭოს საქმიანობის წესი“):

ბ.ა) პირველი მუხლის:

ბ.ა.ა) 2¹ პუნქტი ჩამოყალიბდეს შემდეგი რედაქციით:

„2¹. საბჭო უფლებამოსილია, სხდომაზე მოიწვიოს ექსპერტები, სპეციალისტები, სხვა ადმინისტრაციული ორგანოს წარმომადგენლები და სხვა სათანადო პირები.“;

ბ.ა.ბ) 5¹ და 5² პუნქტები ამოღებულ იქნეს;

ბ.ბ) მე-3 მუხლის:

ბ.ბ.ა) პირველი პუნქტი ჩამოყალიბდეს შემდეგი რედაქციით:

„1. ზეპირი განხილვისას საბჭოს სხდომას წარმართავს და ხელმძღვანელობს:

ა) საბჭოს თავმჯდომარე, ხოლო მისი არყოფნის შემთხვევაში – საბჭოს თავმჯდომარის მოადგილე;

ბ) დავების დეპარტამენტის უფროსი, ამ პუნქტის „ა“ ქვეპუნქტით გათვალისწინებული პირების არყოფნის შემთხვევაში და ამ მუხლის 1³ პუნქტით განსაზღვრული საჩივრების საბჭოს სხდომაზე განხილვისას.“;

ბ.ბ.ბ) 1² პუნქტის შემდეგ დაემატოს 1³ პუნქტი შემდეგი რედაქციით:

„1³. ამ მუხლის პირველი პუნქტის „ბ“ ქვეპუნქტით გათვალისწინებულ შემთხვევაში საბჭო უფლებამოსილია სხდომაზე განიხილოს:

ა) საჩივარი, რომელიც წარმოდგენილია იმ საგადასახადო მოთხოვნის თაობაზე, რომლითაც საგადასახადო ორგანოს მიერ დამატებით დარიცხული გადასახადის თანხა 100 000 ლარის ტოლია ან ნაკლებია მასზე;

ბ) საჩივარი, რომლითაც გასაჩივრებულია კორექტირებული საგადასახადო მოთხოვნა;

გ) საჩივარი, რომლითაც მოთხოვნილია საქართველოს საგადასახადო კოდექსით გათვალისწინებული სანქციისაგან გათავისუფლება, საქართველოს საგადასახადო კოდექსის 269-ე მუხლის მე-7 ნაწილის საფუძველზე;

დ) საჩივარი, რომლის განხილვაზე უარის თქმის საფუძველიც გათვალისწინებულია საქართველოს საგადასახადო კოდექსის 301-ე მუხლით.“;

ბ.ბ.გ) მე-3 პუნქტი ჩამოყალიბდეს შემდეგი რედაქციით:

„3. საბჭოს თავმჯდომარის/მოადგილის, ასევე დავების დეპარტამენტის უფროსის (ამ მუხლის პირველი პუნქტის „ბ“ ქვეპუნქტით გათვალისწინებულ შემთხვევაში) ინიციატივით ან გადასახადის გადამხდელის თხოვნით, შესაძლებელია საკითხის განხილვა გადაიდოს სხვა დროისთვის.“;

ბ.ბ.დ) მე-10 პუნქტი ჩამოყალიბდეს შემდეგი რედაქციით:

„10. საბჭოს სხდომის მიმდინარეობის შესახებ დგება ოქმი, რომელიც ვიზირებული უნდა იყოს საბჭოს იმ წევრების მიერ, რომლებმაც მონაწილეობა მიიღეს საკითხის განხილვაში. შესაბამის შემთხვევაში, სხდომის ოქმს ხელს აწერს საბჭოს თავმჯდომარე/მოადგილე/დავების დეპარტამენტის უფროსი და საბჭოს აპარატის თანამშრომელი, რომელიც ადგენს ოქმს.“;

ბ.ბ.ე) მე-16 პუნქტი ჩამოყალიბდეს შემდეგი რედაქციით:

„16. ამ მუხლის მე-15 პუნქტით გათვალისწინებული ინფორმაცია შემოსავლების სამსახურის უფროსს დავების დეპარტამენტმა უნდა მიაწოდოს ინფორმაციის მიღების თვის 15 რიცხვამდე. აღუსრულებელი გადაწყვეტილებების შესახებ ამ მუხლის მე-15 პუნქტით გათვალისწინებული ინფორმაცია შესწავლისა და რეაგირებისათვის სამსახურის უფროსის მიერ გადაეცემა შემოსავლების სამსახურის შიდა ინსპექტირების დეპარტამენტს.“.

3. ეს ბრძანება ამოქმედდეს ხელმოწერისთანავე.

სამსახურის უფროსი   მამუკა ბარათაშვილი