„უკუდაბეგვრის წესით დარიცხული დღგ-ის ბიუჯეტში გადახდის და ანგარიშგების წარდგენის წესის” დამტკიცების შესახებ

სახელმწიფო სარეგისტრაციო კოდი 200.110.000.22.033.006.971

საქართველოს ფინანსთა მინისტრის

ბრძანება №901

2004 წლის 31 დეკემბერი

ქ. თბილისი

„უკუდაბეგვრის წესით დარიცხული დღგ-ის ბიუჯეტში გადახდის და ანგარიშგების წარდგენის წესის” დამტკიცების შესახებ

საქართველოს საგადასახადო კოდექსის მე-3 და 241-ე მუხლის მე-5 და მე-6 ნაწილების საფუძველზე ვბრძანებ:

1. დამტკიცდეს „უკუდაბეგვრის წესით დარიცხული დღგ-ის ბიუჯეტში გადახდისა და ანგარიშგების წარდგენის წესი.“

2. ბრძანება ამოქმედდეს 2005 წლის 1 იანვრიდან.

ზ. ნოღაიდელი

შეტანილი ცვლილებები:

1. საქართველოს ფინანსთა მინისტრის 2009 წლის 19 თებერვლის ბრძანება №98 - სსმ III, №20, 20.02.2009 წ., მუხ.252

უკუდაბეგვრის წესით დარიცხული დღგ-ის ბიუჯეტში გადახდისა და ანგარიშგების წარდგენის წესი

აღნიშნული წესი შემუშავებულია საქართველოს საგადასახადო კოდექსის მე-3 და 241-ე მუხლის მე-5 და მე-6 ნაწილების შესაბამისად და განსაზღვრავს უკუდაბეგვრის წესით დარიცხული დღგ-ის ბიუჯეტში გადახდის, ანგარიშგების წარდგენისა და საგადასახადო ორგანოს მიერ ამ თანხების აღრიცხვის წესს.

აღნიშნული წესი გამოიყენება საგადასახადო აგენტის მიერ, რომელიც საქართველოს საგადასახადო კოდექსის 241-ე მუხლის შესაბამისად ახორციელებს არარეზიდენტის მიერ გაწეული მომსახურების უკუდაბეგვრას, დამოუკიდებლად იმისა, რეგისტრირებულია თუ არა დღგ-ის გადამხდელად.

    მუხლი 1. ანგარიშგების წარდგენისა და შევსების წესი

1. საგადასახადო აგენტი, რომელიც ახორციელებს არარეზიდენტი ფიზიკური პირის (გარდა საქართველოს მოქალაქე ფიზიკური პირის) ან არარეზიდენტი საწარმოს (შემდგომში – არარეზიდენტი) მიერ გაწეული მომსახურების უკუდაბეგვრას, ვალდებულია საგადასახადო ორგანოს საგადასახადო აღრიცხვის ადგილის მიხედვით წარუდგინოს უკუდაბეგვრის წესით დარიცხული დღგ-ის გაანგარიშება დანართი №1 ფორმის მიხედვით. საგადასახადო აგენტს უფლება აქვს არ წარადგინოს გაანგარიშება იმ შემთხვევაში, თუ არარეზიდენტი საგადასახადო აგენტს უწევს ნულოვანი განაკვეთით დასაბეგრ მომსახურებას.

2. გაანგარიშება მოიცავს საგადასახადო აგენტის მიერ გაანგარიშებულ გადასახადის თანხას და ბიუჯეტის შემოსავლების სახაზინო კოდს, რომელზეც ჩარიცხულ უნდა იქნეს მის მიერ აღნიშნული თანხა.

3. თუ საგადასახადო აგენტი არ არის დღგ-ის გადამხდელად რეგისტრირებული მის მიერ გაანგარიშების წარდგენა ხდება საგადასახადო ორგანოში საგადასახადო აღრიცხვის ადგილის მიხედვით არა უგვიანეს მომსახურების გაწევის თვის მომდევნო თვის 15 რიცხვისა.

3^​1. თუ საგადასახადო აგენტი რეგისტრირებულია დღგ-ის გადამხდელად, მის მიერ გაანგარიშების წარდგენა ხდება დღგ-ის შესახებ იმ თვის დეკლარაციის წარდგენის დროს, როდესაც გაწეულ იქნა მომსახურება.

4. საგადასახადო აგენტი ვალდებულია შეავსოს უკუდაბეგვრის წესით არარეზიდენტის მიერ გაწეულ მომსახურებაზე დარიცხულ დღგ-ის შესახებ გაანგარიშებით გათვალისწინებული ყველა რეკვიზიტი:

ა) 1-ელ სტრიქონში მიეთითება საგადასახადო აგენტის სრული დასახელება (სახელწოდება სადამფუძნებლო დოკუმენტების შესაბამისად), რომელსაც საგადასახადო კოდექსის 241-ე მუხლის შესაბამისად ეკისრება არარეზიდენტის მიერ გაწეულ მომსახურებაზე დღგ-ის დარიცხვა და ბიუჯეტში გადარიცხვა; ინდივიდუალური მეწარმის შემთხვევაში მიეთითება მეწარმის სახელი და გვარი;

ბ) (ამოღებულია);

გ) (ამოღებულია);

დ) მე-2 სტრიქონში მიეთითება საგადასახადო აგენტის საიდენტიფიკაციო ნომერი, რომელიც მინიჭებული აქვს მას საგადასახადო ორგანოს მიერ;

ე) მე-3 სტრიქონი ივსება მხოლოდ დღგ-ის გადამხდელის მიერ და მასში მიეთითება დღგ-ის გადამხდელის სარეგისტრაციო სერტიფიკატის ნომერი;

ვ) გაანგარიშების I განაყოფის:

ვ.ა) მე-2 სვეტში ჩაიწერება თითოეული არარეზიდენტის დასახელება და ქვეყანა, საიდანაც იგია.

ვ.ბ) მე-3 სვეტში ჩაიწერება არარეზიდენტის მიერ საანგარიშო თვეში გაწეული მომსახურების სახე;

ვ.გ) მე-4 სვეტში ჩაიწერება „ბიუჯეტის შემოსულობების სახაზინო კოდების დამტკიცების შესახებ“ საქართველოს ფინანსთა მინისტრის 2007 წლის 22 ნოემბრის №1226 ბრძანებით განსაზღვრული ბიუჯეტის შემოსულობების სახაზინო კოდი, რომელზეც ჩაირიცხება აღნიშნული მომსახურების დღგ.

ვ.დ) მე-5 სვეტში ჩაიწერება არარეზიდენტის მიერ მომსახურების გაწევის მომენტი. თუ მომსახურება რეგულარულია, საქართველოს საგადასახადო კოდექსის 238-ე მუხლის მიხედვით მომსახურების გაწევის მომენტად ჩაითვლება ამ ოპერაციის ნებისმიერი ნაწილისათვის ყოველი გადახდის მომენტი, მაგრამ არა უგვიანეს საანგარიშო თვის ბოლო სამუშაო დღისა. ასევე, იჯარის შემთხვევაში, მომსახურების გაწევის მომენტად ჩაითვლება იჯარის ხელშეკრულებით გათვალისწინებული საიჯარო მომსახურების ღირებულების გადახდის ვადები, მაგრამ არა უგვიანეს საანგარიშო თვის ბოლო სამუშაო დღისა;

ვ.ე) მე-6 სვეტში ჩაიწერება საგადასახადო აგენტის მიერ არარეზიდენტისათვის გასაცემი მომსახურების საკომპენსაციო თანხა დღგ-ის გარეშე. თუ არარეზიდენტის მიერ გაწეული მომსახურების კომპენსაცია ხდება სანაცვლო მომსახურებით, მოცემულ სტრიქონში ჩაიწერება მომსახურების მიწოდების საბაზრო ფასი; ასეთივე წესით განისაზღვრება დღგ-ის დასაბეგრი თანხა იმ შემთხვევაშიც, როდესაც ადგილი აქვს არარეზიდენტის მიერ უსასყიდლო მომსახურებას;

ვ.ვ) მე-7 სვეტში ჩაიწერება დღგ-ის თანხა, რომელიც განისაზღვრება საკომპენსაციო თანხის დღგ-ის განაკვეთზე გამრავლების გზით. გაანგარიშებაში ჯამური საგადასახადო ვალდებულების თანხის გაანგარიშება ხდება სრულ ლარებში. ამ მიზნით საგადასახადო ვალდებულება 1 ლარამდე ნულდება.

ზ) გაანგარიშების II განაყოფი ივსება იმ შემთხვევაში, თუ საანგარიშო პერიოდში ადგილი აქვს საქართველოს საგადასახადო კოდექსის 228-ე მუხლით გათვალისწინებულ შემთხვევებს, რომლის შედეგად საგადასახადო ორგანოში ადრე წარდგენილ გაანგარიშებაში დღგ-ის თანხა აღნიშნულია არასწორად:

ზ.ა) მე-5 სტრიქონში – „დღგ კორექტირებამდე“ – ჩაიწერება კორექტირების განხორციელებამდე არარეზიდენტისათვის გასაცემ თანხაზე დარიცხული და საგადასახადო ორგანოში ადრე წარდგენილ გაანგარიშებაში აღნიშნული დღგ-ის თანხა;

ზ.ბ) მე-6 სტრიქონში – „დღგ კორექტირების შემდეგ“ – ჩაიწერება საანგარიშო პერიოდში განხორციელებული კორექტირების შემდეგ არარეზიდენტისათვის გასაცემ კომპენსაციაზე დარიცხული დღგ-ის თანხა;

ზ.გ) მე-7 სტრიქონი – „კორექტირების შედეგად დამატებით გადასახდელი დღგ“ შეივსება იმ შემთხვევაში, თუ კორექტირების შემდეგ დარიცხული დღგ-ის თანხა აღემატება დღგ-ის თანხას კორექტირებამდე, და იგი უდრის მე-6 და მე-5 სტრიქონებზე მოცემული დღგ-ის თანხებს შორის სხვაობას;

ზ.დ) მე-8 სტრიქონი – „კორექტირების შედეგად შესამცირებელი დღგ“ შეივსება იმ შემთხვევაში, თუ კორექტირების შემდეგ დარიცხული დღგ-ის თანხა ნაკლები იქნება კორექტირებამდე დღგ-ის თანხაზე, და იგი უდრის მე-5 და მე-6 სტრიქონებზე მოცემული დღგ-ის თანხებს შორის სხვაობას;

ზ.ე) მე-9 სტრიქონში – „ბიუჯეტში შესატანი დღგ“ – ჩაიწერება საანგარიშო პერიოდში ბიუჯეტში შესატანი დღგ-ის თანხა, რომელიც უდრის მე-4 და მე-7 სტრიქონების ჯამს, ან მე-4 და მე-8 სტრიქონების სხვაობას იმ შემთხვევაში, თუ მე-8 სტრიქონზე მოცემული თანხა ნაკლებია მე-4 სტრიქონზე ნაჩვენებ თანხაზე;

ზ.ვ) მე-10 სტრიქონში – „ბიუჯეტიდან დასაბრუნებელი დღგ“ – ჩაიწერება საანგარიშო პერიოდში განხორციელებული კორექტირების შედეგად ბიუჯეტიდან დასაბრუნებელი დღგ-ის თანხა. იგი წარმოიქმნება იმ შემთხვევაში, თუ მე-8 სტრიქონზე მოცემული თანხა მეტია მე-4 სტრიქონზე მოცემულ თანხაზე;

თ) (ამოღებულია);

ი) (ამოღებულია);

კ) (ამორებულია);

ლ) (ამოღებულია);

მ) (ამოღებულია);

ნ) (ამოღებულია);

ო) (ამოღებულია);

პ) (ამოღებულია);

ჟ) (ამოღებულია);

რ) (ამოღებულია).

5. გაანგარიშებას ხელს აწერენ საწარმოს ხელმძღვანელი და მთავარი ბუღალტერი.

6. ფორმის ბოლოში მიეთითება მისი შევსების თარიღი, თვე და წელი.

საქართველოს ფინანსთა მინისტრის 2009 წლის 19 თებერვლის ბრძანება №98 - სსმ III, №20, 20.02.2009 წ., მუხ.252

    მუხლი 2. გადახდის წესი

1. თუ საგადასახადო აგენტი არ არის დღგ-ის გადამხდელად რეგისტრირებული, უკუდაბეგვრის წესით დარიცხული დღგ-ის თანხის გადახდა ხდება არა უგვიანეს მომსახურების გაწევის თვის მომდევნო თვის 15 რიცხვისა.

2. თუ საგადასახადო აგენტი რეგისტრირებულია დღგ-ის გადამხდელად, მან დარიცხული დღგ უნდა გადაიხადოს დღგ-ის შესახებ იმ თვის დეკლარაციის წარდგენის დროს, როდესაც გაწეული იქნა მომსახურება.

3. თანხის ბიუჯეტში გადახდისას, გადამხდელი საგადახდო დავალებაში მიუთითებს – „უკუდაბეგვრის წესით დარიცხული დღგ“. დღგ-ის გადამხდელად რეგისტრირებული საგადასახადო აგენტის მიერ უკუდაბეგვრის წესით დარიცხული დღგ-ის ბიუჯეტში გადახდის მიზნით საბანკო ანგარიშიდან თანხის ჩამოწერის დამადასტურებელი დოკუმენტი ითვლება საგადასახადო ანგარიშ-ფაქტურად და შესაბამისად იგი დადგენილი წესით აისახება საბანკო ანგარიშიდან თანხის ჩამოწერის საანგარიშო თვის დღგ-ის დეკლარაციაში.

საქართველოს ფინანსთა მინისტრის 2009 წლის 19 თებერვლის ბრძანება №98 - სსმ III, №20, 20.02.2009 წ., მუხ.252

    მუხლი 3. უკუდაბეგვრით დარიცხული და გადახდილი დღგ-ის პირად ბარათზე აღრიცხვის წესი

1. საგადასახადო ორგანოები უკუდაბეგვრის წესით დარიცხული და ბიუჯეტში გადახდილი დღგ-ის აღრიცხვას აწარმოებენ „გადამხდელის პირადი აღრიცხვის ბარათის“ ცალკე – „უკუდაბეგვრის სპეცბარათზე“.

2. დაუშვებელია „უკუდაბეგვრის სპეცბარათზე“ არსებული თანხების ზედმეტად გადახდილ თანხად, განხილვა და მათი სხვა გადასახადების მიხედვით დავალიანებების დასაფარავად მიმართვა, შესაბამის პერიოდზე ანგარიშგების წარდგენამდე.

3. საქართველოს საგადასახადო კოდექსის 71-ე მუხლის შესაბამისად, საგადასახადო აგენტის მოთხოვნით ცალკეული გადასახადების (მათ შორის, დღგ-ის) მიხედვით არსებული ზედმეტად გადახდილი თანხის უკუდაბეგვრით გადასახდელი დღგ-ის გადახდის ანგარიშზე გადატანისას საგადასახადო ორგანო გადამხდელს უგზავნის შეტყობინებას, რომელიც ითვლება უკუდაბეგვრის წესით დღგ-ის გადახდის დამადასტურებელ დოკუმენტად და შესაბამისად, დღგ-ის გადამხდელს აძლევს დღგ-ის ჩათვლის უფლებას დადგენილი წესით.

საქართველოს ფინანსთა მინისტრის 2009 წლის 19 თებერვლის ბრძანება №98 - სსმ III, №20, 20.02.2009 წ., მუხ.252

 დანართი N1

1 საგადასახადო აგენტის დასახელება (სახელი, გვარი) _________________________

2 მისამართი ___________________________________________________________

 (ქალაქი, რაიონი, ქუჩა, კორპუსი, ბინა)

3 ქალაქის კოდი და საკონტაქტო ტელეფონის N _________________________________

4 საიდენტიფიკაციო ნომერი __ __ __ __ __ __ __ __ __

5 დღგ-ის გადამხდელის სერტიფიკატის ნომერი __ __ __ __ __ __

გაანგარიშება

არარეზიდენტის მიერ გაწეულ მომსახურებაზე

უკუდაბეგვრის წესით დარიცხული დღგ-ის შესახებ

200 წ. . . . . . . . თვის…………

I განაყოფი

 

გაანგარიშების უტყუარობასა და სისრულეს ვადასტურებ:

ხელმძღვანელი _________________________ ___________________________           

(სახელი, გვარი) (ხელმოწერა) (თარიღი)

ხელმძღვანელი __________________ ________________           

 (სახელი, გვარი) (ხელმოწერა) (თარიღი)

ივსება საგადასახადო ინსპექციის მიერ

აღნიშვნა გაანგარიშების წარმოდგენის შესახებ:

პირადად   ფოსტით   გვერდზე   

წარმოდგენის თრიღი           

რეგისტრაციის ნომერი            

__________________ ________________

 (სახელი, გვარი) (ხელმოწერა)

საქართველოს ფინანსთა მინისტრის 2009 წლის 19 თებერვლის ბრძანება №98 - სსმ III, №20, 20.02.2009 წ., მუხ.252

 

 

Annotate