დმანისის მუნიციპალიტეტის გამგეობის ინფრასტრუქტურისა და ეკონომიკური გნვითარების სამსახურის დებულების დამტკიცების შესახებ

 სახელმწიფო სარეგისტრაციო კოდი

010.250.020.35.156.016.008

 

დმანისის მუნიციპალიტეტის საკრებულოს

დადგენილება №13-42

2010 წლის14 სექტემბერი

ქ. დმანისი

დმანისის მუნიციპალიტეტის გამგეობის ინფრასტრუქტურისა და ეკონომიკური გ ა ნვითარების სამსახურის დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და 43-ე მუხლის მე-2 პუნქტის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის და „დმანისის მუნიციპალიტეტის გამგეობის დებულების დამტკიცების შესახებ” დმანისის მუნიციპალიტეტის საკრებულოს 2010 წლის 9 ივლისის №9-22 დადგენილების 21-ე მუხლის მე-2 პუნქტის გ) ქვეპუნქტის შესაბამისად,

1. დამტკიცდეს დმანისის მუნიციპალიტეტის გამგეობის ინფრასტრუქტურისა და ეკონომიკური განვითარების სამსახურის დებულება.

2. ძალადაკარგულად გამოცხადდეს „დმანისის მუნიციპალიტეტის გამგეობის ინფრასტრუქტურისა და ეკონომიკური განვითარების სამსახურის დებულების დამტკიცების შესახებ“ დმანისის მუნიციპალიტეტის საკრებულოს 2006 წლის 2 0 დეკემბრის №31 დადგენილება.

3. ეს დადგენილება ამოქმედდეს 2010 წლის 1 ოქტომბრიდან.

საკრებულოს თავმჯდომარის მ/შ  შ. ალიევი

 

შეტანილი ცვლილებები:

1. დმანისის მუნიციპალიტეტის საკრებულოს 2010 წლის 30 სექტემბრის დადგენილება №14-52 - სსმ V, №38, 1510.2010 წ., მუხ.1102  

2. დმანისის მუნიციპალიტეტის საკრებულოს 2010 წლის 1 ნოემბრის დადგენილება №16-59 - სსმ V, №49, 11.11.2010 წ., მუხ.1441

3. დმანისის მუნიციპალიტეტის საკრებულო ს 2011 წლის 23 თებერვლის დადგენილება №3-11 -ვებგვერდი, 02.03.2011 წ.                                                                                                                                             

დმანისის მუნიციპალიტეტის გამგეობის ინფრატრუქტურისა და ეკონომიკური განვითარების სამსახურის

დ ე ბ უ ლ ე ბ ა

    მუხლი 1. ზოგადი დებულებები

1. დმანისის მუნიციპალიტეტის გამგეობის ინფრასტრუქტურისა და ეკონომიკური განვითარების სამსახური (შემდგომში – სამსახური) არის თვითმმართველი ერთეულის (მუნიციპალიტეტის) გამგეობის სტრუქტურული ერთეული, რომლის საქმიანობის სამართლებრივი საფუძველია საქართველოს კონსტიტუცია, საქართველოს ორგანული კანონი „ადგილობრივი თვითმმართველობის შესახებ”, საქართველოს ზოგადი ადმინისტრაციული კოდექსი, სხვა საკანონმდებლო/ნორმატიული აქტები, გამგეობის დებულება, ეს დებულება და მუნიციპალიტეტის სხვა სამართლებრივი აქტები.

2. სამსახურის ძირითადი ფუნქციებია: მუნიციპალიტეტის სივრცითი ტერიტორიული დაგეგმვისა და ქალაქ თ მშენებლობის დოკუმენტების შემუშავების, მშენებლობის ნებართვების თაობაზე გადაწყვეტილებების მომზადების, მშენებლობაზე და არქიტექტურულ საქმიანობაზე ზედამხედველობის უზრუნველყოფა; მუნიციპალიტეტის ეკომომიკური განვითარების მუნიციპალური პროგრამების შემუშავებისა და განხორციელების, სათანადო სტატისტიკური ინფორმაციის შეგროვება-დამუშავების, მუნიციპალიტეტის ქონების მართვის უზრუნველყოფა; მუნიციპალიტეტის ტერიტორიაზე კეთილმოწყობის სამუშაოთა დაგეგმვისა და ინფრასტრუქტურული პროექტების მომზადება-განხორციელებისა და შესაბამისი ადგილობრივი შესყიდვების განხორციელებისათვის წინადადებების მომზადების უზრუნველყოფა.

3 . სამსახური ამ დებულებით მინიჭებული უფლებამოსილების მიხედვით აღასრულებს საკრებულოსა და საკრებულოს თავმჯდომარის გადაწყვეტილებე ბ ს, ასევე გამგებლის დავალებებს.

    მუხლი 2. სამსახურის ფუნქციები და უფლებები

1. სამსახურის ფუნქციებია:

ა) თვითმმართველი ერთეულის ფარგლებში არქიტექტურულ-ქალაქ თ მშენებლობითი პროცესების მართვა; თვითმმართველი ერთეულის სივრცითი მოწყობის პოლიტიკის განსაზღვრა, სივრცით-ტერიტორიული და მიწათსარგებლობის დაგეგმვა, კანონით დადგენილი შესაბამისი დოკუმენტაციის დამუშავება; სივრცით-ტერიტორიული დაგეგმვის ნორმებისა და წესების პროექტების მომზადება;

ბ) ქალაქ თ მშენებლობითი კადასტრის შედგენა და წარმოება; მიწათსარგებლობის გენერალური გეგმისა და განაშენიანების რეგულირების გეგმის შედგენა; თვითმმართველი ერთეულის ტერიტორიის ზონირების, დასახლებათა ტერიტორიების გამოყენებისა და განაშენიანების წესების პროექტების მომზადება; დასახლებების განვითარებისა და რეაბილიტაციის, ტერიტორიის კეთილმოწყობისა და საინჟინრო ინფრასტრუქტურის განვითარების პროგრამების პროექტების მომზადება; დამტკიცებული პროგრამების განხორციელების კოორდინაცია;

გ) (ამოღებულია - 01.11.10 №16-59);

დ) მუნიციპალიტეტის სივრცითი ტერიტორიული დაგეგმვისა და ქალაქ თ მშენებლობის დოკუმენტების შემუშავება, მშენებლობის ნებართვების თაობაზე გადაწყვეტილებების მომზადება, მშენებლობაზე და არქიტექტურულ საქმიანობაზე ზედამხედველობის უზრუნველყოფა;

ე) თვითმმართველი ერთეულის ტერიტორიის კეთილმოწყობის პროგრამების პროექტის მომზადება: დასახლებებში ელექტროფიკაციის, გაზმომარაგების, კანალიზაციის, წყალმომარაგების, ნაგვის შეგროვებისა და უტილიზაციის სამუშაოების წარმოების დაგეგმვა და მათ განხორციელებაზე მუნიციპალური დაკვეთის განსაზღვრა; დასახლებებში გარე განათების და სანიაღვრე ქსელების ფუნქციონირების ღონისძიებების უზრუნველყოფა;

ვ) თვითმმართველი ერთეულის მომავალი წლის ეკონომიკური განვითარების პროგრამის პროექტის შესადგენად საორგანიზაციო სამუშაოების განხორციელება; გამგეობის სტრუქტურული ერთეულებისა და ტერიტორიული ორგანოებისათვის შესაბამისი მეთოდოლოგიური დახმარების გაწევა; სოციალურ-ეკონომიკური განვითარების პროგრამის პროექტის შედგენის უზრუნველსაყოფად მითითებების, წერილების, ინსტრუქციების მომზადება;

ზ) თვითმმართველი ერთეულის სოციალურ-ეკონომიკური განვითარების პროგრამების პროექტის შემუშავება და გამგებლისა და საკრებულოს თავმჯდომარისთვის გან ს ახილველად წარდგენა; გამოთქმული შენიშვნების გათვალისწინებით სოციალურ-ეკონომიკური განვითარების პროგრამების პროექტის კორექტირება და კანონმდებლობით დადგენილ ვადაში საკრებულოსათვის განსახილველად წარდგენა; მონაწილეობის მიღება თვითმმართველი ერთეულის სოციალურ-ეკონომიკური განვითარების პროგრამის პროექტის საჯარო განხილვებში, საჯარო განხილვებისას გამოთქმულ ი შენიშვნებისა და წინადადებების აღრიცხვა, მათი ანალიზი და შესაბამისი დასკვნის წარდგენა საკრებულოსათვის საკრებულოს სხდომაზე სოციალურ-ეკონომიკური განვითარების პროგრამის პროექტის განხილვამდე;

თ) თვითმმართველი ერთეულის სოციალურ- ეკონომიკური განვითარების პროგრამიდან გამომდინარე, თვითმმართველ ერთეულში შემავალ ადმინისტრაციულ ერთეულთა განვითარების მუნიციპალური პროგრამებისა და გეგმების პროექტების შემუშავება; ამ პროგრამების განსახორციელებლად თანხებისა და სხვა მატერიალური რესურსების მოზიდვის ორგანიზება;

ი) თვითმმართველი ერთეულის ეკონომიკური განვითარების პრიორიტეტების განსაზღვრა; საერთაშორისო სტანდარტებით დადგენილი ეკონომიკურ-სტრუქტურული მოდელების შექმნის მეთოდოლოგიური განზოგადება და მათი განხორციელების კოორდინაცია; წინადადებების მომზადება იმ პროგრამებში მონაწილეობის შესახებ, რომელიც შეეხება თვითმმართველი ერთეულის სოციალურ-ეკონომიკურ განვითარებას; სხვა თვითმმართველ ერთეულებთან ეკონომიკური თანამშრომლობის პროექტების შედგენა და მათი განხორციელების კოორდინაცია;

კ) თვითმმართველი ერთეულის ეკონომიკური განვითარების პრიორიტეტების განსაზღვრა; საერთაშორისო სტანდარტებით დადგენილი ეკონომიკურ-სტრუქტურული მოდელების შექმნის მეთოდოლოგიური განზოგადება და მათი განხორციელების კოორდინაცია; წინადადებების მომზადება იმ პროგრამებში მონაწილეობის შესახებ, რომელიც შეეხება თვითმმართველი ერთეულის სოციალურ-ეკონომიკურ განვითარებას; სხვა თვითმმართველ ერთეულებთან ეკონომიკური თანამშრომლობის პროექტის შედგენა და მათი განხორციელების კოორდინაცია;

ლ) რეგიონთაშორისი სავაჭრო კავშირების კოორდინაცია; წინადადებების მომზადება თვითმმართველი ერთეულის ტერიტორიაზე ბაზრობების ფუნქციონირებასთან დაკავშირებით;

მ) შიდა სარგებლობის გზების, ტროტუარების, ხიდების, გვირაბების, მდინარის ჯებირების და სხვა საინჟინრო ნაგებობათა შეკეთების და ექსპლუატაციის უზრუნველყოფა; სანიტარ ი ული დასუფთავების ორგანიზაცია, დასახლებებში სახლების ნუმერაცია; ტერიტორიის კეთილმოწყობისა და გამწვანების, პარკების, სკვერების, ბულვარების, წყალსატევების, გამწვანების ზონების მოწყობის ორგანიზება; ქუჩების, ტროტუარებისა და მოედნების დასუფთავების, მყარი ნარჩენების შეგროვების, ნაგავსაყრელების მოწყობის და გამოყენების ორგანიზება; მოსახლეობის საბინაო-კომუნალური და საყოფაცხოვრებო მომსახურების ორგანიზება;

ნ) სარიტუალო მომსახურების ორგანიზება; სასაფლაოების მოვლა-პატრონობა;

ო) (ამოღებულია - 01.11.10 №16-59);

პ)  (ამოღებულია - 01.11.10 №16-59);

ჟ) თვითმმართველი ერთეულის ქონების ფლობის, სარგებლობისა და განკარგვის წესების პროექტის მომზადება; წინადადებების მომზადება მუნიციპალური საწარმოების, დაწესებულებებისა და ორგანიზაციების შექმნის, რეორგანიზაციისა და ლიკვიდაციის, მათ წესდებებში ცვლილებების შეტანის, აგრეთვე საწარმოთა საწესდებო კაპიტალის ცვლილებების შესახებ; თვითმმართველი ერთეულის ქონების აღრიცხვა, ინვენტარიზაცია, კონტროლი ქონების დაცვასა და მიზნობრივ გამოყენებაზე; წინადადებების მომზადება მუნიციპალური ქონების კატეგორიის შეცვლის შესახებ; თვითმმართველი ერთეულის ქონების მართვის გეგმის პროექტის მომზადება; ადგილობრივი ქონების გამოყენების მონიტორინგი და მათი ექსპლუატაციის ეფექტურობის შეფასება; ამორტიზებული ქონების ჩამოწერასთან დაკავშირებული პროექტის მომზადება;

რ) საკრებულოს მიერ დადგენილი წესის შესაბამისად მიწის მართვა, კონტროლი მიწის გამოყენებასა და მიწათსარგებლობის წესების დაცვაზე; მიწის კადასტრის შედგენა და წარმოება;

ს) მოსახლეობისათვის ინფორმაციის მიწოდება ეკოლოგიური მდგომარეობის შესახებ; სტიქიური უბედურობებისა და ავარიებისაგან მოსახლეობის დასაცავად საჭირო ზომების მიღება;

ტ) საქართველოს კანო ნ მდებლობით, სამსახურის დებულებით და გამგებლის დავალებით სხვა უფლებამოსილებათა განხორციელება.

2. სამსახურს უფლება აქვს:

ა) მოითხოვოს და შეუფერხებლად მიიღოს თვითმმართველი ერთეულის სოციალურ-ეკონომიკური განვითარების პროგრამის შედგენა-შესრულების პროცესთან დაკავშირებული მონაცემები; საჭიროების შემთხვევაში ცალკეულ საკითხთა განხილვის, დაზუსტებისა და დამუშავების მიზნით მოიწვიოს გამგეობის სტრუქტურული და ტერიტორიული ორგანოების, დაწესებულებებისა და საწარმოების წარმომადგენლები, სპეციალისტები და მოსთხოვოს საჭირო ინფორმაცია;

ბ) საქართველოს კანონმდებლობით დადგენილი წესით გასცეს ნებართვები თვითმმართველი ერთეულის საკუთრებაში არსებული ბუნებრივი რესურსებით სარგებლობაზე;

გ) შეითანხმოს ბუნებრივ გარმოზე ზემოქმედების მქონე სამეურნეო ობიექტების განლაგების და სამრეწველო საწარმოების მშენებლობის პროექტები;

დ) სამსახურის კომპეტენციაში შემავალ საკითხებზე ჩაატაროს თათბირები და სხვა ორგანიზაციული ღონისძიებები; საჭიროების შემთხვევაში მოიწვიოს სპეციალისტები და ექსპერტები;

ე) განახორციელოს საქართველოს კანონმდებლობით, სამსახურის დებულებითა და გამგებლის დავალებით განსაზღვრული სხვა უფლებამოსილებები.

დმანისის მუნიციპალიტეტის საკრებულოს 2010 წლის 1 ნოემბრის დადგენილება №16-59 - სსმ V, №49, 11.11.2010 წ., მუხ.1441   

    მუხლი 3. სამსახურის სტრუქტურა

1. სამსახურის სტრუქტურ ა შედგება სამსახურის უფროსის, სამსახურის მოხელეებისა და სტრუქტურული ქვედანაყოფის – განყოფილებისაგან .

2. სამსახურის სტრუქტურ ული ქვედანაყოფია დასუფთავების განყოფილება.

3. სამსახურის საქმიანობას წარმართავს სამსახურის უფროსი, რომლის უფლებამოსილება და სამსახურებრივი ფუნქციები განისაზღვრება სამსახურის დებულებითა და სამსახურის უფროსის თანამდებობრივი ინსტრუქციით.

4. სამსახურის განყოფილება შედგება განყოფილების უფროსისა და განყოფილების დამხმარე მოსამსახურეებისაგან.

5. განყოფილების საქმიანობას წარმართავს განყოფილების უფროსი, რომლის უფლებამოსილებები განისაზღვრება თანამდებობრივი ინსტრუქციით. განყოფილების უფროსის არყოფნის შემთხვევაში, გამგებლის დავალებით, განყოფილების უფროსის უფლება-მოვალეობებს ახორციელებს განყოფილების ერთ-ერთი მოსამსახურე.

6. განყოფილების მოსამსახურეების უფლება-მოვალეობები განისაზღვრება შესაბამისი შრომითი ხელშეკრულებით.

7. სამსახურის მოსამსახურეთა თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება გამგეობის დებულებით, “საჯარო სამსახურის შესახებ" საქართველოს კანონის შესაბამისად.

დმანისის მუნიციპალიტეტის საკრებულო ს 2011 წლის 23 თებერვლის დადგენილება №3-11 -ვებგვერდი, 02.03.2011 წ.                                                                                                                                            

    მუხლი 4. დასუფთავების განყოფილება

1. დასუფთავების განყოფილება (შემდგომში – განყოფილება) წარმოადგენს სამსახურის სტრუქტურულ ქვედანაყოფს, რომელიც ემსახურება მოქალაქეთა ლეგიტიმურ ინტერესს, ხელსაყრელ, სამართლიან და ეფექტურ მომსახურებას მყარი ნარჩენების მართვის საკითხებში .

2. განყოფილების ფუნქციაა უზრუნველყოს მოქალაქეთა დროული, კვალიფიციური და სრულყოფილი მომსახურება.

3. განყოფილება თავის საქმიანობაში ხელმძღვანელობს საქართველოს კონსტიტუციით, საქართველოს ორგანული კანონით „ადგილობრივი თვითმმართველობის შესახებ”, საქართველოს ზოგადი ადმინისტრაციული კოდექსით, მუნიციპალიტეტის საკრებულოს, საკრებულოს თავმჯდომარის და გამგებლის ადმინისტრაციულ- სამართლებრივი აქტებით, ამ დებულებით და სხვა საკანონმდებლო/ნორმატიული აქტებით.

4. განყოფილების ძირითადი ფუნქციები და უფლება- მოვალეობებია:

ა) მუნიციპალიტეტის კეთილმოწყობა ;

ბ) ქუჩების დასუფთავება ;

გ) ქალაქის ცენტრში არსებული სკვერების გამწვანება ;

დ) ნაგვის გატანა, უტილიზაცია;

ე) ნაგავსაყრელების მოწყობა და მათი მოვლა-პატრონობა ;

ვ) სანიაღვრე არხების გასუფთავება;

ზ) სისტემატური მონიტორინგი დასახლებული ტერიტორიების დასუფთავების მოსაკრებლის გადახდაზე;

თ ) საქართველოს კანონმდებლობით და ამ დებულებით განსაზღვრული სხვა უფლებამოსილებების განხორციელება.

5. განყოფილებას უფლება აქვს:

ა) მოითხოვოს და შეუფერხებლად მიიღოს ინფორმაცია მუნიციპალიტეტში არსებული შესაბამისი სამსახურებისაგან;

ბ) საჭიროების შემთხვევაში, ცალკეულ საკითხთა დაზუსტების მიზნით, ითანამშრომლოს გამგეობის სტრუქტურულ ერთეულებთან, მუნიციპალიტეტში არსებულ ფიზიკურ და იურიდიულ პირებთან და მოსთხოვოს მათ საჭირო ინფორმაცია.

6. განყოფილების მუშაობის ორგანიზაცია:

ა) განყოფილებას ხელმძღვანელობს განყოფილების უფროსი, რომელსაც თანამდებობაზე ნიშნავს და თანამდებობიდან ანთავისუფლებს მუნიციპალიტეტის გამგებელი;

ბ) განყოფილების უფროსი ანგარიშვალდებულია გამგებლის წინაშე;

გ) განყოფილების უფროსის უფლებამოსილებები და საქმიანობის ძირითადი მიმართულებები განისაზღვრება ამ დებულებით;

დ) განყოფილების უფროსის არყოფნის შემთხვევაში მის მოვალეობებს, გამგებლის დავალებით, ასრულებს განყოფილების ერთ-ერთი მოსამსახურე .

7. განყოფილების მოსამსახურეთა უფლებები და მოვალეობები, მათი ვალდებულება განისაზღვრება ამ დებულებით ა და შრომითი ხელშეკრულებით .

დმანისის მუნიციპალიტეტის საკრებულო ს 2011 წლის 23 თებერვლის დადგენილება №3-11 -ვებგვერდი, 02.03.2011 წ.                                                                                                                                                                                                                                                                            

    მუხლი 5. დასკვნითი დებულებები

1 . სამსახურის საშტატო ნუსხას და თანამდებობრივ ინსტრუქციებს მოქმედი კანონმდებლობის შესაბამისად, გამგებლის წარდგინებით ამტკიცებს საკრებულოს თავმჯდომარე.

2 . სამსახურის საჯარო მოსამსახურეთა თანამდებობრივი სარგოები მოქმედი კანონმდებლობით განსაზღვრული ნორმატივების ფარგლებში მტკიცდება საკრებულოს დადგენილებით. 

3 . სამსახურის რეორგანიზაცია, ლიკვიდაცია, დებულებაში ცვლილებების შეტანა წესრიგდება საქართველოს კანონმდებლობითა და საკრებულოს დადგენილების შესაბამისად.

დმანისის მუნიციპალიტეტის საკრებულო ს 2011 წლის 23 თებერვლის დადგენილება №3-11 -ვებგვერდი, 02.03.2011 წ.                                                                                                                                             

Annotate