სამტრედიის მუნიციპალიტეტის ტერიტორიაზე ქონების გადასახადის განაკვეთების განსაზღვრის შესახებ

სამტრედიის მუნიციპალიტეტის საკრებულოს

დადგენილება № 10

2011 წლის 4 მარტი

ქ. სამტრედია                                               

სამტრედიის მუნიციპალიტეტის ტერიტორიაზე ქონების გადასახადის განაკვეთების განსაზღვრის შესახებ

     „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „მ“ ქვეპუნქტის, საქართველოს საგადასახადო კოდექსის მე-7 მუხლისა და 29-ე თავის და „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად,

    მუხლი 1

განისაზღვროს ქონების გადასახადის განაკვეთი (გარდა მიწისა) საშუალო წლიური საბალანსო ნარჩენი ღირებულების 1 (ერთი) %-ის ოდენობით დაბეგვრის შემდეგ ობიექტებზე:

ა) რეზიდენტი საწარმოს/ორგანიზაციის ბალანსზე ძირითად საშუალებად აღრიცხულ აქტივებზე, დაუმონტაჟებელ მოწყობილობებზე, დაუმთავრებელ მშენებლობებზე და არმატერიალურ აქტივებზე, აგრეთვე მის მიერ ლიზინგით გაცემულ ქონებაზე;

ბ) არარეზიდენტი საწარმოს საქართველოს ტერიტორიაზე არსებულ ამ მუხლის ,,ა” ქვეპუნქტით განსაზღვრულ ქონებაზე (მათ შორის, იჯარით, ქირით, უზუფრუქტით ან სხვა ამგვარი სახის ხელშეკრულების საფუძველზე გაცემულ და საქართველოს ტერიტორიაზე არსებულ ქონებაზე).

    მუხლი 2

განისაზღვროს ქონების გადასახადის განაკვეთი (გარდა მიწისა) ფიზიკური პირების საკუთრებაში არსებულ უძრავ ქონებაზე (მათ შორის, დაუმთავრებელ მშენებლობაზე, შენობა-ნაგებობაზე ან მათ ნაწილზე), იახტებზე (კატარღებზე), შვეულმფრენებზე, თვითმფრინავებზე, ასევე არარეზიდენტისაგან ლიზინგით მიღებულ ქონებაზე, ხოლო ეკონომიკური საქმიანობის განხორციელების შემთხვევაში მის ბალანსზე ძირითად საშუალებად აღრიცხულ აქტივებზე, დაუმონტაჟებელ მოწყობილობებზე და არამატერიალურ აქტივებზე, აგრეთვე მის მიერ ლიზინგით გაცემულ ქონებაზე, პირის მფლობელობაში ან/და სარგებლობაში არსებული გარდაცვლილი პირის სახელზე რეგისტრირებულ ქონებაზე ( გარდა იმ შემთხვევისა, როცა მფლობელობა ხორციელდება იჯარის, ქირის, უზუფრუქტის ან სხვა ამგვარი ხელშეკრულების საფუძველზე) :

  ა) კალენდარული წლის განმავლობაში 100000 ლარამდე შემოსავლის მქონე ოჯახებისათვის –უძრავი ქონების საბაზრო ღირებულების 0,2 %-ის ოდენობით;

  გ) კალენდარული წლის განმავლობაში 100000 ლარისა და მეტი შემოსავლის მქონე ოჯახებისათვის – უძრავი ქონების საბაზრო ღირებულების 1 %-ის ოდენობით.

    მუხლი 3

განისაზღვროს სასოფლო-სამეურნეო დანიშნულების მიწის გადასახადის განაკვეთი 1 ჰა-ზე გაანგარიშებით:

 ა) საძოვრებისათვის (მათ შორის, გაკულტურებული საძოვრებისათვის) – 16 ლარის ოდენობით;

ბ) სათიბებისათვის (მათ შორის, გაკულტურებული სათიბებისათვის) – 18 ლარის ოდენობით;

გ) სხვა მიწებისათვის – 75 ლარის ოდენობით.

სამტრედიის მუნიციპალიტეტის საკრებულოს  201 1 წლის 3 1 მარტ ის დადგენილება №16 – ვებგვერდი, 0 7 .04.2011წ.

სამტრედიის მუნიციპალიტეტის საკრებულოს  2011 წლის 3 მაისის დადგენილება №19 – ვებგვერდი, 13.05.2011წ.

     მუხლი 4

განისაზღვროს სამტრედიის მუნიციპალიტეტის ტერიტორიაზე ქონების გადასახდი არასასოფლო-სამეურნეო დანიშნულების მიწის ერთ კვადრატულ მეტრზე 0,1392 ლარის ოდენობით (არასასოფლო-სამეურნეო დანიშნულების მიწაზე ქონების გადასახადის საბაზისო განაკვეთი წელიწადში მიწის 1 კვადრატულ მეტრზე 0,24 ლარის ოდენობით, ხოლო ტერიტორიული კოეფიციენტი სამტრედიის მუნიციპალიტეტის ტერიტორიაზე 0.58).

    მუხლი 5

განისაზღვროს სამტრედიის მუნიციპალიტეტის ტერიტორიაზე ქონების გადასახდი ყოფილი საკოლმეურნეო და საბჭოთა მეურნეობის ტყეების მიწებზე 1 ჰა-ზე 20 ლარის ოდენობით.

     მუხლი 6

განისაზღვროს სამტრედიის მუნიციპალიტეტის ტერიტორიაზე ბუნებრივი რესურსებით მოსარგებლე პირისათვის შესაბამისი ლიცენზიის გაცემის საფუძველზე გამოყოფილი, სახელმწიფო საკუთრებაში არსებული სასოფლო-სამეურნეო დანიშნულების მიწის გადასახადი 1 ჰა-ზე 3 ლარის ოდენობით.

    მუხლი 7

სამტრედიის მუნიციპალიტეტის ტერიტორიაზე ქონების გადასახადის გადახდისაგან გათავისუფლდნენ პირები:

1. ქალაქის, დაბის ა და სოფლის ტერიტორიაზე საცხოვრებელ სახლებზე მიმგრებული საკარმიდამო მიწის (მათ შორის , მრავალბინიან საცხოვრებელ სახლებზე მიმაგრებული მიწის) ნაკვეთის ფარგლებში.

2 . ავტოფარეხებზე მიმაგრებულ მიწის ნაკვეთებზე .

სამტრედიის მუნიციპალიტეტის საკრებულოს  201 1 წლის 3 1 მარტ ის დადგენილება №16 – ვებგვერდი, 0 7 .04.2011წ.

    მუხლი 8

ძალადაკარგულად გამოცხადდეს ,,სამტრედიის მუნიციპალიტეტის ტერიტორიაზე ქონების გადასახადის განაკვეთების დამტკიცების შესახებ“ სამტრედიის მუნიციპალიტეტის საკრებულოს 2010 წლის 5 ოქტომბრის №21 დადგენილება.

    მუხლი 9

ამ დადგენილების მოქმედება გავრცელდეს 2011 წლის 1 იანვრიდან წარმოშობილ ურთიერთობებზე.

    მუხლი 10

 დადგენილება ამოქმედდეს გამოქვეყნებისთანავე.

 საკრებულოს თავმჯდომარე               ა. ჯვარშეიშვილი

შეტანილი ცვლილებები:

1. სამტრედიის მუნიციპალიტეტის საკრებულოს  201 1 წლის 3 1 მარტ ის დადგენილება №16 – ვებგვერდი, 0 7.04.2011წ.

2. სამტრედიის მუნიციპალიტეტის საკრებულოს  201 1 წლის 3 მა ისის დადგენილება №1 9 – ვებგვერდი, 13.0 5.2011წ.

 

 

 

Annotate