"თვითმმართველი ქალაქ ფოთის მერიის ადმინისტრაციის (სამსახური) დებულების დამტკიცების შესახებ"

თვითმმართველი ქალაქ ფოთის საკრებულოს

დადგენილება №15/55

2010 წლის 29 დეკემბერი

ქ. თბილისი

თვითმმართველი ქალაქ ფოთის მერიის ადმინისტრაციის (სამსახური) დებულების დამტკიცების შესახებ

  თვითმმართველი ქალაქ ფოთის საკრებულო აღნიშნავს, რომ „ადგილობრივი თვითმმართველობის შესახებ“ საქართველოს ორგანული კანონის 38-ე მუხლის მე-7 ქვეპუნქტის შესაბამისად, თვითმმართველი ქალაქ ფოთის საკრებულოს უფლებამოსილებაა თვითმმართველი ქალაქ ფოთის მერიის სტრუქტურული ერთეულის – თვითმმართველი ქალაქ ფოთის მერიის ადმინისტრაციის (სამსახური) დებულების დამტკიცება. აღნიშნულიდან გამომდინარე:

1. დამტკიცდეს თვითმმართველი ქალაქ ფოთის მერიის ადმინისტრაციის (სამსახური) დებულება, თანახმად დანართი 1-ისა.

2. ძალადაკარგულად გამოცხადდეს თვითმმართველი ქალაქ ფოთის საკრებულოს 2007 წლის 29 მარტის №4/33 დადგენილება „თვითმმართველი ქალაქ ფოთის მერიის ადმინისტრაციის (სამსახური) დებულების დამტკიცების შესახებ“.

3. ეს დადგენილება ამოქმედდეს 2011 წლის 1 იანვრიდან.

საკრებულოს თავმჯდომარე    ი. საღინაძე

შეტანილი ცვლილებები:

1. თვითმმართველი ქალაქ ფოთის საკრებულოს 2011 წლის 27 იანვრის დადგენილება №2/5-ვებგვერდი, 08.02.2011წ.

დანართი 1

თვითმმართველი ქალაქ ფოთის მერიის ადმინისტრაციის

(სამსახური)

დ ე ბ უ ლ ე ბ ა

    მუხლი 1. ზოგადი დებულებანი

1. თვითმმართველი ქალაქ ფოთის მერიის ადმინისტრაცია (სამსახური) (შემდგომში – „ადმინისტრაცია”) არის თვითმმართველი ქალაქ ფოთის მერიის კომპეტენციას მიკუთვნებული საკითხების მართვის მიზნით შექმნილი სტრუქტურული ერთეული, რომელიც „ადგილობრივი თვითმმართველობის შესახებ” საქართველოს ორგანული კანონისა და მოქმედი კანონმდებლობის საფუძველზე თვითმმართველი ქალაქის ტერიტორიის ფარგლებში ახორციელებს მის კომპეტენციას მიკუთვნებული საკითხების გადაწყვეტას.

2. ადმინისტრაცია თავის საქმიანობაში ხელმძღვანელობს „ადგილობრივი თვითმმართველობის შესახებ” საქართველოს ორგანული კანონით, „საჯარო სამსახურის შესახებ“ საქართველოს კანონით, საქართველოს ზოგადი ადმინისტრაციული კოდექსით და სხვა საკანონმდებლო აქტებით. თვითმმართველი ქალაქ ფოთის საკრებულოს, საკრებულოს თავმჯდომარის, მერის სამართლებრივი აქტებითა და წინამდებარე დებულებით. მათი შესრულების მიზნით ადმინისტრაცია წყვეტს მის კომპეტენციაში შემავალ საკითხებს.

3. ადმინისტრაციის კომპეტენცია, სტრუქტურა და საქმიანობის წესი განისაზღვრება თვითმმართველი ქალაქ ფოთის მერიის დებულებით, რომელსაც ამტკიცებს თვითმმართველი ქალაქ ფოთის საკრებულო თვითმმართველი ქალაქ ფოთის საკრებულოს თავმჯდომარის წარდგინებით, ხოლო დებულების პროექტს თვითმმართველი ქალაქ ფოთის საკრებულოს თავმჯდომარეს წარუდგენს თვითმმართველი ქალაქ ფოთის მერი.

4. ადმინისტრაცია ანგარიშვალდებულია თვითმმართველი ქალაქ ფოთის მერის წინაშე.

5. ადმინისტრაციას აქვს ბეჭედი, შტამპი თვითმმართველი ქალაქ ფოთის გერბის გამოსახულებით.

6. ადმინისტრაციის დაფინანსება ხდება თვითმმართველი ერთეულის ბიუჯეტიდან.

7. ადმინისტრაციის იურიდიული მისამართია: ქ. ფოთი, დ. აღმაშენებლის ქ. №12.

თვითმმართველი ქალაქ ფოთის საკრებულოს 2011 წლის 27 იანვრის დადგენილება №2/5-ვებგვერდი, 08.02.2011წ.

    მუხლი 2. ადმინისტრაციის ძირითადი ამოცანები

და ფუნქციები

1. მერისათვის ხელშეწყობა საკრებულოში სამართლებრივი აქტის მიღების ინიციატივის განხორციელებაში.

2. მერისათვის (მერის მოადგილეებისათვის) კანონმდებლობით მათთვის მინიჭებული უფლებამოსილების განხორციელებაში ხელშეწყობა.

3. მერიის სტრუქტურულ ერთეულებში მომზადებული სამართლებრივი აქტების პროექტების ექსპერტიზა.

4. მერის სამართლებრივი აქტების, ხელშეკრულების და სხვა ოფიციალური დოკუმენტაციის პროექტების მომზადება და/ან შეთანხმება.

5. მერიის (მერის) წარმომადგენლობა სასამართლო ორგანოებში, ასევე სხვა სახელმწიფო ორგანოებთან და ორგანიზაციებთან ურთიერთობისას.

6. მერის, მერის მოადგილეების და მერიაში შემავალი სამსახურების პერიოდული უზრუნველყოფა საქართველოს მედიის მიერ გავრცელებული ქალაქ ფოთის მერიის საქმიანობის ამსახველი ინფორმაციის თაობაზე.

7. მედიის საინფორმაციო საშუალებებთან ურთიერთობა.

8. მერიის მუშაობის შედეგების საინფორმაციო ბაზის წარმართვა და ანალიზი.

9. საიდუმლო საქმისწარმოებისა და საიდუმლო რეჟიმის დაცვის უზრუნველყოფა.

10. მერიაში საჯარო ინფორმაციაზე ხელმისაწვდომობის უზრუნველყოფა.

11. მერიის არქივის წარმოება.

12. მერიაში ერთიან საქმისწარმოებასთან დაკავშირებით სხვა უფლება-მოვალეობების განხორციელება.

13. მერიაში დოკუმენტაციის შეუფერხებელი ბრუნვის უზრუნველყოფა.

14. საკრებულოს, საკრებულოს თავმჯდომარის, მერის და მერის მოადგილეების დავალებების შესრულების კონტროლი. საკრებულოს, საკრებულოს თავმჯდომარისა და მერის სამართლებრივი აქტების შესრულების კონტროლი.

15. მერის, მერის მოადგილეების თათბირების ორგანიზება.

16. მოქალაქეთათვის მერიის საქმიანობის გაცნობა.

17. მერიის სისტემაში შემავალ სამსახურებთან ურთიერთობის დამყარება, მათი საქმიანობის შესახებ ინფორმაციის მოპოვება და ერთობლივი პროექტების კოორდინირებულად განხორციელება.

18. საკადრო მონაცემების ინფორმაციის ბაზის წარმოება.

19. თავისი კომპეტენციის ფარგლებში ახორციელებს ურთიერთობას თვითმმართველი ქალაქ ფოთის სახელით სამთავრობო, საპარლამენტო და ადგილობრივი თვითმმართველობის ორგანოების, საწარმო-დაწესებულებების, საერთაშორისო დონორი ორგანიზაციებისა და კერძო ბიზნესის სტრუქტურებთან.

20. უზრუნველყოფს საქმიანი პარტნიორების გამოვლენასა და მათთან კონტაქტების დამყარებას.

21. ხელს უწყობს ოფიციალური დელეგაციების მიღებასა და დაბინავებას.

22. თვითმმართველ ქალაქ ფოთში მყოფი უცხო ქვეყნის წარმომადგენლების მერის მიერ დახვედრის, მიღების, გაცილების ორგანიზება.

23. უზრუნველყოფს სამსახურის კომპეტენციას მიკუთვნებულ საკითხებთან დაკავშირებული სახელმწიფო შესყიდვების შესახებ ხელშეკრულების პირობების შესრულების კონტროლს, სახელმწიფო შესყიდვების დოკუმენტაციის მომზადებას და მათ წარდგენას თვითმმართველი ქალაქ ფოთის მერიის შესყიდვებისა და მატერიალურ-ტექნიკური უზრუნველყოფის სამსახურისათვის.

24. უზრუნველყოფს სამსახურის კომპეტენციას მიკუთვნებულ საკითხებთან დაკავშირებული თვითმმართველი ქალაქ ფოთის საკრებულოს, საკრებულოს თავმჯდომარის, მერის სამართლებრივი აქტების, მერიის წერილების, ოფიციალური დოკუმენტაციების პროექტების მომზადებას და თვითმმართველ ქალაქ ფოთის მერისთვის წარდგენას.

25. სტრუქტურული ქვედანაყოფის მეშვეობით მოქმედი კანონმდებლობით გათვალისწინებული სხვა უფლებამოსილების განხორციელება და თავისი კომპეტენციის ფარგლებში საკრებულოს თავმჯდომარის, მერის, მერის მოადგილეების სხვა დავალებების შესრულება.

    მუხლი 3. ადმინისტრაციის საქმიანობის ორგანიზაცია

და სტრუქტურა

1. სამსახური შედგება სამსახურის უფროსის, უფროსის მოადგილის, მერის თანაშემწეებისა და სტრუქტურული ქვედანაყოფების – განყოფილებებისაგან.

2. სამსახურის სტრუქტურული ქვედანაყოფებია:

  ა) იურიდიული განყოფილება;

  ბ) კადრებისა და საქმისწარმოების განყოფილება;

  გ) მასმედიასთან და საზოგადოებასთან ურთიერთობის განყოფილება;

  დ) საგარეო ურთიერთობებისა და პროტოკოლის განყოფილება;

  ე) მერის თანაშემწეები.

3. სამსახურის საქმიანობას წარმართავს სამსახურის უფროსი, რომლის უფლებამოსილებები განისაზღვრება თვითმმართველი ქალაქ ფოთის მერიის დებულების მე-10 მუხლით და სამსახურის უფროსის სამუშაოთა აღწერილობით. უფროსის არყოფნის შემთხვევაში, მერის დავალებით, სამსახურის უფროსის უფლება-მოვალეობებს ახორციელებს სამსახურის უფროსის მოადგილე, ხოლო უფროსის მოადგილის არყოფნის შემთხვევაში ერთ-ერთი განყოფილების უფროსი.

4. სამსახურის უფროსის მოადგილე ასრულებს თვითმმართველი ქალაქ ფოთის საკრებულოს თავმჯდომარის, თვითმმართველი ქალაქ ფოთის მერისა და სამსახურის უფროსის დავალებებს.

5. სამსახურის განყოფილება შედგება განყოფილების უფროსისა და განყოფილების მოხელეებისაგან.

6. განყოფილების საქმიანობას წარმართავს განყოფილების უფროსი, რომლის უფლებამოსილებები განისაზღვრება წინამდებარე დებულებითა და შესაბამისი სამუშაოთა აღწერილობით. განყოფილების უფროსის არყოფნის შემთხვევაში, მერის დავალებით, განყოფილების უფროსის უფლება-მოვალეობებს ახორციელებს განყოფილების ერთ-ერთი მოხელე.

7. სამსახურის მოხელეთა თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება მერიის დებულებით, „საჯარო სამსახურის შესახებ" კანონის შესაბამისად.

    მუხლი 4. იურიდიული განყოფილების ძირითადი ფუნქციები და ამოცანები:

1. თვითმმართველი ქალაქ ფოთის მერიის სტრუქტურულ ერთეულებში მომზადებული სამართლებრივი აქტების პროექტების სამართლებრივი ექსპერტიზა;

2. ცალკეულ საკითხებზე სამართლებრივი დასკვნების შედგენა;

3. თვითმმართველი ქალაქ ფოთის მერისათვის რეკომენდაციის მომზადება მერიის საქმიანობასთან დაკავშირებით წარმოშობილ ცალკეულ საკითხებთან დაკავშირებით;

4. თვითმმართველი ქალაქ ფოთის მერის დავალებით სამართლებრივი აქტების პროექტების მომზადება;

5. თვითმმართველი ქალაქ ფოთის მერიის თანამშრომელთათვის კონსულტაციის მიცემა ქვეყანაში მოქმედ კანონმდებლობასთან დაკავშირებით;

6. თვითმმართველი ქალაქ ფოთის მერიაში შემუშავებული სამართლებრივი აქტების პროექტების, ადმინისტრაციული გარიგებების, ადმინისტრაციული სამართალდარღვევის ოქმების და სხვა დოკუმენტების სამართლებრივი ექსპერტიზა, მათ შესაბამისობას მოქმედ კანონმდებლობასთან და თვითმმართველი ქალაქ ფოთის საკრებულოს ნორმატიულ აქტებთან;

7. თვითმმართველი ქალაქ ფოთის (ადგილობრივი თვითმმართველი ერთეული) წარმომადგენლობა სასამართლო ინსტანციებში, სხვა სამართალდამცავ ორგანოებში და დაწესებულებებში;

8. შესაბამისი დავალების შემთხვევაში ახორციელებს თვითმმართველი ერთეულის ინტერესების დაცვას სახელმწიფო ორგანოებთან, კერძო და საჯარო სამართლის იურიდიულ პირებთან ურთიერთობის დროს (მათ შორის, ამ ორგანოთა სხდომებზე, თათბირებზე და ა.შ.);

9. განიხილავს მოქალაქეთა წერილებსა და საჩივრებს;

10. თვითმმართველი ქალაქ ფოთის საკრებულოს თავმჯდომარის, თვითმმართველი ქალაქ ფოთის მერისა და სამსახურის უფროსის დავალებების შესრულებას;

11. ახორციელებს კანონმდებლობით გათვალისწინებულ სხვა უფლებამოსილებებს.

    მუხლი 5. კადრებისა და საქმისწარმოების განყოფილების ძირითადი ფუნქციები და ამოცანები:

1. თვითმმართველი ქალაქ ფოთის მერიის საჯარო მოსამსახურეთა საკადრო პოლიტიკის შემუშავებასა და მის განხორციელებას;

2. თვითმმართველი ქალაქ ფოთის მერიის მოსამსახურეთა მიერ „საჯარო სამსახურის შესახებ“ საქართველოს კანონის მოთხოვნათა შესრულების უზრუნველყოფას და კონტროლს, საკადრო საკითხებთან დაკავშირებით სამართლებრივი აქტების პროექტების მომზადებას;

3. თვითმმართველი ქალაქ ფოთის მერიის მოსამსახურეთა პირადი საქმეების წარმოებას; შრომის წიგნაკების, ჩანართი ფურცლების აღრიცხვა-წარმოებას, სოციალური საკითხების გადაწყვეტას და საპენსიო საბუთების გაფორმებას წელთა ნამსახურობის მიხედვით;

4. თვითმმართველი ქალაქ ფოთის მერიის სტრუქტურული ერთეულებისა და ტერიტორიული ორგანოების ფუნქციურ და მართვის პროცედურების ანალიზს და შესაბამისი რეკომენდაციების შემუშავებას;

5. თვითმმართველი ქალაქ ფოთის მერიის სტრუქტურული ერთეულებისა და ტერიტორიული ორგანოების კონტროლს საკადრო პოლიტიკის განხორციელებისა და ადამიანური რესურსების მართვის სფეროში;

6. თვითმმართველი ქალაქ ფოთის მერიის სტრუქტურული ერთეულებისა და ტერიტორიული ორგანოების მართვის სისტემის ოპტიმიზაციას;

7. ადგილობრივი თვითმმართველობის საჯარო მოსამსახურეთათვის საკლასო ჩინების მინიჭების საკითხების მომზადებას;

8. ადგილობრივი თვითმმართველობის საჯარო მოსამსახურეთა სტაბილურობის, სამსახურებრივი გადაადგილების და დენადობის თაობაზე სტატისტიკური მონაცემების დამუშავებას, პერიოდულ ანალიზსა და შეფასებას;

9. თვითმმართველი ქალაქ ფოთის მერიის მოსამსახურეთა ატესტაციების და ვაკანტურ თანამდებობაზე კონკურსის ჩატარების ორგანიზებას;

10. თვითმმართველი ქალაქ ფოთის მერიის მოსამსახურეთა პროფესიული დონის ანალიზს, მათი მომზადების, გადამზადებისა და კვალიფიკაციის ამაღლების ორგანიზებას; სტაჟირებასთან და პრაქტიკის გავლასთან დაკავშირებული საკითხების გადაწყვეტას;

11. თვითმმართველობის საჯარო მოსამსახურეთათვის კონსულტაციების გაწევა მათი სამართლებრივი მდგომარეობის, შეზღუდვების და სამსახურის გავლასთან დაკავშირებულ სხვა საკითხებზე;

12. თვითმმართველი ქალაქ ფოთის მერის, მერის მოადგილეებისა და ადმინისტარციის უფროსის თათბირების ოქმების მომზადება-გაფორმება;

13. თვითმმართველი ქალაქ ფოთის მერის სამართლებრივი აქტების ადმინისტრაციის იურიდიული განყოფილების მიერ საბოლოო ექსპერტიზისა და რედაქტირების შემდეგ მერისათვის ხელმოსაწერად მომზადება;

14. თვითმმართველი ქალაქ ფოთის მერის ხელმოწერილი სამართლებრივი აქტების შესაბამის მერიის სამსახურებზე და თანამდებობის პირებზე დასაგზავნად მომზადება და მისი დაგზავნის უზრუნველყოფა;

15. ხელმოსაწერად ვიზირებული მერის სამართლებრივი აქტების პროექტების რეგისტრაციაში გატარება, თანმხლები რეკვიზიტების შემოწმება და ხელმოსაწერად მომზადება;

16. კორესპოდენციების ცენტრალიზებული დოკუმენტბრუნვის უზრუნველყოფა;

17. საჯარო ინფორმაციის ხელმისაწვდომობის უზრუნველყოფა;

18. თვითმმართველი ქალაქ ფოთის მერიის არქივის წარმოება;

19. თვითმმართველი ქალაქ ფოთის მერიის სატიტულო ბლანკების, საქმისწარმოებისათვის საჭირო ბეჭდების, შტამპების, ბლანკების გამოყენების კონტროლი;

20. სტუდენტთა სასწავლო პრაქტიკის გავლის ორგანიზება;

21. უზრუნველყოფს თვითმმართველი ქალაქ ფოთის მერის, ადმინისტრაციის უფროსის სახელზე შემოსული ოფიციალური კორესპოდენციების აღრიცხვას, შესაბამისი რეზოლუციების საფუძველზე მათ დროულად დამუშავებას და შემსრულებლამდე მიწოდებას;

22. უზრუნველყოფს ელექტრონული საქმისწარმოების დანერგვას;

23. უზრუნველყოფს თვითმმართველი ქალაქ ფოთის მერის, ადმინისტრაციის უფროსის ხელწერით გასული ოფიციალური კორესპოდენციის რეგისტრაციას და დანიშნულებისამებრ ადრესატისათვის ჩაბარებას ან საფოსტო კავშირებით გადაგზავნას;

24.  მეთოდურ დახმარებასა და კონსულტაციებს უწევს თვითმმართველი ქალაქ ფოთის მერიის საჯარო მოხელეებს საქმისწარმოების ორგანიზაციის საკითხებში;

25. უზრუნველყოფს თვითმმართველ ქალაქ ფოთის ადმინისტრაციაში შემოსულ კონტროლზე აყვანილი ოფიციალური კორესპო ნ დენციების შესრულების ვადების დაცვისათვის შეხსენების სისტემის მუშაობას;

26. უზრუნველყოფს თვითმმართველი ქალაქ ფოთის მერის, საჯარო ინფორმაციის გაცემაზე პასუხისმგებელი პირის სახელზე საჯარო ინფორმაციის მოთხოვნით შემოსული წერილების შესრულების ორგანიზაციას და მათ უშუალო შესრულებას საქართველოს ზოგადი ადმინისტრაციული კოდექსით დადგენილ ვადებში;

27. ორგანიზებას უწევს თვითმმართველი ქალაქ ფოთის მერთან მოქალაქეთა ერთიან მიღებას;

28. თვითმმართველი ქალაქ ფოთის მერიის ადმინისტრაციის (სამსახური) იურიდიულ განყოფილებასთან ერთად უზრუნველყოფს საკადრო საკითხებთან დაკავშირებით თვითმმართველი ქალაქ ფოთის მერის სამართლებრივი აქტების პროექტების მომზადებას;

29. ახორციელებს ყოველდღიურ კონტროლს ადმინისტრაციის შინაგანაწესისა და შრომის დისციპლინის დაცვისათვის;

30. ადგილობრივი თვითმმართველობის საჯარო მოსამსახურეთა ატესტაციების და ვაკანტურ თანამდებობაზე კონკურსის ჩატარების ორგანიზებას;

31. ადგილობრივი თვითმმართველობის საჯარო მოსამსახურეთა პროფესიული დონის ანალიზს, მათი მომზადების, გადამზადებისა და კვალიფიკაციის ამაღლების ორგანიზებას; სტაჟირებასთან და პრაქტიკის გავლასთან დაკავშირებული საკითხების გადაწყვეტას;

32. თვითმმართველი ქალაქ ფოთის მერიის შტატგარეშე და დამხმარე მოსამსახურეებთან შრომითი ხელშეკრულებების პროექტის მომზადება; აღრიცხვა და კონტროლი ხელშეკრულებით გათვალისწინებულ პირობების დაცვაზე;

33. თვითმმართველი ქალაქ ფოთის მერიის საჯარო მოსამსახურეთა შვებულებაში გასვლის გრაფიკის შედგენას;

34. თვითმმართველი ქალაქ ფოთის მერიის საჯარო მოსამსახურეთა დისციპლინუ რ ი გადაცდომის შესახებ საკითხების განხილვას და დისციპლინუ რ ი ზომის გამოყენების თაობაზე შესაბამისი წინადადებების მომზადებას;

35. თვითმმართველი ქალაქ ფოთის საკრებულოს თავმჯდომარის, თვითმმართველი ქალაქ ფოთის მერისა და სამსახურის უფროსის დავალებების შესრულებას;

36. ახორციელებს კანონმდებლობით გათვალისწინებულ სხვა უფლებამოსილებებს.

    მუხლი 6. საზოგადოებასთან და მასმედიასთან ურთიერთობის განყოფილების ძირითადი ფუნქციები და ამოცანები:

1. ორგანიზებას უწევს თვითმმართველი ქალაქ ფოთის მერის შეხვედრებს მასობრივი საინფორმაციო საშუალებების წარმომადგენლებთან;

2. უზრუნველყოფს პრესკონფერენციების მოწყობას;

3. ამზადებს პრესრელიზებსა და საინფორმაციო წერილებს მასობრივი საინფორმაციო საშუალებებით გასავრცელებლად;

4. ახდენს სხვადასხვა უწყებებთან და პრესსამსახურებთან ურთიერთობის კოორდინირებას;

5. უზრუნველყოფს თვითმმართველი ქალაქ ფოთის მერს საქართველოს ბეჭდვითი მედიის მასალების ყოველდღიური თემატური ნაკრებით, საინფორმაციო გადაცემების მონიტორინგის შედეგებით, ბეჭდვითი მედიის ყოველდღიური ანალიზით, თვითმმართველი ქალაქ ფოთის მერისა და მერიის საქმიანობის ამსახველი მედიის მასალების შეფასებით და რეკომენდაციებით;

6. დადგენილი წესით აღრიცხავს შემოსულ ინფორმაციას;

7. თვითმმართველი ქალაქ ფოთის მერიის მუშაობის გაშუქებისას ახდენს მასობრივ საინფორმაციო საშუალებებთან ურთიერთობის კოორდინირებას;

8. ორგანიზებას უწევს მედიის წარმომადგენლების თვითმმართველი ქალაქ ფოთის მერიის თანამშრომლებთან შეხვედრას, ათანხმებს შეხვედრის დროს და ადგილს;

9. ორგანიზებას უწევს მასობრივ საინფორმაციო საშუალებებში მერიის მიერ გამოსაქვეყნებლად გადაცემული მასალის გამოქვეყნებას;

10. უზრუნვლყოფს კონფერენციების, სემინარების, მრგვალი მაგიდების, შეხვედრების ორგანიზებას პოლიტიკური, საზოგადო, მეცნიერების, კულტურის და სხვა სფეროს წარმომადგენლების მონაწილეობით;

11. ამზადებს თვითმმართველი ქალაქ ფოთის მერისათვის ანალიტიკური გამოკვლევებისა და საზოგადოებრივი აზრის გამოკითხვით მიღებულ მასალებს;

12. თვითმმართველი ქალაქ ფოთის მერიის სტრუქტურული ერთეულების მიერ მიწოდებული ინფორმაციის საფუძველზე უზრუნველყოფს მერიის ოფიციალური ვებ-გვერდის ქართულ ენაზე რეგულარულ განახლებას და მასზე საჯაროდ გამოცხადებას დაქვემდებარებული მასალის განთავსებას;

13. უზრუნველყოფს „სახელმწიფო შესყიდვების შესახებ“ საქართველოს კანონის შესაბამისად წარმოებული სახელმწიფო შესყიდვების მედიასაშუალებებით გაშუქების კოორდინაციასა და კონტროლს;

14. უზრუნველყოფს თვითმმართველი ქალაქ ფოთის მერიის სტრუქტურული ერთეულების მიერ შესრულებული ან დაგეგმილი სამუშაოების შესახებ ინფორმაციული ბაზის შექმნასა და სისტემატიზაციას;

15. თავისი კომპეტენციის ფარგლებში ასრულებს თვითმმართველი ქალაქ ფოთის მერის, მერის მოადგილეების და ადმინისტრაციის უფროსის ცალკეულ დავალებებს.

    მუხლი 7. საგარეო ურთიერთობებისა და პროტოკოლის განყოფილების

ძირითადი ფუნქციები და ამოცანები:

1. თავისი კომპეტენციის ფარგლებში უზრუნველყოფს ქალაქის საგარეო ურთიერთობების განვითარებას და კოორდინაციას.

2. მონაწილეობს უცხოეთში გასაგზავნი ოფიციალური დელეგაციების შემადგენლობის განსაზღვრასა და სამუშაო პროგრამების შედგენაში.

3. ხელს უწყობს ოფიციალური დელეგაციების მიღებას და დაბინავებას.

4. უზრუნველყოფს თვითმმართველი ქალაქ ფოთის მერიის თანამდებობის პირების უცხოეთის ქვეყნებში ოფიციალური და სამუშაო ვიზიტების, ასევე მივლინებების ორგანიზებას.

5. უზრუნველყოფს თვითმმართველ ქალაქ ფოთში მყოფი უცხო ქვეყნის წარმომადგენლების მერის მიერ დახვედრის, მიღებისა და გაცილების ორგანიზებას.

6. უზრუნველყოფს თვითმმართველი ქალაქ ფოთის მერიის სამახსოვრო ალბომის წარმოებასა და დაცვა-შენახვას.

7. უზრუნველყოფს უცხოეთის ქვეყნების მეგობარი ქალაქების ხელმძღვანელებზე გასაგზავნი წერილების, დეპეშების დამზადებასა და მათი გაგზავნის ორგანიზებას.

8. უზრუნველყოფს თვითმმართველი ქალაქ ფოთის დღესასწაულებში მონაწილეობის მისაღებად უცხოეთის მეგობარი ქალაქების, ასევე საქართველოს საკანონმდებლო, აღმასრულებელი და სასამართლოს ხელისუფლების წარმომადგენელთა მოწვევის ორგანიზებას.

9. უზრუნველყოფს თვითმმართველ ქალაქ ფოთში ჩამოსული უცხოეთის ქვეყნის (ქვეყნების) წარმომადგენელთა ქალაქ ფოთისა და საქართველოს ფარგლებში მოგზაურობის დაგეგმვისა და განხორციელების ორგანიზებას.

10. თვითმმართველი ქალაქ ფოთის მერიის ადმინისტრაციის (სამსახური) მასმედიასთან და საზოგადოებასთან ურთიერთობის განყოფილებასთან ერთად თვითმმართველ ქალაქ ფოთში ჩამოსული უცხოეთის ქვეყნის (ქვეყნების) წარმომადგენელთა ვიზიტების, გამართული შეხვედრებისა და მიღწეული შეთანხმებების შესახებ ინფორმაციის გავრცელებას მედიის საშუალებებით.

11. თვითმმართველი ქალაქ ფოთის საკრებულოს თავმჯდომარის, თვითმმართველი ქალაქ ფოთის მერისა და სამსახურის უფროსის დავალებების შესრულებას.

    მუხლი 8. თვითმმართველი ქალაქ ფოთის მერის თანაშემწეები:

1. აწარმოებენ შესაბამისი თანამდებობის პირის სახელზე შემოსულ კორესპონდენციების ანალიზს და სისტემატიზაციას, განსახილველად ამზადებენ შესაბამის კორესპონდენციებს;

2. ახორციელებენ კონტროლს შესაბამისი თანამდებობის პირის მიერ გაცემული დავალებების შესრულებაზე;

3. უზრუნველყოფენ დაწესებულებების, ორგანიზაციების წინადადებებზე, განცხადებებსა და საჩივრებზე მუშაობის ორგანიზაციას;

4. თავისი კომპეტენციის ფარგლებში ასრულებენ თვითმმართველი ქალაქ ფოთის მერისა და მერის მოადგილეების, ადმინისტრაციის უფროსის ცალკეულ დავალებებს.

    მუხლი 9. სამსახურის ქონება

1. სამსახურის მთელი ქონება შეადგენს თვითმმართველი ქალაქ ფოთის საკუთრებას.

    მუხლი 10. დასკვნითი ნაწილი

1. სამსახურის რეორგანიზაცია, მისი საქმიანობის შეწყვეტა ან ლიკვიდაცია ხდება „ადგილობრივი თვითმმართველობის შესახებ” საქართველოს ორგანული კანონითა და სამსახურის დებულებით, დადგენილი წესით.

 

Annotate