,,საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის შესახებ”

საქართველოს მთავრობის

დადგენილება №45

2004 წლის 7 ივნისი

ქ. თბილისი

საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის შესახებ

,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს 2004 წლის 13 თებერვლის კანონის პირველი მუხლის ,,გ” პუნქტის თანახმად:

1. დამტკიცდეს საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისია შემდეგი შემადგენლობით:

ნიკა გილაური – საქართველოს ფინანსთა მინისტრი, კომისიის თავმჯდომარე

კობა აბულაძე – საქართველოს ფინანსთა სამინისტროს შემოსავლების სამსახურის უფროსის მოადგილე

გიორგი არველაძე – საქართველოს ეკონომიკური განვითარების მინისტრი

კახა ბაინდურაშვილი – საქართველოს ფინანსთა მინისტრის პირველი მოადგილე

კახა ბენდუქიძე – საქართველოს სახელმწიფო მინისტრი რეფორმების კოორდინაციის საკითხებში

ირაკლი კოვზანაძე – საქართველოს პარლამენტის საფინანსო-საბიუჯეტო კომიტეტის თავმჯდომარე

ნიკოლოზ ლეკიშვილი – საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე

დავით ლომიძე – საქართველოს ფინანსთა სამინისტროს ფინანსური პოლიტიკის დეპარტამენტის უფროსი, კომისიის მდივანი

ვაჟა პეტრიაშვილი – საქართველოს ფინანსთა მინისტრის მოადგილე

ლევან რაზმაძე – სსიპ „საწარმოთა მართვის სააგენტოს“ თავმჯდომარე

ეკა ტყეშელაშვილი – საქართველოს იუსტიციის მინისტრი

პეტრე ცისკარიშვილი – საქართველოს სოფლის მეურნეობის მინისტრი

გიორგი წერეთელი – საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების – თავისუფალი ვაჭრობისა და კონკურენციის სააგენტოს უფროსი

ალექსანდრე ხეთაგური – საქართველოს ენერგეტიკის მინისტრი.

საქართველოს მთავრობის 2004 წლის 8 ნოემბრის დადგენილება  №99-სსმ III, №128, 09.11.2004წ; მუხ.1137

საქართველოს მთავრობის 2005 წლის 17 იანვრის დადგენილება  №3-სსმ III, №6, 20.01.2005წ; მუხ.70

საქართველოს მთავრობის 2005 წლის 10 მარტის დადგენილება  №42-სსმ III, №28, 11.03.2005წ; მუხ.267

საქართველოს მთავრობის 2005 წლის 4 მაისის დადგენილება  №84-სსმ III, №54, 05.05.2005წ; მუხ.585

საქართველოს მთავრობის 2005 წლის 4 აგვისტოს დადგენილება  №125-სსმ III, №92, 05.08.2005წ; მუხ.1044

საქართველოს მთავრობის 2006 წლის 15 თებერვლის დადგენილება  №36-სსმ III, №22, 17.02.2006წ; მუხ.266

საქართველოს მთავრობის 2006 წლის 4 ივლისის დადგენილება  №131-სსმ III, №91, 10.07.2006წ; მუხ.1214

საქართველოს მთავრობის 2006 წლის 15 ნოემბრის დადგენილება №211-სსმ III, №155, 17.11.2006წ; მუხ.2142

საქართველოს მთავრობის 2006 წლის 2 დეკემბრის დადგენილება  №228-სსმ III, №163, 05.12.2006წ; მუხ.2220

საქართველოს მთავრობის 2007 წლის 1 მარტის დადგენილება  №43-სსმ III, №31, 07.03.2007წ; მუხ.366

საქართველოს მთავრობის 2007 წლის 27 მარტის დადგენილება  №55-სსმ III, №45, 02.04.2007წ; მუხ.501

საქართველოს მთავრობის 2007 წლის 12 სექტემბრის დადგენილება  №184-სსმ III, №128, 13.09.2007წ; მუხ.1397

2. დამტკიცდეს საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის თანდართული დებულება.

3. დადგენილება ამოქმედდეს გამოქვეყნებისთანავე.

პრემიერ-მინისტრი               ზ. ჟვანია

 

შეტანილი ცვლილებები:

1. საქართველოს მთავრობის 2004 წლის 8 ნოემბრის დადგენილება  №99-სსმ III, №128, 09.11.2004წ; მუხ.1137

2. საქართველოს მთავრობის 2005 წლის 17 იანვრის დადგენილება  №3-სსმ III, №6, 20.01.2005წ; მუხ.70

3. საქართველოს მთავრობის 2005 წლის 10 მარტის დადგენილება  №42-სსმ III, №28, 11.03.2005წ; მუხ.267

4. საქართველოს მთავრობის 2005 წლის 4 მაისის დადგენილება  №84-სსმ III, №54, 05.05.2005წ; მუხ.585

5. საქართველოს მთავრობის 2005 წლის 4 აგვისტოს დადგენილება  №125-სსმ III, №92, 05.08.2005წ; მუხ.1044

6. საქართველოს მთავრობის 2006 წლის 15 თებერვლის დადგენილება  №36-სსმ III, №22, 17.02.2006წ; მუხ.266

7. საქართველოს მთავრობის 2006 წლის 4 ივლისის დადგენილება  №131-სსმ III, №91, 10.07.2006წ; მუხ.1214

8. საქართველოს მთავრობის 2006 წლის 15 ნოემბრის დადგენილება  №211-სსმ III, №155, 17.11.2006წ; მუხ.2142

9. საქართველოს მთავრობის 2006 წლის 2 დეკემბრის დადგენილება  №228-სსმ III, №163, 05.12.2006წ; მუხ.2220

10. საქართველოს მთავრობის 2007 წლის 1 მარტის დადგენილება  №43-სსმ III, №31, 07.03.2007წ; მუხ.366

11. საქართველოს მთავრობის 2007 წლის 27 მარტის დადგენილება  №55-სსმ III, №45, 02.04.2007წ; მუხ.501

12. საქართველოს მთავრობის 2007 წლის 12 სექტემბრის დადგენილება  №184-სსმ III, №128, 13.09.2007წ; მუხ.1397

 

 

საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის

დებულება

    მუხლი 1. ზოგადი დებულებანი

1. ეს დებულება შემუშავებულია ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის საფუძველზე.

2. საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისია (შემდგომში – კომისია) სათათბირო ორგანოა.

3. კომისია თავის მუშაობაში ხელმძღვანელობს „საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონით, საქართველოს საგადასახადო კოდექსით, საქართველოს მთავრობის მიერ მიღებული დადგენილებებით, კომისიის გადაწყვეტილებებით, ამ დებულებით და სხვა სამართლებრივი აქტებით.

    მუხლი 2. კომისიის მუშაობის რეგლამენტი

1. კომისია თავის უფლებამოსილებას მიკუთვნებულ საკითხებზე გადაწყვეტილებას იღებს კომისიის სხდომაზე.

2. კომისიის სხდომას იწვევს კომისიის თავმჯდომარე, საჭიროების მიხედვით.

3. კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი.

4. კომისიას უფლება აქვს ვადაგადაცილებულ საგადასახადო და სასესხო დავალიანებათა რესტრუქტურიზაციის საკითხის შესწავლისას მოიწვიოს საწარმოს (ორგანიზაციის), შესაბამისი სამინისტროებისა და უწყებების, აგრეთვე აფხაზეთის და აჭარის ავტონომიური რესპუბლიკებისა და ადგილობრივი თვითმმართველობისა და მმართველობის ორგანოების წარმომადგენლები.

5. გადაწყვეტილება მიიღება სხდომაზე დამსწრე კომისიის წევრთა ხმის უბრალო უმრავლესობით.

6. კომისიის თითოეულ წევრს აქვს ერთი ხმა, ხოლო ხმათა თანაბარი გაყოფის შემთხვევაში გადამწყვეტი ხმის უფლებით სარგებლობს კომისიის თავმჯდომარე.

7. კომისია თავისი კომპეტენციის ფარგლებში იღებს გადაწყვეტილებას, რომელიც ფორმდება ოქმის სახით და ოქმს ხელს აწერს კომისიის ყველა წევრი.

    მუხლი 3. კომისიის უფლებამოსილებები და ფუნქციები

1. კომისია იღებს შემდეგ გადაწყვეტილებებს:

ა) საქართველოს მთავრობას წარუდგინოს წინადადება ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის შესახებ;

ბ) საქართველოს მთავრობას წარუდგინოს წინადადება უიმედო სასესხო დავალიანებათა ჩამოწერის შესახებ;

გ) ცალკეულ ვადაგადაცილებულ სასესხო დავალიანებათა ოდენობის დაზუსტების შესახებ სასესხო დავალიანების საწარმოსაგან დამოუკიდებელი მიზეზებით წარმოშობის გათვალისწინებით;

დ) საქართველოს მთავრობას წარუდგინოს წინადადება ცალკეული ვადაგადაცილებული სასესხო დავალიანების გარკვეული ოდენობის პატიების შესახებ;

ე) ცალკეული სასესხო დავალიანების მესამე პირისათვის გადაკისრების შესახებ;

ვ) საქართველოს მთავრობას წარუდგინოს წინადადება ცალკეული სასესხო დავალიანების დაფარვის მოთხოვნის უფლების სხვა იურიდიული პირისათვის გარკვეული დისკონტით დათმობის შესახებ;

ზ) საქართველოს ფინანსთა მინისტრს წარუდგინოს დასკვნა უიმედო ვადაგადაცილებული საგადასახადო დავალიანების ჩამოწერის შესახებ საქართველოს ფინანსთა სამინისტროს ბრძანებით დამტკიცებული ,,გადასახადის გადამხდელის საგადასახადო დავალიანების, უიმედო ვალად აღიარების და ჩამოწერის ინსტრუქციის“ შესაბამისად.

2. ვადაგადაცილებულ საგადასახადო და სასესხო დავალიანებათა რესტრუქტურიზაციის საკითხის შესასწავლად საწარმო (ორგანიზაცია) კომისიას წარუდგენს შემდეგ დოკუმენტებს:

ა) საწარმოს (ორგანიზაციის) ხელმძღვანელის წერილობითი მიმართვა;

ბ) პარტნიორთა (აქციონერთა) კრების, უფლებამოსილ პირთა გადაწყვეტილება ვადაგადაცილებულ საგადასახადო და სასესხო დავალიანებათა რესტრუქტურიზაციის შესახებ;

გ) ვადაგადაცილებულ საგადასახადო და სასესხო დავალიანებათა რესტრუქტურიზაციის განხორციელების შესახებ კრედიტორთა თანხმობა, ამასთან ამ კრედიტორთა მოთხოვნა უნდა შეადგენდეს კრედიტორთა მოთხოვნების საერთო მოცულობის ორ მესამედზე მეტს;

დ) ადგილობრივი თვითმმართველობისა და მმართველობის ორგანოების თანხმობა ტერიტორიული ერთეულების ბიუჯეტის მიმართ რიცხული ვადაგადაცილებული საგადასახადო დავალიანების რესტრუქტურიზაციის მიზანშეწონილობის შესახებ;

ე) ვადაგადაცილებულ საგადასახადო და სასესხო დავალიანებათა რესტრუქტურიზაციის გეგმა;

ვ) წინადადებები ვადაგადაცილებულ საგადასახადო და სასესხო დავალიანებათა გაყინვის ან/და გადავა-დების პირობებისა და ვადების შესახებ;

ზ) შესაბამისი საგადასახადო ორგანოების მიერ გაცემული ცნობა საბიუჯეტო და სპეციალური სახელმწიფო ფონდების მიმართ არსებული დავალიანების (გადასახადების ცალკეული სახეების, ჯარიმებისა და საურავების მიხედვით) შესახებ;

თ) დებიტორებისა და კრედიტორების სია (თანხების მითითებით), დამოწმებული საწარმოს (ორგანიზაციის) ხელმძღვანელისა და მთავარი ბუღალტრის მიერ;

ი) ქონების ჩამონათვალი და ამ ქონებაზე საკუთრების უფლების დამადასტურებელი საბუთები;

კ) აუდიტის დასკვნა ქონების ღირებულების შეფასების დასაბუთებით;

ლ) საწარმოს (ორგანიზაციის) ხელმძღვანელისა და მთავარი ბუღალტრის ხელმოწერით დადასტურებული გასული და შესაბამისი პერიოდის საბუღალტრო ბალანსები;

მ) საწარმოს წესდების ასლი;

ნ) საიდენტიფიკაციო კოდი;

ო) რეგისტრაციის მოწმობა.

3. კომისია ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონით განსაზღვრული წესით საწარმოებისაგან წარმოდგენილ დოკუმენტებს შესასწავლად და სათანადო წინადადებათა შესამუშავებლად გადასცემს საქართველოს ფინანსთა სამინისტროს.

4. კომისია სხდომაზე განიხილავს საქართველოს ფინანსთა სამინისტროს მიერ მომზადებულ წინადადებებს და ამზადებს დადებით ან უარყოფით დასკვნას ვადაგადაცილებულ საგადასახადო დავალიანებათა და სახელმწიფო სესხების რესტრუქტურიზაციის მიზანშეწონილობის თაობაზე.

5. კომისიის მიერ უარყოფითი გადაწყვეტილების მიღების შემთხვევაში დასკვნა უნდა შეიცავდეს დასაბუთებულ არგუმენტებსა და შენიშვნებს, რომელთა გამოც საწარმოს (ორგანიზაციას) უარი ეთქვა ვადაგადაცილებულ საგადასახადო და სასესხო დავალიანებათა რესტრუქტურიზაციაზე. დასკვნა ეგზავნება საწარმოს (ორგანიზაციას), ხოლო ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ კანონის პირველი მუხლის ,,ლ“ პუნქტის ,,ლ.ა.“ ქვეპუნქტით განსაზღვრული ,,განსაკუთრებული შემთხვევის“ დროს – აგრეთვე საქართველოს ეკონომიკის სამინისტროს.

6. კომისია ამ მუხლის მე-2 პუნქტით განსაზღვრული ყველა დოკუმენტისა და საქართველოს ფინანსთა სამინისტროს დასკვნის შესწავლის საფუძველზე ერთ თვეში იღებს გადაწყვეტილებას ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის თაობაზე.

7. კომისიის მიერ ვადაგადაცილებულ საგადასახადო და სასესხო დავალიანებათა რესტრუქტურიზაციის შესახებ დადებითი გადაწყვეტილების მიღების შემთხვევაში საწარმოსა (ორგანიზაციას) და საქართველოს ფინანსთა სამინისტროს შორის იდება ხელშეკრულება, რომელშიც აისახება დავალიანებათა რესტრუქტურიზაციის პირობები, ვადები, მათი დაფარვის გრაფიკი და რესტრუქტურიზაციასთან დაკავშირებული სხვა საკითხები.

8. კომისიის მიერ დადებითი გადაწყვეტილების მიღების შემთხვევაში საქართველოს ფინანსთა სამინისტრო შესაბამის დასკვნასა და ხელშეკრულებას წარუდგენს საქართველოს მთავრობას, რომელიც იღებს გადაწყვეტილებას ვადაგადაცილებულ საგადასახადო და სასესხო დავალიანებათა რესტრუქტურიზაციის შესახებ.

9. ვადაგადაცილებული საგადასახადო და სასესხო დავალიანებები რესტრუქტურიზებულად ითვლება და საწარმო (ორგანიზაცია) რესტრუქტურიზაციის რეჟიმით მუშაობას იწყებს საქართველოს მთავრობის გადაწყვეტილებით განსაზღვრული თარიღიდან.

10. კომისიას საწარმო (ორგანიზაცია), ან შესაბამისი უფლებამოსილი პირი მე-3 მუხლის პირველი პუნქტის ,,ბ“, ,,გ“, ,,ე“ და ,,ვ“ ქვეპუნქტების საკითხებთან დაკავშირებით მიღებული გადაწყვეტილების თანახმად წარუდგენს საჭირო დოკუმენტაციას.

11. კომისია უფლებამოსილია:

ა) განიხილოს და მიიღოს გადაწყვეტილება საწარმოს საგადასახადო დავალიანებებისა და სახელმწიფო სესხების რესტრუქტურიზაციის მიზანშეწონილობის შესახებ კომისიის სხდომაზე დაინტერესებული და მოწვეული მხარის წარმომადგენლის დაუსწრებლად;

ბ) გადაამოწმოს ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონის შესაბამისად წარმოდგენილი დოკუმენტების სისწორე და წარმოდგენილი დოკუმენტების შესწავლის საფუძველზე, აღნიშნული კანონის მე-3 მუხლის მე-5 და მე-9 პუნქტების თანახმად, უარი უთხრას საწარმოს ვადაგადაცილებული საგადასახადო დავალიანებების და სახელმწიფო სესხების რესტრუქტურიზაციაზე;

გ) ნებისმიერ დროს მოითხოვოს და მიიღოს ინფორმაცია, რომელიც საჭიროა საწარმოსა და საქართველოს ფინანსთა სამინისტროს შორის დადებული ხელშეკრულებისა და საწარმოს რესტრუქტურიზაციის გეგმით გათვალისწინებული პირობების შესრულების მდგომარეობის შესამოწმებლად;

დ) საწარმოს მიერ საგადასახადო დავალიანებებისა და სახელმწიფო სესხების რესტრუქტურიზაციის თაობაზე საქართველოს ფინანსთა სამინისტროსთან დადებული ხელშეკრულების პირობების დარღვევის შემთხვევაში მიიღოს გადაწყვეტილება რესტრუქტურიზაციის ვადამდე შეწყვეტის მიზანშეწონილობის შესახებ და საქართველოს მთავრობას წარუდგინოს დასკვნა საქართველოს მთავრობის დადგენილების პროექტთან ერთად.

    მუხლი 4. დასკვნითი დებულება

1. კომისიის ყველა გადაწყვეტილება ხელმისაწვდომი უნდა იყოს დაინტერესებული მხარისათვის.

2. კომისიის უფლებამოსილება წყდება საქართველოს მთავრობის დადგენილების საფუძველზე.

Annotate