1. სამსახურის თანამშრომელს უფლება აქვს საქართველოს კანონმდებლობით დადგენილი წესით, უფლებამოსილი პირის მიერ ინდივიდუალური ადმინისტრაციულ-სამართლებრივი აქტის გაცნობის დღიდან ერთი თვის განმავლობაში, გაასაჩივროს სასამართლოში სამსახურებრივ საკითხებზე გამოცემული ინდივიდუალური ადმინისტრაციულ-სამართლებრივი აქტი, მისი ნაწილობრივ ან მთლიანად არაკანონიერად ცნობის მოთხოვნით.
2. სამსახურის თანამშრომელს შეუძლია სასამართლოში მოითხოვოს ინდივიდუალური ადმინისტრაციულ-სამართლებრივი აქტის, შრომითი ხელშეკრულების, გადაწყვეტილების ან მოქმედების ნაწილობრივ ან მთლიანად არაკანონიერად ცნობა.
3. სასამართლოს მიერ სამსახურის თანამშრომლის სამსახურიდან გათავისუფლებაზე ან გადაყვანაზე გაცემული ინდივიდუალური ადმინისტრაციულ-სამართლებრივი აქტის არაკანონიერად ცნობის შემთხვევაში, სამსახურის თანამშრომელი ექვემდებარება დაუყოვნებლივ აღდგენას, გარდა იმ შემთხვევისა, როდესაც იგი უარს ამბობს აღდგენაზე.