ახმეტის მუნიციპალიტეტის გამგეობის ეკონომიკის, ინფრასტრუქტურის განვითარების და მუნიციპალური შესყიდვების სამსახურის დებულების დამტკიცების შესახებ

ახმეტის მუნიციპალიტეტის საკრებულოს

დადგენილება №23

2010 წლის 19 ოქტომბერი

ქ. ახმეტა

ახმეტის მუნიციპალიტეტის გამგეობის ეკონომიკის, ინფრასტრუქტურის განვითარების და მუნიციპალური შესყიდვების სამსახურის დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 43-ე მუხლის მე-2 პუნქტის და ნორმატიული აქტების შესახებ “ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად , ახმეტის მუნიციპალიტეტის საკრებულო ადგენს:

1. დამტკიცდეს ახმეტის მუნიციპალიტეტის გამგეობის ეკონომიკის, ინფრასტრუქტურის განვითარების და მუნიციპალური შესყიდვების სამსახურის დებულება (თან ერთვის).

2. ძალადაკარგულად გამოცხადდეს ახმეტის მუნიციპალიტეტის საკრებულოს 2008 წლის 31 იანვრის №6 დადგენილება „ახმეტის მუნიციპალიტეტის გამგეობის ეკონომიკისა ინფრასტრუქტურის განვითარების სამსახურის დებულების დამტკიცების შესახებ“.

3. დადგენილება ძალაშია გამოქვეყნებისთანავე.

საკრებულოს თავმჯდომარე ა. მაილაშვილი

შეტანილი ცვლილებები:

1. ახმეტის მუნიციპალიტეტის საკრებულოს 2011 წლის 30 ნოემბრის დადგენილება №52 - ვებგვერდი, 07.12.2011 წ.

დანართი №1

ახმეტის მუნიციპალიტეტის გამგეობის ეკონომიკის, ინფრასტრუქტურის განვითარების და მუნიციპალური შესყიდვების სამსახურის დებულება

    მუხლი 1.ზოგადი დებულებები

1. ახმეტის მუნიციპალიტეტის გამგეობის ეკონომიკის, ინფრასტრუქტურის განვითარების და მუნიციპალური შესყიდვების სამსახური არის ახმეტის მუნიციპალიტეტის გამგეობის სტრუქტურული ერთეული , რომელიც უზრუნველყოფს ეკონომიკური განვითარების მუნიციპალური პროგრამების შემუშავებასა და განხორციელებას, სათანადო სტატისტიკური ინფორმაციის შემუშავება-დამუშავებას, მუნიციპალური ქონების მართვას და მუნიციპალური შესყიდვების განხორციელების უზრუნველყოფას.

2. სამსახური თავის საქმიანობას წარმართავს მოქმედი კანონმდებლობის, გამგეობის დებულების , ამ დებულებისა და მუნიციპალიტეტის სხვა სამართლებრივი აქტების შესაბამისად.

3. სამსახურს აქვს საკუთარი ბლანკი, ბეჭედი და შტამპი.

    მუხლი 2. სამსახურის სტრუქტურა

1. სამსახური შედგება სამსახურის უფროსისა და სტრუქტურული ქვედანაყოფების – განყოფილებებისაგან.

2. სამსახურის სტრუქტურული ქვედანაყოფებია:

ა) მიწის აღრიცხვისა და მართვის განყოფილება ;

ბ) მშენებლობისა და არქიტექტურის განყოფილება ;

გ) მუნიციპალური შესყიდვების განყოფილება.

3. სამსახურის საქმიანობას წარმართავს სამსახურის უფროსი, რომელიც კოორდინაციას უწევს სამსახურის ფუნქციონირებას.

    მუხლი 3. სამსახურის ფუნქციები

სამსახური დადგენილი წესით უზრუნველყოფს:

ა) ეკონომიკური განვითარების დაგეგმვისათვის სათანადო სტატისტიკური ინფორმაციის შეგროვებას და დამუშავებას;

ბ) ეკონომიკური განვითარების მუნიციპალური პროგრამების და პროექტების შემუშავებას, მათ მონიტორინგს;

გ) მუნიციპალიტეტის საკუთრებაში და სარგებლობაში არსებული უძრავი ქონების, მუნიციპალიტეტის საკუთრებაში არსებული საწარმოების წილების აღრიცხვას, ინვენტარიზაციას, ადგილობრივი თვითმმართველი ერთეულის ქონების მონაცემთა ბაზის შექმნას და განახლებას;

 დ) მუნიციპალიტეტის საკუთრებაში და სარგებლობაში არსებული უძრავი ქონების რეგისტრაციას;

 ე) წინადადებების მომზადებას ადგილობრივი თვითმმართველი ერთეულის ქონების სარგებლობისა და განკარგვის საკითხებზე;

 ვ) წინადადებებისა და საჭირო დოკუმენტაციის მომზადებას ადგილობრივი თვითმმართველი ერთეულის ქონების შექმნის, შეძენის, პრივატიზების ან სარგებლობაში გადაცემის საკითხებზე;

 ზ) მუნიციპალიტეტის დასახლებათა ტერიტორიების კეთილმოწყობის დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას;

თ) შეიმუშავებს წინადადებებს გარე ვაჭრობისა და რეკლამის რეგულირების საკითხზე;

ი) ახორციელებს მუნიციპალიტეტის ტერიტორიაზე მიწათსარგებლობის, სივრცითი მოწყობისა და ურბანული განვითარების დაგეგმვას;

კ) „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების შესაბამისად, უზრუნველყოფს:

კ.ა) ახმეტის მუნიციპალიტეტის დაკვეთით ასაშენებელი ობიექტების დაპროექტებისა და მშენებლობის კოორდინაციას;

კ.ბ) მშენებლობის ნებართვის გასაცემად საჭირო პირობების, საპროექტო და სხვა დოკუმენტაციის კანონმდებლობით განსაზღვრულ მოთხოვნებთან შესაბამისობის თაობაზე დასკვნების შემუშავებას;

კ.გ) მშენებლობის ნებართვის გაცემისა და შენობა-ნაგებობის ვარგისად აღიარების თაობაზე გამგებლის ბრძანების პროექტის მომზადებას;

ლ) ახორციელებს საქართველოს მოქმედი კანონმდებლობით, მუნიციპალიტეტის ორგანოებისა და თანამდებობის პირების სამართლებრივი აქტებით განსაზღვრულ სხვა უფლებამოსილებებს.

ახმეტის მუნიციპალიტეტის საკრებულოს 2011 წლის 30 ნოემბრის დადგენილება №52 - ვებგვერდი, 07.12.2011 წ.

    მუხლი 4. მიწის აღრიცხვისა და მართვის განყოფილება უზრუნველყოფს:

1. მოქმედი კანონმდებლობისა და მუნიციპალიტეტის სამართლებრივი აქტების შესაბამისად , მუნიციპალიტეტის საკუთრებაში არსებული მიწის მართვას, კონტროლს, გამოყენებისა და მიწათსარგებლობის წესების დაცვას.

2. მიწის კადასტრის შედგენას და წარმოებას.

3. სარგებლობის უფლებით გადასაცემი მიწის საიჯარო ურთიერთობების დარეგულირებას.

    მუხლი 5. მშენებლობის და არქიტექტურის განყოფილება უზრუნველყოფს:

1. მუნიციპალიტეტის სივრცითი მოწყობისა და ქალაქ თ მშენებლობის სისტემის შექმნას და განვითარებას.

2. მშენებლობის ნებართვების გადასაცემად საჭირო პირობების საპროექტო და სხვა დოკუმენტაციების კანონმდებლობითა და მუნიციპალიტეტის სამართლებრივი აქტებით განსაზღვრულ მოთხოვნებთან შესაბამისობის თაობაზე დასკვნების შემუშავებას.

3. მშენებლობის ნებართვების თაობაზე გამგებლის ბრძანებების პროექტის შემუშავებას.

4. (ამოღებულია - 30.11.11 №52).

5. მუნიციპალიტეტის სივრცითი მოწყობისა და ქალაქ თ მშენებლობის სისტემის შექმნასა და განვითარებას.

6. ბიუჯეტით გათვალისწინებული შესრულებ უ ლი სამშენებლო და სარემონტო სამუშაოების მოცულობათა დადგენას, შესაბამისი დეფექტური აქტების მომზადების, შესრულებულ სამშენებლო -სარემონტო სამუშაოებზე მოცულობების დამოწმებას.

ახმეტის მუნიციპალიტეტის საკრებულოს 2011 წლის 30 ნოემბრის დადგენილება №52 - ვებგვერდი, 07.12.2011 წ.

    მუხლი 6. მუნიციპალური შესყიდვების განყოფილება უზრუნველყოფს:

1. მუნიციპალური შესყიდვების გეგმის მომზადებას;

2. სატენდერო კომისიის ოქმების და სხვა დოკუმენტაციის წარმოებას;

3. ელექტრული ტენდების შესახებ განცხადების მომზადებასა და გამოქვეყნებას;

4. მუნიციპალიტეტის სატენდერო კომისიის გადაწყვეტილების შესაბამისად ხელშეკრულების შემუშავებას;

 5. მუნიციპალური შესყიდვების შესახებ ანგარიშის მომზადებას;

6. მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

    მუხლი 7. (ამოღებულია)

ახმეტის მუნიციპალიტეტის საკრებულოს 2011 წლის 30 ნოემბრის დადგენილება №52 - ვებგვერდი, 07.12.2011 წ.

 

 

 

 

 

 

 

Annotate