საკასაციო საჩივარი ცნობილია დაუშვებლად

საქმე # 190100123007922760

საქართველოს უზენაესი სასამართლო

განჩინება

საქართველოს სახელით

საკასაციო საჩივრის განუხილველად დატოვების შესახებ

საქმე №256აპ-26 ქ. თბილისი

მ. გ. 256აპ-26 8 ივლისი, 2026 წელი

საქართველოს უზენაესი სასამართლოს სისხლის სამართლის საქმეთა

პალატამ შემდეგი შემადგენლობით:

ლალი ფაფიაშვილი (თავმჯდომარე),მამუკა ვასაძე, ლევან თევზაძე

ზეპირი მოსმენის გარეშე შეამოწმა მსჯავრდებულ გ. მ–ის ინტერესების დამცველი ადვოკატის ნ. გ–ის მიერ საკასაციო საჩივრის ხარვეზის აღმოფხვრის საკითხი და

გ ა მ ო ა რ კ ვ ი ა:

1. საქართველოს უზენაესი სასამართლოს სისხლის სამართლის საქმეთა პალატის 2026 წლის 4 მაისის განჩინებით მსჯავრდებულ გ. მ–ის ინტერესების დამცველ ადვოკატ ნ. გ–ს საქართველოს სისხლის სამართლის საპროცესო კოდექსის (შემდეგში – საქართველოს სსსკ-ის) 303-ე მუხლის პირველი ნაწილის შესაბამისად, მიეცა 5 დღის ვადა საკასაციო საჩივრის ხარვეზის შესავსებად. განჩინებით კასატორს განემარტა ხარვეზის შეუვსებლობის სამართლებრივი შედეგიც.

2. ზემოაღნიშნული განჩინება მსჯავრდებულ გ. მ–ის ინტერესების დამცველ ადვოკატს – ნ. გ–ს ჩაჰბარდა 2026 წლის 7 მაისს. ადვოკატმა საკასაციო საჩივარში არსებული ხარვეზის აღმოფხვრის შესახებ საკასაციო საჩივარი წარმოადგინა 2026 წლის 13 მაისს, ხარვეზის შესავსებად დადგენილი 5 დღიანი ვადის დარღვევით.

3. სასამართლო ითვალისწინებს საქართველოს სსსკ-ის 86-ე მუხლის პირველ და მე-3 ნაწილებს. ასევე იმ გარემოებას, რომ საქართველოს სსსკ-ის 303-ე მუხლის პირველი ნაწილი იმპერატიულად ადგენს ხარვეზის აღმოფხვრის ვადას – 5 დღე, არ ითვალისწინებს აღნიშნული ვადის გაგრძელების სამართლებრივ საფუძველს. იმავდროულად, მოცემულ შემთხვევაში წარმოდგენილი არ არის არც აღნიშნული ვადის აღდგენის დამადასტურებელი დოკუმენტი.

4. საკასაციო სასამართლომ იხელმძღვანელა საქართველოს სსსკ-ის 303-ე მუხლის პირველი ნაწილით და

დ ა ა დ გ ი ნ ა:

1. მსჯავრდებულ გ. მ–ის ინტერესების დამცველი ადვოკატის ნ. გ–ის საკასაციო საჩივარი დარჩეს განუხილველად;

2. განჩინება საბოლოოა და არ გასაჩივრდება.

თავმჯდომარე ლ. ფაფიაშვილი

მოსამართლეები: მ. ვასაძე

ლ. თევზაძე