2011 წლის ჯანმრთელობის დაცვის სახელმწიფო პროგრამების დამტკიცების შესახებ

საქართველოს მთავრობის

დადგენილება №77

2011 წლის 15 თებერვალი

ქ. თბილისი

2011 წლის ჯანმრთელობის დაცვის სახელმწიფო პროგრამების დამტკიცების შესახებ

„საქართველოს 2011 წლის სახელმწიფო ბიუჯეტის შესახებ“ საქართველოს კანონის 33-ე მუხლის მე-2 პუნქტის, „ჯანმრთელობის დაცვის შესახებ“ საქართველოს კანონის მე-19 მუხლის შესაბამისად და „სახელმწიფო შესყიდვების შესახებ“ საქართველოს კანონის პირველი მუხლის 3¹ პუნქტის „კ“ ქვეპუნქტის გათვალისწინებით:

    მუხლი 1

დამტკიცდეს თანდართული 2011 წლის ჯანმრთელობის დაცვის სახელმწიფო პროგრამები.

    მუხლი 2

ამ დადგენილებით დამტკიცებულ ღონისძიებათა ფარგლებში ვაუჩერის პირობებით ან „სახელმწიფო შესყიდვების შესახებ“ საქართველოს კანონის მოთხოვნათა გათვალისწინებით, შესაბამისი მიმწოდებლების გამოვლენამდე, ჯანმრთელობის დაცვის სახელმწიფო პროგრამები გაგრძელდეს „ჯანმრთელობის დაცვის იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც, სახელმწიფოს მიერ 2010 წელს ნაკისრი ვალდებულებების შესასრულებლად, უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2011 წლის შესაბამისი სახელმწიფო პროგრამების დამტკიცებამდე ან/და „სახელმწიფო შესყიდვების შესახებ“ საქართველოს კანონის მოთხოვნათა შესრულებამდე ან ვაუჩერის პირობების შესაბამისად, შესაბამისი მიმწოდებლების გამოვლენამდე“ საქართველოს შრომის, ჯანმრთელობისა და სოციალური დაცვის მინისტრის 2010 წლის 31 დეკემბრის №442/ნ ბრძანების (შემდგომში დანართში – უწყვეტობის ბრძანება) შესაბამისად.

    მუხლი 3

დადგენილება ამოქმედდეს გამოქვეყნებისთანავე.

პრემიერ-მინისტრი ნ. გილაური

შეტანილი ცვლილებები:

1. საქართველოს მთავრობის 2011 წლის 23 თებერვლის დადგენილება №95-ვებგვერდი,28.02.2011წ.

2. საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

3. საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

4. საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

5. საქართველოს მთავრობის 2011 წლის 17 მაისის დადგენილება №216 - ვებგვერდი, 19.05.2011წ.

6. საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

7. საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

8. საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

2011 წლის ჯანმრთელობის დაცვის სახელმწიფო პროგრამები

თავი I. ზოგადი დებულებები

    მუხლი 1. სახელმწიფო პროგრამების მიზანი

2011 წლის ჯანმრთელობის დაცვის სახელმწიფო პროგრამების (შემდგომში – პროგრამა) მიზანია მოსახლეობის მიზნობრივი ჯგუფებისათვის შექმნას ფინანსური გარანტიები სამედიცინო მომსახურების ხელმისაწვდომობისათვის და უზრუნველყოს საზოგადოებრივი ჯანდაცვის წინაშე მდგარი ამოცანების შესრულება.

    მუხლი 2. პროგრამების განმახორციელებელი დაწესებულებები

პროგრამებით გათვალისწინებული მომსახურების უზრუნველყოფას ახორციელებენ:

ა) საქართველოს შრომის, ჯანმრთელობისა და სოციალური დაცვის სამინისტრო (შემდგომში – სამინისტრო);

ბ) სამინისტროს სახელმწიფო კონტროლს დაქვემდებარებული სსიპ – სოციალური მომსახურების სააგენტო;

გ) სამინისტროს სახელმწიფო კონტროლს დაქვემდებარებული სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი;

დ) სამინისტროს სახელმწიფო კონტროლს დაქვემდებარებული სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი.

    მუხლი 3. პროგრამების დაფინანსება, ანგარიშსწორება და კონტროლი

1. პროგრამებით გათვალისწინებული საქონლის/მომსახურების დაფინანსება ხორციელდება სამედიცინო ვაუჩერის მეშვეობით ან „სახელმწიფო შესყიდვების შესახებ“ საქართველოს კანონის მოთხოვნათა შესაბამისად, თუ ცალკეული პროგრამით სხვა რამ არ არის გათვალისწინებული.

2. პროგრამების ადმინისტრირება (მართვა, ზედამხედველობა, ინსპექტირება და კონტროლი) ხორციელდება საქართველოს შრომის, ჯანმრთელობისა და სოციალური დაცვის მინისტრის (შემდგომში – მინისტრი) მიერ დამტკიცებული წესისა და პირობების შესაბამისად. აღნიშნული ბრძანება ასევე შეიძლება ადგენდეს ამ დადგენილებით განსაზღვრული შესაბამისი პროგრამების განხორციელებისათვის საჭირო სხვა დამატებით პირობებს (მათ შორის, მოთხოვნებს, ნორმებს და ა.შ.) საქონლის ან მომსახურების მიმართ.

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

თავი II. სამედიცინო ვაუჩერის პირობები

    მუხლი 4. სამედიცინო ვაუჩერი

1. „ჯანმრთელობის დაცვის შესახებ“ საქართველოს კანონის მე-19 მუხლის გათვალისწინებით, სამედიცინო ვაუჩერი წარმოადგენს შესაბამისი პროგრამის მოსარგებლეებისათვის მომსახურების ანაზღაურების ფინანსურ ინსტრუმენტს.

2. ვაუჩერი შეიძლება იყოს მატერიალიზებული ან არამატერიალიზებული.

3. მატერიალიზებული ვაუჩერის შემთხვევაში ვაუჩერის ფორმას შეიმუშავებს და ამტკიცებს შესაბამისი პროგრამის განმახორციელებელი, რომელიც ასევე უზრუნველყოფს მატერიალიზებული ვაუჩერების ბეჭდვას და გაცემას სახელმწიფო ბიუჯეტით გამოყოფილ ადმინისტრაციულ ასიგნებათა ფარგლებში.

    მუხლი 5. სამედიცინო ვაუჩერით მომსახურების მიმწოდებლები და სამედიცინო ვაუჩერით მოსარგებლეები

1. იმ პროგრამის (კომპონენტის/ქვეკომპონენტის) ფარგლებში, რომელშიც გათვალისწინებულია საქონლის/მომსახურების დაფინანსება სამედიცინო ვაუჩერის საშუალებით (შემდგომში – ვაუჩერული პროგრამა), საქონლის/მომსახურების მიმწოდებელი (შემდგომში – მიმწოდებელი) შეიძლება იყოს პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და დადგენილ ვადაში და წესით წერილობით დაუდასტურებს განმახორციელებელს პროგრამაში მონაწილეობის სურვილს, თუ შესაბამისი პროგრამით სხვა რამ არ არის განსაზღვრული.

2. ეს დადგენილება, აგრეთვე სამედიცინო ვაუჩერის პირობებთან დაკავშირებული სხვა სამართლებრივი აქტები (მათ შორის, ადმინისტრირების წესი) და მიმწოდებლის წერილობითი დასტური შესაბამის პროგრამაში მონაწილეობის თაობაზე ერთობლივად წარმოადგენს შეთანხმებას პროგრამის განმახორციელებელსა და მიმწოდებელს შორის და, შესაბამისად, მხარეები თავისუფლდებიან რაიმე დამატებითი ხელშეკრულების გაფორმების ვალდებულებისაგან (მათ შორის, ვაუჩერის ღირებულების ანაზღაურების კუთხით).

3. სამედიცინო ვაუჩერის მოსარგებლეა ფიზიკური პირი (შემდგომში – ვაუჩერის მოსარგებლე).

4. ვაუჩერის მოსარგებლეს უფლება აქვს შესაბამისი სამედიცინო ვაუჩერით გათვალისწინებული საქონელი/მომსახურება მიიღოს პროგრამის ნებისმიერი მიმწოდებლისგან.

5. სამედიცინო ვაუჩერის ფარგლებში გაწეული სამედიცინო მომსახურების/საქონლის ხარჯების დაფინანსებას ახდენს პროგრამის განმახორციელებელი ვაუჩერული პროგრამის მიმწოდებლის მიერ წარდგენილი ინფორმაციის საფუძველზე, დადგენილი წესის შესაბამისად.

6. ვაუჩერის პირობებთან დაკავშირებული სხვა დამატებითი საკითხები შესაძლებელია დარეგულირდეს მინისტრის ბრძანებით.

    მუხლი 6. ვაუჩერული პროგრამის მიმწოდებლის უფლებები და მოვალეობები

1. ვაუჩერული პროგრამის მიმწოდებელი ვალდებულია:

ა) უზრუნველყოს ვაუჩერის მოსარგებლე პირისათვის შესაბამისი პროგრამით გათვალისწინებული მომსახურების/საქონლის მიწოდება, ყოველგვარი ბარიერებისა და დისკრიმინაციის გარეშე. ამასთან, დაუშვებელია მიმწოდებლის მიერ ვაუჩერის მოსარგებლისათვის რაიმე მიზეზით პროგრამით გათვალისწინებული მომსახურების/საქონლის გაწევაზე უარის თქმა;

ბ) უზრუნველყოს პროგრამის განმახორციელებლისათვის ანგარიშისა და სხვა საჭირო ინფორმაციის მიწოდება დადგენილი წესის შესაბამისად;

გ) უზრუნველყოს ვაუჩერის მოსარგებლის მომსახურება ქვეყანაში აღიარებული სამედიცინო მომსახურების სტანდარტების შესაბამისად;

დ) არ მოსთხოვოს პროგრამის განმახორციელებელს და ვაუჩერის მოსარგებლეს მომსახურების ღირებულების გარდა სხვა გადასახადი ან დამატებითი თანხის გადახდა, ხოლო პროგრამის ფარგლებში მოსარგებლის მხრიდან თანაგადახდის შემთხვევაში – თანაგადახდით გათვალისწინებულ ოდენობაზე მეტი;

ე) უზრუნველყოს კონტროლის (ინსპექტირების) შედეგად გამოვლენილი არასწორად მიღებული დაფინანსების სახელმწიფო ბიუჯეტში დაბრუნება, აგრეთვე აღმოჩენილი დარღვევების საფუძველზე დადგენილი საჯარიმო სანქციების შესრულება აღიარებიდან არა უგვიანეს 30 კალენდარული დღისა;

ვ) საჯარიმო სანქცი(ებ)ის დაკისრების მიუხედავად, გაუწიოს ვაუჩერის მოსარგებლეს მომსახურება ან მიაწოდოს საქონელი სრულფასოვნად და ამ დადგენილებით განსაზღვრული პირობებით.

2. მიმწოდებელი უფლებამოსილია პროგრამის განმახორციელებლისგან მოითხოვოს გაწეული მომსახურების ან მიწოდებული საქონლის დროული ანაზღაურება დადგენილი წესის შესაბამისად.

    მუხლი 7. ვაუჩერული პროგრამის განმახორციელებლის უფლებები და მოვალეობები

1. ვაუჩერული პროგრამის განმახორციელებელი ვალდებულია აუნაზღაუროს ვაუჩერული პროგრამის მიმწოდებელს გაწეული მომსახურება/მიწოდებული საქონელი დადგენილი წესისა და პირობების შესაბამისად.

2. ვაუჩერული პროგრამის განმახორციელებელი უფლებამოსილია:

ა) მიმწოდებლისგან მოითხოვოს პროგრამის განხორციელებასთან დაკავშირებული ნებისმიერი დოკუმენტაცია და ინფორმაცია, მათ შორის, მოსარგებლის სამედიცინო მომსახურებასთან დაკავშირებული პირადი, სამედიცინო და ფინანსური ინფორმაცია;

ბ) მოსთხოვოს მიმწოდებელს კონტროლის (ინსპექტირების) საფუძველზე გამოვლენილი არასწორად მიღებული დაფინანსების სახელმწიფო ბიუჯეტში დაბრუნება და დაკისრებული საჯარიმო სანქციების გადახდა;

გ) აღმოჩენილი დარღვევების საფუძველზე დააკისროს მიმწოდებელს საჯარიმო სანქციები დადგენილი წესის შესაბამისად.

    მუხლი 8. საჯარიმო სანქციები ვაუჩერულ პროგრამაში

1. გამოვლენილი დარღვევების საფუძველზე პროგრამის განმახორციელებელი უფლებამოსილია მიმწოდებელს დააკისროს შემდეგი სახის საჯარიმო სანქციები:

ა) ანაზღაურებაზე უარი;

ბ) დამატებითი ფინანსური ჯარიმა.

2. დაუშვებელია, მიმწოდებელმა ვაუჩერის მოსარგებლეს მოსთხოვოს იმ მომსახურების ანაზღაურება, რომელიც პროგრამის განმახორციელებლის მხრიდან არ იქნა ანაზღაურებული საჯარიმო სანქციის დაკისრების გამო.

3. საჯარიმო სანქციებთან დაკავშირებულ დამატებით პირობებს განსაზღვრავს მინისტრი.

    მუხლი 9. ვაუჩერული პროგრამის მიმწოდებლის სტატუსის გაუქმება

ვაუჩერული პროგრამის ფარგლებში პროგრამის განმახორციელებელი უფლებამოსილია მომსახურების მიმწოდებელ პირს გაუუქმოს მიმწოდებლის სტატუსი:

ა) თუ არსებობს მიმწოდებლის მხრიდან პროგრამის განხორციელების წესებისა და პირობების მრავალჯერადი და მნიშვნელოვანი დარღვევების ფაქტები;

ბ) თუ მიმწოდებლის მიერ შესაბამისი მომსახურების გაწევა ეწინააღმდეგება კანონმდებლობით გათვალისწინებულ მოთხოვნებს;

გ) მიმწოდებლის წერილობითი მოთხოვნის შემთხვევაში.

დანართი №1

ფსიქიკური ჯანმრთელობა

(ორგანიზაციული კოდი - 35 12 02 01)

    მუხლი 1. პროგრამის მიზანი

პროგრამის მიზანია ფსიქიატრიულ მომსახურებაზე საქართველოს მოსახლეობის გეოგრაფიული და ფინანსური ხელმისაწვდომობის გაზრდა.

    მუხლი 2. პროგრამის მოსარგებლეები

1. პროგრამის ამბულატორიული და სტაციონარული კომპონენტის მოსარგებლეები არიან საქართველოს მოქალაქეები.

2. მე–3 მუხლის „ბ.ა.გ“ ქვეპუნქტით გათვალისწინებული ქვეკომპონენტის ფარგლებში არანებაყოფლობითი სტაციონარული მომსახურების მოსარგებლეები არიან როგორც საქართველოს მოქალაქეები, ასევე „პატიმრობისა და თავისუფლების აღკვეთის დაწესებულებებში’’ მყოფი სხვა პირები იდენტიფიკაციის დამადასტურებელი კანონმდებლობით გათვალისწინებული ოფიციალური დოკუმენტის ქონის მიუხედავად.

3. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

ა) ამბულატორიული მომსახურებ ა:

ა.ა) ფსიქიატრიული ამბულატორიული მომსახურება მოიცავს:

ა.ა.ა) ოჯახის ექიმის/უბნის ექიმის მიმართვით გადაგზავნილი პაციენტების მომსახურება ს: (1) პირველადი ვიზიტი ფსიქიატრიულ დისპანსერში; ხოლო (2) იმ შემთხვევაში, თუ ვერ ხერხდება პაციენტის მისვლა ფსიქიატრიულ დაწესებულებაში, ფსიქიატრის ან ფსიქიატრიის დარგის სხვა მუშაკ თა (საქართველოს კანონი „ფსიქიატრიული დახმარების შესახებ“) ვიზიტი პაციენტთან ბინაზე; (3) დანართი – 1.1-ით გათვალისწინებული ნოზოლოგიების დადასტურებისა და პაციენტის სურვილის შემთხვევაში, პაციენტის ამბულატორიულ მეთვალყურეობაზე აყვანა;

ა.ა.ბ) აღრიცხვაზე აყვანილი და ფსიქიატრიული სტაციონარული დაწესებულების მიმართვით გაგზავნილი პაციენტების მომსახურება დანართი – 1.1-ით განსაზღვრული ნოზოლოგიების გათვალისწინებით: (1) ვიზიტები ექიმ-ფსიქიატრთან, ან საჭიროების შემთხვევაში, ფსიქიატრიის დარგის სხვა მუშაკებ თან (საქართველოს კანონი „ფსიქიატრიული დახმარების შესახებ“); (2) ექიმ-ფსიქიატრის დანიშნულების მიხედვით მედიკამენტებით უზრუნველყოფა; (3) საჭიროების შემთხვევაში ფსიქიატრიის დარგის მუშაკთა ვიზიტები ბინაზე; (4) საჭიროების შემთხვევაში სხვა ექიმი-სპეციალისტების კონსულტაცია (თერაპევტი და ნევროლოგი);

ა.ბ) ფსიქო–სოციალური რეაბილიტაცია, სტანდარტების შესაბამისად (მინისტრის ბრძანება №112/ნ 02.04.2007“ ფსიქო-სოციალური რეაბილიტაციის სტანდარტების დამტკიცების შესახებ”);

ა.გ) ბავშვთა ფსიქიკური ჯანმრთელობ ა ითვალისწინებს მომსახურებას დღის სტაციონარში ემოციური და ქცევითი აშლილობები ს მქონე 18 წლამდე ასაკის პაციენტებ ისთვის, რომელთაც აღენიშნებათ ფსიქიკური მდგომარეობის და ქცევის ცვლილება, სოციალური ფუნქციონირების გაუარესება და დეზადაპტაცია, დანართი – 1.2-ით განსაზღვრული ნოზოლოგიების გათვალისწინებით;

ბ) სტაციონარულ ი მომსახურებ ა:

ბ.ა) მოზრდილთა ფსიქიატრიული სტაციონარული მომსახურება მოიცავს ფსიქოზური რეგისტრის აშლილობების მქონე პაციენტთა სტაციონარულ მომსახურებას 15 წლის ასაკიდან („ფსიქიატრიულ სტაციონარში მოთავსების წესის დამტკიცების შესახებ” მინისტრის 2007 წლის 20 მარტის №87/ნ ბრძანების საფუძველზე), კერძოდ:

ბ.ა.ა) მოკლევადიანი სტაციონარული მომსახურება, რომელიც გულისხმობს მწვავე ფსიქოზური სიმპტომებით მიმდინარე მდგომარეობების კუპირებას (დაყოვნება 2–დან 8 კვირამდე);

ბ.ა.ბ) გრძელვადიანი სტაციონარული მომსახურება, რომელიც გულისხმობს, საჭიროების შემთხვევაში, მოკლევადიანი სტაციონარული დახმარების შემდგომი მკურნალობის გაგრძელებას ან იმ პაციენტთა მკურნალობას, რომელთა სტაციონარგარეშე დახმარება ვერ ხერხდება ფსიქო-სოციალური ფუნქციონირების უხეში დარღვევების გამო;

ბ.ა.გ) იმ პაციენტების მკურნალობა, რომელთა მიმართაც არსებობს საქართველოს სისხლის სამართლის საპროცესო კოდექსის 191-ე მუხლით გათვალისწინებული სასამართლო გადაწყვეტილება არანებაყოფლობითი ფსიქიატრიული დახმარების მიზნით პირის სტაციონარში მოთავსების შესახებ;

ბ.ა.დ) დამატებით ი მომსახურება: იმ პაციენტების დაცვის და უსაფრთხოების უზრუნველყოფა, რომელთა მიმართაც არსებობს საქართველოს სისხლის სამართლის საპროცესო კოდექსის 191-ე მუხლით გათვალისწინებული სასამართლო გადაწყვეტილება არანებაყოფლობითი ფსიქიატრიული დახმარების მიზნით პირის სტაციონარში მოთავსების შესახებ;

ბ.ა.ე) იმ პაციენტების კვებით და პირადი ჰიგიენის საგნებით უზრუნველყოფა, რომლებიც გადიან სტაციონარულ მომსახურებას (ძალაშია 2011 წლის 20 ივნისამდე);

ბ.ა.ე¹) იმ პაციენტების კვებით, პირადი ჰიგიენის საგნებითა და გადაუდებელი ქირურგიული და თერაპიული სტომატოლოგიური მომსახურებით უზრუნველყოფა, რომლებიც გადიან სტაციონარულ მომსახურებას (ძალაშია 2011 წლის 20 ივნისიდან);

ბ.ა.ვ) სარეაბილიტაციო მომსახურება გრძელვადიანი სტაციონარული მკურნალობის დროს ფსიქო-სოციალური რეაბილიტაციის სტანდარტების შესაბამისად;

ბ.ბ) ბავშვთა ფსიქიატრიული სტაციონარული მომსახურება, რომელიც მოიცავს 15 წლამდე ასაკის ფსიქოზური რეგისტრის აშლილობების მქონე პაციენტთა მომსახურებას;

ბ.ბ.ა) იმ პაციენტების კვებით და პირადი ჰიგიენის ნივთებით უზრუნველყოფას, რომლებიც გადიან სტაციონარულ მომსახურებას;

ბ.ბ.ბ) სარეაბილიტაციო მომსახურება ს გრძელვადიანი სტაციონარული მკურნალობის დროს ფსიქო-სოციალური რეაბილიტაციის სტანდარტების შესაბამისად;

ბ.გ) პაციენტთა ურგენტული სამედიცინო მომსახურება, რომელიც მოიცავს მე‑3 მუხლის „ბ“ ქვეპუნქტის „ბ.ა“, „ბ.ბ“ და „დ“ ქვეპუნქტებით განსაზღვრული მომსახურების მიმწოდებელ ფსიქიატრიულ სტაციონარულ დაწესებულებებში ყოფნის დროს პაციენტთა გადაუდებელ სამედიცინო მომსახურებას მოსახლეობის ურგენტული დახმარების პროგრამით განსაზღვრული ნოზოლოგიური კოდების ფარგლებში;

ბ.დ) ფსიქოაქტიური ნივთიერებებით გამოწვეული ფსიქიკური და ქცევითი აშლილობების სტაციონარული მომსახურებ ა დანართი – 1.3-ის შესაბამისად;

გ) ფსიქიატრიული კრიზისული ინტერვენცია მოზრდილთათვის (18 წლიდან და ზემოთ), რომელიც ითვალისწინებს ფსიქიკური და ქცევითი აშლილობების მქონე პირების მომსახურებას დანართი – 1.4–ის შესაბამისად ქ. თბილისის ადმინისტრაციულ-ტერიტორიულ ფარგლებში:

გ.ა) ფსიქიატრიული კრიზისული ინტერვენცი ა (კრიზისული დღის საწოლები) გულისხმობს ინტენსიურ ამბულატორიულ დახმარებას კრიზისულ ი მდგომარეობების დ როს;

გ.ბ) გადაუდებელი ამბულატორიული კონსულტაციები დღის ცენტრში;

გ.გ) შინმოვლის კრიზისული მობილური ჯგუფი ს მიერ კრიზისულ ი ინტერვენცი ი ს გან ხორციელებ ა ს პაციენტის საცხო ვ რებელ ადგილზე და, საჭიროების შემთხვევაში, მის გადაყვანას კრიზისულ ცენტრში, ან სხვა შესაფერის ფსიქო-სოციალურ/ფსიქიატრიულ მომსახურების მიმწოდებელ დაწესებულებაში.

დ) ქ. თბილისში, ქ. რუსთავსა და ქ. ქუთაისში ფსიქიკური სტაციონარული დაწესებულებების მიერ განსახორციელებელი ფსიქიატრიული სტაციონარული მომსახურება:

დ.ა) მოზრდილთა ფსიქიატრიული სტაციონარული მომსახურება მოიცავს ფსიქოზური რეგისტრის აშლილობების მქონე პაციენტთა სტაციონარულ მომსახურებას 15 წლის ასაკიდან („ფსიქიატრიულ სტაციონარში მოთავსების წესის დამტკიცების შესახებ“ მინისტრის 2007 წლის 20 მარტის №87/ნ ბრძანების საფუძველზე), კერძოდ:

დ.ა.ა) მოკლევადიანი სტაციონარული მომსახურება, რომელიც გულისხმობს მწვავე ფსიქოზური სიმპტომებით მიმდინარე მდგომარეობების კუპირებას;

დ.ა.ბ) გრძელვადიანი სტაციონარული მომსახურება, რომელიც გულისხმობს, საჭიროების შემთხვევაში, მოკლევადიანი სტაციონარული დახმარების შემდგომი მკურნალობის გაგრძელებას ან იმ პაციენტთა მკურნალობას, რომელთა სტაციონარგარეშე დახმარება ვერ ხერხდება ფსიქოსოციალური ფუნქციონირების უხეში დარღვევების გამო;

დ.ა.გ) იმ პაციენტების კვებით, პირადი ჰიგიენის საგნებითა და გადაუდებელი ქირურგიული და თერაპიული სტომატოლოგიური მომსახურებით უზრუნველყოფა, რომლებიც გადიან სტაციონარულ მომსახურებას;

დ.ა.დ) სარეაბილიტაციო მომსახურებას გრძელვადიანი სტაციონარული მკურნალობის დროს ფსიქოსოციალური რეაბილიტაციის სტანდარტების შესაბამისად.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 4. დაფინანსების მეთოდოლოგია და ანაზღაურებ ის წესი

1. პროგრამით გათვალისწინებული მომსახურება სახელმწიფოს მიერ ანაზღაურდება სრულად, გარდა მე–3 მუხლის “ბ.დ“ ქვეპუნქტით გათვალისწინებული მომსახურებისა.

2. მე-3 მუხლის „ა“ პუნქტით განსაზღვრული მომსახურებების (გარდა ამავე მუხლის „ა.გ“ ქვეპუნქტით გათვალისწინებული მომსახურებისა) დაფინანსება განხორციელდება გლობალური ბიუჯეტის პრინციპით გასული წლის საბიუჯეტო ასიგნებების პროპორციის ანალოგიით დანართი – 1.5-ის შესაბამისად.

3. მე-3 მუხლის „ა.გ“ ქვეპუნქტით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

4. მე-3 მუხლის „ბ“ ქვეპუნქტის „ბ.ა“ ქვეპუნქტის დაფინანსება განხორციელდება გლობალური ბიუჯეტის პრინციპით, გასული წლის საბიუჯეტო ასიგნებების პროპორციის ანალოგიით, საწოლფონდის ცვლილებისა და საქართველოს შრომის, ჯანმრთელობისა და სოციალური დაცვის მინისტრის 2010 წლის 31 დეკემბრის „ჯანმრთელობის დაცვის იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც, სახელმწიფოს მიერ 2010 წელს ნაკისრი ვალდებულებების შესასრულებლად, უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2011 წლის შესაბამისი სახელმწიფო პროგრამების დამტკიცებამდე ან/და „სახელმწიფო შესყიდვების შესახებ“ საქართველოს კანონის მოთხოვნათა შესრულებამდე ან ვაუჩერის პირობების შესაბამისად, შესაბამისი მიმწოდებლების გამოვლენამდე“ №442/ნ ბრძანების საფუძველზე მიმდინარე წელს განხორციელებული დაფინანსების გათვალისწინებით, დანართი 1.6-ის შესაბამისად.

4¹. მე‑4 მუხლის მე‑4 პუნქტით გათვალისწინებული ბიუჯეტის პროპორციული გადანაწილება საწოლფონდის ცვლილების მიხედვით განისაზღვრება 2011 წელს რეგიონში დაფიქსირებული საშუალო საწოლდღის ღირებულების (12,68 ლარი) პროპორციულად, დანართი 1.6‑ის შესაბამისად.

4². მიმწოდებლებისთვის დანართი 1.6‑ის შესაბამისად განსაზღვრული დაფინანსება ერთი თვის ლიმიტის ფარგლებში დღეების მიხედვით პროპორციულად გადანაწილდება იმ დაწესებულებებისათვის, რომლებიც მონაწილეობას მიიღებენ მე‑3 მუხლის „დ“ ქვეპუნქტით განსაზღვრულ ვაუჩერულ პროგრამაში და მე‑7 მუხლის მე‑6 პუნქტის შესაბამისად შეუწყდებათ „ბ.ა“ ქვეპუნქტით გათვალისწინებული მომსახურებისთვის არსებული ხელშეკრულება, ასეთის არსებობის შემთხვევაში, ან თვის საბიუჯეტო ლიმიტი შეეცვლებათ საწოლფონდის ცვლილების გათვალისწინებით.

5. მე-3 მუხლის „ბ.ბ“ ქვეპუნქტით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

6. 2011 წლის 20 ივნისამდე მე-3 მუხლის „ბ“ ქვეპუნქტის „ბ.გ“ ქვეპუნქტით გათვალისწინებული მომსახურება ანაზღაურდება შემდეგი პირობების გათვალისწინებით:

ა) მომსახურებას უზრუნველყოფს „ბ“ ქვეპუნქტის „ბ.ა“ და „ბ.ბ“ ქვეპუნქტებით გათვალისწინებული მომსახურების მომწოდებლები;

ბ) ანაზღაურება მოხდება სრულად (თანაგადახდის გარეშე) შესრულებული სამუშაოს მიხედვით, ფაქტობრივი ხარჯის შესაბამისად, მაგრამ არა უმეტეს თითოეული მომწოდებლისათვის განსაზღვრული ლიმიტისა;

გ) თითოეული მომწოდებლის ლიმიტი გამოითვლება „ბ“ ქვეპუნქტის „ბ.გ“ ქვეკომპონენტის ბიუჯეტის „ბ.ა“ და „ბ.ბ“ ქვეპუნქტების ფარგლებში არსებული დაფინანსების პროპორციული გადანაწილებით.

6¹. 2011 წლის 20 ივნისიდან მე-3 მუხლის „ბ“ ქვეპუნქტის „ბ.გ“ ქვეპუნქტით გათვალისწინებული მომსახურება ანაზღაურდება შემდეგი პირობების გათვალისწინებით:

ა) მომსახურებ ის მოსარგებლეები არიან მე‑3 მუხლის „ბ“ ქვეპუნქტის „ბ.ა“, „ბ.ბ“ და „დ“ ქვეპუნქტებით გათვალისწინებული მომსახურების მიმწოდებელ სტაციონარულ დაწესებულებაში მკურნალობის პროცესში მყოფი პირები;

ბ) მომსახურება ანაზღაურდება სრულად (თანაგადახდის გარეშე) არამატერიალიზებული ვაუჩერის საფუძველზე მოსახლეობის ურგენტული დახმარების პროგრამით განსაზღვრული ნოზოლოგიური კოდების ა და დადგენილი ანაზღაურების (ლიმიტების) ფარგლებში, ფაქტობრივი ხარჯისა და შესრულებული სამუშაოს მიხედვით.

7. მე–3 მუხლის „ბ.დ“ ქვეპუნქტით განსაზღვრული (ფსიქოაქტიური ნივთიერებებით გამოწვეული ფსიქიკური და ქცევითი აშლილობების სტაციონარული მომსახურების ქვეკომპონენტი) მომსახურება სახელმწიფოს მიერ ანაზღაურდება ფაქტობრივი ხარჯის 70%-ი თ დანართ–1.3–ში მოცემული შემთხვევების ლიმიტების ფარგლებში.

8. მე-3 მუხლის „გ“ ქვეპუნქტის შესყიდვა მოხდება „სახელმწიფო შესყიდვების შესახებ“ საქართველოს კანონის შესაბამისად.

9. მე-3 მუხლის „დ“ ქვეპუნქტით გათვალისწინებული მომსახურება ანაზღაურდება შემდეგი პირობების გათვალისწინებით, კერძოდ:

ა) მე-3 მუხლის „დ“ ქვეპუნქტის „დ.ა.ა“ ქვეპუნქტით გათვალისწინებული მომსახურება სახელმწიფოს მიერ ანაზღაურდება ფაქტობრივი ხარჯის მიხედვით, არა უმეტეს ერთი შემთხვევის ღირებულებისა, რომელიც განსაზღვრულია 840 ლარით;

ბ) მე-3 მუხლის „დ“ ქვეპუნქტის „დ.ა.ბ“ ქვეპუნქტით გათვალისწინებული მომსახურება სახელმწიფოს მიერ ანაზღაურდება თვის ვაუჩერით, რომლის ღირებულებაც განსაზღვრულია 450 ლარით.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 5. პროგრამის განხორციელების მექანიზმები

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად მე-3 მუხლის „ა.ა“, „ა.ბ“, „ბ.ა“ და „ბ.გ“ ქვეპუნქტებით განსაზღვრული მომსახურების შესყიდვა განხორციელდება გამარტივებული შესყიდვის საშუალებით, დანართი 1.5-ის, დანართი 1.6‑ისა და დანართი 1.7‑ის შესაბამისად. ამასთან, მე-3 მუხლის „ბ.გ“ ქვეპუნქტით გათვალისწინებული მომსახურება განხორციელდება 2011 წლის 20 ივნისამდე, მე‑4 მუხლის მე-6 პუნქტის „გ“ ქვეპუნქტის თანახმად, ხოლო 20 ივნისიდან – მე‑4 მუხლის 6¹ პუნქტის შესაბამისად.

2. მე-3 მუხლის „ა.გ“, „ბ.ბ“ და „გ“ ქვეპუნქტებით გათვალისწინებული მომსახურების შესყიდვა მოხდება „სახელმწიფო შესყიდვების შესახებ“ საქართველოს კანონის შესაბამისად.

3. მე-3 მუხლის „ბ.დ“ ქვეპუნქტებით გათვალისწინებული მომსახურების დაფინანსება განხორციელდება არამატერიალიზებული სამედიცინო ვაუჩერის მეშვეობით.

4. 2011 წლის 20 ივნისიდან მე‑3 მუხლის „ბ“ ქვეპუნქტის „ბ.გ“ ქვეპუნქტით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

5. მე-3 მუხლის „დ“ ქვეპუნქტით გათვალისწინებული მომსახურების დაფინანსება განხორციელდება არამატერიალიზებული სამედიცინო ვაუჩერის მეშვეობით.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 6. პროგრამის ბიუჯეტი

პროგრამის ბიუჯეტი განისაზღვრება 10,770.0 ათასი ლარით დანართი – 1.7–ის მიხედვით.

    მუხლი 7. მომსახურების მიმწოდებელი

1. მე-3 მუხლის „ა.ა“, „ა.ბ“, ქვეპუნქტებით განსაზღვრული მომსახურების მიმწოდებლები განსაზღვრულია დანართი – 1.5-ის მიხედვით.

2. მე-3 მუხლის „ბ.ა.“ ქვეპუნქტებით განსაზღვრული მომსახურების მიმწოდებლები განსაზღვრულია დანართი – 1.6-ის მიხედვით.

3. მე-3 მუხლის „ა.გ“, „ბ.ბ“ და „გ“ ქვეპუნქტებით განსაზღვრული მომსახურების მიმწოდებლები გამოვლინდება ტენდერის შედეგების მიხედვით.

4. მე-3 მუხლის „ბ“ ქვეპუნქტის „ბ.გ“ და „ბ.დ“ ქვეპუნქტებით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და წერილობით და ა დასტურებს პროგრამაში მონაწილეობის სურვილს.

5. მე-3 მუხლის „დ“ ქვეპუნქტით გათვალისწინებული მომსახურების მიმწოდებლებია ფსიქიატრიული სტაციონარული დაწესებულებები ქ. თბილისის, ქ. რუსთავისა და ქ. ქუთაისის მასშტაბით, რომლებიც ეთანხმებიან ვაუჩერის პირობებს და წერილობით დაადასტურებენ პროგრამაში მონაწილეობის სურვილს.

6. მე‑7 მუხლის მე‑5 პუნქტის გათვალისწინებით, მე-3 მუხლის „დ“ ქვეპუნქტით გათვალისწინებული ვაუჩერული მომსახურების მიმწოდებლად სურვილის გამოთქმა ავტომატურად აჩერებს ხელშეკრულებას მე‑3 მუხლის „ბ.ა“ ქვეპუნქტით განსაზღვრული მომსახურების მიწოდებისთვის, ასეთის არსებობის შემთხვევაში.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი – 1.1 – ფსიქიატრიული ამბულატორიული მომსახურებით განსაზღვრული ნოზოლოგიები

დანართი – 1.2 – ბავშვთა ფსიქიკური ჯანმრთელობის კომპონენტით განსაზღვრული ნოზოლოგიები

დანართი – 1.3 – ფსიქოაქტიური ნივთიერებებით გამოწვეული ფსიქიკური და ქცევითი აშლილობების სტაციონარული მომსახურების მოცულობა

დანართი – 1.4 – ფსიქიატრიული კრიზისული ინტერვენციით განსაზღვრული ნოზოლოგიები

დანართი – 1.5 – პროგრამის მე-3 მუხლის „ა.ა“ და „ა.ბ“ ქვეპუნქტებით გათვალისწინებული მომსახურების წლიური ბიუჯეტები (ლარებში) მიმწოდებლის მიხედვით

ფსიქო-სოციალური რეაბილიტაციის კომპონენტი (წლიური ბიუჯეტი ლარებში)

დანართი 1.6 – პროგრამის მე-3 მუხლის „ბ.ა“ ქვეპუნქტით გათვალისწინებული მომსახურების ანაზღაურების თვის ლიმიტი (ლარებით) მიმწოდებლის მიხედვით:

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

 

 

დანართი –1.7– პროგრამის ბიუჯეტი

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

 

 

დანართი №2

ინფექციური დაავადებების მართვა

ორგანიზაციული კოდი - 35 12 02 02

    მუხლი 1. პროგრამის მიზანი

პროგრამის მიზანია მოსახლეობაში გადამდებ დაავადებათა სტაციონარული მკურნალობის ხელმისაწვდომობის გაზრდა.

    მუხლი 2. პროგრამის მოსარგებლეები

1. ინფექციური დაავადებების მართვის პროგრამის მოსარგებლეები არიან საქართველოს მოქალაქეები და საქართველოში მუდმივად მცხოვრები უცხო ქვეყნის მოქალაქეები და მოქალაქეობის არმქონე პირები.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს დანართი 2.1-ში მოცემული დაავადებების სტაციონარულ მკურნალობას.

    მუხლი 4. დაფინანსების მეთოდოლოგია და ანაზღაურებ ის წესი

1. პროგრამით გათვალისწინებული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს ნოზოლოგიური ჯგუფისათვის განსაზღვრული ღირებულებისა (დანართი 2.1).

2. პროგრამი ს ფარგლებში გაწეული მომსახურება ანაზღაურდება თანაგადახდის პრინციპის გამოყენებით შემდეგი წესით:

ა) 18 წლამდე ასაკის პირებისათვის თანაგადახდის წილი შეადგენს ფაქტობრივი ხარჯის 20%-ს (80% იფარება პროგრამის ხარჯებით);

ბ) 18-დან 60 წლამდე ასაკის პირებისათვის თანაგადახდის წილი შეადგენს ფაქტობრივი ხარჯის 50%-ს (50% იფარება პროგრამის ხარჯებით);

გ) 60 წლ ი ს და უფროსი ასაკის პირებისათვის თანაგადახდის წილი შეადგენს ფაქტობრივი ხარჯის 30%-ს (70% იფარება პროგრამის ხარჯებით);

3. ”სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ” საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეების მომსახურების ღირებულება ანაზღაურდება სრულად.

4. 3 წლამდე ასაკის ბავშვთა კრიტიკული მდგომარეობების მომსახურება ანაზღაურდება სრულად, თანაგადახდის გარეშე.

5. იმ შემთხვევაში, როდესაც კრიტიკულ მდგომარეობაში მყოფი პაციენტი მკურნალობის დასრულებამდე სხვადასხვა მიზეზით (სამედიცინო ჩვენებით ან პაციენტის ოფიციალური წარმომადგენლის მოთხოვნით) გადაჰყავთ პროგრამაში მონაწილე სხვა სამკურნალო დაწესებულებაში, პროგრამით ასანაზღაურებელი თანხა უნდა გაიყოს და გადანაწილდეს თითოეულ სამედიცინო დაწესებულებაში გატარებული დღეების შესაბამისად. ამავე პრინციპით დაფინანსდება ის შემთხვევები, როდესაც კრიტიკული მდგომარეობის მკურნალობა სრულდება პროგრამით გათვალისწინებულ ვადაზე (5 დღე ან 12 დღე) ადრე (მაგ:. პაციენტის სიკვდილი ან მდგომარეობის გაუმჯობესება).

6. დაუშვებელია პროგრამის მოსარგებლის მკურნალობის ერთსა და იმავე ეპიზოდზე ერთი და იგივე ნოზოლოგიური კოდის სხვადასხვა კლინიკაში გამოყენება, გარდა კრიტიკული მდგომარეობებისა

    მუხლი 5. პროგრამის განხორციელების მექანიზმები

პროგრამით გათვალისწინებული მომსახურების დაფინანსება განხორციელდება არამატერიალიზებული სამედიცინო ვაუჩერის მეშვეობით.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 1,878.4 ათასი ლარით.

     მუხლი 7. მომსახურების მიმწოდებელი

პროგრამის ფარგლებში მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და წერილობით და ა დასტურებს პროგრამაში მონაწილეობის სურვილს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი – 2.1 – პროგრამით გათვალისწინებული მომსახურებ ა და შემთხვევის ღირებულებები

 

დანართი №3

ტუბერკულოზის მართვა

ორგანიზაციული კოდი - 35 12 02 03

    მუხლი 1. პროგრამის მიზნ ებ ი

პროგრამის მიზნებია:

ა) ტუბერკულოზის ავადობის, სიკვდილიანობის და საზოგადოებაში ინფექციის გავრცელების შემცირება, ტუბსაწინააღმდეგო მედიკამენტების მიმართ რეზისტენტობის განვითარების პრევენცია;

ბ) ფთიზიატრიულ დახმარებაზე პროგრამის მოსარგებლეებისათვის გეოგრაფიული და ფინანსური ხელმისაწვდომობის უზრუნველყოფა.

    მუხლი2. პროგრამის მოსარგებლეები

1. პროგრამის მოსარგებლეები არიან:

ა) საქართველოს მოქალაქეები;

ბ) საქართველოს ტერიტორიაზე მყოფი უცხოელები („უცხოელი“ განიმარტება „უცხოელთა სამართლებრივი მდგომარეობის შესახებ“ საქართველოს კანონით დადგენილი მნიშვნელობით), ასევე საქართველოში მუდმივად მცხოვრები მოქალაქეობის არმქონე პირები, რომელთაც გამოუვლინდათ ტუბერკულოზი.

გ) „პატიმრობისა და თავისუფლების აღკვეთის დაწესებულებებში’’ მყოფი პირები საიდენტიფიკაციო ოფიციალური დოკუმენტის ქონის მიუხედავად.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამის ფარგლებში იფარება ქვემოთ ჩამოთვლილი მომსახურებები, გარდა ანტიტუბერკულოზური მედიკამენტებისა, რომლის უზრუნველყოფას ახორციელებენ დონორი ორგანიზაციები:

ა) ამბულატორიული მომსახურება:

ა.ა) სპეციალიზებულ ქსელში (ტუბერკულოზური პროფილის მქონე სამედიცინო დაწესებულება) თვითდინებით მისული, ან პირველადი ჯანდაცვის ქსელიდან მომართული ტუბერკულოზის ყველა საეჭვო შემთხვევის გამოკვლევა, რომელიც მოიცავს შემდეგ მომსახურებებს: ფთიზიატრის კონსულტაციას, კლინიკო-დიაგნოსტიკურ გამოკვლევებს (ნახველის ბაქტერიოლოგიური გამოკვლევა (3–ჯერადი ბაქტერიოსკოპია, კულტურალური გამოკვლევა, წამლებისადმი მდგრადობის განსაზღვრა ჩვენების მიხედვით), რენტგენოლოგიური გამოკვლევა, სისხლის საერთო ანალიზი), ხოლო რთული სადიაგნოსტიკო შემთხვევების დიაგნოსტირებისთვის შეიძლება პაციენტი მიმართულ იქნეს სტაციონარში;

ა.ბ) ტუბერკულოზის დიაგნოზის დადასტურების ან გამორიცხვის შემთხვევაში სპეციალიზებული ქსელიდან ინფორმაციის მიწოდება მიმართულების მომცემ პირველადი ჯანდაცვის დაწესებულებას.

ა.გ) ამბულატორიული მკურნალობისას ტუბერკულოზით დაავადებულთა მომსახურება, რომელიც ითვალისწინებს შემდეგ მომსახურებებს:

ა.გ.ა) უშუალო ზედამხედველობის ქვეშ მკურნალობის განხორციელება (DOT) სპეციფიკური ანტიტუბერკულოზური მედიკამენტებით (ინტენსიური და გაგრძელებითი ფაზა). ინტენსიური და გაგრძელებითი მკურნალობა სპეციფიკური ანტიტუბერკულოზური მედიკამენტებით უტარდება შემდეგ მოსარგებლეებს:

ა.გ.ა.ა) ფილტვის ტუბერკულოზით დაავადებულ პაციენტებს, რომელთაც გამოუვლინდათ ტუბერკულოზის მჟავაგამძლე ბაქტერიაზე დადებითი ფორმა (შემდგომში, მგბ(+)) რომელთაც უარი განაცხადეს სტაციონარულ მკურნალობაზე;

ა.გ.ა.ბ) ფილტვის და ფილვტგარეშე ტუბერკულოზით დაავადებულ პაციენტებს, რომელთაც გამოუვლინდათ ტუბერკულოზის მჟავაგამძლე ბაქტერიაზე უარყოფითი ფორმა (შემდგომში,მგბ(-)– ;

ა.გ.ა.გ) პაციენტებს, რომელთაც მკურნალობის ინტენსიური ფაზა გაიარეს სტაციონარში;

ა.გ.ა.დ) რეზისტენტული ტუბერკულოზით დაავადებულებს (სიმპტომური მკურნალობა).

ა.გ.ბ) ფილტვის აქტიური ბაქტერია გამოყოფით მიმდინარე მგბ(+) ტუბერკულოზით დაავადებულ პაციენტებთან მჭიდრო კონტაქტში მყოფი პირების მოძიება და მათი გამოკვლევა.

ბ) რეფერენს კონტროლი, რომელიც შედგება სამი ქვეკომპონენტისგან:

ბ.ა) რეფერენს ლაბორატორია, რომელიც მოიცავს ეროვნულ რეფერენს ლაბორატორიის მიერ სტაციონარსა და ამბულატორიაში ბაქტერიოლოგიური დიაგნოსტიკის, ხარისხის კონტროლისა და რეზისტენტული ტუბერკულოზის ლაბორატორიული მართვის უზრუნველყოფას როგორც სამოქალაქო სექტორში, ისე პატიმრობისა და თავისუფლების აღკვეთის დაწესებულებებში;

ბ.ბ) ზედამხედველობა (სუპერვიზია), რომელიც ხორციელდება ცენტრალურ (წელიწადში 2-ჯერ) და რეგიონალურ (წელიწადში 4-ჯერ) დონეებზე, პატიმრობისა და თავისუფლების აღკვეთის დაწესებულებების ჩათვლით;

ბ.გ) რეზისტენტული ტუბერკულოზის მართვის სრულყოფის ღონისძიებები, რაც მოიცავს:

ბ.გ.ა) ტუბერკულოზის საწინააღმდეგო მედიკამენტების მიღებისთვის პაციენტების DOT წერტილებამდე გადაადგილების უზრუნველყოფას (კვირაში 6 დღე);

ბ.გ.ბ) პირველადი ჯანდაცვის და DOT მედდების მიერ მე-6 დღეს (არასამუშაო დღე) განხორციელებული DOT-ის ანაზღაურებას;

ბ.გ.გ) ტუბერთეულებთან არსებული ნახველის შემგროვებელი პუნქტებიდან ბაქტერიოსკოპულ ლაბორატორიაში მასალის ტრანსპორტირებას;

ბ.გ.დ) პაციენტთა მკურნალობაში ჩართვას და მართვის უზრუნველყოფას მკურნალობის დასრულებამდე.

გ) სტაციონარული მომსახურება, მათ შორის რეზისტენტული ფორმების მკურნალობა, რომელიც მოიცავს:

გ.ა) დიაგნოსტიკურ მომსახურებას - ითვალისწინებს რთულ დიაგნოსტიკურ შემთხვევებს, რომლის დროსაც აუცილებელია პაციენტის ჰოსპიტალიზაცია და დამატებით ინსტრუმენტული და ლაბორატორიული გამოკვლევები;

გ.ბ) ტუბერკულოზით დაავადებულთა სპეციფიურ თერაპიულ სტაციონარულ მომსახურებას, რომელიც მოიცავს:

გ.ბ.ა) პირველი რიგის ტუბსაწინააღმდეგო მედიკამენტებისადმი მგრძნობიარე ტუბერკულოზის მკურნალობას;

გ.ბ.ბ) პირველი რიგის ტუბსაწინააღმდეგო მედიკამენტებისადმი რეზისტენტული ტუბერკულოზის მკურნალობას;

გ.ბ.გ) რეზისტენტული ტუბერკულოზით დაავადებულთა სიმპტომურ მკურნალობას;.

გ.ბ.დ) ტუბსაწინააღმდეგო მედიკამენტებით უზრუნველყოფას (მათ შორის პატიმრობისა და თავისუფლების აღკვეთის დაწესებულებებში).

გ.გ) ტუბერკულოზით დაავადებულთა სპეციფიურ ქირურგიულ სტაციონარულ მომსახურებას.

    მუხლი 4. დაფინანსების მეთოდოლოგია და ანაზღაურებ ის წესი

1. პროგრამით გათვალისწინებული მომსახურება ანაზღაურდება სრულად (პროგრამა არ ითვალისწინებს თანაგადახდას მოსარგებლის მხრიდან).

2. მე-3 მუხლის „ა“ ქვეპუნქტით გათვალისწინებული მომსახურება დაფინანსდება გლობალური ბიუჯეტის პრინციპით დანართი 3.1–ის შესაბამისად.

3. მე-3 მუხლის „ბ“ ქვეპუნქტით გათვალისწინებული მომსახურება დაფინანსდება გლობალური ბიუჯეტის პრინციპით.

4. მე-3 მუხლის „გ“ ქვეპუნქტით გათვალისწინებული მომსახურება ანაზღაურდება ფაქტობრივი ხარჯის მიხედვით, მაგრამ არაუმეტეს ერთეული სტაციონარული შემთხვევის მაქსიმალური ღირებულებისა. ერთეული სტაციონარული შემთხვევის მაქსიმალურ ღირებულებად განისაზღვროს სტაციონარში გატარებული საწოლდღეების რაოდენობა გამრავლებული ერთი საწოლდღის ღირებულებაზე (დანართი 3.2.-ის შესაბამისად).

    მუხლი 5. პროგრამის განხორციელების მექანიზმები

1. „სახელმწიფო შესყიდვების შესახებ” საქართველოს კანონის მე-10¹ მუხლის მე-3 პუნქტის „დ“ ქვეპუნქტის შესაბამისად, პროგრამი ს მე-3 მუხლის „ა’’ ქვეპუნქტით განსაზღვრული მომსახურების შესყიდვა, განხორციელდება გამარტივებული შესყიდვის საშუალებით დანართი 3.1–ის შესაბამისად.

2. მე-3 მუხლის „ბ“ ქვეპუნქტთ განსაზღვრული მომსახურების შესყიდვა განხორციელდება „სახელმწიფო შესყიდვების შესახებ” საქართველოს კანონის მე-10¹ მუხლის მე-3 პუნქტის „დ“ ქვეპუნქტის შესაბამისად.

3. მე-3 მუხლის „,გ“ ქვეპუნქტით გათვალისწინებული საქონლის/მომსახურების დაფინანსება განხორციელდება არამატერიალიზებული სამედიცინო ვაუჩერის მეშვეობით.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 9 615 200.0 ლარით დანართი 3.3–ის შესაბამისად.

    მუხლი 7. მომსახურების მიმწოდებელი

1. პროგრამის ფარგლებში მე-3 მუხლის „ა“ ქვეპუნქტით გათვალისწინებული მომსახურების მიმწოდებელი განისაზღვრება მე-5 მუხლის პირველი პუნქტისა და დანართ–3.1. გათვალისწინებით.

2 პროგრამის ფარგლებში მე-3 მუხლის „ბ“ ქვეპუნქტით გათვალისწინებული მომსახურების მიმწოდებელი განისაზღვრება მე–5 მუხლის მეორე პუნქტის შესაბამისად.

3. მე-3 მუხლის „გ“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და წერილობით დაუდასტურებს პროგრამის განმახორციელებელს პროგრამაში მონაწილეობის სურვილს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართ ი – 3.1 – ამბულატორიული მომსახურების დაფინანსება გლობალური ბიუჯეტით

დანართი – 3.2 – პროგრამით გათვალისწინებული მომსახურებ ა და ერთეულის ღირებულებები

დანართი – 3.3 – პროგრამის ბიუჯეტი

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

 

დანართი №4

აივ-ინფექცია/შიდსი

ორგანიზაციული კოდი - 35 12 02 04

    მუხლი 1. პროგრამის მიზ ნი

პროგრამის მიზანია:

ა) აივ ინფექცია/შიდსის ახალი შემთხვევების დროულად გამოვლენა;

ბ) აივ ინფექცია/შიდსის გავრცელების შეფერხება;

გ) აივ ინფექცია/შიდსით დაავადებულთათვის მკურნალობის ხელმისაწვდომობის უზრუნველყოფა.

    მუხლი 2. პროგრამის მოსარგებლეები

1. პროგრამის მოსარგებლეები არიან საქართველოს მოქალაქეები და პატიმრობისა და თავისუფლების აღკვეთის დაწესებულებებში მყოფი პირები, იდენტიფიკაციის დამადასტურებელი ოფიციალური დოკუმენტის ქონის მიუხედავად.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამის ფარგლებში იფარება შემდეგი სახის მომსახურებები, გარდა ანტირეტროვირუსული მედიკამენტებისა, რომლის უზრუნველყოფას ახორციელებენ დონორი ორგანიზაციები:

ა) აივ‑ინფექციაზე/შიდსზე მაღალი რისკის ჯგუფის პირთა ნებაყოფლობითი კონსულტაცია და ტესტირება, რომელიც გულისხმობს:

ა.ა) პატიმრობისა და თავისუფლების აღკვეთის დაწესებულებებში მყოფი პირების აივ‑ინფექციაზე/შიდსზე ნებაყოფლობით გამოკვლევას სკრინინგული მეთოდებით;

ა.ბ) ტუბერკულოზის დიაგნოზის მქონე პაციენტების ნებაყოფლობით გამოკვლევას სკრინინგული მეთოდებით;

ა.გ) სქესობრივი გზით გადამდებ დაავადებათა მქონე პირების აივ‑ინფექციაზე/შიდსზე კონსულტაციასა და ნებაყოფლობით გამოკვლევას სკრინინგული მეთოდებით;

ა.დ) ინექციური ნარკომანი პირების აივ‑ინფექციაზე/შიდსზე კონსულტაციასა და ნებაყოფლობით გამოკვლევას სკრინინგული მეთოდებით;

ა.ე) ორსულთა, ტუბერკულოზის დიაგნოზის მქონე პაციენტების, პატიმრობისა და თავისუფლების აღკვეთის დაწესებულებებში მყოფი პირების, ინექციური ნარკომანი პირების, სგგდ მქონე პირების, სისხლის დონორთა და აივ-ინფექციაზე/შიდსზე სხვა საეჭვო შემთხვევების გამოკვლევას კონფირმაციული მეთოდებით;

ა.ვ) ე.წ. კომერციული სექსმუშაკების და ჰომო‑ და ბისექსუალების აივ‑ინფექციაზე/შიდსზე საეჭვო შემთხვევების გამოკვლევას კონფირმაციული მეთოდებით;

ა.ზ) სხვა რისკჯგუფების (B და C ჰეპატიტის, აივ‑ინფექციაზე საეჭვო კლინიკური ნიშნების მქონე პაციენტების, აივ‑ინფიცირებულთან კონტაქტში მყოფი პირების) აივ‑ინფექციაზე/შიდსზე კონსულტაციას, ნებაყოფლობით გამოკვლევას სკრინინგული მეთოდებით და აივ‑ინფექციაზე/შიდსზე საეჭვო შემთხვევების გამოკვლევას კონფირმაციული მეთოდებით;

ბ) აივ ინფექცია/შიდსით დაავადებულთა უზრუნველყოფას ამბულატორიული მომსახურებით, რომელიც გულისხმობს:

ბ.ა) პირველ და განმეორებით ვიზიტს;

ბ.ბ) ოპორტუნისტული ინფექციების მკურნალობას, შესაბამისი მედიკამენტებით უზრუნველყოფას;

ბ.გ) ინსტრუმენტულ დიაგნოსტიკას;

ბ.დ) ექიმის ვიზიტს პაციენტთან.

გ) აივ-ინფექცია/შიდსით დაავადებულთა უზრუნველყოფას სტაციონარული მკურნალობით, რომელიც გულისხმობს:

გ.ა) შიდს-ინდიკატორული დაავადებების ლაბორატორიულ-ინსტრუმენტულ დიაგნოსტიკას და მკურნალობას;

გ.ბ) აივ-ინფექცია/შიდსის თანმხლები დაავადებების ლაბორატორიულ-ინსტრუმენტულ დიაგნოსტიკას და მკურნალობას.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 4. დაფინანსების მეთოდოლოგია და ანაზღაურების წესი

1. პროგრამით გათვალისწინებული მომსახურება ანაზღაურდება სრულად და არ ითვალისწინებს თანაგადახდას პაციენტის მხრიდან.

2. მე–3 მუხლის “ა“ პუნქტი ანაზღაურდება ფაქტობრივი ხარჯის მიხედვით შესრულებული სამუშაოს შესაბამისად, მაგრამ არაუმეტეს დანართ–4.2–ში მითითებული თანხებისა.

3. მე–3 მუხლის „ბ“ და „გ“ ქვეპუნქტებით გათვალისწინებული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს დანართი–4.1-ის შესაბამისად განსაზღვრული ღირებულებისა.

    მუხლი 5. პროგრამის განხორციელების მექანიზმები

1. მე-3 მუხლის „ა“ ქვეპუნქტის „ა.ა“, „ა.ბ“, „ა.გ“, „ა.დ“ და „ა.ე“ ქვეპუნქტებით განსაზღვრული ტესტ-სისტემების, რეაგენტებისა და სხვა სახარჯი მასალების შესყიდვა ხორციელდება „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის მოთხოვნათა შესაბამისად და გადაეცემა მომსახურების შესაბამის მიმწოდებელს.

2. მე-3 მუხლის „ა“ ქვეპუნქტის „ა.ა“ და „ა.ბ“ ქვეპუნქტებით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად.

3. მე-3 მუხლის „ა“ ქვეპუნქტის „ა.გ“, „ა.დ“, „ა.ვ“ და „ა.ზ“ ქვეპუნქტებით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

4. მე-3 მუხლის „ბ“ და „გ“ ქვეპუნქტებით გათვალისწინებული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 3,150.0 ათასი ლარით დანართი–4.2–ის შესაბამისად.

    მუხლი 7. მომსახურების მიმწოდებელი

1.  მე-3 მუხლის „ა“ ქვეპუნქტის „ა.ა“ და „ა.ბ“ ქვეპუნქტებით განსაზღვრული მომსახურების მიმწოდებელი განისაზღვრება მე‑5 მუხლის მე‑2 პუნქტის შესაბამისად.

2. მე‑3 მუხლის „ა“ ქვეპუნქტის „ა.გ“, „ა.დ“, „ა.ვ“ და „ა.ზ“ ქვეპუნქტებით განსაზღვრული მომსახურების მიმწოდებელი განისაზღვრება მე‑5 მუხლის მე‑3 პუნქტის შესაბამისად.

3. მე-3 მუხლის „ა“ ქვეპუნქტის „ა.ე“ ქვეპუნქტით გათვალისწინებული მომსახურების მიმწოდებელია სამინისტროს სახელმწიფო კონტროლს დაქვემდებარებული სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

4. მე-3 მუხლის „ბ“ და „გ“ ქვეპუნქტებით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 8. პროგრამის განმახორციელებელი

1. მე-3 მუხლის „ა“ ქვეპუნქტის განმახორციელებელია სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

2. მე-3 მუხლის „ბ“ და „გ“ ქვეპუნქტების განმახორციელებელია სსიპ – სოციალური მომსახურების სააგენტო.

დანართი – 4.1 – აივ ინფექცია/შიდსით დაავადებულთა უზრუნველყოფა ამბულატორიული და სტაციონარული დახმარებით

დანართი – 4.2 – პროგრამის ბიუჯეტი

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

 

 

დანართი №5

დედათა და ბავშვთა ჯანმრთელობა

ორგანიზაციული კოდი - 35 12 02 05

    მუხლი 1. პროგრამის მიზანი

პროგრამის მიზანია უსაფრთხო ორსულობის უზრუნველყოფა, გართულებული მშობიარობის მართვა, პერინატალური სიკვდილიანობის შემცირება ორსულთა ეფექტური პატრონაჟისა და მაღალკვალიფიციური სამედიცინო დახმარების გეოგრაფიული და ფინანსური ხელმისაწვდომობის გაზრდის გზით, თანდაყოლილი და გენეტიკური დაავადებების ადრეული გამოვლენა.

    მუხლი 2. პროგრამის მოსარგებლეები

1. პროგრამის მოსარგებლეები არიან საქართველოს მოქალაქეები დანართი–5.1-ის შესაბამისად.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) ანტენატალურ მეთვალყურეობას:

ა.ა) ანტენატალური მეთვალყურეობა (მომსახურების ჩამონათვალი მოცემულია დანართ 5.2-ში);

ა.ბ) ანტენატალური სკრინინგი აივ‑ინფექციაზე, B ჰეპატიტსა და ათაშანგზე (მომსახურების ჩამონათვალი მოცემულია დანართ 5.2-ში);

ბ) მაღალი რისკის ორსულთა, მშობიარეთა და მელოგინეთა მკურნალობას:

ბ.ა) მაღალი რისკის ორსულთა, მშობიარეთა და მელოგინეთა სტაციონარული სამედიცინო მომსახურება;

ბ.ბ) გართულებულ ორსულთა, მშობიარეთა და მელოგინეთა კრიტიკული მდგომარეობების მართვა (პირველი 6 დღე);

ბ.გ) მელოგინეთა სეფსისის მკურნალობა.

გ) გენეტიკური პათოლოგიების ადრეულ გამოვლენას:

გ.ა) გენეტიკურ პათოლოგიებზე სკრინინგული გამოკვლევა სამმაგი ტესტ - სისტემით;

გ.ბ) სკრინინგით ვერიფიცირებული ორსულების ინვაზიური კვლევა (ამნიოცენტეზი) კარიოტიპირების მეთოდით.

დ) ორსულებში B ჰეპატიტის (სწრაფი და კონფირმაციული) და აივ‑ინფექციის/შიდსის (სწრაფი/მარტივი) განსაზღვრისათვის საჭირო ტესტებით უზრუნველყოფას;

ე) ახალშობილთა და ბავშვთა სკრინინგს ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე (ამ მომსახურების ჩამონათვალი მოცემულია დანართ–5.3-ში).

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 4. დაფინანსების მეთოდოლოგია და ანაზღაურებ ის წესი

1. ამ პროგრამის მე-3 მუხლის (ანტენატალური მეთვალყურეობა) „ა“ ქვეპუნქტის „ა.ა“ ქვეპუნქტით განსაზღვრული მომსახურების ანაზღაურება ხორციელდება ანტენატალური დახმარების მოცულობის მიხედვით შესრულებული სამუშაოს შესაბამისად. ერთი ორსულის მართვის ღირებულება განისაზღვრება 55 ლარის ოდენობით, შემდეგი სქემით:

ა) I ვიზიტი – 32 ლარი;

ბ) II ვიზიტი – 9 ლარი;

გ) III ვიზიტი – 7 ლარი;

დ) IV ვიზიტი – 7 ლარი.

1¹. ამ პროგრამის მე-3 მუხლის (ანტენატალური მეთვალყურეობა) „ა“ ქვეპუნქტის „ა.ბ“ ქვეპუნქტით გათვალისწინებული მომსახურების ღირებულება განისაზღვრება 12 ლარით.

2. მაღალი რისკის ორსულთა, მშობიარეთა და მელოგინეთა მკურნალობის კომპონენტით განსაზღვრული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არა უმეტეს ნოზოლოგიური ჯგუფისათვის დადგენილი ღირებულებისა, დანართი 5.4‑ის შესაბამისად.

3. გენეტიკური პათოლოგიების ადრეული გამოვლენის კომპონენტით განსაზღვრული მომსახურების ანაზღაურება ხორციელდება შესრულებული სამუშაოს შესაბამისად, ფაქტობრივი ხარჯის მიხედვით.

4. ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე ახალშობილთა და ბავშვთა სკრინინგის მომსახურების ანაზღაურება ხორციელდება შესრულებული სამუშაოს მიხედვით, დანართი 5.5-ის შესაბამისად.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 5. პროგრამის განხორციელების მექანიზმები:

1. ამ პროგრამის მე-3 მუხლის „ა“ ქვეპუნქტის „ა.ა“ ქვეპუნქტი განხორციელდება მატერიალიზებული ვაუჩერის მეშვეობით.

2. ამ პროგრამის მე-3 მუხლის „ა“ ქვეპუნქტის „ა.ბ“ ქვეპუნქტი განხორციელდება არამატერიალიზებული ვაუჩერის მეშვეობით.

3. ამ პროგრამის მე-3 მუხლის „ბ“ და „გ“ ქვეპუნქტების შესაბამისი მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.

4. ამ პროგრამის მე-3 მუხლის „დ“ ქვეპუნქტით განსაზღვრული საქონლის შესყიდვა ხორციელდება „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის მოთხოვნათა შესაბამისად.

5. ამ პროგრამის მე-3 მუხლის „ე“ ქვეპუნქტით განსაზღვრული მომსახურების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 6. პროგრამის ბიუჯეტი

  პროგრამის ბიუჯეტი განისაზღვრება 4,405.9 ათასი ლარით დანათი–5.6–ის შესაბამისად.

    მუხლი 7. მომსახურების მიმწოდებელი

1. მე-3 მუხლის „ა“ და „ბ“ ქვეპუნქტებით გათვალისწინებული მომსახურების მიმწოდებელია სამედიცინო საქმიანობის მიმწოდებელი პირი/დაწესებულება, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და პროგრამის განმახორციელებელს წერილობით დაუდასტურებს პროგრამაში მონაწილეობის სურვილს.

2. მე-3 მუხლის „გ“ ქვეპუნქტით გათვალისწინებული მომსახურების მიმწოდებელია სამედიცინო საქმიანობის მიმწოდებელი პირი/დაწესებულება, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს, პროგრამის განმახორციელებელს წერილობით დაუდასტურებს პროგრამაში მონაწილეობის სურვილს და აკმაყოფილებს შემდეგ მოთხოვნებს:

ა) აქვს მაღალტექნოლოგიური სამედიცინო ლაბორატორია, რომელიც, სულ მცირე, აღჭურვილია:

ა.ა) ავტომატური იმუნოლოგიური რიდერითა და ვოშორით;

ა.ბ) სინათლის მიკროსკოპით;

ა.გ) ინვერსიული მიკროსკოპით;

ა.დ) ავტომატური პროგრამული უზრუნველყოფით კარიოტირების სისტემის დასალაგებლად, რომლის მგრძნობელობაც არის 98% და მეტი;

ა.ე) ლამინირებული ბოქსებით;

ა.ვ) ინკუბატორებით;

ა.ზ) ცენტრიფუგით;

ა.თ) პრეციზიული გამაცხელებლით;

ბ) ჰყავს მაღალკვალიფიციური და შესაბამისი გადამზადების მქონე პერსონალი, სულ მცირე, ექიმ‑გენეტიკოსი, რადიოლოგი, მეან‑გინეკოლოგი, ლაბორანტი;

გ) აქვს გენეტიკური პათოლოგიების მონაცემთა რეგიონალური პარამეტრების ბაზა, რომელშიც ასახულია, სულ მცირე, 3000 სკრინინგული კვლევისა და 300 კარიოტიპირების მონაცემი;

დ) აქვს საოპერაციო (სავალდებულოა მე‑3 მუხლის „გ.ბ“ ქვეპუნქტით განსაზღვრული მომსახურების მიმწოდებლისათვის);

ე) ხელმისაწვდომობა სისხლის ბანკთან უზრუნველყოფილია (სავალდებულოა მე‑3 მუხლის „გ.ბ“ ქვეპუნქტით განსაზღვრული მომსახურების მიმწოდებლისათვის);

ვ) მიმწოდებელმა უნდა უზრუნველყოს ქ. თბილისის მასშტაბით არსებული ქალთა კონსულტაციებიდან (ან შესაბამისი ანტენატალური მომსახურების მიმწოდებელთან) საანალიზო მასალის რეგულარული შეგროვება და მოსარგებლეთა დროული ინფორმირება.

3. პროგრამის ფარგლებში მე-3 მუხლის „დ“ ქვეპუნქტით გათვალისწინებული საქონლის მიმწოდებელი განისაზღვრება მე-5 მუხლის მე-4 პუნქტის შესაბამისად.

4. პროგრამის ფარგლებში მე-3 მუხლის „ე“ ქვეპუნქტით გათვალისწინებული მომსახურების მიმწოდებელი განისაზღვრება მე-5 მუხლის მე-5 პუნქტის შესაბამისად.

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

1. პროგრამის განმახორციელებელია სსიპ – სოციალური მომსახურების სააგენტო, გარდა ამ მუხლის მე-2 პუნქტით გათვალისწინებული შემთხვევისა.

2. მე‑3 მუხლის „დ“ ქვეპუნქტის განმახორციელებელია სამინისტროს სახელმწიფო კონტროლს დაქვემდებარებული სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

დანართი 5. 1

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

პროგრამის მოსარგებლეები

1. ამ პროგრამის მე-3 მუხლის (ანტენატალური მეთვალყურეობა) „ა“ ქვეპუნქტის „ა.ა“ ქვეპუნქტით განსაზღვრული მომსახურების მოსარგებლეა საქართველოს მოქალაქე ყველა ორსული.

1¹. ანტენატალური მეთვალყურეობის „ა.ბ“ ქვეპუნქტით განსაზღვრული მომსახურების მოსარგებლეა საქართველოს მოქალაქე ყველა ორსული, რომელთაც არ უსარგებლიათ პირველი ვიზიტით „ა.ა“ ქვეპუნქტით განსაზღვრული ვაუჩერის ფარგლებში დადგენილ ვადებში.

2. მაღალი რისკის ორსულთა, მშობიარეთა და მელოგინეთა მკურნალობის კომპონენტის მოსარგებლენი არიან მაღალი რისკის ორსულები, მშობიარეები და მელოგინეები, გარდა „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეებისა, რომელთა ჯანმრთელობის მდგომარეობაც შეესაბამება შემდეგ კრიტერიუმებს:

ა) მძიმე ფორმის პრეეკლამპსია (>160 მმ.ვწყ.სვ და/ან >ცილა 3გ/ლ);

ბ) ეკლამპსია და მისი შემდგომი მდგომარეობები (ეკლამპსიური კომის გარდა);

გ) მოსალოდნელი ნაადრევი მშობიარობა ორსულობის 22‑ე კვირიდან 34‑ე კვირის ჩათვლით;

დ) ხელოვნური განაყოფიერების შედეგად განვითარებული ერთ- და მრავალნაყოფიანი ორსულობა;

ე) დეკომპენსირებული ექსტრაგენიტალური დაავადებები (სისტემური დაავადებები; ენდოკრინული სისტემის დეკომპენსირებული მდგომარეობები – გაუკონტროლებელი შაქრიანი დიაბეტი, თირკმელზედა ჯირკვლის ჰიპერპლაზია, თირეოტოქსიკოზი და სხვ.; თირკმლის მწვავე და ქრონიკული უკმარისობა; პორტული ჰიპერტენზიით მიმდინარე მდგომარეობები; ონკოპათოლოგიები);

ვ) ნაყოფის პათოლოგიური მდგომარეობები (მკვდარი ნაყოფი; ნაყოფის განვითარების მანკები; ვენტრიკულომეგალია – მეტი 15 მმ-ზე; SPINA BIFIDA; ანენცეფალია, ჰიდრანენცეფალია, პროზენცეფალია; ბილატერალური ჰიდრონეფროზი, 20 მმ-ზე მეტი; ომფალოცელე, გასტროშიზისი; ჰიდროთორაქსი შუასაყარის ცდომით; ნაყოფის საშვილოსნოსშიდა ზრდის შეყოვნება III-IV ხარ.; იზოსეროლოგიური შეუთავსებლობის ფონზე ნაყოფის დაზიანება (შეშუპება, ჰეპატოსპლენომეგალია, ასციტი); მრავალნაყოფიანი ორსულობა (2-ზე მეტი ნაყოფი);

ზ) კრიტიკული მდგომარეობა;

თ) გადატანილი პათოლოგიური მშობიარობა (ინსტრუმენტული მშობიარობა; საკეისრო კვეთა).

3. გენეტიკური პათოლოგიების ადრეული გამოვლენის კომპონენტის მოსარგებლეები არიან მაღალი რისკის ორსულთა შემდეგი ჯგუფები ქ. თბილისის მასშტაბით:

ა) ქრომოსომული პათოლოგიის არსებობა ერთ-ერთ მშობელთან და/ან ოჯახის წევრთან;

ბ) გენური პათოლოგიის არსებობა ერთ-ერთ მშობელთან და/ან ოჯახის წევრთან;

გ) ნაადრევი ბავშვის დაბადება თანდაყოლილი განვითარების მანკით;

დ) ანამნეზში მკვდრადშობადობა;

ე) დაუდგენელი მიზეზით ნეონატალურ პერიოდში ახალშობილის სიკვდილი;

ვ) ქალის ასაკი 35 და მეტი წლის;

ზ) ინფექციური დაავადებები (აქტიური ციტომეგალოვირუსი, ჰერპესი, ტოქსოპლაზმოზი, B და C ჰეპატიტი, წითელა);

თ) აუტოსომ-დომინანტური ტიპის მემკვიდრული დაავადებების არსებობა მშობლებში;

ი) აუტოსომ-რეცესიული დაავადებების ჰეტეროზიგოტური მტარებლობა ორივე მშობელში;

კ) ნაყოფის ულტრაბგერითი გამოკვლევით განვითარების მანკის ნიშნების აღმოჩენა;

ლ) ორსულობის პერიოდში ძლიერმოქმედი წამლების მიღება;

მ) ერთ-ერთი მშობლის ნარკომანია და ალკოჰოლიზმი;

ნ) ხელოვნური განაყოფიერება;

ო) მედიკამენტოზური და/ან ქიმიური ინტოქსიკაცია ორსულობის პირველი ტრიმესტრის დროს;

პ) რადიაციის და სხვა დამაზიანებელი ფაქტორების ზემოქმედება ორსულობისას.

4. ახალშობილთა და ბავშვთა სკრინინგის კომპონენტი ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე - მოსარგებლეები არიან ახალშობილები და ბავშვები დანართ 5.3–სა და 5.5 მიხედვით საქართველოს მასშტაბით (მათ შორის მუკოვისციდოზზე ქ. თბილისის მასშტაბით).

დანართი–5.2 – ანტენატალური მეთვალყურეობა

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

 

1. ამ პროგრამის მე-3 მუხლის (ანტენატალური მეთვალყურეობა) „ა“ ქვეპუნქტის „ა.ა“ ქვეპუნქტით განსაზღვრული მომსახურება წარმოებს კლინიკური პრაქტიკის ეროვნული რეკომენდაციისა (გაიდლაინი) და კლინიკური მდგომარეობების მართვის სახელმწიფო სტანდარტების (პროტოკოლები) – „ანტენატალური მეთვალყურეობა ფიზიოლოგიურად მიმდინარე ორსულობის დროს“ – შესაბამისად. კომპონენტით იფარება 4 ანტენატალური ვიზიტი (ორსულობის მე-13 კვირამდე, მე‑18‑მე-20, 30‑ე‑32-ე და 34‑ე‑36‑ე‑38-ე კვირებზე), რაც მოიცავს:

 

 

2. ამ პროგრამის მე-3 მუხლის (ანტენატალური მეთვალყურეობა) „ა“ ქვეპუნქტის „ა.ბ“ ქვეპუნქტით განსაზღვრული მომსახურება მოიცავს:

ა) სიფილისის დიაგნოსტიკას სწრაფი/მარტივი მეთოდით;

ბ) B ჰეპატიტის დიაგნოსტიკას (სისხლის შრატ./პლაზმ.) სწრაფი/მარტივი მეთოდით;

გ) აივ‑ანტისხეულების განსაზღვრას (სისხლის შრატ./პლაზმ.) სწრაფი/მარტივი მეთოდით.

დანართი–5.3 – ახალშობილთა და ბავშვთა სკრინინგის ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე

1. ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე ახალშობილთა გამოვლენა ქვეყნის მასშტაბით (მათ შორის მუკოვისციდოზზე ქ. თბილისის მასშტაბით) დაბადებული ყველა ახალშობილის სკრინინგის მეშვეობით.

2. ფენილკეტონურიისა და ჰიპერფენილალანინემიის მქონე ახალშობილთა მეორადი დიაგნოსტიკა დაავადების დადასტურების მიზნით.

3. ფენილკეტონურიითა და ჰიპერფენილალანინემიით დაავადებულ 18 წლამდე ასაკის ბავშვთა ყოველთვიური მონიტორინგი და ამბულატორიული დახმარება.

4. ფენილკეტონურიის და ჰიპერფენილალანინემიის პათოლოგიური გენების მატარებელი ოჯახების კონსულტირება ამ პათოლოგიათა პრევენციის მიზნით.

5. ფენილკეტონურიითა და ჰიპერფენილალანინემიით დაავადებულ ბავშვთა ოჯახის წევრებთან ტრენინგის ჩატარება.

6. ერთ წლამდე ასაკის ბავშვთა ჰიპოთირეოზის მეორადი დიაგნოსტიკა და ამბულატორიული მონიტორინგი, რაც მოიცავს:

ა) ენდოკრინოლოგის და პედიატრის მომსახურებას;

ბ) სისხლის ლაბორატორიულ კვლევას ჰორმონებზე (FT4, TSH).

დანართი–5.4 – მაღალი რისკის ორსულთა, მშობიარეთა და მელოგინეთა მკურნალობის კომპონენტით განსაზღვრული მომსახურება და ღირებულება

დანართი – 5.5 – ახალშობილთა და ბავშვთა სკრინინგის კომპონენტი ჰიპოთირეოზზე, ფენილკეტონურიაზე, ჰიპერფენილალანინემიასა და მუკოვისციდოზზე

დანართი – 5.6 – პროგრამის ბიუჯეტი

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

 

დანართი №6

ბავშვთა და მოზარდთა დიაბეტის მართვა

ორგანიზაციული კოდი - 35 12 02 06

    მუხლი 1. პროგრამის მიზანი

პროგრამის მიზანია დიაბეტით დაავადებული ბავშვებისა და მოზარდების რეაბილიტაცია, ამბულატორიული მეთვალყურეობის გაუმჯობესების გზით შესაძლო გართულებების პრევენცია და შემცირება.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება 18 წლამდე ასაკის საქართველოს მოქალაქე დიაბეტით დაავადებული ბავშვები, ასევე 18 წელს გადაცილებული საქართველოს მოქალაქე დიაბეტიანი პაციენტები, რომელთაც აღენიშნებათ მხედველობის დაქვეითება (უსინათლოები), აქვთ თანდაყოლილი ცერებრული დამბლა ან/და უშაქრო დიაბეტი.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) საანალიზო-ტექნიკური საშუალებებით უზრუნველყოფას;

ბ) ინსულინის, ინსულინის ანალოგების, გლუკაგონის, საანალიზო ტექნიკური საშუალებების შენახვასა და გაცემას;

გ) ლაბორატორიული გამოკვლევების უზრუნველყოფას (გლიკოჰემოგლობინი);

დ) თვალის დაავადებათა გართულებების მონიტორინგს;

ე) პროგრამის მოსარგებლეების და მათი მშობლების სამედიცინო განათლებას;

ვ) ფიზიკურ რეაბილიტაციას.

    მუხლი 4. პროგრამის განხორციელების მექანიზმი, დაფინანსების მეთოდოლოგია და ანაზღაურების წესი

1. მე-3 მუხლის „ა’’ ქვეპუნქტით გა ნ საზღვრული საანალიზო ტექნიკური საშუალებების შესყიდვა ხორციელდება „სახელმწიფო შესყიდვების შესახებ“ საქართველოს კანონის შესაბამისად და გადაეცემა შესაბამისი მომსახურების მიმწოდებელს.

2. მე-3 მუხლის „ბ“, „გ“, „დ“, „ე“ და „ვ“ ქვეპუნქტებით განსაზღვრული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით. ამასთან, ერთი მოსარგებლისათვის განკუთვნილი სამედიცინო ვაუჩერის წლიური ღირებულება განისაზღვრება 508 ლარით, მაგრამ პროგრამის ჯამური ხარჯები არ უნდა აღემატებოდეს პროგრამის წლიურ ბიუჯეტს.

3. მე-3 მუხლის „ბ“, „გ“, „დ“, „ე“ და „ვ“ ქვეპუნქტებით განსაზღვრული მიმწოდებლისათვის მომსახურების ანაზღაურების მოცულობა განისაზღვრება რეგისტრირებული მოსარგებლეების რაოდენობის და ვაუჩერის წლიური ღირებულების შესაბამისად (შესულებული სამუშაოს მიუხედავად) და ანაზღაურება მოხდება ყოველთვიურად წლიური ასანაზღაურებელი თანხის არა უმეტეს 1/12 პრინციპით.

4. პროგრამით გათვალისწინებული მომსახურება იფარება სრულად სახელმწიფო პროგრამის ფარგლებში და არ ითვალისწინებს თანაგადახდას პაციენტების მხრიდან.

5. პროგრამის ფარგლებში სამედიცინო ვაუჩერის მოსარგებლეს პროგრამით განსაზღვრული მომსახურების მისაღებად საჭირო რეგისტრაციისათვის აქვს თავისუფალი არჩევანის გაკეთების შესაძლებლობა პროგრამაში მონაწილე სამედიცინო დაწესებულებებს შორის.

6. მოსარგებლეს სამედიცინო ვაუჩერით სარგებლობა უწყდება შემდეგი პირობები ს არსებობისას:

ა) მოსარგებლის (ან მისი კანონიერი წარმომადგენლის) პირადი წერილობითი გაცხადებ ა;

ბ) ვაუჩერის მოსარგებლ ე აღარ აკმაყოფილებს პროგრამის მოსარგებლეთათვის მე-2 მუხლის პირველი პუნქტით დადგენილ მოთხოვნებს;

გ) მომსახურების მიღების თვის აუცილებელი წინაპირობის შეუსრულებლობა (მომსახურების მიღების აუცილებელი წინაპირობაა ვიზიტი მიმწოდებელთან);

დ) მოსარგებლის გარდაცვალება.

7. მიმწოდებელი ვალდებულია მიაწოდოს ინფორმაცია პროგრამის განმახორციელებელს პროგრამის არსებული (რეგისტრირებული) მოსარგებლეების შესახებ წინასწარ დადგენილი ფორმით.

    მუხლი 5. პროგრამის ბიუჯეტი

პროგრამის ბიუჯეტი განისაზღვრა 650 ათასი ლარით, მათ შორის საანალიზო ტექნიკური საშუალებებით უზრუნველყოფისთვის - 300 ათასი ლარი.

    მუხლი 6. მომსახურების მიმწოდებელი

1. პროგრამის ფარგლებში მე-3 მუხლის „ა“ ქვეპუნქტით გათვალისწინებული მომსახურების მიმწოდებელი განისაზღვრება მე–4 მუხლის პირველი პუნქტის შესაბამისად.

2. მე-3 მუხლის „ბ“, „გ“, „დ“, „ე“ და „ვ“ ქვეპუნქტებით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 7. პროგრამის განმახორციელებელი

1. მე-3 მუხლის „ა“ ქვეპუნქტით გათვალისწინებული მომსახურების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.

2. მე-3 მუხლის „ბ“, „გ“, „დ“, „ე“ და „ვ“ ქვეპუნქტებით გათვალისწინებული მომსახურების ნაწილში პროგრამის განმახორციელებელია სსიპ – სოციალური მომსახურების სააგენტო.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

დანართი №7

სპეციალიზებული ამბულატორიული დახმარება

ორგანიზაციული კოდი - 35 12 02 07

    მუხლი 1. პროგრამის მიზნები

პროგრამის მიზნებია:

ა) შაქრიანი და უშაქრო დიაბეტით დაავადებული პაციენტების ამბულატორიული მეთვალყურეობის გაუმჯობესება და შესაძლო გართულებების პრევენცია და შემცირება;

ბ) სასჯელაღსრულების დეპარტამენტის დაწესებულებებში მყოფ მძიმე და განუკურნებელი სენით დაავადებულ მსჯავრდებულთა ჯანმრთელობის მდგომარეობის შესწავლა და ავადმყოფობის ან ხანდაზმულობის ასაკის გამო სასჯელისაგან გათავისუფლების მიზანშეწონილობის თაობაზე შესაბამისი დასკვნის მომზადება.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება შაქრიანი და უშაქრო დიაბეტით დაავადებული საქართველოს მოქალაქეები.

2. სასჯელაღსრულების დეპარტამენტის დაწესებულებებში მყოფი მსჯავრდებულები.

3. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

1. პროგრამით გათვალისწინებული მომსახურება მოიცავს:

ა) სპეციალიზებულ აბულატორიულ დახმარებას:

ა.ა) ექიმი-ენდოკრინოლოგის და ექთნის მუდმივ მეთვალყურეობას არანაკლებ სამი დღის განმავლობაში;

ა.ბ) ანგიოლოგის, ნევროპათოლოგის, ოფთალმოლოგის კონსულტაციას, საჭიროების შესაბამისად;

ა.გ) დიეტოლოგის კონსულტაციას;

ა.დ) კლინიკო-ლაბორატორიულ გამოკვლევებს:

ა.დ.ა) გლუკოზის განსაზღვრა სისხლში, არანაკლებ 8 ერთეულისა ერთ პაციენტზე;

ა.დ.ბ) გლიკოჰემოგლობინის განსაზღვრა;

ა.დ.გ) კრეატინინის განსაზღვრა სისხლში;

ა.დ.დ) მიკროალბუმინურიის კვლევა;

ა.დ.ე) სისხლის საერთო ანალიზი;

ა.დ.ვ) შარდის საერთო ანალიზი;

ა.დ.ზ) ზიმნიცკის სინჯი;

ა.დ.თ) C- პეპტიდი;

ა.დ.ი) ჰომა – 2-ის ინდექსი;

ა.დ.კ) ე.კ.გ.

ბ) მსჯავრდებულთა კომისიური შემოწმების უზრუნველყოფა, რომელიც განსაზღვრულია საქართველოს სასჯელაღსრულების, პრობაციისა და იურიდიული დახმარების საკითხთა მინისტრისა და საქართველოს შრომის, ჯანმრთელობისა და სოციალური დაცვის მინისტრის 2010 წლის 23 დეკემბრის №179-427/ნ ერთობლივი ბრძანებით დამტკიცებული “საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსა და საქართველოს შრომის, ჯანმრთელობისა და სოციალური დაცვის სამინისტროს ერთობლივი მუდმივმოქმედი კომისიის დებულების“ შესაბამისად.

    მუხლი 4. დაფინანსების მეთოდოლოგია და ანაზღაურების წესი

 1. მე-3 მუხლის „ა“ ქვეპუნქტით გათვალისწინებული მომსახურება ფინანსდება ფაქტობრივი ხარჯის მიხედვით, მაგრამ არაუმეტეს ამ მუხლის მე-2 პუნქტით განსაზღვრული ღირებულებისა.

 2. მე-3 მუხლის „ა“ ქვეპუნქტით გათვალისწინებული მომსახურების ანაზღაურების ერთეულს წარმოადგენს მკურნალობის ეპიზოდი, რომლის ღირებულება განსაზღვრულია 300 ლარით.

3. მე-3 მუხლის „ა“ ქვეპუნქტით გათვალისწინებული მომსახურების ფარგლებში პროგრამა ფარავს მკურნალობის ეპიზოდის ფაქტობრივი ღირებულების 90%-ს, ხოლო მოსარგებლის მხრიდან თანაგადახდა შეადგენს 10%-ს. თანაგადახდას არ ექვემდებარება „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეებისთვის ამ პროგრამის ფარგლებში გაწეული მომსახურება.

4. მე-3 მუხლის „ბ“ ქვეპუნქტით გათვალისწინებული კომისიის მუდმივმოქმედ წევრთა და კომისიის მდივნის მომსახურება ანაზღაურდება ყოველთვიურად შემდეგი ოდენობით:

ა) კომისიის თავმჯდომარე - 2800 ლარი;

ბ) კომისიის თავმჯდომარის მოადგილე - 2100 ლარი;

გ) კომისიის წევრი - 1200 ლარი;

დ) კომისიის მდივანი - 1100 ლარი.

5. მე-3 მუხლის „ბ“ ქვეპუნქტით გათვალისწინებული მომსახურების ფარგლებში დაავადების შესაბამისი პროფილის კვალიფიციური ექიმის მომსახურება ანაზღაურდება შესრულებული სამუშაოს მიხედვით და ერთ სამუშაო დღეზე შრომის ანაზღაურება განისაზღვრება 204 ლარის ოდენობით.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

    მუხლი 5. პროგრამის განხორციელების მექანიზმები

1. მე-3 მუხლის „ა“ ქვეპუნქტით გათვალისწინებული მომსახურების დაფინანსება განხორციელდება არამატერიალიზებული სამედიცინო ვაუჩერის მეშვეობით.

2. მე-3 მუხლის „ბ“ ქვეპუნქტით გათვალისწინებული კომისიის მუდმივმოქმედ წევრთა და კომისიის მდივნის შრომის ანაზღაურება ხორციელდება განმახორციელებელ დაწესებულებასთან გაფორმებული ინდივიდუალური შრომითი ხელშეკრულებების საფუძველზე.

3. მე-3 მუხლის „ბ“ ქვეპუნქტით გათვალისწინებული მომსახურების ფარგლებში დაავადების შესაბამისი პროფილის კვალიფიციური ექიმის შრომის ანაზღაურება ხორციელდება განმახორციელებელ დაწესებულებასთან გაფორმებული ინდივიდუალური შრომითი ხელშეკრულებების საფუძველზე.

4. მე-3 მუხლის „ბ“ ქვეპუნქტით გათვალისწინებული მომსახურების განხორციელებისთვის, მიეცეს თანხმობა სააგენტოს შტატგარეშე მოსამსახურეთა რაოდენობა (გარდა კანონმდებლობით მისთვის განსაზღვრული რაოდენობისა) გაზარდოს არაუმეტეს 14 ერთეულისა.

    მუხლი 6. პროგრამის ბიუჯეტი

პროგრამის ბიუჯეტია 280 ათასი ლარით, აქედან:

ა) მე-3 მუხლის „ა“ ქვეპუნქტით გათვალისწინებული მომსახურების ბიუჯეტი განისაზღვრა 180 ათასი ლარით;

ბ) მე-3 მუხლის „ბ“ ქვეპუნქტით გათვალისწინებული ღონისძიებების ბიუჯეტი განისაზღვრება 100 ათასი ლარით.

    მუხლი 7. მომსახურების მიმწოდებელი

1. მე-3 მუხლის „ა“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

2. მე-3 მუხლის „ბ“ ქვეპუნქტით გათვალისწინებული პატიმართა და მსჯავრდებულთა კომისიური წესით შემოწმებას უზრუნველყოფს საქართველოს შრომის, ჯანმრთელობისა და სოციალური დაცვის მინისტრისა და საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2010 წლის 23 დეკემბრის №179-427/ნ ერთობლივი ბრძანებით შექმნილი საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსა და საქართველოს შრომის, ჯანმრთელობისა და სოციალური დაცვის სამინისტროს ერთობლივი მუდმივმოქმედი კომისია.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი №8

ნარკომანია

ორგანიზაციული კოდი - 35 12 02 08

    მუხლი 1. პროგრამის მიზანი

პროგრამის მიზანია ნარკომანიით დაავადებულ პირთა მკურნალობა და რეაბილიტაცია.

    მუხლი 2. პროგრამის მოსარგებლეები

1. პროგრამის მე-3 მუხლის „ბ“ ქვეპუნქტით გათვალისწინებული მომსახურების მოსარგებლეები არიან ნარკომანიით დაავადებული საქართველოს მოქალაქეები.

2. პროგრამის მე-3 მუხლის „ა“ ქვეპუნქტით გათვალისწინებული მომსახურების მოსარგებლე არის „სოციალურად დაუცველი ოჯახების მონაცემთა ერთიან ბაზაში“ რეგისტრირებული იმ ოჯახების წევრი, რომელთა სარეიტინგო ქულა არ აღემატება 70 000 ქულას.

3. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) სტაციონარული დეტოქსიკაციისა და პირველადი რეაბილიტაციის განხორციელებას;

ბ) ჩამანაცვლებელი ნარკოტიკის მიწოდების და სამედიცინო მეთვალყურეობის უზრუნველყოფას (პროგრამის მოსარგებლეთა ჩამანაცვლებელი ნარკოტიკის შესყიდვა ხორციელდება „მოსახლეობის სპეციფიკური მედიკამენტების უზრუნველყოფის“ პროგრამის ფარგლებში) ქ. თბილისსა და რეგიონებში (კახეთი, იმერეთი, გურია, სამეგრელო-ზემო სვანეთი).

    მუხლი 4. დაფინანსების მეთოდოლოგია და ანაზღაურების წესი

1. ნარკომანიით დაავადებულთა სტაციონარული დეტოქსიკაციის ანაზღაურება ხორციელდება ფაქტობრივი ხარჯის მიხედვით, მაგრამ არაუმეტეს 1250 ლარისა, ხოლო პირველადი რეაბილიტაცია -- ასევე ფაქტობრივი ხარჯის მიხედვით, მაგრამ არაუმტეს 1000 ლარისა.

2. ჩანაცვლებითი თერაპიის კომპონენტი დაფინანსდება შესრულებული სამუშაოს მიხედვით, მაგრამ არაუმეტეს ამ კომპონენტისთვის პროგრამით გათვალისწინებული თანხის 1/12-ისა ყოველთვიურად.

3. ჩანაცვლებითი თერაპიის განხორციელებისას პაციენტის მხრიდან გათვალისწინებულია თანაგადახდა, რაც ერთი პაციენტის მხრიდან შეადგენს ერთი თვის განმავლობაში 150 ლარს. თანაგადახდა არ ეხებათ აივ–ინფექციით დაავადებულებს.

     მუხლი 5. მომსახურების განხორციელების მექანიზმები

პროგრამით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის ,,დ“ ქვეპუნქტის შესაბამისად, გამარტივებული შესყიდვის საშუალებით, სსიპ – სოციალური მომსახურების სააგენტოს მიერ.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

    მუხლი 6. ბიუჯეტი

პროგრამის ბიუჯეტი განისაზღვრა 1,303.4 ათასი ლარით.

 

 

დანართი №9

ანტირაბიული დახმარება

ორგანიზაციული კოდი - 35 12 02 09

    მუხლი 1. პროგრამის მიზანი

პროგრამის მიზანია 18 წლამდე ასაკის ბავშვთა ანტირაბიული სამედიცინო დახმარების უზრუნველყოფა.

    მუხლი 2. პროგრამის მოსარგებლეები

1. პროგრამის მოსარგებლეები არიან 18 წლამდე ასაკის საქართველოს მოქალაქეები, გარდა “სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ” საქართველოს მთავრობის 2009 წლის 9 დეკემბრის N218 დადგენილებით განსაზღვრული მოსარგებლეებისა.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს ანტირაბიული სამედიცინო დახმარების უზრუნველყოფას (ანტირაბიული სამედიცინო საშუალებების გარეშე). ანტირაბიული ვაქცინ ისა და იმუნოგლობულინი ს შესყიდვა ხორციელდება „მოსახლეობის სპეციფიკური მედიკამენტებით უზრუნველყოფის“ პროგრამის ფარგლებში.

    მუხლი 4. დაფინანსების მეთოდოლოგია და ანაზღაურების წესი

1. ანტირაბიული სამედიცინო დახმარება ანაზღაურდება ვიზიტის მიხედვით. პირველი ვიზიტის ღირებულება შეადგენს 12 ლარს, ხოლო ყოველი შემდგომი ვიზიტი - 6 ლარს.

2. პროგრამით გათვალისწინებული მომსახურება არ ითვალისწინებს თანაგადახდას და ანაზღაურდება სრულად პროგრამის ხარჯებით.

    მუხლი 5. მომსახურების განხორციელების მექანიზმები

მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 300.0 ათასი ლარით.

    მუხლი 7. მომსახურების მიმწოდებელი

პროგრამის ფარგლებში მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და პროგრამის განმახორციელებელს წერილობით დაუდასტურებს პროგრამაში მონაწილეობის სურვილს.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი №10

პროფესიულ დაავადებათა პრევენცია

ორგანიზაციული კოდი - 35 12 02 10

    მუხლი 1. პროგრამის მიზანი

პროგრამის მიზანია დასაქმებული მოსახლეობის ჯანმრთელობის დაცვა პროფესიულ დაავადებათა პრევენციის გზით.

    მუხლი 2. პროგრამის მოსარგებლეები

1. პროგრამის მოსარგებლეები არიან დასაქმებული საქართველოს მოქალაქეები.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. პროგრამის მოცულობა

პროგრამის მოცულობით გათვალისწინებულია შრომის პროცესში მოქმედი გარე ფაქტორების შესწავლა-შეფასება, პროფესიული ჯანმრთელობის კვლევა მიზნობრივ ჯგუფებში, დამსაქმებლისა და დასაქმებულის ინფორმირება პროფესიული ჯანმრთელობის რისკებისა და მათგან დაცვის მეთოდების შესახებ, მიზნობრივი ტრენინგების ჩატარება, გავრცელებული პროფესიული დაავადებების პრევენციისა და მკურნალობის სახელმძღვანელო სქემების შემუშავება, მიღებული გაიდლაინების იმპლემენტაცია.

    მუხლი 4. დაფინანსების მეთოდოლოგია, ანაზღაურების წესი

დაფინანსება ხორციელდება გლობალური ბიუჯეტის პრინციპით.

    მუხლი 5. მომსახურების განხორციელების მექანიზმები

1. პროგრამით განსაზღვრული მომსახურების შესყიდვა ხორციელდება, „სახელმწიფო შესყიდვების შესახებ” საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, გამარტივებული შესყიდვის საშუალებით.

2. პროგრამის განმახორციელებელია სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრი.

    მუხლი 6. ბიუჯეტი

პროგრამის ბიუჯეტი განისაზღვრა 270.0 ათასი ლარით.

დანართი №11

დაავადებათა ადრეული გამოვლენა და სკრინინგი

ორგანიზაციული კოდი - 35 12 02 11

    მუხლი 1 . პროგრამის მიზანი

პროგრამის მიზანია დაავადებათა ადრეული გამოვლენა და გავრცელების შეზღუდვა.

 მუხლი 2. პროგრამის მოსარგებლეები

1. პროგრამის მოსარგებლეები არიან საქართველოს მოქალაქეები.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) ძუძუს, საშვილოსნოს ყელის, კოლორექტული და პროსტატის კიბოს სკრინინგს -- კიბოს ადრეული გამოვლენის მიზნით ჩატარდება სკრინინგული გამოკვლევები ქვეყნის მასშტაბით, გარდა თბილისისა. პროგრამის ფარგლებში განხორციელდება ძუძუს კიბოს სკრინინგი 40–70 წლის ასაკის ქალებში, ჩატარდება საშვილოსნოს ყელის სკრინინგი 25–60 წლის ასაკის ქალებში, პროსტატის კიბოს სკრინინგი 50–70 წლის ასაკის მამაკაცებში, ფარული სისხლდენის სკრინინგი 50–70 წლის ორივე სქესისათვის. გამოკვლევები ჩატარდება სპეციალიზებულ სამედიცინო დაწესებულებებში;

ბ) ჯანდაცვის პირველადი რგოლის დაწესებულებებში აღრიცხული გულ-სისხლძარღვთა დაავადებების მქონე პაციენტთა მართვის ანალიზს - საქართველოში გულ–სისხლძარღვთა პათოლოგიების მართვის გაუმჯობესების მიზნით ჩატარდება ჯანდაცვის პირველადი რგოლის დაწესებულებებში აღრიცხული გულ-სისხლძარღვთა დაავადებების მქონე პაციენტთა მართვის შეფასება;

გ) საქართველოში სქესობრივი გზით გადამდებ დაავადებათა (სგგდ) გავრცელების შესწავლას - ეპიდზედამხედველობის და კონტროლის გაუმჯობესების მიზნით განხორციელდება სხვადასხვა პოპულაციურ ჯგუფებში სქესობრივი გზით გადამდები დაავადებების გავრცელების შესწავლა შესაბამისი, თანამედროვე ლაბორატორიული მეთოდების გამოყენებით და სპეციფიკური სგგდ სინდრომების ყველაზე ხშირი გამომწვევების დადგენა:

გ.ა) სამიზნე ჯგუფებში პაციენტების კონსულტირება, მასალის აღება და გამოკვლევა სკრინინგული მეთოდებით;

გ.ბ) სამიზნე ჯგუფებში პაციენტების გამოკვლევა კონფირმაციული მეთოდებით.

დ) 0-6 წლამდე ასაკის ბავშვთა განვითარების შეფერხების სკრინინგს და სკოლისათვის მზადყოფნის შეფასებას - 0-6 წლამდე ასაკის განვითარების შეფერხების ბავშვთა გლობალური განვითარების სკრინინგი ითვალისწინებს ჯანდაცვის პირველადი რგოლიდან გამოგზავნილ 0–6 წლამდე ასაკის ბავშვთა განვითარების შეფასებას; მშობლის კონსულტირება ს ბავშვის განვითარების ხელშეწყობის, მოვლის, კვების საკითხებზე, ხოლო სკოლამდელი ასაკის ბავშვებისათვის სკოლისათვის მზადყოფნის შეფასებას;

ე) ახალშობილთა სმენის დარღვევის გამოვლენას ახალშობილთა სმენის პირველადი და მეორეული სკრინინგული გამოკვლევის გზით;

ვ) საქართველოში ონკოდაავადებების აღრიცხვიანობის გაუმჯობესების მიზნით კიბოს რეესტრის მეთოდოლოგიის შემუშავებას;

ზ) ეპილეფსიის დიაგნოსტიკისა და ზედამხედველობის უზრუნველყოფას ეპილეფსიის რეესტრის წარმოებისა და გაიდლაინებისა და პროტოკოლების იმპლემენტაციის ხელშეწყობის გზით;

თ) სომატოტროპული ჰორმონის დეფიციტის მქონე პაციენტებისათვის ჰორმონის შესყიდვას;

ი) ჰეპატიტების გავრცელების შესწავლას სელექტიურ რისკ-ჯგუფებში პრევენციის ეფექტური ღონისძიებების დასაგეგმად - ჰეპატიტების გავრცელების შესწავლის პროგრამის ფარგლებში განხორციელდება B და С ჰეპატიტების სეროპრევალენტობის კვლევა შემდეგ პოპულაციურ ჯგუფებში: სქესობრივი გზით გადამდები დაავადებების მქონე პაციენტები; პოსტ-ჰემოტრანსფუზიული პაციენტები და პაციენტები, რომელთაც ჩატარებული აქვთ ენდოსკოპიური პროცედურები;

კ) მაღალი რისკის პოპულაციებში ლატენტური და აქტიური ტუბერკულოზის გავრცელების შესწავლას და მათი რისკ-სტრატიფიკაციის გზით ტუბერკულოზის შემთხვევათა აქტიური გამოვლენის მიზანმიმართული და ხარჯეფექტური ღონისძიებების დაგეგმვას -პროგრამის ფარგლებში განხორციელდება მაღალი რისკის ჯგუფებში ლატენტური ტუბერკულოზის დიაგნოსტიკა მანტუს ტესტით, ამავე ჯგუფებში კითხვარების საშუალებით იმ ინდივიდთა გამოვლენა, რომელთაც აქტიური ტუბერკულოზის მაღალი რისკი აქვთ და მათი მიმართვა სპეციალიზებულ დაწესებულებებში; გამოვლენილი შემთხვევების აღრიცხვა.

ლ) საგანმანათლებლო კამპანიას მოსახლეობის განათლებისა და ჯანმრთელობის საკითხებში ინფორმირებულობისათვის;

მ) პროგრამის ადმინისტრირება და მონიტორინგი.

    მუხლი 4. დაფინანსების მეთოდოლოგია, ანაზღაურების წესი

1. კიბოს სკრინინგის კომპონენტში ანაზღაურება ხორციელდება შესრულებული სამუშაოს მიხედვით, მაგრამ არა უმეტეს დანართ–11.2-ში მითითებული ერთეულის ფასებისა და ამავე დანართში განსაზღვრული ბიუჯეტის ფარგლებში.

2. პირველადი ჯანდაცვის დაწესებულებებში გულ-სისხლძარღვთა დაავადებების მართვის კვლევა დაფინანსდება გლობალური დაფინანსების პრინციპით.

3. სქესობრივად გადამდებ დაავადებათა პრევენციის კომპონენტით გათვალისწინებული მასალის აღების მომსახურება (მე-3 მუხლის „გ.ა“ ქვეპუნქტი) ანაზღაურდება შესრულებული სამუშაოს მიხედვით, არაუმეტეს დანართ–11.3–ში მითითებული ერთეულის ფასებისა და ამავე დანართში განსაზღვრული ბიუჯეტის ფარგლებში. სქესობრივად გადამდებ დაავადებათა პრევენციის კომპონენტით გათვალისწინებული კონფირმაციული კვლევების (მე-3 მუხლის „გ.ბ“ ქვეპუნქტი) მომსახურებას ახორციელებს უშუალოდ სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი, ხოლო კონფირმაციული ტესტებისთვის საჭირო მასალის შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

4. 0-6 წლამდე ასაკის ბავშვთა გლობალური განვითარების ხელშეწყობის კომპონენტის ანაზღაურება ხორციელდება გლობალური დაფინანსების პრინციპით, მაგრამ არაუმეტს დანართ–11.1-ში განსაზღვრული ბიუჯეტისა.

5. ახალშობილთა სმენის სკრინინგული გამოკვლევის კომპონენტში ანაზღაურება ხორციელდება შესრულებული სამუშაოს მიხედვით, მაგრამ არაუმეტეს დანართ–11.1-ში განსაზღვრული ბიუჯეტისა.

6. კიბოს რეესტრის მეთოდოლოგიის შემუშავების კომპონენტით გათვალისწინებული მომსახურება ფინანსდება ფაქტობრივი ხარჯის მიხედვით, მაგრამ არაუმეტეს დანართ–11.1-ში განსაზღვრული ბიუჯეტისა.

7. ეპილეფსიის დიაგნოსტიკისა და ზედამხედველობის კომპონენტის ანაზღაურება ხორციელდება გლობალური დაფინანსების პრინციპით, მაგრამ არაუმეტეს დანართ–11.1-ში განსაზღვრული ბიუჯეტისა.

8. პროგრამის მოსარგებლეთათვის სომატოტროპული ჰორმონით უზრუნველყოფა ხდება უსასყიდლოდ (თანაგადახდის გარეშე) პროგრამისათვის გამოყოფილი ასიგნებების ფარგლებში.

9. ჰეპატიტების გავრცელების შესწავლის კომპონენტით გათვალისწინებული ღონისძიებებისთვის საჭირო სახარჯი მასალების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად, დანართ–11.4-ში განსაზღვრული რაოდენობებისა და ბიუჯეტის ფარგლებში.

10. მაღალი რისკის პოპულაციებში ტუბერკულოზის გავრცელების შესწავლის კომპონენტით გათვალისწინებული მომსახურება ფინანსდება არაუმეტეს დანართ–11.1–ში განსაზღვრული ბიუჯეტისა.

11. მოსახლეობის საგანმანათლებლო კამპანიით განსაზღვრული მომსახურების დაფინანსება მოხდება გლობალური დაფინანსების პრინციპით.

12. პროგრამის ადმინისტრირებისა და მონიტორინგის კომპონენტის ფარგლებში დაფინანსდება ამ პროგრამის განხორციელებისათვის საჭირო სამივლინებო და სხვა ადმინისტრაციული ხარჯები.

    მუხლი 5. მომსახურების განხორციელების მექანიზმი

1. მე-3 მუხლის „ა“, „ბ“, „გ.ა“, „დ“, „ვ“, „ზ“, „თ“, „კ“ და „ლ“ ქვეპუნქტებით გათვალისწინებული მომსახურების/საქონლის შესყიდვა განხორციელდება „სახელმწიფო შესყიდვების შესახებ” საქართველოს კანონის მოთხოვნათა შესაბამისად.

2. მე-3 მუხლის „გ.ბ“ და „ი“ ქვეპუნქტებით გათვალისწინებულ მომსახურებას ახორციელებს უშუალოდ სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი, ხოლო სახარჯი მასალის შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

3. მე-3 მუხლის „ე“ ქვეპუნქტით გათვალისწინებული მომსახურების შესყიდვა ხორციელდება, „სახელმწიფო შესყიდვების შესახებ” საქართველოს კანონის მე-10¹ მუხლის მე-3 პუნქტის „დ“ ქვეპუნქტის შესაბამისად, გამარტივებული შესყიდვის საშუალებით.

4. მე-3 მუხლის „მ“ ქვეპუნქტით გათვალისწინებულ მომსახურებას ახორციელებს უშუალოდ სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 2,446.00 ათასი ლარით დანართი–11.1-ის შესაბამისად.

    მუხლი 7. პროგრამის განმახორციელებელი

პროგრამის განმახორციელებელია სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

    მუხლი 8. მომსახურების მიმწოდებელი

1. მე–3 მუხლის „ა“, „ბ“, „დ“, „ე“, „ზ“ და „თ“ ქვეპუნქტებით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი საქმიანობისათვის კანონმდებლობი თ დადგენილ მოთხოვნებს.

2. მე–3 მუხლის „გ.ა“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს.

3. მე–3 მუხლის „გ.ბ“ ქვეპუნქტით, „ვ“, „ი“ და „კ“ ქვეპუნქტებით გათვალისწინებული მომსახურების მიმწოდებელია სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი.

დანართი – 11.1: პროგრამის ბიუჯეტი

 

დანართი – 11.2: კიბოს სკრინინგის კომპონენტი (თანხა ლარებში)

დანართი – 11.3: სქესობრივად გადამდებ დაავადებათა ეპიდზედამხედველობის კომპონენტი (თანხა ლარებში)

დანართი –11.4 ჰეპატიტების გავრცელების შესწავლა -- სახარჯი მასალები (თანხა ლარებში)

 

დანართი №12

იმუნიზაცია

ორგანიზაციული კოდი - 35 12 02 12

    მუხლი 1. პროგრამის მიზანი

პროგრამის მიზანია ქვეყნის მოსახლეობის დაცვა მართვადი ინფექციებისაგან იმუნიზაციის გზით.

    მუხლი 2. პროგრამის მოსარგებლეები

1. იმუნიზაციის სახელმწიფო პროგრამის მოსარგებლეები არიან საქართველოს მოქალაქეები და საქართველოს ტერიტორიაზე მუდმივად მყოფი უცხო ქვეყნის მოქალაქეები.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

  მუხლი 3. მომსახურების მოცულობა

პროგრამა ითვალისწინებს:

ა) ვაქცინებისა და შპრიცების შეძენას, შენახვას და გადაცემას სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანდაცვის ეროვნული ცენტრისათვის.

ა¹) აფხაზეთის ოკუპირებულ ტერიტორიაზე 2011 წელს იმუნიზაციის განსახორციელებლად საჭირო დაზუსტებული დამატებითი რაოდენობის ვაქცინების, შპრიცებისა და უსაფრთხო გასანადგურებელი ყუთების შეძენას, შენახვასა და გადაცემას სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანდაცვის ეროვნული ცენტრისათვის;

ბ) შრატებისა და ვაქცინების სტრატეგიული მარაგის შესყიდვას, შენახვას, გაცემას (ყვითელი ცხელების ვაქცინის გაცემისას პრიორიტეტი ენიჭებათ საზღვარგარეთ სამუშაო ვიზიტებით წამსვლელებს);

გ) იმუნოპროფილაქტიკის წარმოებას - აცრა-ვიზიტები;

დ) სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანდაცვის ეროვნული ცენტრის მიერ მიღებული მედიკამენტების გაცემა-განაწილებას „ცივი ჯაჭვის“ პრინციპების დაცვით ცენტრალური დონიდან ადმინისტრაციულ ერთეულებამდე.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 4. დაფინანსების მეთოდოლოგია და ანაზღაურების წესი

1. პროგრამის მოსარგებლეებისათვის პროგრამით გათვალისწინებული ვაქცინებით და შრატებით უზრუნველყოფა და აცრა-ვიზიტების მომსახურება არ ითვალისწინებს პროგრამის მოსარგებლეთა მხრიდან თანაგადახდას.

 2. აცრა-ვიზიტის ღირებულება შეადგენს 1 ლარს (მათ შორის, სოფლის ექიმის სახელმწიფო პროგრამის ფარგლებში სამედიცინო მომსახურების მიმწოდებელი ექიმის ანაზღაურება – 0.50 ლარი, ექთნების ანაზღაურება – 0.50 ლარი).

  მუხლი 5. პროგრამის განხორციელების მექანიზმები

 1. იმუნიზაციის პროგრამით გათვალისწინებული ვაქცინების, შრატებისა და შპრიცების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

2. პროგრამით გათვალისწინებული ვაქცინებისა და შპრიცების შესყიდვა ხორციელდება „საქართველოს 2011 წლის სახელმწიფო ბიუჯეტის შესახებ“ საქართველოს კანონის 33-ე მუხლის მე–13 პუნქტის შესაბამისად, გაერთიანებული ერების ორგანიზაციის ბავშვთა ფონდის (UNICEF) დახმარებით , ხოლო იმ ვაქცინების და შპრიცების შესყიდვა, რომელთა შესყიდვაც ვერ ხორციელდება გაერთიანებული ერების ორგანიზაციის ბავშვთა ფონდის (UNICEF) დახმარებით - ხორციელდება „სახელმწიფო შესყიდვების შესახებ“ საქართველოს კანონის შესაბამისად.

2¹. მე‑3 მუხლის „ა¹“ ქვეპუნქტით გათვალისწინებული ვაქცინების, შპრიცებისა და უსაფრთხო გასანადგურებელი ყუთების შეძენა ხორციელდება „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, გამარტივებული შესყიდვის საშუალებით ამავე მუხლის პირველი და მე‑2 პუნქტების შესაბამისად გამოვლენილი მიმწოდებლისგან. ასეთის არარსებობის შემთხვევაში შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

3. მე-3 მუხლის „გ“ ქვეპუნქტით გათვალისწინებული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.

4. არამატერიალიზებული სამედიცინო ვაუჩერის მიმღებად ჩაითვლება პირი, რომელიც რეგისტრირებულია შესაბამის პირველადი ჯანდაცვის დაწესებულებაში.

5. სამედიცინო ვაუჩერით დაფინანსებული მომსახურება მოიცავს პროფილაქტიკური აცრების ეროვნული კალენდრი თ გათვალისწინებული ვაქცინაციით უზრუნველყოფას.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 6. პროგრამის ბიუჯეტი

პროგრამის ბიუჯეტი განისაზღვრება 4,520.0 ათასი ლარით დანართი–12.1-ის შესაბამისად.

    მუხლი 7. მომსახურების მიმწოდებელი

1. პროგრამის ფარგლებში მე‑3 მუხლის „ა“, „ა¹“ და „ბ“ ქვეპუნქტებით გათვალისწინებული საქონლის მიმწოდებელი განისაზღვრება მე‑5 მუხლის პირველი, მე‑2 და 2¹ პუნქტების შესაბამისად.

2. მე-3 მუხლის „გ“ ქვეპუნქტით გათვალისწინებული მომსახურების მიმწოდებელია:

ა) ზოგადი ამბულატორიის პროგრამის ფარგლებში მომსახურების მიმწოდებელი პირველადი ჯანდაცვის დაწესებულებები;

ბ) სოფლის ექიმის პროგრამის მიმწოდებელი ფიზიკური პირები.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

  მუხლი 8. პროგრამის განმახორციელებელი

1. მე-3 მუხლის „ა“ და „ბ“ ქვეპუნქტებით გათვალისწინებული ღონისძიებების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.

1¹. მე-3 მუხლის „ა¹“ ქვეპუნქტით გათვალისწინებული ღონისძიებების ნაწილში პროგრამით გათვალისწინებული შესყიდვების განმახორციელებელია სამინისტრო.

2. მე-3 მუხლის „გ“ ქვეპუნქტით გათვალისწინებული ღონისძიებების ნაწილში პროგრამის განმახორციელებელია სსიპ – სოციალური მომსახურების სააგენტო.

3. მე-3 მუხლის ’’დ’’ ქვეპუნქტს ახორციელებს სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანდაცვის ეროვნული ცენტრი.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 9. პროგრამის ადმინისტრირება

პროგრამის ფარგლებში (აცრა-ვიზიტების ღირებულების ანაზღაურება) ანგარიშსწორება და კონტროლი ხდება ამავე დოკუმენტში მოყვანილი „ზოგადი დებულებების“ და ჯანმრთელობის დაცვის პროგრამების ადმინისტრირების შესაბამისად.

დანართი – 12.1 – პროგრამის ბიუჯეტი

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

დანართი №13

უსაფრთხო სისხლი

ორგანიზაციული კოდი - 35 12 02 13

 მუხლი 1. პროგრამის მიზანი და ამოცანა

1. პროგრამის მიზანია ტრანსფუზიით გადამდები ინფექციების პრევენცია სისხლის პროდუქტების უსაფრთხოების უზრუნველყოფის გზით.

2. პროგრამის ამოცანაა:

 ა) თანაბარი სტანდარტის უსაფრთხოების მატარებელი სისხლის კომპონენტების მიწოდება საქართველოს მასშტაბით, იმისაგან დამოუკიდებლად, თუ რომელ დაწესებულებაშია სისხლი დამზადებული;

 ბ) ფასიანი დონორობის ინსტიტუტის ეტაპობრივი ჩანაცვლება უანგარო, რეგულარული დონორობის სისტემით.

 მუხლი 2. პროგრამის მოსარგებლეები

პროგრამის მოსარგებლეები არიან საქართველოს მოქალაქეები.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) დონორული სისხლის კვლევას B და C ჰეპატიტზე, აივ–ზე და ათაშანგზე;

ბ) ჰოსპიტალური სექტორის სისხლის პროდუქტებით უზრუნველყოფის მექანიზმის შემუშავებას;

გ) ხარისხის გარე კონტროლის უზრუნველყოფას.

    მუხლი 4. დაფინანსების მეთოდოლოგია, ანაზღაურების წესი

ანაზღაურება ხორციელდება დონაციების რაოდენობის მიხედვით.

    მუხლი 5. მომსახურების განხორციელების მექანიზმები

  პროგრამით გათვალისწინებული მომსახურების შესყიდვა მოხდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად რეგიონალური პრინციპის გათვალისწინებით, რომელსაც განსაზღვრავს განმახორციელებელი.

    მუხლი 6. ბიუჯეტი

პროგრამის ბიუჯეტი განისაზღვრა 844.5 ათასი ლარით.

 მუხლი 7. პროგრამის განმახორციელებელი

პროგრამის განმახორციელებელია სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრი.

 მუხლი 8. პროგრამის მიმწოდებლები

1. მე-3 მუხლის „ა“ და „ბ“ ქვეპუნქტებით გათვალისწინებული მომსახურების მიმწოდებლები განისაზღვრება შემდეგი კრიტერიუმების თანახმად:

ა) ფლობდეს შესაბამის ლიცენზიას;

ბ) წელიწადში უნდა ატარებდნენ მინიმუმ 1500 დონაციას;

გ) დონაციათა 100% B და C ჰეპატიტებსა და აივ–ზე უნდა ტესტირდებოდეს EIA მეთოდით. სწრაფი მარტივი ტესტების გამოყენება დასაშვებია მხოლოდ (გამონაკლის) არგუმენტირებულ ურგენტულ შემთხვევებში;

დ) ათაშანგზე ტესტირება დონაციათა 100 %-ში უნდა ხდებოდეს ჰემაგლუტინაციის მეთოდით (TPHA) ან სწრაფი მარტივი ტესტების (RPR) მეთოდით.

ე) ყველა მიმწოდებელმა უნდა აიღოს ვალდებულება, რომ საანგარიშო წლის ბოლოსათვის მიაღწევს უანგარო დონაციათა 5%–იან მაჩვენებელს.

2. მე-3 მუხლის „გ“ ქვეპუნქტით გათვალისწინებული მომსახურების მიმწოდებელი არის სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრი, რომელიც ახორციელებს 1000 სისხლის ნიმუშის ტესტირებას ტრანსფუზიით გადამდებ ინფექციებზე ხარისხის გარე კონტროლის უზრუნველყოფის მიზნით.

დანართი 13.1

 

 

 

დანართი №14

ონკოლოგიურ დაავადებათა მართვა

ორგანიზაციული კოდი - 35 12 02 14

    მუხლი 1. პროგრამის მიზანი

პროგრამის მიზანია 18 წლამდე და 60 წლის და უფროსი ასაკის ონკოლოგიური პაციენტების ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება 18 წლამდე ასაკის და 60 წლის და უფროსი ასაკის საქართველოს მოქალაქეები, გარდა „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ” საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეებისა.

2. პროგრამის მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

1. პროგრამით გათვალისწინებული მომსახურება მოიცავს:

ა) ონკოლოგიური (მათ შორის, ნეიროონკოლოგიური) დაავადებების მქონე მოზრდილ პაციენტთა დიაგნოსტიკასა და მკურნალობას;

 ბ) ონკოჰემატოლოგიური დაავადებების მქონე მოზრდილ პაციენტთა ამბულატორიულ და სტაციონარულ მკურნალობას;

 გ) ონკოლოგიური (მათ შორის, ნეიროონკოლოგიური) დაავადებების მქონე 18 წლამდე ასაკის ბავშვთა დიაგნოსტიკასა და მკურნალობას;

 დ) ონკოჰემატოლოგიური დაავადებების მქონე 18 წლამდე ასაკის ბავშვთა ამბულატორიულ და სტაციონარულ მკურნალობას.

2. ამ მუხლის პირველი პუნქტით განსაზღვრული მომსახურებები, თავის მხრივ, ითვალისწინებს:

ა) სპეციალისტების კონსულტაციას;

ბ) პაციენტების დიაგნოსტიკურ მომსახურებას;

გ) ქირურგიულ ოპერაციებს;

დ) ქიმიო, ჰორმონო და სხივურ თერაპიას.

  მუხლი 4. დაფინანსების მეთოდოლოგია და ანაზღაურების წესი

 1. მე-3 მუხლის პირველი პუნქტის „ა“, „ბ“ და „გ“ ქვეპუნქტებით გათვალისწინებული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს თითოეული ჯგუფისათვის დანართი–14.1-ით განსაზღვრული ღირებულებისა.

 2. პროგრამა ფარავს მე-3 მუხლის პირველი პუნქტის „ა’’ და „ბ’’ ქვეპუნქტებისათვის დანარ თი–14.1-ში მოცემული ნოზოლოგიური ჯგუფების მკურნალობის ფაქტობრივი ხარჯების 70%-ს, ხოლო მოსარგებლის მხრიდან თანაგადახდა შეადგენს 30%-ს.

 3. მე-3 მუხლის პირველი პუნქტის „გ’’ და „დ’’ ქვეპუნქტებით გათვალისწინებული მომსახურება ფინანსდება სრულად პროგრამის ხარჯებით და არ ითვალისწინებს თანაგადახდას ბენეფიციარის მხრიდან.

 4. მე-3 მუხლის პირველი პუნქტის „დ“ ქვეპუნქტით გათვალისწინებული „ონკოჰემატოლოგიური დაავადებების მქონე 18 წლამდე ასაკის ბავშვთა ამბულატორიული და სტაციონარული მკურნალობ ის” დაფინანსება ხორციელდება გლობალური ბიუჯეტის პრინციპით.

 მუხლი 5. პროგრამის განხორციელების მექანიზმები

 1. მე-3 მუხლის პირველი პუნქტის „ა’’, „ბ’’ და „გ’’ ქვეპუნქტებით გათვალისწინებული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.

 2. მე-3 მუხლის პირველი პუნქტის „დ“ ქვეპუნქტით გათვალისწინებული მომსახურების შესყიდვა ხორციელდება „სახელმწიფო შესყიდვების შესახებ“ საქართველოს კანონის მე-10¹ მუხლის მე-3 პუნქტის „დ“ ქვეპუნქტის შესაბამისად.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 5,657.4 ათასი ლარით დანართი–14.2–ის შესაბამისად.

    მუხლი 7. მომსახურების მიმწოდებელი

1. პროგრამის ფარგლებში მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და წერილობით და ა დასტურებს პროგრამაში მონაწილეობის სურვილს.

2. პროგრამის ფარგლებში მე-3 მუხლის პირველი პუნქტის „დ“ ქვეპუნქტით გათვალისწინებული მომსახურების მიმწოდებელი განისაზღვრება მე–5 მუხლის მე-2 პუნქტის შესაბამისად.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი – 14.1 – პროგრამით გათვალისწინებული მომსახურებ ა და ერთეულის ღირებულებები

დანართი – 14.2

დანართი №15

დიალიზი და თირკმლის ტრანსპლანტაცია

ორგანიზაციული კოდი - 35 12 02 15

    მუხლი 1. პროგრამის მიზანი და ამოცანა

1. პროგრამის მიზანია თირკმლის ტერმინალური უკმარისობით დაავადებულთა ჯანმრთელობის მდგომარეობის შენარჩუნება და გაუმჯობესება.

2. პროგრამის ამოცანებია:

ა) თირკმლის ტერმინალური უკმარისობით დაავადებულთა უზრუნველყოფა ჰემოდიალიზით, პერიტონეული დიალიზით;

ბ) თირკმლის ტრანსპლანტაციის ჩატარება პროგრამის მოსარგებლეებისათვის.

    მუხლი 2. პროგრამის მოსარგებლეები

1. პროგრამის მოსარგებლეები არიან თირკმლის ტერმინალური უკმარისობით დაავადებული საქართველოს მოქალაქეები, აგრეთვე პატიმრობისა და თავისუფლების აღკვეთის დაწესებულებებში მყოფი პირები იდენტიფიკაციის დამადასტურებელი ოფიციალური დოკუმენტის ქონის მიუხედავად.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამა მოიცავს:

ა) ჰემოდიალიზით უზრუნველყოფას:

ა.ა) ნეფროლოგის კონსულტაცია;

ა.ბ) კლინიკო-ლაბორატორიული გამოკვლევები საჭიროების მიხედვით;

ა.გ) სისხლძარღვოვანი მიდგომის უზრუნველყოფა;

ა.დ) სადიალიზე საშუალებებით/მასალით უზრუნველყოფა;

ა.ე) მედიკამენტებით უზრუნველყოფა საჭიროების შემთხვევაში;

ბ) პერიტონეული დიალიზით უზრუნველყოფას:

ბ.ა) ნეფროლოგის კონსულტაცია;

ბ.ბ) კლინიკო-ლაბორატორიული გამოკვლევები საჭიროების მიხედვით;

ბ.გ) კათეტერის იმპლანტაცია/ექსპლანტაცია;

ბ.დ) სადიალიზე საშუალებებით/მასალით უზრუნველყოფა;

ბ.ე) მედიკამენტებით უზრუნველყოფა საჭიროების შემთხვევაში;

გ) თირკმლის ტრანსპლანტაციას - თირკმლის გადანერგვის ოპერაციის ჩატარებას.

2. დიალიზის ერთი მეთოდიდან მეორე მეთოდზე პაციენტის გადაყვანა ხორციელდება შეუფერხებლად, შესაბამისი სამედიცინო ჩვენების წარმოდგენის შემთხვევაში.

    მუხლი 4. დაფინანსების მეთოდოლოგია და ანაზღაურების წესი

1. ჰემოდიალიზის ერთი სეანსის მომსახურების ღირებულება განისაზღვრება მინისტრის ბრძანებით დადგენილი კონკურსის საფუძველზე, მაგრამ არა უმეტეს 40 ლარისა; პროგრამის ფარგლებში თვეში დაფინანსდება არაუმეტეს 13 სეანსისა. ამასთან, კლინიკური პრაქტიკის ნაციონალური რეკომენდაციის (გაიდლაინის) შესაბამისად, თუ საჭირო გახდა დამატებითი სეანს(ებ)ი, მიმწოდებელი ვალდებულია მომსახურება განახორციელოს უსასყიდლოდ.

2. პერიტონეული დიალიზის მომსახურების ანაზღაურება მოხდება შესრულებული სამუშაოს მიხედვით ფაქტობრივი ხარჯის შესაბამისად.

3. თირკმლის ტრანსპლანტაციის ერთი ოპერაციის ღირებულების ანაზღაურება მოხდება ფაქტობრივი ხარჯის მიხედვით, მაგრამ არაუმეტეს 19 995.6 ლარისა.

    მუხლი 5. პროგრამის განხორციელების მექანიზმები

1. პროგრამით გათვალისწინებული ჰემოდიალიზის და თირკმლის ტრანსპლანტაციის მომსახურების დაფინანსება ხორციელდება არამატერიალიზებული სამედიცინო ვაუჩერი ს მეშვეობით.

2. პერიტონ ეულ ი დიალიზის მომსახურების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად. ამასთან, მიმწოდებელი წლის განმავლობაში უნდა უზრუნველყოფდეს არანაკლებ 103 პაციენტის მომსახურებას.

3. ჰემოდიალიზისათვის საჭირო სადიალიზე მასალისა და მედიკამენტების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად. ამასთან, პერ ი ტონეული დიალიზის მომსახურების და მისთვის საჭირო სადიალიზე მასალის, კათეტერის და მედიკამენტების შესყიდვა ხორციელდება განცალკევებულად „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

4. ამ მუხლის მე-3 პუნქტის მიხედვით შესყიდული სადიალიზე მასალა და მედიკამენტები გადაეცემა პროგრამის ფარგლებში შესაბამისი მომსახურების მიმწოდებელს.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 15,758.1 ათასი ლარით.

საქართველოს მთავრობის 2011 წლის 17 მაისის დადგენილება №216 - ვებგვერდი, 19.05.2011წ.

    მუხლი 7. მომსახურების მიმწოდებელი

1. პროგრამის ფარგლებში პერიტონეული დიალიზის მომსახურების მიმწოდებელი განისაზღვრება მე-5 მუხლის მე-2 პუნქტის შესაბამისად.

2. პროგრამის ფარგლებში სადიალიზე მასალის, კათეტერისა და მედიკამენტების მიმწოდებელი განისაზღვრება მე-5 მუხლის მე-3 პუნქტის შესაბამისად.

3. მე-3 მუხლით გათვალისწინებული ჰემოდიალიზის და თირკმლის ტრანსპლანტაციის მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

4. პროგრამის ფარგლებში ჰემოდიალიზისა და პერიტონეული დიალიზის მომსახურების მიმწოდებელი გამოვლენილად ითვლება მომსახურების მიწოდებისათვის საჭირო მე-5 მუხლის მე-3 პუნქტით გათვალისწინებული შესაბამისი საქონლის მიწოდების შემთხვევაში. შესაბამისად, პროგრამის ფარგლებში ჰემოდიალიზისა და პერიტონეული დიალიზის მომსახურების მიმწოდებელი პროგრამით განსაზღვრული მომსახურების განხორციელებას იწყებს მე-5 მუხლის მე-3 პუნქტით გათვალისწინებული შესაბამისი საქონლის (სადიალიზე მასალების, კათეტერის, მედიკამენტების) მიწოდებისთანავე.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

1. პროგრამის განმახორციელებელია სსიპ – სოციალური მომსახურების სააგენტო, გარდა პროგრამის მე–5 მუხლის მე-3 პუნქტით გათვალისწ ი ნებული ღონისძიებების ნაწილისა.

2. მე-5 მუხლის მე-3 პუნქტით გათვალისწინებული ღონისძიებების ნაწილში პროგრამის განმახორციელებელია 2011 წლის პირველ აპრილამდე სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრი, ხოლო 2011 წლის პირველი აპრილიდან – ამ ნაწილში მისი უფლებამონაცვლე სამინისტრო.

საქართველოს მთავრობის 2011  წლის 31 მარტის დადგენილება №146- ვებგვერდი, 01.04.2011წ.

დანართი №16

გულის ქირურგია

ორგანიზაციული კოდი - 35 12 02 16

    მუხლი 1. პროგრამის მიზანი

პროგრამის მიზანია გულის თანდაყოლილი და შეძენილი მანკებით, ასევე გულის იშემიური დაავადებით და გულის სიმსივნით დაავადებული მოსახლეობის ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება:

ა) გულის თანდაყოლილი მანკით დაავადებული საქართველოს მოქალაქეები, რომელთაც ესაჭიროებათ კარდიოქირურგიული მკურნალობა;

ბ) გულისა და მაგისტრალური სისხლძარღვების შეძენილი პათოლოგიებით დაავადებული 60 წლის და უ ფროსი ასაკის საქართველოს მოქალაქეები, რომელთაც ესაჭიროებათ კარდიოქირურგიული მკურნალობა;

გ) 60 წლის და უფროსი ასაკის საქართველოს მოქალაქეები, რომელთაც ესაჭიროებათ კორონარული ანგიოპლასტიკა.

2. პროგრამი თ გათვალისწინებული მომსახურებით ვერ ისარგებლებენ „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის N218 დადგენილებით და აჭარის ავტონომიურ რესპუბლიკაში რეგისტრირებული სრულწლოვანი პირები.

3. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) გულის თანდაყოლილი მანკით დაავადებული პაციენტების კარდიოქირურგიულ მკურნალობას;

ბ) გულისა და მაგისტრალური სისხლძარღვების შეძენილი პათოლოგიების კარდიოქირურგიულ მკურნალობას;

გ) კორონარულ ანგიოპლასტიკას.

    მუხლი 4. დაფინანსების მეთოდოლოგია და ანაზღაურების წესი

1. მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს ოპერაციული ჩარევებისათვის განსაზღვრული ღირებულებისა დანართი–16.1–ის შესაბამისად.

2. კარდიოქირურგიული მკურნალობა ფინანსდება ნოზოლოგიური ჯგუფის ფაქტობრივი ღ ირებულების 70%-ით პროგრამის ხარჯებით, ხოლო პაციენტის მხრიდან თანაგადახდა შეადგენს 30%-ს, გარდა გულის თანდაყოლილი მანკით დაავადებული 18 წლამდე ასაკის პაციენტების კარდიოქირურგიული მკურნალობისა.

3. გულის თანდაყოლილი მანკით დაავადებული 18 წლამდე ასაკის პაციენტების კარდიოქირურგიული მკურნალობ ა ანაზღაურდება სრულად თანაგადახდის გარეშე.

4. კორონარული ანგიოპლასტიკით მკურნალობა ფინანსდება ფაქტობრივი ღირებულების 50%-ით.

5. გულისა და მაგისტრალური სისხლძარღვების შეძენილი პათოლოგიების კარდიოქირურგიული მკურნალობის და კორონარული ანგიოპლასტიკის კომპონენტების ფარგლებში პრიორიტეტულად ფინანსდება გადაუდებელი შემთხვევები. გეგმიური ჩარევებისთვის წესდება მომლოდინეთა სია.

    მუხლი 5. პროგრამის განხორციელების მექანიზმები

პროგრამით გათვალისწინებული მომსახურების დაფინანსება გეგმიური ოპერაციების შემთხვევაში ხორციელდება მატერიალიზებული ვაუჩერით, ხოლო სასწრაფო-გადაუდებელი ოპერაციების შემთხვევაში ანაზღაურება ხდება არამატერიალიზებული ვაუჩერის მეშვეობით.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 6,801.3 ათასი ლარით, მათ შორის:

ა) გულის თანდაყოლილი მანკების კარდიოქირურგიული მკურნალობა – 3,200.0 ათასი ლარი;

ბ) გულისა და მაგისტრალური სისხლძარღვების შეძენილი პათოლოგიების კარდიოქირურგიული მკურნალობა – 2,651.3 ათასი ლარი;

გ) კორონარული ანგიოპლასტიკა – 950.0 ათასი ლარი.

    მუხლი 7. მომსახურების მიმწოდებელი

პროგრამის ფარგლებში მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობი თ დადგენილ მოთხოვნებს, ეთანხმება ვაუჩერის პირობებს და წერილობით დაუდასტურებს პროგრამის განმახორციელებელს პროგრამაში მონაწილეობის სურვილს.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

    მუხლი 9. დამატებითი პირობები

1. პროგრამი ს მოსარგებლის გარდაცვალების შემთხვევაში მიმწოდებელი უფლებამოსილია მოითხოვოს მხოლოდ გაწეული ფაქტობრივი ხარჯის ანაზღაურება, მაგრამ არა უმეტეს პროგრამით დადგენილი ასანაზღაურებელი თანხისა.

2. იმ შემთხვევაში, თუ მოსარგებლეს ჩაუტარდა პროგრამით გათვალისწინებული ორი ან მეტი ოპერაციული ჩარევა, ძირითადი ოპერაციული ჩარევის საშუალო ღირებულების გარდა დაწესებულებას შეუძლია თანხა მოითხოვოს სხვა ჩარევაზე ფაქტიურად გაწეული ხარჯით, მაგრამ არა უმეტეს ღონისძიებათა ჯგუფისათვის დადგენილი საშუალო ღირებულების 50%-ისა. აღნიშნული არ ეხება პირველადი დიაგნოსტიკისთვის განსაზღვრულ ღონისძიებებს.

დანართი–16.1 – პროგრამით გათვალისწინებული მომსახურებ ა და ერთეულის ღირებულებები

დანართი №17

ინკურაბელურ პაციენტთა პალიატიური მზრუნველობა

ორგანიზაციული კოდი - 35 12 02 17

    მუხლი 1. პროგრამის მიზანი

პროგრამის მიზანია ინკურაბელური პაციენტების ცხოვრების ხარისხის გაუმჯობესება ფინანსური ხელმისაწვდომობის გაზრდის გზით.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება:

ა) მე-3 მუხლის პირველი პუნქტის „ა“ ქვეპუნქტით გათვალისწინებული მომსახურების მოსარგებლეები არიან ქ. თბილისის, ქ. ქუთაისის, ქ. თელავისა და ქ. ზუგდიდის მუნიციპალიტეტებში რეგისტრირებული საქართველოს მოქალაქე ინკურაბელური პაციენტები;

ბ) მე‑3 მუხლის პირველი პუნქტის „ბ“ ქვეპუნქტით გათვალისწინებული მომსახურების მოსარგებლენი არიან:

ბ.ა) საქართველოს მოქალაქე ონკოინკურაბელური პაციენტები, გარდა „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეებისა;

ბ.ბ) საქართველოს მოქალაქე აივ-ინფექციით/შიდსით დაავადებული ინკურაბელური პაციენტები (2011 წლის 1 ივლისიდან);

გ) მე-3 მუხლის პირველი პუნქტის „გ“ ქვეპუნქტით გათვალისწინებული მომსახურების მოსარგებლეები არიან 18 წლამდე ასაკის საქართველოს მოქალაქეები, გარდა „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის N218 დადგენილებით განსაზღვრული მოსარგებლეებისა.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 3. მომსახურების მოცულობა

1. პროგრამით გათვალისწინებული მომსახურება მოიცავს:

ა) ინკურაბელურ პაციენტთა ამბულატორიულ პალიატიურ მზრუნველობას;

ბ) ონკოინკურაბელურ და აივ-ინფექციით/შიდსით დაავადებულ ინკურაბელურ პაციენტთა სტაციონარულ პალიატიურ მზრუნველობას;

გ) 18 წლამდე ასაკის ინკურაბელურ პაციენტთა სტაციონარულ პალიატიურ მზრუნველობას.

2. ამ მუხლის პირველ პუნქტში აღნიშნული მომსახურება ითვალისწინებს:

ა) ქ. თბილისის, ქ. ქუთაისის, ქ. თელავისა და ქ. ზუგდიდის მუნიციპალიტეტში ინკურაბელურ პაციენტთა ბინაზე ამბულატორიული პალიატიური მზრუნველობის განხორციელებას შესაბამისი მობილური გუნდის მიერ;

ბ) ონკოინკურაბელური და აივ-ინფექციით/შიდსით დაავადებული ინკურაბელური პაციენტების სტაციონარულ მოვლასა და სიმპტომურ მკურნალობას;

გ) 18 წლამდე ასაკის ინკურაბელური პაციენტების სტაციონარულ მოვლასა და სიმპტომურ მკურნალობას.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 4. დაფინანსების მეთოდოლოგია და ანაზღაურების წესი

პროგრამით განსაზღვრული კომპონენტების დაფინანსება და ანაზღაურების წესი განისაზღვრება შემდეგი პირობების შესაბამისად:

ა) მე-3 მუხლის პირველი პუნქტის „ა“ ქვეპუნქტით გათვალისწინებული მომსახურების ანაზღაურების ერთეულია ვიზიტი, ერთი ვიზიტის ანაზღაურება შეადგენს 11 ლარს.

ბ) მე‑3 მუხლის პირველი პუნქტის „ბ“ ქვეპუნქტით გათვალისწინებული მომსახურების ანაზღაურების ერთეულია საწოლდღე, რომლის მაქსიმალური ღირებულება შეადგენს 75 ლარს;

ბ.ა) მე-2 მუხლის პირველი პუნქტის „ბ“ ქვეპუნქტის „ბ.ა“ ქვეპუნქტით განსაზღვრული მოსარგებლეებისათვის პროგრამით იფარება მომსახურების ფაქტობრივი ხარჯის 70%, ხოლო მოსარგებლის მხრიდან თანაგადახდა შეადგენს 30%‑ს;

ბ.ბ) მე-2 მუხლის პირველი პუნქტის „ბ“ ქვეპუნქტის „ბ.ბ“ ქვეპუნქტით განსაზღვრული მოსარგებლეებისათვის პროგრამით გათვალისწინებული მომსახურება იფარება სრულად და არ ითვალისწინებს თანაგადახდას ბენეფიციარის მხრიდან;

გ) მე-3 მუხლის პირველი პუნქტის „გ“ ქვეპუნქტით გათვალისწინებული მომსახურების ანაზღაურების ერთეულია საწოლდღე, რომლის მაქსიმალური ღირებულება შეადგენს 60 ლარს. პროგრამით იფარება მომსახურების ფაქტობრივი ხარჯის 80%, ხოლო მოსარგებლის მხრიდან თანაგადახდა შეადგენს 20%–ს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 5. პროგრამის განხორციელების მექანიზმები   

მომსახურების დაფინანსება ხორციელდება არამატერიალიზებული ვაუჩერის მეშვეობით.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 706.1 ათასი ლარით, მათ შორის:

ა) ინკურაბელურ პაციენტთა ამბულატორიული პალიატიური მზრუნველობ ის კომპონენტი – 206.0 ათასი ლარი;

ბ) ონკოინკურაბელურ და აივ-ინფექციით/შიდსით დაავადებულ ინკურაბელურ პაციენტთა სტაციონარული პალიატიური მზრუნველობის კომპონენტი – 300.0 ათასი ლარი;

გ) 18 წლამდე ასაკის ინკურაბელურ პაციენტთა სტაციონარული პალიატიური მზრუნველობ ის კომპონენტი – 200.1 ათასი ლარი.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

     მუხლი 7. მომსახურების მიმწოდებელი

პროგრამის ფარგლებში მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი №18

იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობა

ორგანიზაციული კოდი - 35 12 02 18

    მუხლი 1. პროგრამის მიზანი

პროგრამის მიზანია იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით.

    მუხლი 2. პროგრამის მოსარგებლეები

1. პროგრამის მოსარგებლედ განისაზღვრება:

ა) იშვიათი დაავადებების მქონე და მუდმივ ჩანაცვლებით მკურნალობას დაქვემდებარებული 18 წლამდე ასაკის საქართველოს მოქალაქეები, გარდა „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეებისა.

ბ) ჰემოფილიით დაავადებული საქართველოს მოქალაქეები და საქართველოში მუდმივად მცხოვრები მოქალაქეობის არმქონე პირები. პროგრამის მოსარგებლეთა იდენტიფიკაცია ხორციელდება „მოსახლეობის სპეციფიკური მედიკამენტებით უზრუნველყოფის სახელმწიფო პროგრამის“ „ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფის კომპონენტის“ ფარგლებში გაცემული ვაუჩერების მიხედვით.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

    მუხლი 3. მომსახურების მოცულობა

1. პროგრამით გათვალისწინებული მომსახურება მოიცავს:

ა) იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ 18 წლამდე ასაკის ბავშვთა სტაციონარულ მომსახურებას, მათ შორის, მემკვიდრული ჰიპოგამაგლობულინემიით (ბრუტონის დაავადება) დაავადებულთა სპეციფიკური მედიკამენტებით უზრუნველყოფას;

ბ) ჰემოფილიით დაავადებულ ბავშვთა და მოზრდილთა ამბულატორიულ და სტაციონარულ მომსახურებას.

2. ამ მუხლის პირველ პუნქტში აღნიშნული მომსახურება ითვალისწინებს:

ა) იშვიათი დაავადებების მქონე და მუდმივ ჩანაცვლებით მკურნალობას დაქვემდებარებული 18 წლამდე ასაკის ბავშვთა სტაციონარული მომსახურების კომპონენტის ფარგლებში სტაციონარულ მომსახურებას დანართი–18.1–ის და დანართი–18.2-ის შესაბამისად;

ა¹) მემკვიდრული ჰიპოგამაგლობულინემიით (ბრუტონის დაავადება) დაავადებულთათვის შესყიდული სპეციფიკური მედიკამენტების ბენეფიციართათვის  მიწოდებას;

ბ) ჰემოფილიით დაავადებულ ბავშვთა და მოზრდილთა ამბულატორიული და სტაციონარული მომსახურების კომპონენტის ფარგლებში:

ბ.ა) ამბულატორიულ მომსახურებას:

ბ.ა.ა) ექიმი/ჰემატოლოგის კონსულტაციას;

ბ.ა.ბ) სისხლდენებისა და სისხლჩაქცევების დროს სისხლის კომპონენტების, ჰემოსტატიკების და ფაქტორების ტრანსფუზიას;

ბ.ა.გ) გამოკვლევებს: სისხლის საერთო ანალიზი, ანალიზი ინფექციური დაავადებების მარკერებზე (B და C ჰეპატიტზე სწრაფი ტესტებით);

ბ.ა.დ) მე-8, მე-9 და ვილებრანდის ფაქტორების გამოკვლევას;

ბ.ა.ე) თრომბოციტების ფუნქციურ გამოკვლევას.

ბ.ბ) სტაციონარულ მომსახურებას:

ბ.ბ.ა) ჰემორაგიული დიათეზის შემთხვევებში ჰოსპიტალურ მომსახურებას;

ბ.ბ.ბ) ჰემოფილური ართროპათიით გამოწვეულ ორთოპედიულ მომსახურებას;

ბ.გ) „მოსახლეობის სპეციფიკური მედიკამენტებით უზრუნველყოფის სახელმწიფო პროგრამის“ ფარგლებში შეძენილი ანტიჰემოფილური ფაქტორ კონცენტრატებისა და ანტიინჰიბიტორული პროთრომბინ კომპლექსის ბენეფიციართათვის მიწოდებას (მათ შორის, გართულებულ შემთხვევებში და ჰოსპიტალიზაციების დროს), რომელსაც უზრუნველყოფს ამ პროგრამის განმახორციელებელი დაწესებულება.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 4. დაფინანსების მეთოდოლოგია და ანაზღაურების წესი

1. მე-3 მუხლის პირველი პუნქტი ს „ა“ ქვეპუნქტი თ გათვალისწინებული მომსახურება ჯგუფდება კატეგორიებად და ფინანსდება სრულად ფაქტობრივი ხარჯის მიხედვით, მაგრამ არაუმეტეს „3 წლამდე ასაკის ბავშვთა გადაუდებელი და სტაციონარული დახმარების” სახელმწიფო პროგრამით ნოზოლოგიური ჯგუფისათვის დანართი–22.1-ით განსაზღვრული ღირებულებისა.

1¹. მე‑3 მუხლის პირველი პუნქტის „ა“ ქვეპუნქტით გათვალისწინებული სპეციფიკური მედიკამენტებით უზრუნველყოფა ხდება უსასყიდლოდ (თანაგადახდის გარეშე) პროგრამისათვის გამოყოფილი ასიგნებების ფარგლებში.

 2. მე-3 მუხლის პირველი პუნქტი ს „ბ“ ქვეპუნქტით გათვალისწინებული მომსახურება ფინანსდება გლობალური ბიუჯეტის პრინციპით.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 5. მომსახურების განხორციელების მექანიზმები

1. მე-3 მუხლის პირველი პუნქტის „ა“ ქვეპუნქტით გათვალისწინებული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით, გარდა მემკვიდრული ჰიპოგამაგლობულინემიით (ბრუტონის დაავადება) დაავადებულთათვის შესყიდული სპეციფიკური მედიკამენტების  მიწოდებისა.

2. მე-3 მუხლის პირველი პუნქტის „ა“ ქვეპუნქტით გათვალისწინებული სპეციფიკური მედიკამენტების მიწოდება ხორციელდება მატერიალიზებული ვაუჩერის საშუალებით.

3. მატერიალიზებული ვაუჩერის ფორმისა და გაცემის წესის განსაზღვრას, ბეჭდვას, მოსარგებლეების აღრიცხვასა და მათთვის ვაუჩერების გაცემას უზრუნველყოფს სსიპ – სოციალური მომსახურების სააგენტო.

4. მე-3 მუხლის პირველი პუნქტის „ა“ ქვეპუნქტით გათვალისწინებული სპეციფიკური მედიკამენტების  შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

5. მე-3 მუხლის პირველი პუნქტის „ა“ ქვეპუნქტით გათვალისწინებული სპეციფიკური მედიკამენტების გაცემა ვაუჩერის მფლობელზე ხორციელდება ამავე მუხლის მე-4 პუნქტის შესაბამისად გამოვლენილი მიმწოდებლის მიერ.

6. მე-3 მუხლის პირველი პუნქტის „ბ“ ქვეპუნქტით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

   მუხლი 6. პროგრამის ბიუჯეტი

  პროგრამის ბიუჯეტი განისაზღვრა 950 ათასი ლარით, მათ შორის:

ა) იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ 18 წლამდე ასაკის ბავშვთა სტაციონარული მომსახურება – 750 000 ლარი, მათ შორის, მემკვიდრული ჰიპოგამაგლობულინემიით (ბრუტონის დაავადება) დაავადებულთა სპეციფიკური მედიკამენტებით უზრუნველყოფა – 12 800 ლარი;

 ბ) ჰემოფილიით დაავადებულ ბავშვთა და მოზრდილთა ამბულატორიული და სტაციონარული მომსახურება – 200.0 ათასი ლარი.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 7. მომსახურების მიმწოდებელი

1. მე-3 მუხლის პირველი პუნქტის „ა“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

2. მე‑3 მუხლის პირველი პუნქტის „ა“ ქვეპუნქტით გათვალისწინებული სპეციფიკური მედიკამენტის მიმწოდებელი განისაზღვრება მე‑5 მუხლის მე‑4 პუნქტის შესაბამისად.

3. პროგრამის ფარგლებში მე-3 მუხლის პირველი პუნქტის „ბ“ ქვეპუნქტით გათვალისწინებული მომსახურების მიმწოდებელი განისაზღვრება მე‑5 მუხლის მე‑6 პუნქტის შესაბამისად.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 8. პროგრამის განმახორციელებელი

პროგრამის განმახორციელებელია სსიპ – სოციალური მომსახურების სააგენტო.

დანართი –18.1 – მუდმივ და ჩანაცვლებით მკურნალობას დაქვემდებარებული დაავადებები, რომლებიც ფინანსდება პროგრამის ფარგლებში

დანართი–18.2 – იშვიათი დაავადებების ჩამონათვალი, რომლებიც ფინანსდება პროგრამის ფარგლებში

 

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

 

დანართი №19

სასწრაფო გადაუდებელი დახმარება და სამედიცინო ტრანსპორტირება

ორგანიზაციული კოდი - 35 12 02 19

    მუხლი 1. პროგრამის მიზანი და ამოცანა

1. პროგრამის მიზანია გადაუდებელი მდგომარეობების დროს გართულებებისა და ლეტალური გამოსავლის შემცირება.

2. პროგრამის ამოცანაა მოსახლეობის უზრუნველყოფა უფასო სასწრაფო სამედიცინო დახმარებით.

    მუხლი 2. პროგრამის მოსარგებლეები

1. პროგრამის მოსარგებლეები არიან საქართველოს მოქალაქეები, საქართველოში მუდმივად მყოფი უცხო ქვეყნის მოქალაქეები და საქართველოში მუდმივად მცხოვრები მოქალაქეობის არმქონე პირები.

2. პროგრამის მე‑3 მუხლის „ბ.ა“ ქვეპუნქტით განსაზღვრული მომსახურებით ვერ ისარგებლებენ „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებით განსაზღვრული მოსარგებლეები.

3. მე-3 მუხლის „გ“ ქვეპუნქტით განსაზღვრული მომსახურების მოსარგებლეები არიან პროგრამა „პატრიოტის“ მონაწილეები.

4. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

    მუხლი 3. მომსახურების მოცულობა

პროგრამით გათვალისწინებული მომსახურება მოიცავს:

ა) სასწრაფო სამედიცინო დახმარებას:

ა.ა) სასწრაფო სამედიცინო დახმარებას – ბრიგადის ვიზიტს პაციენტთან, სასწრაფო სამედიცინო დახმარებას მინისტრის შესაბამისი აქტით განსაზღვრული სასწრაფო დახმარების ბაზისური მედიკამენტების ნუსხითა და დანართი 19.2-ით განსაზღვრული სამედიცინო დანიშნულების საგნებით, საჭიროების შემთხვევაში – ჰოსპიტალიზაციის უზრუნველყოფას, გადაუდებელი სამედიცინო დახმარების გაწევას კატასტროფების დროს და საგანგებო სიტუაციების კოორდინაციისა და რეჟიმის დეპარტამენტიდან კოორდინაციის საფუძველზე მომსახურების გაწევას;

ა.ბ) პროგრამის მართვას, კერძოდ, სასწრაფო სამედიცინო დახმარების მიწოდების ორგანიზებისათვის სარეტრანსლაციო (უკაბელო ალტერნატიული ინფორმაციის გადაცემათა სისტემა) სისტემათა ფუნქციონირებას, რეტრანსლატორების ტექნიკურ მართვას;

ბ) სამედიცინო ტრანსპორტირებას:

ბ.ა) რეფერალურ დახმარებას - კრიტიკული და გადაუდებელი მდგომარეობების რეფერალური შემთხვევების მართვას, ადგილზე რეფერალური ბრიგადის მიერ კონსულტაციას, მდგომარეობის სტაბილიზაციას, გართულებული შემთხვევების სამედიცინო ტრანსპორტირებას;

ბ.ბ) საქართველოს საკანონმდებლო, აღმასრულებელი და სასამართლო ხელისუფლების უმაღლეს თანამდებობის პირთა და საქართველოში ოფიციალური ვიზიტით მყოფი საზღვარგარეთის ქვეყნების ხელმძღვანელთა გადაუდებელ სამედიცინო დახმარებას;

ბ.გ) საგანგებო სიტუაციებისა და სპეციალური ოპერაციების დროს შესაბამისი ტექნიკით აღჭურვილი სამედიცინო ბრიგადის თანხლებას და გადაუდებელი სამედიცინო დახმარების უზრუნველყოფას.

გ) „პროგრამა პატრიოტის განხორციელების შესახებ“ საქართველოს პრეზიდენტის 6.05.2011წ. №06/05/01 განკარგულებით განსაზღვრული ღონისძიებების უზრუნველყოფას:

გ.ა) პატრიოტთა ბანაკის უზრუნველყოფას ექიმის მომსახურებით;

გ.ბ) პატრიოტთა ბანაკის უზრუნველყოფას მედიკამენტებითა და სამედიცინო დანიშნულების საგნებით.

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

    მუხლი 4. დაფინანსების მეთოდოლოგია და ანაზღაურების წესი

1. სასწრაფო სამედიცინო დახმარება:

ა) სასწრაფო დახმარების სამსახურები ფინანსდებიან გლობალური ბიუჯეტის პრინციპით დანართ ი – 19.3-ისა და დანართ ი – 19.3¹-ის შესაბამისად;

ბ) ერთი სასწრაფო დახმარების სამსახურის ხარჯებში გათვალისწინებულია დირექტორის, 4 დისპეტჩერის (გამონაკლისია ქ. ბათუმის და ქ. ქუთაისის სასწრაფო დახმარების სამსახურები, სადაც არის 9 დისპეტჩერი), დამლაგებელ-სანიტრის, ბუღალტერ-მოლარისა და ბრიგად(ებ)ის (ერთ ბრიგადაში არის 4 ექიმი, 4 ექთანი და 4 მძღოლი) ხელფასები, საშვებულებო ხარჯები, მედიკამენტების, მანქანების მომსახურების, ოფისის, კომუნალური, მობილური-კავშირგაბმულობის ხარჯები და მატერიალურ-ტექნიკური ბაზის უზრუნველყოფა;

ბ¹) ტურისტული სეზონის განმავლობაში (2011 წლის 15 აგვისტოდან 30 სექტემბრის ჩათვლით) ქ. ბათუმისა და ქ. ქობულეთის სასწრაფო სამედიცინო დახმარების სამსახურებისათვის ხელშეკრულების საფუძველზე დამატებით დაქირავებული პირების (არანაკლებ 2‑ისა და არა უმეტეს 4‑ის) მომსახურების ხარჯების ასანაზღაურებლად თითოეული სამსახურისათვის დანართი 19.3‑ით განსაზღვრული თვის ბიუჯეტის ლიმიტი გაიზარდოს აგვისტოში – 905.00 ლარით, ხოლო სექტემბერში – 1,595.00 ლარით;

გ) სასწრაფო დახმარების სამსახურებისათვის საჭირო საწვავის რაოდენობა განისაზღვრება ერთ ბრიგადაზე საშუალოდ დღეში 30 ლიტრით, მაგრამ არაუმეტეს თვეში 900 ლიტრისა;

დ) საწვავის შესყიდვა განხორციელდება ცენტრალიზებულად, გარდა დანართი – 19.3¹-ში მითითებული სასწრაფო დახმარების სამსახურებისა, რომლებიც საწვავს შეისყიდიან ინდივიდუალურად, მათთვის გამოყოფილი თვიური ასიგნების ფარგლებში;

ე) პროგრამის მართვაში მონაწილე დაწესებულების მომსახურების ანაზღაურება ხორციელდება შესრულებული სამუშაოს მიხედვით. მართვის ხარჯები ითვალისწინებს სასწრაფო სამედიცინო დახმარების მიწოდების ორგანიზებისათვის სარეტრანსლაციო (უკაბელო ალტერნატიული ინფორმაციის გადაცემათა სისტემა) სისტემათა ფუნქციონირებასთან დაკავშირებული მომსახურების ღირებულების დაფარვას.

1¹. ოკუპირებულ ტერიტორიაზე მოქმედი სასწრაფო დახმარების სამსახურების ხარჯებში, ამ მუხლის პირველი პუნქტის „ბ“ ქვეპუნქტით გათვალისწინებულ ხარჯებთან ერთად, გაითვალისწინება აგრეთვე საწვავის ხარჯები დანართი – 19.3¹ შესაბამისად.

2. სამედიცინო ტრანსპორტირება:

ა) რეფერალური დახმარება კრიტიკული და გადაუდებელი მდგომარეობების რეფერალური შემთხვევების მართვის, ადგილზე კონსულტაციის, მდგომარეობის სტაბილიზაციის და პაციენტთა ტრანსპორტირების დაფინანსება ხორციელდება შემდეგ ნაირად:

ა.ა) დაუზუსტებელი სამედიცინო დახმარება რეანიმობილით (კონსულტაცია, სტაბილიზაცია, ტრანსპორტირება):

ა.ა.ა) 25 კმ-იანი ზონა – 79.0 ლარი;

ა.ა.ბ) 150 კმ-იანი ზონა – 373.0 ლარი;

ა.ა.გ) 250 კმ-იანი ზონა – 553.0 ლარი.

ა.ბ) დაუზუსტებელი სამედიცინო დახმარება (კონსულტაცია):

 ა.ბ.ა) 25 კმ-იანი ზონა – 44.4 ლარი;

 ა.ბ.ბ) 150 კმ-იანი ზონა – 266.4 ლარი;

 ა.ბ.გ) 250 კმ-იანი ზონა – 444.0 ლარი.

ა.გ) ამ მუხლის „ა“ ქვეპუნქტის „ა.ა“ და „ა.ბ“ ქვეპუნქტებით განსაზღვრული მომსახურების მიწოდების ერთეული შემთხვევის თანმხლები კონსულტაცია – 50.0 ლარი.

 ბ) ამ პროგრამის მე–3 მუხლის „ბ.ბ“ და „ბ.გ“ ქვეპუნქტებით გათვალისწინებული მომსახურების ფინანსური ანგარიშსწორება ხორციელდება ფაქტიურად შესრულებული სამუშაოს მიხედვით.

3. პროგრამა „პატრიოტით“ განსაზღვრული ღონისძიებების ფარგლებში:

ა) თითოეულ ბანაკს ყოველთვიურად ემსახურება ერთი ექიმი. ყოველთვიურად ექიმის სახელფასო ფონდი განისაზღვრება 600 ლარით;

ბ) თითოეული ბანაკისათვის ყოველთვიურად შეისყიდება მედიკამენტები და სამედიცინო დანიშნულების საგნები (დანართი 19.2¹) არა უმეტეს 1000 ლარის ფარგლებში.

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 5. პროგრამის განხორციელების მექანიზმები

1. პროგრამის მე-3 მუხლის „ა“ ქვეპუნქტით გათვალისწინებული მომსახურების უზრუნველსაყოფად საწვავის შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად, გარდა დანართ – 19.3¹-ში მითითებული სასწრაფო სამედიცინო დახმარების სამსახურებისა.

2. „სახელმწიფო შესყიდვების შესახებ“  საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, პროგრამის მე-3 მუხლის „ა“, „ბ.ბ“, „ბ.გ“ და „გ“  ქვეპუნქტებით განსაზღვრული მომსახურების შესყიდვა სასწრაფო დახმარების სამსახურებისგან ხორციელდება გამარტივებული შესყიდვის საშუალებით.

3. პროგრამის მე–3 მუხლის „ბ.ა“ ქვეპუნქტით გათვალისწ ი ნებული მომსახურება დაფინანსდება არამატერიალიზებული სამედიცინო ვაუჩერის მეშვეობით.

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

    მუხლი 6. პროგრამის ბიუჯეტი

პროგრამის ბიუჯეტი განისაზღვრა 25,536,6 ათასი ლარით, დანართი 19.4‑ის შესაბამისად.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

    მუხლი 7. მომსახურების მიმწოდებელი

1. პროგრამის მე-3 მუხლის „ა“, „ბ.ბ“ და „ბ.გ“ ქვეპუნქტებით გათვალისწინებული საქონლისა და მომსახურების მიმწოდებელი განისაზღვრება მე–5 მუხლის პირველი და მე–2 პუნქტების შესაბამისად.

2. მე-3 მუხლის „ბ.ა“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

3. პროგრამის მე‑3 მუხლის „გ“ ქვეპუნქტით განსაზღვრული მომსახურების შესყიდვა ხორციელდება სასწრაფო დახმარების სამსახურებისგან, გეოგრაფიული ხელმისაწვდომობის გათვალისწინებით.

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

საქართველოს მთავრობის 2011 წლის 14 ივნისის დადგენილება №240 – ვებგვერდი, 16.06.2011წ.

   მუხლი 8. პროგრამის განმახორციელებელი

  პროგრამის განმახორციელებელია სსიპ – სოციალური მომსახურების სააგენტო, ხოლო პროგრამას კოორდინირებას უწევს სამინისტრო, საგანგებო სიტუაციების კოორდინაციისა და რეჟიმის დეპარტამენტის სახით.

    მუხლი 9. დამატებითი პირობები

1. პროგრამის მე-3 მუხლის „ა“ ქვე პუნქტით გათვალისწინებული მომსახურება ხორციელდება ქ. თბილისის გარდა მთელი საქართველოს მაშტაბით.

2. სასწრაფო სამედიცინო დახმარების ბრიგადებით და სპეციალიზებული სანიტარ ი ული ავტომობილებით დაკომპლექტება ხორციელდება შემდეგი გაანგარიშებით:

ა) არაუმეტეს ერთი ბრიგადისა ყოველ 30 000 მოსახლეზე;

ბ) ა რანაკლებ ორი სპეციალიზებული სანიტარ ი ული ავტომობილებით ყოველ მუნიციპალიტეტზე;

გ) რიგ შემთხვევებში შესაძლებელია გამონაკლისის დაშვება გეოგრაფიული და ფიზიკური ხელმისაწვდომობის მაქსიმალური უზრუნველყოფის მიზნით.

3. პროგრამის მე-3 მუხლის „ბ.ა“ ქვე პუნქტით გათვალისწინებული მომსახურების მიმწოდებელი დაწესებულებების დაფინანსება ხორციელდება შესრულებული სამუშაოს შესაბამისად სამინისტროს საგანგებო სიტუაციების კოორდინაციისა და რეჟიმის დეპარტამენტის მიერ მოწოდებული დოკუმენტაციის გათვალისწინებით.

დანართი–19.1 – სასწრაფო დახმარების ბაზისური მედიკამენტების ნუსხა

(ამოღებულია)

საქართველოს მთავრობის 2011  წლის 11 მარტის დადგენილება №117- ვებგვერდი, 15.03.2011წ.

დანართი–19.2 – სასწრაფო დახმარების ბაზისური სამედიცინო დანიშნულების საგნების ნუსხა

 

დანართი 19.2¹ – პროგრამა „პატრიოტით“ განსაზღვრული ღონისძიებების უზრუნველსაყოფად აუცილებელი მედიკამენტებისა და სამედიცინო დანიშნულების საგნების ნუსხა

საქართველოს მთავრობის 2011 წლის 24 მაისის დადგენილება №220 - ვებგვერდი, 27.05.2011წ.

დანართი 19.3 სასწრაფო დახმარების სამსახურებისათვის თვის ბიუეჯეტის ლიმიტი (ლარებით)

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

საქართველოს მთავრობის 2011 წლის 26 აგვისტოს დადგენილება №333 -ვებგვერდი, 31.08.2011წ.

დანართი – 19.3¹ – ს ასწრაფო დახმარების სამსახურების ათვის თვის ბიუჯეტის ლიმიტი (ლარებ ით) საწვავის ჩათვლით

 

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.

დანართი–19.4 – პროგრამის ბიუჯეტი

 

საქართველოს მთავრობის 2011 წლის 21 აპრილის დადგენილება №186 - ვებგვერდი, 29.04.2011წ.