ჩხოროწყუს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ

ჩხოროწყუს მუნიციპალიტეტის საკრებულო ს

დადგენილება №20

2010 წლის 4 ოქტომბერი

დ. ჩხოროწყუ

ჩხოროწყუს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 38-ე მუხლის მე-7 პუნქტის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად, ჩხოროწყუს მუნიციპალიტეტის საკრებულო მ დაადგინა:

1. დამტკიცდეს ჩხოროწყუს მუნიციპალიტეტის გამგეობის ადმინისტრაციული სამსახურის თანდართული დებულება.

2. ამ დადგენილების ამოქმედებისთანავე ძალადაკარგულად ჩაითვალოს „ჩხოროწყუს მუნიციპალიტეტის გამგეობის ადმინისტრაციის დებულების დამტკიცების შესახებ“ ჩხოროწყუს მუნიციპალიტეტის საკრებულოს 2007 წლის 24 იანვრის №14 დადგენილება.

3. ეს დადგენილება ამოქმედდეს კანონმდებლობით დადგენილი წესით გამოქვეყნებისთანავე.

საკრებულოს თავმჯდომარე      გ. ლემონჯავა

შეტანილი ცვლილებები:

1. ჩხოროწყუს მუნიციპალიტეტის საკრებულოს 2010 წლის 28 დეკემბრის დადგენილება №44 - ვებგვერდი, 18.01.2011წ.

დანართი №1

ჩხოროწყუს მუნიციპალიტეტის გამგეობის ადმინისტრაციული სამსახურის დებულება

    მუხლი 1. ზოგადი დებულებანი

1. ეს დებულება შემუშავებულია „ადგილობრივი თვითმმართველობის შესახებ“ საქართველოს ორგანული კანონისა და „ჩხოროწყუს მუნიციპალიტეტის გამგეობის დებულების დამტკიცების შესახებ“  ჩხოროწყუს მუნიციპალიტეტის საკრებულოს 2010 წლის 4 ოქტომბრის №18 დადგენილების შესაბამისად.

2. ჩხოროწყუს მუნიციპალიტეტის გამგეობის ადმინისტრაციული სამსახური (შემდეგში _ სამსახური) არის ჩხოროწყუს მუნიციპალიტეტის გამგეობის სტრუქტურული ერთეული, რომელიც  თავისი კომპეტენციის ფარგლებში მოქმედებს მუნიციპალიტეტის მთელ ტერიტორიაზე.

3. სამსახური თავის საქმიანობაში ხელმძღვანელობს საქართველოს კონსტიტუციით, „ადგილობრივი თვითმმართველობის შესახებ“ საქართველოს ორგანული კანონით, „ჩხოროწყუს მუნიციპალიტეტის გამგეობის დებულების დამტკიცების შესახებ“ ჩხოროწყუს მუნიციპალიტეტის საკრებულოს  დადგენილებით, მუნიციპალიტეტის საკრებულოსა და საკრებულოს თავმჯდომარის სამართლებრივი აქტებით, ამ დებულებითა და სხვა სამართლებრივი აქტებით.

4. სამსახურს აქვს ბეჭედი და ბლანკი საკუთარი სახელწოდებით.

5. სამსახური ანგარიშვალდებულია და პასუხისმგებელია მუნიციპალიტეტის გამგებლის წინაშე.

6. სამსახურის დაფინანსება ხორციელდება თვითმმართველი ერთეულის ბიუჯეტიდან.

7. სამსახურის იურიდიული მისამართია: დ. ჩხოროწყუ, სტალინის ქ. №5.

    მუხლი 2. სამსახურის უფლებამოსილება

სამსახური:

1. უზრუნველყოფს კორესპონდენციის მიღებასა და ადრესატებისათვის გადაგზავნას;

2. ორგანიზაციულად უზრუნველყოფს გამგებლის სამართლებრივი აქტებისა და სხვა დოკუმენტების გაფორმებას, რედაქტირებას, რეგისტრაციას და გამოქვეყნებას;

3. ორგანიზაციულ დახმარებას უწევს გამგეობის საჯარო მოსამსახურეებს კანონით განსაზღვრული უფლებამოსილების განხორციელებაში;

4. ახორციელებს გამგებლის და გამგეობის მიერ ღონისძიებების ჩატარების ორგანიზაციულ უზრუნველყოფას;

5. ორგანიზებას უწევს გამგებლისა და გამგეობის თანამდებობის პირების შეხვედრებს მოსახლეობასთან სხვა (მათ შორის, საზღვარგარეთ) თვითმმართველ ერთეულებთან და საერთაშორისო ორგანიზაციებთან; გამგეობის კავშირს სტრუქტურულ ერთეულებთან და ტერიტორიულ ორგანოებთან;

6. უზრუნველყოფს გამგეობის მოსამსახურეთა პირადი საქმეების და სხვა საკადრო დოკუმენტაციის შედგენას, აღრიცხვასა და წარმოებას;

7. ორგანიზაციას უწევს გამგეობის მოსამსახურის ვაკანტურ თანამდებობებზე კონკურსის გამოცხადებასა და ჩატარებას, გამგეობის მოსამსახურეთა პერიოდულ ატესტაციას;

8. აკონტროლებს გამგეობის მოსამსახურეთა მიერ „საჯარო სამსახურის შესახებ“ საქართველოს კანონის და შინაგანაწესის მოთხოვნათა დაცვას; ამზადებს წინადადებებს გამგეობის მოსამსახურეთა წახალისების ან დისციპლინური პასუხისმგებლობის შესახებ;

9. ორგანიზაციას უწევს გამგეობის მოსამსახურეთა სწავლებას, კვალიფიკაციის ამაღლებასა და გადამზადებას;

10. ადგენს გამგეობის მოხელეთა რეზერვს;

11. აფორმებს და აღრიცხავს მიღებულ დოკუმენტებზე გამგებლის და გამგეობის თანამდებობის პირების დავალებებს და გადასცემს შემსრულებლებს;

12. აკონტროლებს კორესპონდენციის მოძრაობას და საკითხის განხილვაზე კანონით დადგენილი ვადების დაცვას;

13. უზრუნველყოფს ადმინისტრაციაში ერთიან საქმის წარმოებას, საქმეთა ნომენკლატურის შედგენას და არქივირებას;

14. ორგანიზებას უწევს გამგებლის და გამგეობის საჯარო მოსამსახურეების საქმიანობის სამართლებრივ უზრუნველყოფას;

15. ახორციელებს გამგეობაში მომზადებული სამართლებრივი აქტების პროექტების სამართლებრივ ექსპერტიზას;

16. საკონსულტაციო-სამართლებრივ დახმარებას უწევს გამგებელს, გამგეობის საჯარო მოსამსახურეებს;

17. უზრუნველყოფს გამგეობის საქმიანობის საინფორმაციო-საცნობარო, ანალიტიკურ და პროგრამულ მომსახურებას;

18. უზრუნველყოფს გამგეობის საინფორმაციო-საკომუნიკაციო სისტემის ფუნქციონირებას, ინტერნეტ პორტალის, საიტებისა და ინტერნეტ-გვერდების შექმნას, მათ განახლებასა და საჯარო ინფორმაციის მათზე განთავსებას;

19. უზრუნველყოფს გამგეობის ადმინისტრაციულ შენობაში საინფორმაციო საკომუნიკაციო ტექნიკის განთავსებასა და გამართულ ფუნქციონირებას, მოქალაქეთა მიერ საჯარო ინფორმაციის მიღების კომპიუტერიზაციას, ავტომატიზაციასა და ინტერნეტიზაციას; შესაბამისი საინფორმაციო საძიებო სისტემის და ინტერფეისების შექმნას;

20. უზრუნველყოფს გამგეობის საქმიანობის შესახებ ოფიციალური ინფორმაციის გავრცელებას, პრესკონფერენციების, ბრიფინგების, ჟურნალისტებთან შეხვედრების ჩატარებას, სოციოლოგიური გამოკითხვების ჩატარებას;

21. უზრუნველყოფს გამგებელს საინფორმაციო-ანალიტიკური მასალების სათანადო კომპლექსით;

22. ახორციელებს კონტროლს გამგებლის და გამგეობის თანამდებობის პირების მიერ გაცემული დავალებების შესრულებაზე;

23. უწევს გამგებელს სათანადო რეკომენდაციებს და კონსულტაციებს საკრებულოს მიერ განსახორციელებელ ღონისძიებებთან დაკავშირებით;

24. ასრულებს გამგებლის ცალკეულ დავალებებს;

25. უზრუნველყოფს გამგეობის მატერიალურ-ტექნიკურ და გამგებლის სატრანსპორტო მომსახურებას სამსახურებრივი უფლებამოსილების განხორციელების მიზნით;

26. უზრუნველყოფს გამგეობის მიერ დაკავებული ფართების და შიგ განთავსებული ინვენტარის დაგვა-დასუფთავებას;

27. ახორციელებს საქართველოს კანონმდებლობით გათვალისწინებულ სხვა უფლებამოსილებას.

    მუხლი 3. სამსახურის ორგანიზაცია და სტრუქტურა

1. სამსახურის სტრუქტურა განისაზღვრება ამ დებულებით .

2. სამსახურის საშტატო განრიგს გამგებელის წარდგინებით ამტკიცებს საკრებულოს თავმჯდომარე.

3. სამსახურს ხელმძღვანელობს უფროსი,  რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მუნიციპალიტეტის გამგებელი.

4. სამსახურის უფროსი:

ა) წარმართავს სამსახურის საქმიანობას და პასუხისმგებელია ამ სამსახურის მიერ დაკისრებული ამოცანებისა და ფუნქციების შესრულებაზე;

ბ) ანაწილებს ფუნქციებს სამსახურის მოსამსახურეთა შორის;

გ) გამგებელს წარუდგენს წინადადებებს სამსახურის საკადრო საკითხებთან დაკავშირებით; მოსამსახურეთა წახალისების და მათთვის დისციპლინური პასუხისმგებლობის დაკისრების, მოსამსახურეთა მიერ მორიგი და დამატებითი შვებულებების გამოყენების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;

დ) განსაზღვრავს სამსახურის საქმიანობის ორგანიზებისა და დაგეგმვის წესს, ფორმებსა და მეთოდებს; სტრუქტურული ერთეულის მოსამსახურეთა თანამდებობრივ მოვალეობებს;

ე) გამგებელს წარუდგენს სამსახურის მიერ მომზადებულ საკითხებს, წინადადებებს, დასკვნებს და რეკომენდაციებს;

ვ) გამგებელს პერიოდულად წარუდგენს ანგარიშს სამსახურის მიერ შესრულებულ სამუშაოთა შესახებ;

ზ) ანგარიშვალდებულია გამგებლის წინაშე.

5. სამსახურის საქმიანობაზე სამსახურებრივ ზედამხედველობას ახორციელებს გამგებელი.

6. სამსახურის თანამშრომლებს სამსახურის უფროსის წარდგინებით ნიშნავს და ათავისუფლებს მუნიციპალიტეტის გამგებელი.

7. განყოფილების საქმიანობას წარმართავს განყოფილების უფროსი, რომელსაც სამსახურის უფროსის წარდგინებით თანამდებობაზე ნიშნავს და თანამდებობიდან ათავისუფლებას მუნიციპალიტეტის გამგებელი.

8. განყოფილების უფროსის არყოფნის შემთხვევაში სამსახურის უფროსის წარდგინებითა და გამგებლის დავალებით განყოფილების უფროსის უფლება-მოვალეობებს ახორციელებს განყოფიელების ერთ-ერთი მოსამსახურე.

9. განყოფილების უფროსი:

ა) წარმოადგენს განყოფილებას თავისი მოვალეობის შესრულებისას, წარუდგენს სამსახურის უფროსს შესაბამის წინადადებებს, დასკვნებსა და გადაწყვეტილებათა პროექტებს;

ბ) თვალყურს ადევნებს განყოფილების საჯარო მოსამსახურეების მიერ სამსახურებრივი მოვალეობების შესრულებას, ხელს აწერს განყოფილებაში მომზადებულ დოკუმენტებს;

გ) კომპეტენციის ფარგლებში ასრულებს სამსახურის უფროსის დავალებებს.

10. სამსახურის სტრუქტურული ქვედანაყოფია იურიდიული განყოფილება.

11. იურიდიული განყოფილება:

ა) ახორციელებს გამგეობის თანამდებობების პირების, მუნიციპალური სამსახურებისა და ტერიტორიული ორგანოების იურიდიულ კონსულტირებას;

ბ) უზრუნველყოფს გამგეობაში შემუშავებული სამართლებრივი აქტების პროექტების, ადმინისტრაციული სამართალდარღვევის ოქმებისა და სხვა დოკუმენტების შესაბამისობას მოქმედ კანონმდებლობასთან;

გ) ახდენს გამგეობის კანონიერი ინტერესების დაცვას სასამართლოში, სახელმწიფო ორგანოებთან ფიზიკურ და იურიდიულ პირებთან;

დ)  ახორციელებს მოქმედი კანონმდებლობით, საკრებულოსა და საკრებულოს თავმჯდომარის სამართლებრივი აქტებით განსაზღვრულ სხვა ფუნქციებს.

ჩხოროწყუს მუნიციპალიტეტის საკრებულოს 2010 წლის 28 დეკემბრის დადგენილება №4 4 - ვებგვერდი, 18.01.2011წ.

    მუხლი 4. დასკვნითი დებულებები

1.  სამსახურის დებულებაში ცვლილებებისა და დამატებების შეტანა ხდება გამებლის წარდგინებით საკრებულოს დადგენილებით. 

2. სამსახურის რეორგანიზაცია და ლიკვიდაცია ხორციელდება კანონმდებლობით დადგენილი წესით.

Annotate