თვითმმართველი ქალაქის - ბათუმის მერიის არქიტექტურისა და ურბანული დაგეგმარების სამსახურის დებულების დამტკიცების შესახებ

თვითმმართველი ქალაქის – ბათუმის საკრებულო ს

დ ა დ გ ე ნ ი ლ ე ბ ა №37

2010 წლის 30 ნოემბერი

ქ. ბათუმი

თვითმმართველი ქალაქ ის – ბათუმის მერიის არქიტექტურისა და ურბანული დაგეგმარების სამსახურის დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის „თ“ ქვეპუნქტისა და „ნორმატიული აქტების შესახებ“ საქართველოს კანონის 25-ე მუხლის შესაბამისად, თვითმმართველი ქალაქის – ბათუმის საკრებულო ა დ გ ე ნ ს:

1. დამტკიცდეს თვითმმართველი ქალაქის – ბათუმის მერიის არქიტექტურისა და ურბანული დაგეგმარების სამსახურის თანდართული დებულება.

2. ამ დადგენილების ძალაში შესვლისთანავე ძალადაკარგულად გამოცხადდეს „თვითმმართველი ქალაქის – ბათუმის მერიის არქიტექტურისა და ურბანული დაგეგმარების სამსახურის დებულების დამტკიცების შესახებ“ თვითმმართველი ქალაქის – ბათუმის საკრებულოს 2007 წლის 30 ნოემბრის №20-6 დადგენილება (გაზეთი „აჭარა“ №167, 13.12.2007, გვ: 6).

3. ეს დადგენილება ამოქმედდეს კანონმდებლობით დადგენილი წესით მისი გამოქვეყ ნე ბისთანავე.

საკრებულოს თავმჯდომარე                          გ. კირთაძე

 

თვითმმართველი ქალაქის – ბათუმის მერიის

არქიტექტურისა და ურბანული დაგეგმარების სამსახურის

დ ე ბ უ ლ ე ბ ა

თავი I. ზოგადი დებულებანი

    მუხლი 1. ზოგადი დებულებანი

1. თვითმმართველი ქალაქის – ბათუმის მერიის არქიტექტურისა და ურბანული დაგეგმარების სამსახური (შემდგომში – სამსახური) არის ქ. ბათუმის მერიის სტრუქტურული ერთეული.

2. სამსახური შექმნილია „ადგილობრივი თვითმმართველობის შესახებ“ საქართველოს ორგანული კანონისა და „თვითმმართველი ქალაქის – ბათუმის მერიის დებულების დამტკიცების შესახებ“ თვითმმართველი ქალაქის – ბათუმის საკრებულოს 2010 წლის 24 ივნისის №6 დადგენილების შესაბამისად.

3. სამსახურის სრული დასახელებაა: თვითმმართველი ქალაქის – ბათუმის მერიის არქიტექტურისა და ურბანული დაგეგმარების სამსახური, შემოკლებული დასახელებაა: ქ. ბათუმის მერიის არქიტექტურისა და ურბანული დაგეგმარების სამსახური.

4. სამსახური შედგება სამსახურის უფროსის, უფროსის მოადგილისა და სამსახურში შემავალი განყოფილებებისაგან.

5. სამსახურის საქმიანობა ეფუძნება საქართველოს კონსტიტუციას, „ადგილობრივი თვითმმართველობის შესახებ“ საქართველოს ორგანულ კანონს, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილებას, „თვითმმართველი ქალაქის – ბათუმის მერიის დებულების დამტკიცების შესახებ“ თვითმმართველი ქალაქის – ბათუმის საკრებულოს 2010 წლის 24 ივნისის №6 დადგენილებას, საქართველოს სხვა ნორმატიულ აქტებს და წინამდებარე დებულებას.

6. სამსახური არ წარმოადგენს დამოუკიდებელ საბიუჯეტო დაწესებულებას, არ აქვს დასრულებული ბალანსი და ანგარიში.

7. სამსახურის იურიდიული მისამართია: ქ. ბათუმი, ლუკა ასათიანის ქ. №25.

8. სამსახურს აქვს ბეჭედი საკუთარი დასახელების აღნიშვნით. სამსახური იყენებს მერიის ტიტულიან ბლანკს საკუთარი დასახელების დამატების აღნიშვნით.

თავი II. სამსახურის საქმიანობის პრინციპები

    მუხლი 2. სამსახურის საქმიანობის პრინციპებია

ა) მოქალაქეთა კონსტიტუციური უფლებებისა და თავისუფლებების დაცვა;

ბ) კანონის წინაშე თანასწორობა;

გ) საქმიანობა კანონმდებლობის საფუძველზე;

დ) დისკრეციული უფლებამოსილების განხორციელება კანონმდებლობის საფუძველზე;

ე) საქმიანობის განხორციელება საჯარო და კერძო ინტერესების ურთიერთგაწონასწორებით;

ვ) მიუკერძოებლობა;

ზ) საქვეყნოობა და საჯაროობა.

თავი III. სამსახურის ფუნქციები და ამოცანები

    მუხლი 3. სამსახურის უფლებამოსილებები

სამსახურის უფლებამოსილებებია:

ა) კანონმდებლობით დადგენილი წესით მშენებლობის ნებართვების გაცემა და მასთან დაკავშირებული ადმინისტრაციული წარმოების უზრუნველყოფა;

ბ) თვითმმართველი ქალაქის – ბათუმის ტერიტორიაზე IV კლასს დაქვემდებარებული შენობა-ნაგებობის ვარგისად აღიარება;

გ) კანონმდებლობით დადგენილი წესით უნებართვოდ ან/და პროექტის დარღვევით აშენებული ობიექტის ლეგალიზება;

დ) მრავალბინიანი საცხოვრებელი სახლ(ებ)ისათვის მიწის ნაკვეთების საზღვრების დადგენის თაობაზე საპროექტო დოკუმენტაციის შეთანხმება;

ე) დადგენილი წესით მშენებლობის ნებართვის გაცემის პროცესში ქ. ბათუმის მთავარი არქიტექტორის მონაწილეობის უზრუნველყოფა;

ვ) დადგენილი წესით უნებართვოდ ან/და პროექტის დარღვევით აშენებული ობიექტის ლეგალიზების პროცესში ქ. ბათუმის მთავარი არქიტექტორის მონაწილეობის უზრუნველყოფა;

ზ) კანონმდებლობით დადგენილი წესით უწყებრივი სანებართვო რეესტრის წარმოება;

თ) მის კომპეტენციაში შემავალი სამართლებრივი დოკუმენტების პროექტების მომზადება;

ი) კონკურსებისა და აუქციონების ორგანიზება ქალაქ ბათუმის განვითარებისა და რეაბილიტაციის პროგრამების განსახორციელებლად;

კ) ქალაქ ბათუმის მოსახლეობის ინფორმირება დარგში არსებული მდგომარეობის, სამსახურის საქმიანობის ძირითადი მიმართულებებისა და სამომავლო გეგმების თაობაზე;

ლ) საერთაშორისო პრაქტიკაში აპრობირებული, ეფექტიანი, სამართლებრივი, ეკონომიკური და ორგანიზაციული მექანიზმების შესახებ წინადადებების შემუშავება მის კომპეტენციაში შემავალი სფეროების განვითარებისა და სრულყოფისათვის;

მ) მის კომპეტენციაში შემავალ საკითხებზე სარეკლამო და შემეცნებითი მნიშვნელობის მასალების მომზადება და გავრცელება ქ. ბათუმის ტერიტორიაზე;

ნ) სემინარებში, კონფერენციებში, ტრეინინგებსა თუ სხვა ღონისძიებებში მონაწილეობის მიღება და საჭიროების შემთხვევაში მათი ჩატარების ორგანიზება;

ო) თანამშრომლობა საზოგადოებრივ ორგანიზაციებთან;

პ) ფიზიკური და იურიდიული პირების განცხადებების მიღება და კანონით დადგენილ ვადებში და წესით განხილვა;

ჟ) სამსახურის კომპეტენციის ფარგლებში შესაბამისი პროგრამების შემუშავება;

რ) ურთიერთთანამშრომლობა როგორც საქართველოს, ისე საზღვარგარეთის შესაბამის სტრუქტურებთან;

ს) თვითმმართველი ქალაქის – ბათუმის საკრებულოსა და საკრებულოს თავმჯდომარის სხვა გადაწყვეტილებების და მერის სხვა დავალებების აღსრულება;

ტ) სტრუქტურული ქვედანაყოფის მეშვეობით სხვა უფლებამოსილების განხორციელება.

    მუხლი 4. მშენებლობის ნებართვის გაცემის პროცესში ქ. ბათუმის მთავარი არქიტექტორის მონაწილეობის უზრუნველყოფა

1. ქ. ბათუმის მერიის არქიტექტურისა და ურბანული დაგეგმარების სამსახურის მიერ არქიტექტურული პროექტის, კონსტრუქციული ან/და ტექნოლოგიური სქემის შეთანხმებამდე, მათი ქალაქთმშენებლობის მოთხოვნებთან შესაბამისობის თაობაზე გადაწყვეტილებას იღებს           ქ. ბათუმის მთავარი არქიტექტორი.

2. არქიტექტურული პროექტის, კონსტრუქციული ან/და ტექნოლოგიური სქემის შეთანხმებამდე, ქ. ბათუმის მერიის არქიტექტურისა და ურბანული დაგეგმარების სამსახური აღნიშნული ეტაპის ადმინისტრაციული წარმოების დაწყებიდან სამი კალენდარული დღის განმავლობაში მათ განსახილველად უგზავნის ქ. ბათუმის მთავარ არქიტექტორს, რომელიც არქიტექტურულ პროექტს, კონსტრუქციულ ან/და ტექნოლოგიურ სქემას იხილავს მათი                    ქ. ბათუმის მერიის არქიტექტურისა და ურბანული დაგეგმარების სამსახურის მიერ განსახილველად წარდგენიდან არა უგვიანეს 14 კალენდარული დღისა, იღებს შესაბამის გადაწყვეტილებას და ამავე ვადაში საქმის მასალებს უბრუნებს ქ. ბათუმის მერიის არქიტექტურისა და ურბანული დაგეგმარების სამსახურს.

3. ქ. ბათუმის მთავარი არქიტექტორის მიერ არქიტექტურული პროექტის, კონსტრუქციული ან/და ტექნოლოგიური სქემის თაობაზე მიღებული გადაწყვეტილება სავალდებულოა ქ. ბათუმის მერიის არქიტექტურისა და ურბანული დაგეგმარების სამსახურისათვის, რაც ნიშნავს, რომ:

ა) თუ არქიტექტურული პროექტი, კონსტრუქციული ან/და ტექნოლოგიური სქემა მოწონებული იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ ა აქვს პირს უარი უთხრას მოწონებული არქიტექტურული პროექტის, კონსტრუქციული ან/და ტექნოლოგიური სქემის შეთანხმებაზე იმ მოტივით, რომ ისინი არ შეესაბამება ქალაქთმშენებლობის მოთხოვნებს;

ბ) თუ არქიტექტურული პროექტი, კონსტრუქციული ან/და ტექნოლოგიური სქემა მოწონებული არ იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ ა აქვს შეითანხმოს არქიტექტურული პროექტის, კონსტრუქციული ან/და ტექნოლოგიური სქემის ის ვარიანტი, რომელიც მოწონებულ არ იქნა ქ. ბათუმის მთავარი არქიტექტორის მიერ.

    მუხლი 5. უნებართვოდ ან/და პროექტის დარღვევით აშენებული ობიექტის ლეგალიზების პროცესში ქ. ბათუმის მთავარი არქიტექტორის მონაწილეობის უზრუნველყოფა

1. თუ უნებართვოდ ან/და პროექტის დარღვევით აშენებული ობიექტის ლეგალიზების საკითხის განხილვისას დადასტურდა, რომ სავალდებულოა განხორციელდეს ლეგალიზებას მოთხოვნილი ობიექტის მოსაპირკეთებელი ან/და ტერიტორიის კეთილმოწყობითი სამუშაოები, ობიექტზე ან მის ნაწილებზე მოსაპირკეთებელი ან/და ტერიტორიის კეთილმოწყობითი სამუშაოების თაობაზე გადაწყვეტილებას ი ღებს ქ. ბათუმის მთავარი არქიტექტორი.

2. თუ უნებართვოდ ან/და პროექტის დარღვევით აშენებული ობიექტის ლეგალიზების საკითხის განხილვისას დადასტურდა, რომ სავალდებულოა განხორციელდეს ლეგალიზებას მოთხოვნილი ობიექტის ან მისი ნაწილების მოსაპირკეთებელი ან/და ტერიტორიის კეთილმოწყობითი სამუშაოები, ქ. ბათუმის მერიის არქიტექტურისა და ურბანული დაგეგმარების სამსახური, ობიექტის ლეგალიზების თაობაზე გადაწყვეტილების მიღებამდე, შესაბამისი ადმინისტრაციული წარმოების დაწყებიდან სამი კალენდარული დღის განმავლობაში საქმის მასალებს განსახილველად უგზავნის ქ. ბათუმის მთავარ არქიტექტორს, რომელიც ობიექტის ან მისი ნაწილების მოსაპირკეთებელი ან/და ტერიტორიის კეთილმოწყობითი სამუშაოების ჩამონათვალს განსაზღვრავს საქმის მასალების ქ. ბათუმის მერიის არქიტექტურისა და ურბანული დაგეგმარების სამსახურის მიერ განსახილველად წარდგენიდან არა უგვიანეს 10 კალენდარული დღისა, იღებს შესაბამის გადაწყვეტილებას და ამავე ვადაში საქმის მასალებს უბრუნებს ქ. ბათუმის მერიის არქიტექტურისა და ურბანული დაგეგმარების სამსახურს.

3. ობიექტის ან მისი ნაწილების მოსაპირკეთებელი ან/და ტერიტორიის კეთილმოწყობითი სამუშაოების ჩამონათვალის განსაზღვრის თაობაზე ქ. ბათუმის მთავარი არქიტექტორის მიერ მიღებული გადაწყვეტილება სავალდებულოა ქ. ბათუმის მერიის არქიტექტურისა და ურბანული დაგეგმარების სამსახურისათვის, რაც ნიშნავს, რომ:

ა) ქ. ბათუმის მერიის არქიტექტურისა და ურბანული დაგეგმარების სამსახური ვალდებულია უნებართვოდ ან/და პროექტის დარღვევით აშენებული ობიექტის ლეგალიზებით დაინტერესებულ პირს მოსთხოვოს ობიექტის ან მისი ნაწილების იმ მოსაპირკეთებელი ან/და ტერიტორიის კეთილმოწყობითი სამუშაოების შესრულება, რომელიც განსაზღვრულ იქნა                 ქ. ბათუმის მთავარი არქიტექტორის მიერ;

ბ) თუ უნებართვოდ ან/და პროექტის დარღვევით აშენებული ობიექტის ლეგალიზებით დაინტერესებული პირის მიერ სრულად იქნა შესრულებული ობიექტის ან მისი ნაწილების ის მოსაპირკეთებელი ან/და ტერიტორიის კეთილმოწყობითი სამუშაოები, რომლებიც განსაზღვრული იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ ა აქვს პირს უარი უთხრას უნებართვოდ ან/და პროექტის დარღვევით აშენებული ობიექტის ლეგალიზებაზე იმ მოტივით, რომ მის მიერ შესრულებული არ იქნა ობიექტის ან მისი ნაწილების მოსაპირკეთებელი ან/და ტერიტორიის კეთილმოწყობითი სამუშაოები.

გ) თუ უნებართვოდ ან/და პროექტის დარღვევით აშენებული ობიექტის ლეგალიზებით დაინტერესებული პირის მიერ სრულად არ იქნა შესრულებული ობიექტის ან მისი ნაწილების ის მოსაპირკეთებელი ან/და ტერიტორიის კეთილმოწყობითი სამუშაოები, რომლებიც განსაზღვრული იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ ა აქვს მოახდინოს უნებართვოდ ან/და პროექტის დარღვევით აშენებული ობიექტის ლეგალიზება.

4. ქ. ბათუმის მერიის არქიტექტურისა და ურბანული დაგეგმარების სამსახურის მიერ დაუსრულებელი უნებართვოდ ან/და პროექტის დარღვევით აშენებული ობიექტის არქიტექტურული პროექტის შესაბამისად, მშენებლობის დასასრულებლად ვადის განსაზღვრამდე, არქიტექტურული პროექტის ქალაქთმშენებლობის მოთხოვნებთან შესაბამისობის თაობაზე გადაწყვეტილებას ი ღებს ქ. ბათუმის მთავარი არქიტექტორი.

5. არქიტექტურული პროექტის შეთანხმებამდე, ქ. ბათუმის მერიის არქიტექტურისა და ურბანული დაგეგმარების სამსახური აღნიშნული ეტაპის ადმინისტრაციული წარმოების დაწყებიდან სამი კალენდარული დღის განმავლობაში მათ განსახილველად უგზავნის ქ. ბათუმის მთავარ არქიტექტორს, რომელიც არქიტექტურულ პროექტს იხილავს მათი ქ. ბათუმის მერიის არქიტექტურისა და ურბანული დაგეგმარების სამსახურის მიერ განსახილველად წარდგენიდან არა უგვიანეს 10 კალენდარული დღისა, იღებს შესაბამის გადაწყვეტილებას და ამავე ვადაში საქმის მასალებს უბრუნებს ქ. ბათუმის მერიის არქიტექტურისა და ურბანული დაგეგმარების სამსახურს.

6. ქ. ბათუმის მთავარი არქიტექტორის მიერ არქიტექტურული პროექტის თაობაზე მიღებული გადაწყვეტილება სავალდებულოა ქ. ბათუმის მერიის არქიტექტურისა და ურბანული დაგეგმარების სამსახურისათვის, რაც ნიშნავს, რომ:

ა) თუ არქიტექტურული პროექტი მოწონებულ იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ ა აქვს პირს უარი უთხრას მოწონებული არქიტექტურული პროექტის შესაბამისად დაუსრულებელი ობიექტის მშენებლობის დასრულების ვადის განსაზღვრაზე იმ მოტივით, რომ იგი არ შეესაბამება ქალაქთმშენებლობის მოთხოვნებს;

ბ) თუ არქიტექტურული პროექტი მოწონებული არ იქნა ქ. ბათუმის მთავარი არქიტექტორის მიერ, ქ. ბათუმის მერიის არქიტექტურისა და ურბანული დაგეგმარების სამსახურს უფლება არ აქვს პირს დაუსრულებელი ობიექტის მშენებლობის დასრულების ვადა განუსაზღვროს არქიტექტურული პროექტის იმ ვარიანტის შესაბამისად, რომელიც მოწონებული არ იქნა                   ქ. ბათუმის მთავარი არქიტექტორის მიერ.

თავი IV. სამსახურის ხელმძღვანელობა

    მუხლი 6. სამსახურის უფროსი და მისი უფლებამოსილებები

1. სამსახურს ხელმძღვანელობს სამსახურის უფროსი (შემდგომში - სამსახურის უფროსი).

2. სამსახურის უფროსს „ადგილობრივი თვითმმართველობის შესახებ“ საქართველოს ორგანული კანონის შესაბამისად თანამდებობაზე ნიშნავს და თანამდებობიდან ათავისუფლებს მერი.

3. სამსახურის უფროსი:

ა) წარმართავს სამსახურის საქმიანობას და პასუხისმგებელია სამსახურზე დაკისრებული ამოცანებისა და ფუნქციების შესრულებაზე;

ბ) მერს წარუდგენს წინადადებებს სამსახურის საკადრო საკითხებთან დაკავშირებით მოსამსახურეთა წახალისებისა და მათთვის დისციპლინუ რ ი პასუხისმგებლობის დაკისრების, მოსამსახურეთა მიერ მორიგი და დამატებითი შვებულებების გამოყენების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;

გ) განსაზღვრავს სამსახურის საქმიანობის ორგანიზებისა და დაგეგმვის წესს, ფორმებსა და მეთოდებს, სამსახურის მოსამსახურეთა სამსახურებრივ მოვალეობებს;

დ) მერს წარუდგენს სამსახურის მიერ მომზადებულ საკითხებს, წინადადებებს, დასკვნებსა და რეკომენდაციებს;

ე) მერს პერიოდულად წარუდგენს ანგარიშს სტრუქტურული ერთეულის მიერ შესრულებულ სამუშაოთა შესახებ;

ვ) უშუალოდ იხილავს სამსახურის საჯარო მოხელეთა სამსახურებრივი საქმიანობიდან გამომდინარე შეტანილ საჩივრებსა და წარდგინებებს, რომელზედაც წარუდგენს მერს შესაბამის დასკვნას;

ზ) ხელწერით ადასტურებს სამსახურიდან დოკუმენტების და სხვა მასალის გასვლას, რაც არ ითვლება მერიის წარმომადგენლობითი უფლებამოსილების განხორციელებად;

თ) უშუალოდ იხილავს სახელმწიფო საიდუმლოების შემცველ საკითხებს, ასეთის უფლებამოსილების არსებობის შემთხვევაში;

ი) თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტს, რომელიც ძალაში შედის მისი ხელმოწერისთანავე;

კ) სამსახურისადმი მიკუთვნებული უფლებამოსილების ფარგლებში ითანხმებს თვითმმართველ ი ქალაქის – ბათუმის სამართლებრივი აქტების პროექტებს;

ლ) ითანხმებს სტრუქტურულ ერთეულებში მომზადებული საკითხების მოქმედ კანონმდებლობასთან შესაბამისობას და მერიის საქმიანობიდან გამომდინარე, მერიისათვის მისი მიზანშეწონილობის საკითხს;

მ) სამსახურებრივ საკითხებზე კონსულტაციებს უწევს ქალაქ ბათუმის მერს, მერის მოადგილეს, სტრუქტურული ერთეულების, ასევე მერიის ტერიტორიული ორგანოების ხელმძღვანელებს;

ნ) წარმოადგენს სამსახურს მერიის სტრუქტურულ ერთეულებთან და ტერიტორიულ ორგანოებთან ურთიერთობისას;

ო) მონაწილეობს მერიის საქმიანობიდან გამომდინარე შექმნილ კომისიებში;

პ) ესწრება მერის თათბირებს;

ჟ) შეიძლება დაესწროს საკრებულოს სხდომებს და სათათბირო ხმის უფლებით მონაწილეობდეს საკრებულოს კომისიების მუშაობაში;

რ) ერთ-ერთ თანამშრომელს ავალებს საქმისწარმოების ფუნქციების შესრულებას;

ს) თავისი კომპეტენციის ფარგლებში ასრულებს მერის ცალკეულ დავალებებს;

ტ) მერის დავალებით ახორციელებს კანონმდებლობით გათვალისწინებულ სხვა ფუნქციებს.

4. სამსახურის უფროსი უფლებამოსილია უშუალოდ განახორციელოს სამსახურისადმი ან/და სამსახურის სტრუქტურული ქვედანაყოფისადმი მიკუთვნებული ნებისმიერი უფლებამოსილება.

5. სამსახურის უფროსი პასუხისმგებელია სამსახურის საქმიანობისათვის მერის წინაშე.

6. სამსახურის უფროსი ანგარიშვალდებულია სამსახურის საქმიანობისათვის მერის წინაშე.

7. სამსახურის უფროსის თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.

    მუხლი 7. სამსახურის უფროსის მოადგილე და მისი უფლებამოსილებები

1. სამსახურის უფროსს ჰყავს სამსახურის უფროსის მოადგილე (შემდგომში – უფროსის მოადგილე).

2. უფროსის მოადგილეს „ადგილობრივი თვითმმართველობის შესახებ“ საქართველოს ორგანული კანონის შესაბამისად თანამდებობაზე ნიშნავს და თანამდებობიდან ათავისუფლებს მერი.

3. უფროსის მოადგილე:

ა) სრულ კოორდინაციას და ხელმძღვანელობას უწევს ნებართვების გაცემის განყოფილების საქმიანობას;

ბ) სამსახურის უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი გადადგომისას ან/და გათავისუფლებისას ასრულებს სამსახურის უფროსის მოვალეობას;

გ) ხელმძღვანელობს სამსახურში მიმდინარე საქმისწარმოებისა და საარქივო საქმიანობას;

დ) საკურატორო ქვედანაყოფის უფლებამოსილებას მიკუთვნებულ საკითხებზე ხელწერით ადასტურებს სამსახურიდან დოკუმენტების და სხვა მასალის გასვლას, რაც არ ითვლება მერიის წარმომადგენლობითი უფლებამოსილების განხორციელებად;

ე) საკურატორო ქვედანაყოფის უფლებამოსილებას მიკუთვნებულ საკითხებზე ასრულებს მერის და სამსახურის უფროსის ცალკეულ დავალებებს;

ვ) სამსახურის უფროსის დავალებით ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს.

4. უფროსის მოადგილის მიერ წინამდებარე დებულების მე-3 პუნქტის „ა“ ქვეპუნქტის შესაბამისად საქმიანობის კოორდინაციისა და ხელმძღვანელობის განხორციელება გულისხმობს:

ა) პასუხისმგებელობას საკურატორო ქვედანაყოფზე დაკისრებული ამოცანებისა და ფუნქციების შესრულებაზე;

ბ) სამსახურის უფროსისადმი წინადადებების წარდგენას საკურატორო ქვედანაყოფის საკადრო საკითხებთან დაკავშირებით, საკურატორო ქვედანაყოფის მოსამსახურეთა წახალისებისა და მათთვის დისციპლინარული პასუხისმგებლობის დაკისრების, მოსამსახურეთა მიერ მორიგი და დამატებითი შვებულებების გამოყენების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;

გ) სამსახურის უფროსთან შეთანხმებით, საკურატორო ქვედანაყოფის საქმიანობის ორგანიზებისა და დაგეგმვის წესის, ფორმებისა და მეთოდების, საკურატორო ქვედანაყოფის მოსამსახურეთა სამსახურებრივი მოვალეობების განსაზღვრას;

დ) საკურატორო ქვედანაყოფის მოსამსახურეებისათვის დავალებების მიცემას და მათი შესრულების კონტროლს;

ე) სამსახურის უფროსისათვის საკურატორო ქვედანაყოფის მიერ მომზადებული საკითხების, წინადადებების, დასკვნებისა და რეკომენდაციების წარდგენას;

ვ) სამსახურის უფროსისათვის პერიოდულად ანგარიშის წარდგენას საკურატორო ქვედანაყოფის მიერ შესრულებულ სამუშაოთა შესახებ;

ზ) საკურატორო ქვედანაყოფის უფლებამოსილებას მიკუთვნებულ საკითხებზე ქალაქ ბათუმის მერის, მერის მოადგილის, სტრუქტურული ერთეულების, ასევე მერიის ტერიტორიული ორგანოებისათვის კონსულტაციების გაწევას.

5. უფროსის მოადგილე მასზე მიკუთვნებულ უფლებამოსილებებს ახორციელებს მხოლოდ სამსახურის უფროსთან შეთანხმებით.

6. უფროსის მოადგილე პასუხისმგებელი და ანგარიშვალდებულია სამსახურის უფროსის წინაშე.

7. უფროსის მოადგილის თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.

თავი V. სამსახურის სტრუქტურა

    მუხლი 8. სამსახურის სტრუქტურული ქვედანაყოფები

1. სამსახური შედგება სტრუქტურული ქვედანაყოფებისაგან.

2. სამსახურის სტრუქტურული ქვედანაყოფი იქმნება სამსახურის გამგებლობას მიკუთვნებული უფლება-მოვალეობების განხორციელების უზრუნველსაყოფად.

3. სამსახურის სტრუქტურული ქვედანაყოფებია:

ა) ნებართვების გაცემის განყოფილება;

ბ) ქალაქგეგმარებისა და ურბანული განვითარების განყოფილება.

4. სტრუქტურული ქვედანაყოფის გამგებლობას მიკუთვნებული უფლება-მოვალეობები განისაზღვრება წინამდებარე დებულებით.

    მუხლი 9. ნებართვების გაცემის განყოფილების უფლებამოსილებები

1. ნებართვების გაცემის განყოფილება:

ა) უზრუნველყოფს მიწის ნაკვეთის სამშენებლოდ გამოყენების პირობების დამტკიცებასთან დაკავშირებული ადმინისტრაციული აქტების პროექტების მომზადებას ( I სტადია);

ბ) უზრუნველყოფს არქიტექტურულ-სამშენებლო პროექტის შეთანხმებასთან დაკავშირებული ადმინისტრაციული აქტების პროექტების მომზადებას ( II სტადია);

გ) უზრუნველყოფს მშენებლობის ნებართვის გაცემასთან დაკავშირებული ადმინისტრაციული აქტების პროექტების მომზადებას ( III სტადია);

დ) უზრუნველყოფს თვითმმართველი ქ. ბათუმის ტერიტორიაზე IV კლასს დაქვემდებარებული შენობა-ნაგებობის ვარგისად აღიარებასთან დაკავშირებული ადმინისტრაციული აქტების პროექტების მომზადებას;

ე) უზრუნველყოფს უნებართვოდ ან/და პროექტის დარღვევით აშენებული ობიექტის ლეგალიზებასთან დაკავშირებული ადმინისტრაციული აქტების პროექტების მომზადებას;

ვ) ახორციელებს მოქმედი კანონმდებლობითა და შესაბამისი სამართლებრივი აქტებით მისთვის მინიჭებულ სხვა უფლებამოსილებებს;

ზ) სამსახურის უფროსის დავალებით ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს.

2. განყოფილება მასზე მიკუთვნებულ უფლებამოსილებებს ახორციელებს მხოლოდ სამსახურის უფროსთან და უფროსის მოადგილესთან შეთანხმებით.

3. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს ქ. ბათუმის მერი.

4. განყოფილების უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი განთავისუფლებისას, უფროსის მოვალეობის შესრულება ქ. ბათუმის მერის ბრძანების საფუძველზე ეკისრება განყოფილების ერთ-ერთ მთავარ სპეციალისტს.

5. განყოფილების უფროსი პასუხისმგებელია სამსახურის უფროსის წინაშე.

6. განყოფილების უფროსი ანგარიშვალდებულია სამსახურის უფროსისა და უფროსის მოადგილის წინაშე.

7. განყოფილების უფროსის თანამდებობიდან განთავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.

    მუხლი 10. ქალაქგეგმარებისა და ურბანული განვითარების განყოფილების უფლებამოსილებები

1. ქალაქგეგმარებისა და ურბანული განვითარების განყოფილება:

ა) უზრუნველყოფს ქალაქთმშენებლობითი (ურბანული განვითარება) პროცესებისა სივრცით-ტერიტორიული დაგეგმვის დოკუმენტების პროექტების მომზადებას;

ბ) უზრუნველყოფს მრავალბინიანი საცხოვრებელი სახლ(ებ)ისათვის მიწის ნაკვეთების საზღვრების დადგენასთან დაკავშირებული ადმინისტრაციული აქტების პროექტების მომზადებას;

გ) ახორციელებს მოქმედი კანონმდებლობითა და შესაბამისი სამართლებრივი აქტებით მისთვის მინიჭებულ სხვა უფლებამოსილებებს;

დ) სამსახურის უფროსის დავალებით ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს.

2. განყოფილება მასზე მიკუთვნებულ უფლებამოსილებებს ახორციელებს მხოლოდ სამსახურის უფროსთან შეთანხმებით.

3. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს ქ. ბათუმის მერი.

4. განყოფილების უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი განთავისუფლებისას, უფროსის მოვალეობის შესრულება ქ. ბათუმის მერის ბრძანების საფუძველზე ეკისრება განყოფილების ერთ-ერთ მთავარ სპეციალისტს.

5. განყოფილების უფროსი პასუხისმგებელი და ანგარიშვალდებულია სამსახურის უფროსის წინაშე.

6. განყოფილების უფროსის თანამდებობიდან განთავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.

    მუხლი 11. სამსახურის სტრუქტურაში არსებული თანამდებობები

 ამ დებულების შესაბამისად სამსახურის საშტატო ნუსხით სამსახურის შემადგენლობაში დგინდება შემდეგი თანამდებობები:

ა) სამსახურის უფროსი;

ბ) უფროსის მოადგილე;

გ) განყოფილების უფროსი;

დ) მთავარი სპეციალისტი;

ე) წამყვანი სპეციალისტი;

ვ) უფროსი სპეციალისტი;

ზ) სპეციალისტი.

თავი VI. სხვა დებულებები

    მუხლი 12. სხვა დებულებები

1. ქ. ბათუმის მთავარი არქიტექტორის მიერ უფლებამოსილების განხორციელების შეუძლებლობის შემთხვევაში (მივლინებაში ან შვებულებაში ყოფნა ან/და სხვა საფუძვლით სამსახურებრივი უფლებამოსილების შეჩერება) ან გათავისუფლებისას, თუ მერის სამართლებრივი აქტის საფუძველზე ქ. ბათუმის მთავარი არქიტექტორის უფლებამოსილების შესრულება არ დაეკისრა ქ. ბათუმის მერიის სხვა თანამშრომელს, ასევე ქ. ბათუმის მთავარი არქიტექტორის მიერ უფლებამოსილების განხორციელების შეუძლებლობის ან/და გათავისუფლების პერიოდიდან მერის სამართლებრივი აქტის საფუძველზე ქ. ბათუმის მთავარი არქიტექტორის უფლებამოსილების შესრულების სხვა თანამშრომლისათვის დაკისრების პერიოდამდე, წინამდებარე დებულების მე-3 მუხლის „ე“ და „ვ“ ქვეპუნქტები, ასევე მე-4 და მე-5 მუხლები არ მოქმედებს.

2. იმ უფლებამოსილებების ფარგლებში მიღებული გადაწყვეტილებები, რომელიც წინამდებარე დებულებით მიეკუთვნა ქ. ბათუმის მერიის არქიტექტურისა და ურბანული დაგეგმარების სამსახურს, მაგრამ წინამდებარე დებულების ძალაში შესვლამდე მიკუთვნებული ჰქონდა ქ. ბათუმის მერიის სხვა სტრუქტურულ ერთეულს, წინამდებარე დებულების ძალაში შესვლის შემდეგ ითვლება ქ. ბათუმის მერიის არქიტექტურისა და ურბანული დაგეგმარების სამსახურის მიერ მიღებულ გადაწყვეტილებად.

3. ის გადაწყვეტილებები, რომლის მიღების უფლებამოსილება „ქ. ბათუმის მერიის არქიტექტურისა და ურბანული დაგეგმარების სამსახურის დებულების დამტკიცების შესახებ“ თვითმმართველი ქალაქის – ბათუმის საკრებულოს 2007 წლის 30 ნოემბრის №20-6 დადგენილებით მიკუთვნებული ჰქონდა ქ. ბათუმის მერიის არქიტექტურისა და ურბანული დაგეგმარების სამსახურს, წინამდებარე დებულების დამტკიცების თაობაზე სამართლებრივი აქტის ძალაში შესვლის შემდეგ ითვლება წინამდებარე დებულებით გათვალისწინებული  ქ. ბათუმის მერიის არქიტექტურისა და ურბანული დაგეგმარების სამსახურის მიერ მიღებულ გადაწყვეტილებად.

 

 

Annotate