1. ამ ინსტრუქციის მიზანია საქართველოს საბანკო დაწესებულებებში (კომერციული ბანკი, მიკრობანკი) (შემდგომში – ბანკი) საერთაშორისო საბანკო ანგარიშის ნომრის გამოყენების პრინციპებისა და პროცედურის დადგენა, საბანკო ანგარიშების ნომრის სტანდარტიზაცია, საერთაშორისო საბანკო ანგარიშის ნომრის გამოყენებით უნაღდო ანგარიშსწორების ხელშეწყობა და საერთაშორისო გადარიცხვების განსახორციელებლად საჭირო ინფორმაციის სიზუსტის ხარისხის გაზრდა.

2. ამ ინსტრუქციით განისაზღვრება საერთაშორისო საბანკო ანგარიშის ნომრის სტრუქტურა და ფორმატი, გენერირებისა და ვალიდაციის (სანდოობის შემოწმება) ტექნიკა, ასევე ელექტრონულ და მატერიალიზებულ დოკუმენტებზე საერთაშორისო საბანკო ანგარიშის ნომრის ასახვის მოთხოვნები.

საქართველოს ეროვნული ბანკის პრეზიდენტის 2023 წლის 27 ივნისის ბრძანება №145/04 - ვებგვერდი, 28.06.2023 წ.

მუხლი 2. ინსტრუქციის გამოყენების სფერო

საერთაშორისო საბანკო ანგარიშის ნომრის ფორმატში გამოყენებას ექვემდებარება ბანკის კლიენტების ანგარიშები (ეროვნულ და უცხოურ ვალუტაში), რომლებიც გამოიყენება საანგარიშსწორებო ოპერაციებში, ასევე შიდასაბანკო ანგარიშები (ეროვნულ და უცხოურ ვალუტაში), რომლებიც მონაწილეობენ ბანკთაშორის ანგარიშსწორებაში.

მუხლი 3. ტერმინთა განმარტება

1. ამ ინსტრუქციაში გამოყენებულ ტერმინებს აქვთ შემდეგი მნიშვნელობები:

ა) საერთაშორისო საბანკო ანგარიშის ნომერი (IBAN) – ამ ინსტრუქციით დადგენილი წესით და ISO 13616 სტანდარტის შესაბამისად გენერირებული უნიკალური საიდენტიფიკაციო ნომერი, რომელიც წარმოადგენს ლათინური სიმბოლოების და არაბული ციფრების 22 (ოცდაორი) ერთეულის კომბინაციას, და რომელიც გამოიყენება საბანკო ანგარიშის აღნიშვნისათვის;

ბ) სხვა სახის ანგარიშის ნომერი – საბანკო ანგარიშის ნომერი, რომელიც არ წარმოადგენს IBAN-ს;

გ) IBAN-ის გენერირება – დანართ № 1-ში აღწერილი პროცედურის შესაბამისად საბანკო ანგარიშისათვის საერთაშორისო საბანკო ანგარიშის ნომრის შექმნის პროცესი;

დ) IBAN-ის ვალიდაცია – IBAN-ის შემოწმების პროცესი, რომელიც მოიცავს IBAN-ის ფორმატის შესაბამისობის დადგენას ამ ინსტრუქციის მე-7 მუხლში და დანართ № 1-ში აღწერილი პროცედურების მიხედვით;

ე) ქვეყნის კოდი – ISO 3166-1 სტანდარტით დადგენილი ქვეყნის აღმნიშვნელი ორი ლათინური სიმბოლო, რომელიც გამოსახულია ბანკის მიერ გენერირებულ IBAN-ში;

ვ) ბანკის კოდი – ამ ინსტრუქციის დანართი №2- ით განსაზღვრული ბანკის ორი ლათინური სიმბოლოს კომბინაცია, რომელიც წარმოადგენს IBAN– ის ნაწილს და გამოიყენება იმ ბანკის იდენტიფიკაციისათვის, რომელშიც გახსნილია ანგარიში;

ზ) საკონტროლო გასაღები – ორნიშნა რიცხვი, რომელიც გენერირებულია ამ ინსტრუქციის დანართი № 1 შესაბამისად, წარმოადგენს IBAN-ის ნაწილს და უზრუნველყოფს IBAN-ის სისწორის დადგენას ვალიდაციის პროცესში.

2. ამ ინსტრუქციაში გამოყენებულ სხვა ტერმინებს აქვთ „საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის № 166 ბრძანებით დამტკიცებული წესებით განსაზღვრული მნიშვნელობები.

საქართველოს ეროვნული ბანკის პრეზიდენტის 2012 წლის 14 სექტემბრის ბრძანება №86/04 - ვებგვერდი, 19.09.2012წ.

მუხლი 4. IBAN-ის სტრუქტურა

1. საქართველოში ბანკის მიერ გენერირებული IBAN შედგება 22 (ოცდაორი) სიმბოლოსაგან და მოიცავს შემდეგ კომპონენტებს:

ა) ქვეყნის კოდი;

ბ) საკონტროლო გასაღები;

გ) ბანკის კოდი;

დ) ბანკის მიერ ანგარიშისათვის მინიჭებული არაბული ციფრების კომბინაცია.

2. IBAN-ში აკრძალულია ნებისმიერი სიმბოლოს გამოყენება, გარდა არაბული ციფრებისა 0-დან 9-მდე და ლათინური დიდი ზომის სიმბოლოებისა A–დან Z–მდე.

3. IBAN არის ერთიანი და დაუშვებელია მისი რომელიმე ნაწილის განცალკევებით გამოყენება ანგარიშსწორებისას ან საბანკო ოპერაციებთან დაკავშირებულ დოკუმენტებში.

მუხლი 5. IBAN-ის ფორმატის რეგისტრაცია

1. საქართველოს ეროვნული ბანკი ( შემდგომში – ეროვნული ბანკი ) ახდენს ბანკის მიერ გამოსაყენებელი IBAN-ის ფორმატის რეგისტრაციას მსოფლიო ბანკთაშორისი საფინანსო ტელეკომუნიკაციებისსაზოგადოებაში (SWIFT).

2. (ამოღებულია - 14.09.2012, №86/04).

3. ეროვნული ბანკი უზრუნველყოფს ბანკის კოდების გამოქვეყნებას ეროვნული ბანკის ვებგვერდზე - www.nbg.gov.ge.

მუხლი 6. IBAN-ის გამოყენება ბანკის მიერ

1. ამ ინსტრუქციით გათვალისწინებული პირობებით, ბანკი ვალდებულია:

ა)უზრუნველყოს IBAN-ის გამოყენება ბანკის კლიენტების ანგარიშების მიმართ (ეროვნულ და უცხოურ ვალუტაში), ასევე შიდასაბანკო ანგარიშების მიმართ (ეროვნულ და უცხოურ ვალუტაში), რომლებიც გამოიყენება ბანკთაშორის ანგარიშსწორებაში;

ბ) უზრუნველყოს IBAN-ის გამოყენება ამ მუხლის პირველი პუნქტის „ა“ ქვეპუნქტში განსაზღვრულ ანგარიშებთან დაკავშირებულ ნებისმიერ როგორც ელექტრონულ, ისე მატერიალიზებულ დოკუმენტზე;

გ) უზრუნველყოს IBAN-ის გამოყენება ამ მუხლის პირველი პუნქტის „ა“ ქვეპუნქტში განსაზღვრულ ანგარიშებთან დაკავშირებულ ელექტრონულ საგადახდო შეტყობინებებში და ამ ანგარიშებთან დაკავშირებული ნებისმიერი საბანკო ოპერაციის შესრულებისას;

დ) უზრუნველყოს IBAN-ის ვალიდაცია ამ ინსტრუქციით დადგენილი პროცედურის შესაბამისად;

ე) ამ ინსტრუქციით დადგენილ ვადებში, სხვა სახის ანგარიშის ნომრით აღნიშნული ანგარიშებისათვის მოახდინოს IBAN-ის გენერირება და უზრუნველყოს ანგარიშის მფლობელის ინფორმირება აღნიშნულის თაობაზე.

2. ბანკი ვალდებულია IBAN-ის გენერირება მოახდინოს დანართ № 1-ში აღწერილი პროცედურის შესაბამისად. ანგარიშის ნომერი, რომლის გენერირების პრინციპი არ შეესაბამება ამ ინსტრუქციას, მიიჩნევა სხვა სახის ანგარიშის ნომრად.

3. ბანკი ვალდებულია ამ ინსტრუქციით დადგენილ ვადებში უზრუნველყოს თავისი შიდა საბანკო სისტემების მზადყოფნა IBAN-ის გამოყენებისათვის.

მუხლი 7. IBAN-ის ვალიდაცია ბანკის მიერ

1. IBAN-ის ვალიდაცია წარმოადგენს ამ ინსტრუქციის დანართი № 1-ის შესაბამისად IBAN-ის ფორმატის შესაბამისობის დადგენის პროცესს.

2. ვალიდაციის პროცესი მოიცავს შემდეგ საფეხურებს:

ა) ქვეყნის კოდის შემოწმება;

ბ) ფორმატში სიმბოლოების რაოდენობის კონტროლი ქვეყნის კოდის მიხედვით;

გ) 2-ნიშნიანი რიცხვითი საკონტროლო გასაღების შემოწმება;

დ) ფორმატის შემადგენელი ალფაბეტური და ციფრული სიმბოლოების სტრუქტურის კონტროლი (მხოლოდ საქართველოს ბანკების მიერ გენერირებული IBAN-სთვის);

ე) IBAN-ში ბანკის აღმნიშვნელი კოდის კონტროლი (მხოლოდ საქართველოს ბანკების მიერ გენერირებული IBAN-სთვის.

მუხლი 8. გარდამავალი დებულებები

1. 2010 წლის 3 მაისიდან, ბანკი ვალდებულია IBAN მიანიჭოს ამ ინსტრუქციის მე–6 მუხლის პირველი პუნქტის „ა“ ქვეპუნქტით განსაზღვრულ ანგარიშებს მათი გახსნისას.

2. ბანკი ვალდებულია 2013 წლის 1 იანვრამდე, უზრუნველყოს ბანკში არსებული, ამ ინსტრუქციის მე-6 მუხლის პირველი პუნქტის „ა“ ქვეპუნქტით განსაზღვრული სხვა სახის ანგარიშების ნომრების, ამ ინსტრუქციის შესაბამისად, IBAN-ის ფორმატში წარმოდგენა.

3. ამ მუხლის მე–2 პუნქტში განსაზღვრული ვადის გასვლის შემდეგ ბანკს ეკრძალება ამ ინსტრუქციის მე-6 მუხლის პირველი პუნქტის „ა“ ქვეპუნქტით განსაზღვრულ ანგარიშებთან დაკავშირებული მომსახურების გაწევა სხვა სახის ანგარიშის ნომრის გამოყენებით.

4. 2013 წლის 1 იანვრამდე, ბანკს უფლება აქვს, ამ ინსტრუქციის მე-6 მუხლის პირველი პუნქტის „ა“ ქვეპუნქტით განსაზღვრული ანგარიშებისათვის გამოიყენოს როგორც IBAN-ის , ისე სხვა სახის ანგარიშის ნომერი.

5. სხვა სახის ანგარიშების ნომრების ამ ინსტრუქციასთან შესაბამისობის მოყვანისას, ბანკი ვალდებულია კლიენტებს მიაწოდოს ინფორმაცია მათი საბანკო ანგარიშებისათვის IBAN-ის მინიჭების შესახებ. ბანკი უფლებამოსილია თავად განსაზღვროს სხვა სახის ანგარიშის ნომრების ამ ინსტრუქციასთან შესაბამისობაში მოყვანისა და ამის თაობაზე კლიენტების ინფორმირების პროცედურა.

საქართველოს ეროვნული ბანკის პრეზიდენტის 2010 წლის 26 მარტის ბრძანება №47/01-სსმ III, №233, 31.03.2010წ; მუხ.505

მუხლი 9. პასუხისმგებლობა

ბანკის მიერ ამ ინსტრუქციით გათვალისწინებული ვალდებულებების დარღვევა გამოიწვევს საქართველოს კანონმდებლობით გათვალისწინებული საზედამხედველო ზომების ან/და სანქციის (ფულადი ჯარიმის) დაკისრებას.

საქართველოს ეროვნული ბანკის პრეზიდენტის 2020 წლის 27 აპრილის ბრძანება №93/04 - ვებგვერდი, 28.04.2020 წ.

დანართი №1

IBAN-ის სტრუქტურა და საკონტროლო გასაღების
გენერირებისა და ვალიდაციის მეთოდი

1. საქართველოს ბანკების მიერ გენერირებული IBAN-ის სიგრძე იქნება 22 სიმბოლო, სადაც 1-2 პოზიცია დაეთმობა ქვეყნის კოდს, 3-4 საკონტროლო გასაღებს, 5-6 ბანკის კოდს, ხოლო 7-22 (16) სიმბოლო გამოყენებული იქნება ბანკის მიერ ანგარიშისათვის ციფრების კომბინაციისათვის, აქედან 7-22 პოზიციებზე განლაგებული სიმბოლოები ყოველთვის უნდა იყოს არაბული ციფრები. ამის გარდა, აღნიშნულ ფორმატში გამოყენებული იქნება ციფრები და მხოლოდ ლათინური დიდი ზომის სიმბოლოები, ფორმატის ნიმუში: GE29NB0000000101904917.

2. ანგარიშის ქაღალდზე გადატანის დროს შესაძლებელია მისი შემდეგი სახით წარმოდგენა: GE29 NB00 0000 0101 9049 17.

3. დეტალური ტექნიკური მახასიათებლები:

ა)IBAN ფორმატში წარმოდგენილი ანგარიშების ნომრების საერთო სიგრძე: 22!c;

ბ)IBAN ფორმატის სტრუქტურა: GE2!n2!a16!n (ცხრილი № 1);

გ) GE – ქვეყნის კოდი ISO 3166-1 სტანდარტის შესაბამისად, გამოხატულია 2-ნიშნიანი ალფაბეტური ლათინური სიმბოლოთი;

დ) საკონტროლო გასაღები – ციფრები 2 სიმბოლოს კომბინაცია წარმოადგენს რიცხვს, რომელიც დგინდება ფორმატის სხვა ყველა დანარჩენი სიმბოლოების მნიშვნელობის მიხედვით. გასაღები გამოითვლება ISO/IEC 7064 (MOD97-10)-ის შესაბამისად. ალფაბეტური სიმბოლოების რიცხვითად გადაკეთება ხორციელდება ცხრილიდან (იხ. ცხრილი № 2).

4. საკონტროლო გასაღები გენერირდება შემდეგი მეთოდით:

ა) გამოსათვლელი საკონტროლო გასაღები ჩავთვალოთ რომ არის 00 (ნულები) და ჩავსვათ ფორმატში

GE00NB0000000101904917

ბ) პირველი ოთხი სიმბოლო გადაგვაქვს ანგარიშის ნომრის ბოლოს

NB0000000101904917GE00

გ) მოცემული ცხრილის (ცხრილი № 2) მიხედვით ალფაბეტური სიმბოლოები ჩანაცვლდება რიცხვული მნიშვნელობებით (A=10, B=11, … Z=35)

NB0000000101904917GE00 (N=23, B=11, G=14, E=16)

23110000000101904917161400

პირობითად ეს რიცხვი აღვნიშნოთ ლათინური სიმბოლოთი - n

დ) საკონტროლო გასაღების მისაღებად უნდა გამოვითვალოთ ამ რიცხვის MOD 97-10, რომელიც გამოითვლება შემდეგი ფორმულით:

MOD (n; 97) = n – 97 * INT (n/97), სადაც INT არის რიცხვის მთელი ნაწილი.

მოცემული ანგარიშის ნომრის საკონტროლო გასაღები იქნება 98-ს გამოკლებული ეს რიცხვი. ერთნიშნა რიცხვის მიღების შემთხვევაში მას თავში ემატება 0 (ნული).

თუ მოცემულ ფორმულაში ჩავსვამთ ჩვენ მიერ გამოყენებულ ანგარიშის ნომრის მაგალითს, მაშინ მივიღებთ:

98 – MOD (23110000000101904917161400; 97) =

98 – (23110000000101904917161400 – 97 * INT (23110000000101904917161400/97)) =

98 – 69 = 29

ანგარიშის ნომრის საკონტროლო გასაღებია 29

GE29NB0000000101904917

5. საკონტროლო გასაღების ვალიდაცია ხორციელდება შემდეგი მეთოდით:

აღნიშნული მეთოდით ხორციელდება გასაღების შესაბამისობის დადგენა:

ა) პირველი ოთხი სიმბოლო გადაგვაქვს ანგარიშის ნომრის ბოლოს

NB0000000101904917GE29

ბ) მოცემული ცხრილის (ცხრილი № 2) მიხედვით ალფაბეტური სიმბოლოები ჩანაცვლდება რიცხვული მნიშვნელობებით (A=10, B=11, … Z=35)

NB0000000101904917GE29 (N=23, B=11, G=14, E=16)

23110000000101904917161429

გ) საკონტროლო გასაღების შესაბამისობის დასადგენად უნდა გამოვითვალოთ ამ რიცხვის MOD 97-10. თუ მიღებული ნაშთი ტოლია 1-ის, მაშინ საკონტროლო გასაღები სწორია.

ცხრილი №1. გამოყენებული სიმბოლოების განმარტებები

n	ციფრები (0- დან 9-მდე)
a	ასოები ლათინური ანბანიდან (სიმბოლოები A-Z)
c	დიდი და პატარა ზომის ლათინური ანბანის ან ციფრული სიმბოლოები (A-Z, a-z და 0-9)
!	აღნიშნავს სიმბოლოების ფიქსირებულ რაოდენობას (მაგ: 2!n)

ცხრილი №2. საკონტროლო გასაღების გამოსათვლელი ლათინური სიმბოლოების

ციფრულში გადასაყვანი ცხრილი

A = 10	G = 16	M = 22	S = 28	Y = 34
B = 11	H = 17	N = 23	T = 29	Z = 35
C = 12	I = 18	O = 24	U = 30
D = 13	J = 19	P = 25	V = 31
E = 14	K = 20	Q = 26	W = 32
F = 15	L = 21	R = 27	X = 33

დანართი №2

№	ბანკის დასახელება	IBAN კოდი
1	საქართველოს ეროვნული ბანკი	NB
2	სს „ბაზისბანკი“	BS
3	სს „ბანკი ქართუ“	CR
4	სს „სილქ ბანკი“	BT
5	სს „ვითიბი ბანკი ჯორჯია“	VT
6	სს „ზირაათ ბანკი საქართველო“	ZB
7	სს „თიბისი ბანკი“	TB
8	სს „ტერაბანკი“	KS
9	სს „პროკრედიტ ბანკი“	PC
10	სს „საქართველოს ბანკი“	BG
11	სს „ლიბერთი ბანკი“	LB
12	სს „ხალიკ ბანკი საქართველო“	HB
13	სს „იშბანკი საქართველო“	IS
14	სს „პაშა ბანკი საქართველო“	PB
15	სს „კრედო ბანკი“	CD
16	სს „პეისერა ბანკი საქართველო“	PS.

საქართველოს ეროვნული ბანკის პრეზიდენტის 2012 წლის 14 სექტემბრის ბრძანება №86/04 - ვებგვერდი, 19.09.2012წ

საქართველოს ეროვნული ბანკის პრეზიდენტის 2013 წლის 22 თებერვლის ბრძანება №20/04 - ვებგვერდი, 26.02.2013წ.

საქართველოს ეროვნული ბანკის პრეზიდენტის 2013 წლის 5 ივნისის ბრძანება №58/04 - ვებგვერდი, 06.06.2013წ.

საქართველოს ეროვნული ბანკის პრეზიდენტის 2013 წლის 9 სექტემბრის ბრძანება №86/04 - ვებგვერდი, 10.09.2013წ.

საქართველოს ეროვნული ბანკის პრეზიდენტის 2014 წლის 11 აგვისტოს ბრძანება №76/04 - ვებგვერდი, 11.08.2014წ.

საქართველოს ეროვნული ბანკის პრეზიდენტის 2014 წლის 15 დეკემბრის ბრძანება №123/04 - ვებგვერდი, 15.12.2014წ.

საქართველოს ეროვნული ბანკის პრეზიდენტის 2015 წლის 17 აპრილის ბრძანება N43/04 - ვებგვერდი, 17.04.2015წ.

საქართველოს ეროვნული ბანკის პრეზიდენტის 2015 წლის 11 მაისის ბრძანება N51/04 - ვებგვერდი, 11.05.2015წ.

საქართველოს ეროვნული ბანკის პრეზიდენტის 2015 წლის 4 აგვისტოს ბრძანება №75/04 - ვებგვერდი, 04.08.2015წ.

საქართველოს ეროვნული ბანკის პრეზიდენტის 2015 წლის 10 აგვისტოს ბრძანება №77/04- ვებგვერდი, 11.08.2015წ.

საქართველოს ეროვნული ბანკის პრეზიდენტის 2015 წლის 10 ნოემბრის ბრძანება №106/04- ვებგვერდი, 11.11.2015წ.

საქართველოს ეროვნული ბანკის პრეზიდენტის 2016 წლის 24 მაისის ბრძანება №53/04 - ვებგვერდი, 25.05.2016წ.

საქართველოს ეროვნული ბანკის პრეზიდენტის 2016 წლის 5 სექტემბრის ბრძანება №89/04 - ვებგვერდი, 06.09.2016წ.

საქართველოს ეროვნული ბანკის პრეზიდენტის 2016 წლის 26 ოქტომბრის ბრძანება №117/04 - ვებგვერდი, 26.10.2016წ.

საქართველოს ეროვნული ბანკის პრეზიდენტის 2016 წლის 15 ნოემბრის ბრძანება №130/04 - ვებგვერდი, 16.11.2016წ.

საქართველოს ეროვნული ბანკის პრეზიდენტის 2017 წლის 24 მარტის ბრძანება №40/04 - ვებგვერდი, 24.03.2017წ.

საქართველოს ეროვნული ბანკის პრეზიდენტის 2017 წლის 1 მაისის ბრძანება №57/04 - ვებგვერდი, 02.05.2017წ.

საქართველოს ეროვნული ბანკის პრეზიდენტის 2017 წლის 10 მაისის ბრძანება №68/04 - ვებგვერდი, 11.05.2017წ.

საქართველოს ეროვნული ბანკის პრეზიდენტის 2017 წლის 4 აგვისტოს ბრძანება №115/04 - ვებგვერდი, 07.08.2017წ.

საქართველოს ეროვნული ბანკის პრეზიდენტის 2018 წლის 25 ივლისის ბრძანება №168/04 - ვებგვერდი, 25.07.2018წ.

საქართველოს ეროვნული ბანკის პრეზიდენტის 2021 წლის 20 ოქტომბრის ბრძანება №149/04 - ვებგვერდი, 22.10.2021 წ.

საქართველოს ეროვნული ბანკის პრეზიდენტის 2021 წლის 31 დეკემბრის ბრძანება №191/04 - ვებგვერდი, 31.12.2021 წ.

საქართველოს ეროვნული ბანკის პრეზიდენტის 2022 წლის 31 ოქტომბრის ბრძანება №150/04 - ვებგვერდი, 01.11.2022 წ.

გამოსვლა შენახვა

Annotate

როგორ დავიმოწმოთ

საქართველოს ეროვნული ბანკის პრეზიდენტის ბრძანება „საქართველოს საბანკო დაწესებულებებში საერთაშორისო საბანკო ანგარიშის ნომრის გამოყენების შესახებ ინსტრუქციის დამტკიცების თაობაზე“, №44/01, 17.03.2010, სარეგისტრაციო კოდი 220010040.18.011.014360 (კონსოლიდირებული რედაქცია 27.06.2023). ხელმისაწვდომია: https://legali.ge/law/1009459-26/

შემდგომი ცვლილებები (3)

წინა ცვლილებები (26)

დოკუმენტის ტექსტი

მუხლი 9. პასუხისმგებლობა🔗

მუხლი 1. ზოგადი დებულებები🔗

მუხლი 2. ინსტრუქციის გამოყენების სფერო🔗

მუხლი 3. ტერმინთა განმარტება🔗

მუხლი 4. IBAN-ის სტრუქტურა🔗

მუხლი 5. IBAN-ის ფორმატის რეგისტრაცია🔗

მუხლი 6. IBAN-ის გამოყენება ბანკის მიერ🔗

მუხლი 7. IBAN-ის ვალიდაცია ბანკის მიერ🔗

მუხლი 8. გარდამავალი დებულებები🔗

მუხლი 9. პასუხისმგებლობა🔗

როგორ დავიმოწმოთ