საჯარო სამართლის იურიდიული პირის – კულტურული მემკვიდრეობის დაცვის ეროვნული სააგენტოს შექმნის შესახებ

საქართველოს პრეზიდენტის

ბრძანებულება №533

2008 წლის 3 ნოემბერი

ქ. თბილისი

საჯარო სამართლის იურიდიული პირის – საქართველოს კულტურული მემკვიდრეობის დაცვის ეროვნული სააგენტოს შექმნის შესახებ

საქართველოს პრეზიდენტის 2008 წლის 26 დეკემბრის №624 ბრძანებულება - სსმ III, №184, 26.12.2008 წ., მუხ.1886

საქართველოს კულტურული მემკვიდრეობის მოვლა-პატრონობის, კულტურული მემკვიდრეობის ნიმუშებით მდიდარი ტერიტორიების ეფექტიანი მართვის, ქართული კულტურის კვლევისა და პოპულარიზაციის ხელშეწყობის მიზნით:

1. საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, რეორგანიზებულ იქნენ საჯარო სამართლის იურიდიული პირები: სტეფანწმინდის ისტორიული მუზეუმი, დიდი მცხეთის არქეოლოგიური სახელმწიფო მუზეუმ-ნაკრძალი, ვარძიის ისტორიულ-არქიტექტურული მუზეუმ-ნაკრძალი, უფლისციხის ისტორიულ-არქიტექტურული მუზეუმ-ნაკრძალი, კლდეკარის ისტორიულ-არქიტექტურული მუზეუმ-ნაკრძალი, ქსნის ხეობის ისტორიულ-არქიტექტურული მუზეუმ-ნაკრძალი, პარმენ ზაქარაიას სახელობის ნოქალაქევის არქიტექტურულ-არქეოლოგიური მუზეუმ-ნაკრძალი, ექვთიმე თაყაიშვილის სახელობის გურიის მხარის არქეოლოგიური მუზეუმ-ნაკრძალი, დიდი ლიახვის ხეობის სახელმწიფო მუზეუმ-ნაკრძალი, გონიო-აფსაროსის არქეოლოგიურ-არქიტექტურული მუზეუმ-ნაკრძალი, ქუთაისის ისტორიულ-არქიტექტურული მუზეუმ-ნაკრძალი, პეტრა-ციხის არქეოლოგიურ-არქიტექტურული მუზეუმ-ნაკრძალი, ბორჯომის მხარეთმცოდნეობის მუზეუმი, ნიკო ფიროსმანაშვილის სახელმწიფო მუზეუმი და მათ ბაზაზე შეიქმნას საჯარო სამართლის იურიდიული პირი – საქართველოს კულტურული მემკვიდრეობის დაცვის ეროვნული სააგენტო (შემდეგში – სააგენტო), რომელიც წარმოადგენს მათ სამართალმემკვიდრეს.

საქართველოს პრეზიდენტის 20 08 წლის 7 ნოემბრის № 540 ბრძანებულება - სსმ III, № 161 , 07 .11.200 8 წ., მუხ. 1622

საქართველოს პრეზიდენტის 2008 წლის 26 დეკემბრის №624 ბრძანებულება - სსმ III, №184, 26.12.2008 წ., მუხ.1886

2. საქართველოს კულტურის, ძეგლთა დაცვისა და სპორტის სამინისტრომ:

ა) განახორციელოს სააგენტოს სახელმწიფო კონტროლი;

ბ) უზრუნველყოს სააგენტოს დებულების დამტკიცება და წარმომადგენლობაზე უფლებამოსილი პირის დანიშვნა;

გ) უზრუნველყოს ამ ბრძანებულების პირველი პუნქტით გათვალისწინებული დაწესებულებების რეორგანიზაციასა და სააგენტოს შექმნასთან დაკავშირებული კანონმდებლობით გათვალისწინებული ღონისძიებების განხორციელება.

3. საქართველოს კულტურული მემკვიდრეობის დაცვის, განვითარებისა და ზედამხედველობის სფეროში სააგენტოს ფუნქციების განსაზღვრის მიზნით, საქართველოს მთავრობამ უზრუნველყოს შესაბამის საკანონმდებლო აქტებში ცვლილებების შეტანის თაობაზე კანონის პროექტების მომზადება და საქართველოს პარლამენტში საკანონმდებლო ინიციატივის წესით წარდგენა.

საქართველოს პრეზიდენტის 2008 წლის 26 დეკემბრის №624 ბრძანებულება - სსმ III, №184, 26.12.2008 წ., მუხ.1886

4. საქართველოს კულტურის, ძეგლთა დაცვისა და სპორტის სამინისტრომ უზრუნველყოს სააგენტოსა და საქართველოს კულტურული მემკვიდრეობის დაცვის პროგრამის დაფინანსების ასახვა წლიური საბიუჯეტო კანონის პროექტით საქართველოს კულტურის, ძეგლთა დაცვისა და სპორტის სამინისტროსათვის გათვალისწინებული ასიგნებების ფარგლებში.

საქართველოს პრეზიდენტის 2008 წლის 26 დეკემბრის №624 ბრძანებულება - სსმ III, №184, 26.12.2008 წ., მუხ.1886

5. საქართველოს ეკონომიკური განვითარების სამინისტრომ საქართველოს კულტურის, ძეგლთა დაცვისა და სპორტის სამინისტროს წინადადებების შესაბამისად უზრუნველყოს ამ ბრძანებულების პირველ პუნქტში მითითებულ დაწესებულებებთან დაკავშირებული უძრავ-მოძრავი ქონების სააგენტოსათვის კანონმდებლობით დადგენილი წესით გადაცემა.

6. ეს ბრძანებულება ამოქმედდეს გამოქვეყნებისთანავე.

მ. სააკაშვილი

შეტანილი ცვლილებები:

1. საქართველოს პრეზიდენტის 2008 წლის 7 ნოემბრის №540 ბრძანებულება - სსმ III, №161, 07.11.2008 წ., მუხ.1622

2. საქართველოს პრეზიდენტის 2008 წლის 26 დეკემბრის №624 ბრძანებულება - სსმ III, №184, 26.12.2008 წ., მუხ.1886

 

Annotate