„აბაშის მუნიციპალიტეტის გამგეობის საფინანსო სამსახურის დებულების დამტკიცების შესახებ“

აბაშის მუნიციპალიტეტის საკრებულოს

დადგენილება №36

2010 წლის 24 დეკემბერი

ქ. აბაშა

აბაშის მუნიციპალიტეტის გამგეობის საფინანსო სამსახურის დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის      1-ლი პუნქტის „თ ქვეპუნქტისა და 43-ე მუხლის მე-2 პუნქტის, აგრეთვე „ნორმატიული აქტების შესახებ“ საქართველოს კანონის 25-ე მუხლის 1-ლი პუნქტის „ბ“ ქვეპუნქტის საფუძველზე აბაშის მუნიციპალიტეტის საკრებულომ დ ა ა დ გ ი ნ ა:

1. დამტკიცდეს აბაშის მუნიციპალიტეტის გამგეობის საფინანსო სამსახურის თანდართული დებულება (დანართი №1).

2. ძალადაკარგულად გამოცხადდეს „აბაშის მუნიციპალიტეტის გამგეობის საფინანსო სამსახურის დებულების დამტკიცების შესახებ „აბაშის მუნიციპალიტეტის საკრებულოს 2006 წლის 13 დეკემბრის №50 დადგენილება.

3. დადგენილება ამოქმედდეს „ნორმატიული აქტების შესახებ” საქართველოს კანონის შესაბამისად, გამოქვეყნებისთანავე. 

თავმჯდომარე                                                                                                                             დ. თოფურია

შეტანილი ცვლილებები:

1. აბაშის მუნიციპალიტეტის საკრებულოს 2011 წლის 25 თებერვლის დადგენილება №8- ვებგვერდი, 10.03.2011წ.

2. აბაშის მუნიციპალიტეტის საკრებულოს 2012 წლის 13 თებერვლის დადგენილება №5- ვებგვერდი, 22.02.2012წ.

 

დანართი №1

აბაშის მუნიციპალიტეტის გამგეობის

საფინანსო სამსახურის დებულება

    მუხლი 1. ზოგადი დებულებანი

1. ეს დებულება შემუშავებულია „ადგილობრივი თვითმმართველობის შესახებ“ საქართველოს ორგანული კანონისა და „აბაშის მუნიციპალიტეტის გამგეობის დებულების დამტკიცების შესახებ“ აბაშის მუნიციპალიტეტის საკრებულოს 2010 წლის 29 ოქტომბრის №21 დადგენილების შესაბამისად.

2. აბაშის მუნიციპალიტეტის გამგეობის საფინანსო სამსახური (შემდეგში – სამსახური) არის საფინანსო სფეროში შექმნილი აბაშის მუნიციპალიტეტის გამგეობის სტრუქტურული ერთეული, რომელიც თავისი კომპეტენციის ფარგლებში მოქმედებს მუნიციპალიტეტის მთელს ტერიტორიაზე.

3. სამსახური თავის საქმიანობაში ხელმძღვანელობს საქართველოს კონსტიტუციით, „ადგილობრივი თვითმმართველობის შესახებ“ საქართველოს ორგანული კანონით, „საქართველოს საბიუჯეტო კოდექსით“, „აბაშის მუნიციპალიტეტის გამგეობის დებულების დამტკიცების შესახებ“ აბაშის მუნიციპალიტეტის საკრებულოს დადგენილებით, მუნიციპალიტეტის საკრებულოსა და საკრებულოს თავმჯდომარის სამართლებრივი აქტებით, ამ დებულებითა და სხვა სამართლებრივი აქტებით.

4. სამსახურს აქვს ბეჭედი და ბლანკი საკუთარი სახელწოდებით: საქართველო, აბაშის მუნიციპალიტეტის გამგეობის საფინანსო სამსახური.

5. სამსახური ანგარიშვალდებულია და პასუხისმგებელია მუნიციპალიტეტის გამგებლის წინაშე.

6. სამსახურის დაფინანსება ხორციელდება თვითმმართველი ერთეულის ბიუჯეტიდან.

7. სამსახურის იურიდიული მისამართია: ქ. აბაშა, ტ. დარასელიას ქ. №1.

აბაშის მუნიციპალიტეტის საკრებულოს 2011 წლის 25 თებერვლის დადგენილება №8- ვებგვერდი, 10.03.2011წ.

    მუხლი 2. სამსახურის უფლებამოსილება

სამსახური უზრუნველყოფს:

1) ბიუჯეტის პროექტის შესადგენად საჭირო სამუშაოების ორგანიზებას;

2) მუნიციპალური პროგრამების პროექტების საფინანსო გაანგარიშებასა და დასაბუთებას;

3) მუნიციპალური სამსახურების, ტერიტორიული ორგანოების, მუნიციპალიტეტის მიერ დაფუძნებული არასამეწარმეო იურიდიული პირების წლიური და კორექტირებული ხარჯთაღრიცხვის პროექტების შესახებ წინადადებების შემუშავებას;

4) საჭირო ინფორმაციის დამუშავებას, წინადადებების მომზადებას და წარდგენას ფინანსთა სამინისტროს მიერ გათანაბრებითი, მიზნობრივი და სპეციალური ტრანსფერების გასაანგარიშებლად;

5) ბიუჯეტის სარეზერვო ფონდის შესახებ წინადადებების მომზადებას;

6) მუნიციპალიტეტის მიერ დაფუძნებული საწარმოების დივიდენდების პროგნოზირებას, შესაბამისი წინადადებებისა და რეკომენდაციების შემუშავებას;

7) მუნიციპალიტეტის ბიუჯეტის პროექტის შედგენას;

8) წინადადებების და რეკომენდაციების შემუშავებას მუნიციპალიტეტის მიერ სესხის აღებისა და გაცემის თაობაზე;

9) დასკვნებისა და რეკომენდაციების შემუშავებას ბიუჯეტის პროექტის თაობაზე გამგეობაში შემოსულ შენიშვნებსა და წინადადებებზე;

10) საკრებულოს მიერ გამოთქმული შენიშვნების გათვალისწინებით, ბიუჯეტის პროექტის რედაქტირებას;

11 ბიუჯეტის შემოსულობებისა და გადასახდელების განწერას კვარტალებისა და თვეების მიხედვით;

12) საფინანსო ზედამხედველობას მიღებული ბიუჯეტის შესრულებაზე;

13) ბიუჯეტის შემოსულობების შესახებ ინფორმაციის შეკრებასა და გაანალიზებას, შესაბამისი წინადადების, დასკვნებისა და რეკომენდაციების შემუშავებას;

14) წინადადებების მომზადებას ადგილობრივი გადასახადებისა და მოსაკრებლების შემოღებისა და გაუქმების, მათი განაკვეთების განსაზღვრის შესახებ;

15) ბიუჯეტის ხარჯვის მიზნობრიობის, ეკონომიკური მიზანშეწონილობისა და ეფექტიანობის ანალიზს, შესაბამისი წინადადების, დასკვნებისა და რეკომენდაციების შემუშავებას;

16) მიმდინარე და ყოველწლიური ანგარიშების მომზადებას ბიუჯეტის შესრულების შესახებ;

17) ბიუჯეტით განსაზღვრული ასიგნებების შესაბამისად ხარჯების გაწევას, შესაბამისი ფინანსური ოპერაციების განხორციელებას;

18) საბუღალტრო აღრიცხვას;

19) ურთიერთობებს ხაზინასთან და საბანკო დაწესებულებებთან;

20) მუნიციპალიტეტის საჯარო მოსამსახურეების ხელფასების, მივლინების ხარჯებისა და სხვა გადასახდელების გაცემას;

21) საკრებულოს, მუნიციპალური სამსახურებისა და ტერიტორიული ორგანოების სარგებლობაში არსებული ქონების აღწერა-ინვენტარიზაციას;

22) მუნიციპალური შესყიდვების გეგმის შემუშავებას;

23) შესყიდვების გეგმით განსაზღვრული მუნიციპალური შესყიდვების განხორციელებას;

24) შესყიდვების შესახებ ხელშეკრულებების მომზადებას, მათი შესრულების ცონტროლს და კანონმდებლობით გათვალისწინებული ანგარიშების მომზადებას. მათი შესრულების კონტროლს;

25) საქართველოს კანონმდებლობით გათვალისწინებული სხვა უფლებამოსილების განხორციელებას.

    მუხლი 3. საფინანსო სამსახურის სტრუქტურა

1. სამსახური შედგება სამსახურის უფროსის, სტრუქურული ქვედანაყოფების (განყოფილებების) უფროსებისა და უმცროსი საჯარო მოხელეებისაგან.

2. სამსახურის სტრუქტურული ქვედანაყოფებია:

ა. ბიუჯეტის დაგეგმვისა და ფორმირების განყოფილება

ბ. სახაზინო მომსახურების განყოფილება

გ. პირველადი ბუღალტრული აღრიცხვის განყოფილება

დ. შესყიდვების განყოფილება

3. განყოფილების საქმიანობას წარმართავს განყოფილების უფროსი, რომელიც ანგარიშვალდებულია სამსახურის უფროსის წინაშე.

4. სამსახურის თანამშრომელთა ფუნქციონალური მოვალეობები განისაზღვრება შესაბამისი სამუშაოთა აღწერილობით.

5. სამსახურის საშტატო განრიგი განისაზღვრება გამგეობის საშტატო ნუსხით, რომელსაც ამტკიცებს მუნიციპალიტეტის საკრებულოს თავმჯდომარე.

6. სამსახურის საჯარო მოსამსახურეები თანამდებობაზე ინიშნებიან გამგებლის მიერ სამსახურის უფროსის წარდგინებით.

აბაშის მუნიციპალიტეტის საკრებულოს 2012 წლის 13 თებერვლის დადგენილება №5- ვებგვერდი, 22.02.2012წ.

  მუხლი 4. სამსახურის უფროსი

სამსახურს ხელმძღვანელობს უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს მუნიციპალიტეტის გამგებელი.

    1. სამსახურის უფროსი:

ა) წარმართავს სამსახურის საქმიანობას და პასუხისმგებელია ამ სამსახურის მიერ დაკისრებული ამოცანებისა და ფუნქციების შესრულებაზე;

ბ) ანაწილებს ფუნქციებს სამსახურის მოსამსახურეთა შორის;

გ) გამგებელს წარუდგენს წინადადებებს სამსახურის საკადრო საკითხებთან დაკავშირებით; მოსამსახურეთა წახალისების და მათთვის დისციპლინური პასუხისმგებლობის დაკისრების, მოსამსახურეთა მიერ მორიგი და დამატებითი შვებულებების გამოყენების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;

დ) განსაზღვრავს სამსახურის საქმიანობის ორგანიზებისა და დაგეგმვის წესს, ფორმებსა და მეთოდებს; სტრუქტურული ერთეულის მოსამსახურეთა თანამდებობრივ მოვალეობებს;

ე) გამგებელს წარუდგენს სამსახურის მიერ მომზადებულ საკითხებს, წინადადებებს, დასკვნებს და რეკომენდაციებს;

ვ) გამგებელს პერიოდულად წარუდგენს ანგარიშს სამსახურის მიერ შესრულებულ სამუშაოთა შესახებ;

ზ) ანგარიშვალდებულია გამგებლის წინაშე.

2. სამსახურის საქმიანობაზე სამსახურებრივ ზედამხედველობას ახორციელებს გამგებელი.

3. სამსახურის უფროსის არყოფნის შემთხვევაში, მისი წარდგინებითა და გამგებლის დავალებით, სამსახურის უფროსის მოვალეობას ახორციელებს სამსახურის ერთ-ერთი მოხელე.

4. (ამოღებულია - 13.02.2012, №5)

5. (ამოღებულია - 13.02.2012, №5)

აბაშის მუნიციპალიტეტის საკრებულოს 2012 წლის 13 თებერვლის დადგენილება №5- ვებგვერდი, 22.02.2012წ.

    მუხლი^​ 4^​1. სამსახურის განყოფილების ფუნქციები

1. ბიუჯეტის დაგეგმვისა ფორმირების განყოფილების ფუნქციები:

ბიუჯეტის დაგეგმვისა და ფორმირების განყოფილება უზრუნველყოფს:

ა. მუნიციპალიტეტის პრიორიტეტების დოკუმენტისა წლის ბიუჯეტის პროექტის შემუშავებას;

ბ. ბიუჯეტის პროექტის თაობაზე გამოთქმული შენიშვნებისა და წინადადებების სისტემატიზაციას, ანალიზს, შესაბამისი დასკვნებისა და რეკომენდაციების შემუშავებას:

გ. წლის ბიუჯეტის პროექტის რედაქტირებას საკრებულოს მიერ წარმოდგენილი შენიშვნების გათვალისწინებით;

დ. წინადადებების მომზადებას მუნიციპალიტეტის მიერ სესხის აღებისა და გაცემის შესახებ;

ე. ადგილობრივი ბიუჯეტის საკასო შესრულებაზე ზედამხედველობას;

ვ. მუნიციპალური პროგრამების საფინანსო გაანგარიშებას, მონიტორინგს შესაბამისი დასკვნებისა და რეკომენდაციების შემუშავებას;

ზ. მუნიციპალიტეტის მიერ დაფუძნებული საწარმოების დივიდენდების პროგნოზირებას;

თ. საჭირო ინფორმაციის შეკრებასა და დამუშავებას ფინანსთა სამინისტროს მიერ გათანაბრებითი, მიზნობრივი და სპეციალური ტრანსფერების მოცულობათა გასაანგარიშებლად;

ი. წინადადებების მომზადებას ბიუჯეტის სარეზერვო ფონდის ოდენობის თაობაზე;

კ. ბიუჯეტის შემოსულობებისა და გადასახდელების განწერას კვარტლების მიხედვით;

ლ. ბიუჯეტის შემოსულობების შესახებ ინფორმაციის შეკრებას, გაანალიზებას და შესაბამისი წინადადებებისა და რეკომენდაციების შემუშავებას;

მ. მოქმედი კანონმდებლობით და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

2. სახაზინო მომსახურების განყოფილების ფუნქციები

სახაზინო მომსახურების განყოფილება დადგენილი წესით უზრუნველყოფს:

ა.სახაზინო მუშაობის სწორ ორგანიზებას;

ბ.მუნიციპალიტეტის ბიუჯეტის დაფინანსებაზე მყოფი ორგანიზაციების ვალდებულებების აღებისა და ხარჯების გაწევის რეგისტრაციას;

გ. მუნიციპალიტეტის საბანკო ანგარიშების მართვას, ურთიერთობებს ხაზინასთან და საბანკო დაწესებულებებთან;

დ. მუნიციპალიტეტის მიერ აღებული და გაცემული სესხების მართვას;

ე. მუნიციპალიეტის ბიუჯეტით გათვალისწინებული პროგრამებისა და ღონისძიებების შეუფერხებელ დაფინანსებას;

ვ. ბიუჯეტის გადასახადების გადახდის ოპერატიულიაღრიცხვას;

ზ. ადგილობრივი ბიუჯეტის სახსრების მიზნობრიობის, მიზანშეწონილობისა და ეფექტიანობის შეფასებას, შესაბამისი დასკვნებისა და რეკომენდაციების შემუშავებას;

თ. ბიუჯეტის შესრულების შესახებ მიმდინარე და ყოველწლიური ანგარიშების შედგენას და წარდგენას;

მოქმედი კანონმდებლობით და მუნიციპალიტეტის სამართებლივი აქტებით განსაზღვრული სხვა ფუნქციების განხორციელებას.

3. პირველადი ბუღალტრული აღრიცხვის განყოფილების ფუნქციები

საბუღალტრო აღრიცხვისა და ანგარიშგების განყოფილება დადგენილი წესით უზრუნველყოფს:

ა. მუნიციპალიტეტის საბუღალტრო აღრიცხვას;

ბ. ბუღალტრული ანგარიშგების შედგენასა და დაწესებულ ვადებში წარდგენაზე მკაცრ კონტროლს;

გ. ბიუჯეტით გათვალისწინებული ასიგნების შესაბამისად ხარჯის გაწევას, საფინანსო ოპერაციების წარმოებას;

დ. საკასო და ფაქტობრივი ხარჯების აღრიცხვის წარმოებას, ბიუჯეტის შესრულების ანგარიშის, ბალანსის შედგენას და დაწესებულ ვადებში წარდგენას;

ე. ფულადი სახსრების, ანგარიშსწორებისა და მატერიალურ ფასეულობათა ინვენტარიზაციის ჩატარებას;

ვ. მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაანგა რ იშებას;

ზ. მოქმედი კანონმდებლობით და მუნიციპალიტეტის სამართ ლ ებ რ ივი აქტებით განსაზღვრული სხვა ფუნქციების განხორციელებას.

4. შესყიდვების განყოფილების ფუნქციები

შესყიდვების განყოფილება დადგენილი წესით უზრუნველყოფს:

ა. მუნიციპალური შესყიდვების გეგმის მომზადებას,

ბ. შესყიდვებთან დაკავშირებული ყველა სახის ორგანიზაციული და პრაქტი კ ული სამუშაოების განხორციელებას;

გ. კ ანონმდებლობის შესაბამისად, ხარჯების მონეტარული ზღვრიდან გამომდინარე, შესყიდვების განხორციელების საშუალებების განსაზღვრას და შესყიდვებთან დაკავშირებული ყველა სახის დოკუმენტაციის შედგენას;

დ. მუნიციპალური შესყიდვების ხელშეკრულების პროექტის შემუშავებას;

ე. მუნიციპალური შესყიდვების შესახებ ანგარიშების მომზადებას და წარდგენას კონკურენციისა და სახელმწიფო შეყიდვების სააგენტოში კანონით დადგენილ ვადებში;

ვ. მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.

აბაშის მუნიციპალიტეტის საკრებულოს 2012 წლის 13 თებერვლის დადგენილება №5- ვებგვერდი, 22.02.2012წ.

მუხლი 5. დასკვნითი დებულებები

1. სამსახურის დებულებაში ცვლილებებისა და დამატებების შეტანა ხდება საკრებულოს დადგენილებით.

2. სამსახურის რეორგანიზაცია და ლიკვიდაცია ხორციელდება კანონმდებლობით დადგენილი წესით.

 

 

Annotate