„თვითმმართველი ქალაქ ფოთის (ადგილობრივი თვითმმართველი ერთეულის) 2011 წლის ბიუჯეტის დამტკიცების შესახებ“

თვითმმართველი ქალაქ ფოთის საკრებულოს

დადგენილება №15/70

2010 წლის 29 დეკემბერი

ქ. ფოთი

თვითმმართველი ქალაქ ფოთის (ადგილობრივი თვითმმართველი ერთეულის) 2011 წლის ბიუჯეტის დამტკიცების შესახებ

თვითმმართველი ქალაქ ფოთის საკრებულო აღნიშნავს, რომ „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „კ“ ქვეპუნქტის, 39-ე მუხლის „ბ“ ქვეპუნქტის და საქართველოს საბიუჯეტო კოდექსის 77-ე და 78-ე მუხლების შესაბამისად, თვითმმართველი ქალაქ ფოთის (ადგილობრივი თვითმმართველი ერთეულის) 2011 წლის ბიუჯეტის დამტკიცება თვითმმართველი ქალაქ ფოთის მერის წარდგინების საფუძველზე თვითმმართველი ქალაქ ფოთის საკრებულოს კომპეტენციაა.

     მუხლი 1

დამტკიცდეს თვითმმართველი ქალაქ ფოთის (ადგილობრივი თვითმმართველი ერთეულის) 2011 წლის ბიუჯეტი.

    მუხლი 2

დამტკიცდეს თვითმმართველი ქალაქ ფოთის 2011 წლის ბიუჯეტის შემოსავლები 13616.5 ათ. ლარის ოდენობით, მათ შორის:

1. მიღებულ იქნეს თვითმმართველი ქალაქ ფოთის 2011 წლის ბიუჯეტის გადასახადების გეგმა 5200.0ათ. ლარის ოდენობით.

2. მიღებულ იქნეს თვითმმართველი ქალაქ ფოთის 2011 წლის ბიუჯეტის გრანტების გეგმა 5916.5 ათ. ლარის ოდენობით, მათ შორის:

გათანაბრებითი ტრანსფერი - 5662.5 ათ. ლარი;

მიზნობრივი ტრანსფერი - 254.0 ათ. ლარი.

3. მიღებულ იქნეს თვითმმართველი ქალაქ ფოთის 2011 წლის ადგილობრივ ბიუჯეტში სხვა შემოსავლების გეგმა 2500.0 ათ. ლარის ოდენობით.

    მუხლი 3

დამტკიცდეს თვითმმართველი ქალაქ ფოთის 2011 წლის ბიუჯეტიდან გადასახდელები (ხარჯები) 10616.7 ათ. ლარის ოდენობით, მათ შორის:

1. წარმომადგენლობითი ორგანო - 503.5 ათ. ლარი;

2. აღმასრულებელი ორგანოები - 2573.0 ათ. ლარი;

3. არქივი - 1.0 ათ. ლარი;

4. მაჟორიტარი დეპუტატის მომსახურების ხარჯი - 30.0 ათ. ლარი;

5. თავდაცვის ღონისძიებები - 99.5 ათ. ლარი;

6. ხანძარსაწინააღმდეგო დაცვა - 430.0 ათ. ლარი;

7. ინფრასტრუქტურის მშენებლობა, რეაბილიტაცია და ექსპლოატაცია - 2484.0 ათ. ლარი;

8. ჯანმრთელობის დაცვის პროგრამები - 348.0 ათ. ლარი;

9. სოციალური დაცვის პროგრამები - 707.5 ათ. ლარი;

10. სკოლამდელი აღზრდა - 1000.0 ათ. ლარი;

11. სპორტული და კულტურული ღონისძიებები - 1967.5 ათ. ლარი;

12. მგფ კრედიტის სარგებლობისათვის გადასახდელი პროცენტი - 221.7 ათ. ლარი;

13. სხვა არაკლასიფიცირებული ხარჯი - 1.0 ათ. ლარი;

14. სარეზერვო ფონდი - 250.0 ათ. ლარი.

    მუხლი 4

თვითმმართველი ქალაქ ფოთის 2011 წლის ბიუჯეტში არაფინანსური აქტივების ცვლილება დამტკიცდეს შემდეგნაირად:

1. არაფინანსური აქტივების ზრდა (შეძენა) – 5815.4 ათ. ლარი;

2. არაფინანსური აქტივების კლება (გაყიდვა) – 3000.0 ათ. ლარი;

    მუხლი 5

თვითმმართველი ქალაქ ფოთის 2011 წლის ბიუჯეტში ძირითად პრიორიტეტად განისაზღვროს:

1. სოციალური და ჯანმრთელობის დაცვის პროგრამების განხორციელება;

2. ქალაქის ინფრასტრუქტურის მოწესრიგება, მათ შორის:

ა) საცხოვრებელი სახლების ეზოების კეთილმოწყობა;

ბ) სპორტულ-გამაჯანსაღებელი მოედნების მოწყობა;

გ) საცხოვრებელი სახლების ფასადების იერსახის მოწესრიგება;

დ) გარე განათების სამუშაოები;

ე) სანიაღვრე არხების ქსელების სისტემების მოწყობა;

ვ) საცხოვრებელ სახლებში ფეკალური კანალიზაციის სისტემების მოწყობა;

ზ) საცხოვრებელი სახლების სახურავების კაპ იტალური შეკეთება;

თ) თეატრის მშენებლობა;

ი) სპორტული დარბაზის მშენებლობა.

    მუხლი 6

1. ბავშვთა კვებისათვის დაწესდეს 1 ბავშვზე 1.5 ლარი დღეში.

2. დაწესდეს მშობელთა შენატანი კვებაზე ერთ ბავშვზე 15.5 ლარი თვეში.

    მუხლი 7

ქალაქში დემოგრაფიული სიტუაციის შემდგომი გაუმჯობესებისათვის თვითმმართველი ქალაქ ფოთის მკვიდრ, ასევე ქალაქ ფოთში რეგისტრირებულ დევნილთა მრავალშვილიან ოჯახებს, რომლებიც ზრდიან 3, 4 და მეტ არასრულწლოვან მოზარდს (16 წლამდე) ბოლო შვილზე დაენიშნოს ყოველთვიური მატერიალური დახმარება:

– 3 შვილიან ოჯახს – 50 ლარი;

– 4 შვილიან ოჯახს –90 ლარი;

– 5 შვილიან ოჯახს – 120 ლარი;

– 6 შვილიან ოჯახს – 200 ლარი;

– 7 შვილიან ოჯახს – 250 ლარი;

– 8 და მეტ შვილიან ოჯახს – 300 ლარი.

    მუხლი 8

ყოველ ახალშობილზე (მათ შორის, ქალაქ ფოთში რეგისტრირებულ დევნილებზე) გაიცეს დახმარება ერთჯერადად 100 ლარის ოდენობით.

    მუხლი 9

მარტოხელა, მიუსაფარ მოხუცთა და ინვალიდთა ერთჯერადი კვების ხარჯი განისაზღვროს 170.0 ათ. ლარით.

    მუხლი 10

მუნიციპალური განვითარებისა და დეცენტრალიზაციის პროგრამის ფარგლებში განხორციელებული საინვესტიციო პროექტებისათვის „გზის საფარის აღდგენა რეკვავას ქუჩაზე“ (2001 წ.), „ჭანტურიას ქუჩის გზის საფარის კაპიტალური შეკეთება“ (2005 წ.), „ბარათაშვილის ქუჩის გზის საფარის კაპიტალური შეკეთება“ (2005 წ.), „თავდადებულის ქუჩის გზის საფარის კაპიტალური შეკეთება“ (2005 წ.), „ექსკავატორ-მტვირთავის შეძენა“ (2008 წ.), „საყოფაცხოვრებო ნარჩენების შესაგროვებელი კონტეინერების შეძენა“ (2008 წ.), „საკანალიზაციო სატუმბი სადგურებისა და ქსელგამოცვლილი ქუჩების რეაბილიტაცია“ (2009 წ.) თვითმმართველი ქალაქ ფოთის საკრედიტო ვალდებულებები (კრედიტების ძირითადი თანხა) მუნიციპალური განვითარების ფონდისადმი 2011 წელს სავარაუდოდ შეადგენს 184.4 ათ. ლარს.

    მუხლი 11

1. ძალადაკარგულად გამოცხადდეს თვითმმართველი ქალაქ ფოთის საკრებულოს 2009 წლის 31 დეკემბრის №21/36 დადგენილება „თვითმმართველი ქალაქ ფოთის (ადგილობრივი თვითმმართველი ერთეულის) 2010 წლის ბიუჯეტის დამტკიცების შესახებ“.

2. ამ დადგენილების მუხლი 1, მუხლი 2, მუხლი 3, მუხლი 4, მუხლი 5, მუხლი 6, მუხლი 7, მუხლი 8, მუხლი 9, მუხლი 10 და მუხლი 11-ის პირველი პუნქტი ძალაშია 2011 წლის 1 იანვრიდან.

3. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                      ი. საღინაძე