სესხების უზრუნველყოფის სახეობების განსაზღვრის შესახებ

სახელმწიფო სარეგისტრაციო კოდი 220.010.070.11.004.014.548

საქართველოს ეროვნული ბანკის

საბჭოს დადგენილება №3

2010 წლის 23 აპრილი

ქ. თბილისი

სესხების უზრუნველყოფის სახეობების განსაზღვრის შესახებ

„საქართველოს ეროვნული ბანკის შესახებ“ საქართველოს ორგანული კანონის მე-9 მუხლის „ვ“ ქვეპუნქტისა და 31-ე მუხლის მე-2 პუნქტის საფუძველზე, საქართველოს ეროვნული ბანკის საბჭო ადგენს:

    მუხლი 1.

 სესხის უზრუნველყოფის სახეობებს წარმოადგენს:

1. საქართველოს ეროვნული ბანკის და საქართველოს მთავრობის მიერ გამოშვებული და პირდაპირ და უპირობოდ გარანტირებული ფასიანი ქაღალდი;

2. საერთაშორისო საბანკო გარანტია;

3. კომერციული ბანკის სასესხო აქტივები.

    მუხლი 2.

 საქართველოს ეროვნული ბანკის საბჭომ შეიძლება დაადგინოს ეროვნული ბანკისათვის მისაღები კრიტერიუმები და პირობები სესხის უზრუნველყოფის თითოეული სახეობის მიხედვით.

    მუხლი 3.

ამ დადგენილების დაუყოვნებლივ ამოქმედება განპირობებულია საქართველოში ფულადი ბაზრის განვითარებისა და მონეტარული პოლიტიკის გადაცემის მექანიზმის ამოქმედების აუცილებლობით.

    მუხლი 4.

ეს დადგენილება ამოქმედდეს დაუყოვნებლივ.

გ. ქადაგიძე