საჩხერის მუნიციპალიტეტის ტერიტორიაზე ქონების გადასახადის შემოღების შესახებ
🕸️ გრაფი — კავშირების ვიზუალიზაცია
ცვლილებები (4)
შემდგომი ცვლილებები (3)
დოკუმენტის ტექსტი
საჩხერის მუნიციპალიტეტის საკრებულოს
დადგენილება №2
2011 წლის 25 თებერვალი
ქ. საჩხერე
საჩხერის მუნიციპალიტეტის ტერიტორიაზე ქონების გადასახადის შემოღების შესახებ
,,ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,მ“ ქვეპუნქტისა და საქართველოს საგადასახადო კოდექსის 201-ე; 202-ე; 203-ე; 204-ე; 205-ე და 206-ე მუხლების შესაბამისად:
მუხლი 1. საჩხერის მუნიციპალიტეტის ტერიტორიაზე საქართველოს საგადასახადო კოდექსის 201-ე მუხლით განსაზღვრულ იურიდიულ და ფიზიკურ პირთათვის დაწესებული იქნა ადგილობრივი გადასახადი – ქონების გადასახადის სახით.
მუხლი 2. დამტკიცებულ იქნეს საჩხერის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე გადასახადის დიფერენცირებული ტერიტორიული კოეფიციენტები მიწის ნაკვეთების ადგილმდებარეობის მიხედვით, დანართი 1-ის შესაბამისად.
მუხლი 3. დამტკიცებულ იქნეს საჩხერის მუნიციპალიტეტის ტერიტორიაზე ქონების გადასახადის ზღვრული განაკვეთები, გადასახადის ცალკეული სახეების მიხედვით დანართი 2-ის შესაბამისად.
მუხლი 4. ქონების გადასახადი არ ვრცელდება საჩხერის მუნიციპალიტეტის ტერიტორიაზე მდებარე საკარმიდამო, საბაღე, საბოსტნე და სააგარაკო სასოფლო-სამეურნეო დანიშნულების, აგრეთვე მრავალბინიან საცხოვრებელ კორპუსებზე, საცხოვრებელ სახლებსა და ავტოფარეხებზე.
გადასახადისაგან გათავისუფლება ხდება საქართველოს საგადასახადო კოდექსით დადგენილი წესით, რომლის ადმინისტრირებასაც ახორციელებენ საგადასახადო ორგანოები.
საჩხერის მუნიციპალიტეტის საკრებულოს 201 1 წლის 31 მარტის დადგენილება № 9 – ვებგვერდი, 07 .0 4 .2011წ.
მუხლი 5. ამ დადგენილების ამოქმედების შემდეგ ძალადაკარგულად ჩაითვალოს ,,საჩხერის მუნიციპალიტეტის ტერიტორიაზე ქონების გადასახადის შემოღების შესახებ“ საჩხერის მუნიციპალიტეტის საკრებულოს 2007 წლის 27 თებერვლის №16 დადგენილება.
მუხლი 6. დადგენილება ძალაში შედის გამოქვეყნებისთანავე.
საკრებულოს თავმჯდომარე ნ. აბჟანდაძე
შეტანილი ცვლილებები:
1. საჩხერის მუნიციპალიტეტის საკრებულოს 201 1 წლის 31 მარტის დადგენილება № 9 – ვებგვერდი, 07.0 4.2011წ.
დანართი 1
საჩხერის მუნიციპალიტეტის ტერიტორიაზე არასასოფლო-სამეურნეო დანიშნულების მიწაზე გადასახადის დიფერენცირებული ტერიტორიული კოეფიციენტი და მიწის ნაკვეთის წლიური გადასახადი 1 კვ.მ.-ზე
| № | მიწის ნაკვეთის ადგილმდებარეობა | მიწის ნაკვეთის ადგილმდებარეობის კოეფიციენტი | მიწის ნაკვეთის წლიური გადასახადი 1 კვ.მ-ზე |
| 1 | ქ. საჩხერის ტერიტორია | 0,83 | 0,20 |
| 2 | მუნიციპალიტეტის სხვა დანარჩენი ტერიტორია
| 0,50 | 0,12 |
საჩხერის მუნიციპალიტეტის საკრებულოს 201 1 წლის 31 მარტის დადგენილება № 9 – ვებგვერდი, 07 .0 4 .2011წ.
დანართი 2
საჩხერის მუნიციპალიტეტის ტერიტორიაზე ქონების გადასახდის ზღვრული განაკვეთები ქონების ცალკეული სახეების მიხედვით
| № | ქონების გადასახადის სახეები | გადასახადის განაკვეთები |
| 1 | 2 | 3 |
| 1 | საქართველოს საგადასახადო კოდექსის 201-ე მუხლის პირველი პუნქტის „ა“ და „ბ“ ქვეპუნქტით განსაზღვრულ პირთა ქონების გადასახადი. | ქონების საშუალო საბალანსო წლიური ღირებულების 1% |
| 2 | საქართველოს საგადასახადო კოდექსის 201-ე მუხლის პირველი პუნქტის „გ“ ქვეპუნქტით განსაზღვრულ პირთა ქონების გადასახადი. | ა) საგადასახდო წლის წინა წელს 100 000 ლარამდე შემოსავლის მქონე ოჯახებისათვის საგადასახადო პერიოდის ბოლოსთვის დასაბეგრი ქონების საბაზრო ღირებულების 0,1 %; ბ) საგადასახადო წლის წინა წელს 100 000 ლარის ან მეტი შემოსავლის მქონე ოჯახებისათვის საგადასახადო პერიოდის ბოლოსთვის დასაბეგრი ქონების საბაზრო ღირებულების 1 %; |
| 3 | საქართველოს საგადასახადო კოდექსის 203-ე მუხლით განსაზღვრულ პირთა საკუთრებაში არსებული და კანონით გათვალისწინებულ სარგებლობაში ან ფაქტიურ მფლობელობაში მყოფი სახელმწიფო საკუთრებაში არსებული სასოფლო-სამეურნეო დანიშნულების მიწის ქონების გადასახდი 1 ჰექტარზე.
| ა) სათიბები 17,50 ლარი; ბ) საძოვარი 12,50 ლარი; გ) სახნავი 60 ლარი; დ) ყოფილი საკოლმეურნეო და საბჭოთა მეურნეობის ტყეების მიწებზე – 20 ლარი; ე) ბუნებრივი რესურსებით მოსარგებლე პირისათვის შესაბამისი ლიცენზიის გაცემის საფუძველზე გამოყოფილი მიწა – 3 ლარი. |
| 4 | საგადასახადო კოდექსის 203-ე მუხლით განსაზღვრულ, პირთა საკუთრებაში არსებული და კანონით გათვალისწინებულ სარგებლობაში ან ფაქტიურ მფლობელობაში მყოფი სახელმწიფო საკუთრების არასასოფლო-სამეურნეო დანიშნულების მიწის წლიური გადასახდი 1 კვ.მ.-ზე. | ა) ქ. საჩხერის ტერიტორია – 0,20 ლარი;
ბ) მუნიციპალიტეტის სხვა დანარჩენი ტერიტორია – 0,12 ლარი. |
საჩხერის მუნიციპალიტეტის საკრებულოს 201 1 წლის 31 მარტის დადგენილება № 9 – ვებგვერდი, 07 .0 4 .2011წ.
როგორ დავიმოწმოთ
მუნიციპალიტეტისა და თვითმმართველი ქალაქის საკრებულოს დადგენილება „საჩხერის მუნიციპალიტეტის ტერიტორიაზე ქონების გადასახადის შემოღების შესახებ“, №2, 25.02.2011, სარეგისტრაციო კოდი 010250020.35.130.016023 (კონსოლიდირებული რედაქცია 31.03.2011). ხელმისაწვდომია: https://legali.ge/law/1220060-1/