ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ

ოზურგეთის მუნიციპალიტეტის საკრებულოს

 დადგენილება №9

2011 წლის 2 მარტი

ქ . ოზურგეთი

ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ღ“ ქვეპუნქტის და სოციალური დახმარების შესახებ“ საქართველოს კანონის მე-18 მუხლის შესაბამისად, ოზურგეთის მუნიციპალიტეტის საკრებულომ დაადგინა:

მუხლი 1.

დამტკიცდეს ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესი თანდართული რედაქციით (დანართი თან ერთვის).

    მუხლი 2.

 ამ დადგენილების ამოქმედებისთანავე ძალადაკარგულად გამოცხადდეს ოზურგეთის მუნიციპალიტეტის საკრებულოს 2008 წლის 19 მარტის „ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ №14 დადგენილება

მუხლი. 3.

დადგენილება ამოქმედდეს გამოქვეყნებისთანავე.

საკრებულოს თავმჯდომარე          

ა. მამეშვილი

შეტანილი ცვლილებები:

1. ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

                                                                                                                                                   დანართი №1

  ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესი

წინამდებარე წესი აწესრიგებს ოზურგეთის მუნიციპალიტეტის ბიუჯეტიდან „სოციალური დაცვის“ მუხლში გათვალისწინებული სოციალური დახმარებების დანიშვნასთან და გაცემასთან დაკავშირებულ ურთიერთობებს, განსაზღვრავს სოციალური დახმარებების დანიშვნასა და გაცემაზე უფლებამოსილ უწყებას, ადგენს სოციალური დახმარებების სახეებს, მათი დანიშვნისა და გაცემის ძირითად, სახელმძღვანელო პრინციპებს.

თავი I. სოციალური დახმარების სახეები

    მუხლი 1. ფულადი სოციალური დახმარების სახეები

1. ოზურგეთის მუნიციპალიტეტის ბიუჯეტში გათვალისწინებულია შემდეგი სახის ფულადი სოციალური დახმარებები:

ა) ახალშობილთა ოჯახების დახმარება;

ბ) მრავალშვილიანი ოჯახების სოციალური დახმარება , რომელთა სარეიტინგო ქულა არ აღემატება 57.000-ს. (წლის განმავლობაში სამჯერ გაეწევათ დახმარება 100 ლარის ოდენობით);

გ) ხანდაზმულ (100 და მეტი წლის ასაკის) პირთა ფულადი დახმარება;

დ) იძულებით გადაადგილებულ პირთა – დევნილთა დახმარება;

ე) სტიქიური მოვლენების შედეგად უსახლკაროდ დარჩენილი შეჭირვებული ოჯახების დახმარება;

ვ) ომის ვეტერანთა დახმარების პროგრამა;

ზ ) 18 წლამდე ასაკის ბავშვების სასწრაფო სამედიცინო მომსახურების თანადაფინანსება;

თ ) შეჭირვებულ მოქალაქეთა სამედიცინო მომსახურების პროგრამა;

ი) უპატრონო მიცვალებულთა სარიტუალო მომსახურების ხარჯების ანაზღაურება ;

კ) უსინათლოთა ერთჯერადი დახმარების პროგრამა ;

ლ) თირკმლის უკმარისობით დაავადებულ პირთა დახმარების პროგრამა ;

 მ) სოციალურად დაუცველ ბავშვთა დღის ცენტრის პროგრამული თანადაფინანსება;

 ნ) ომის ვეტერანთა სარიტუალო მომსახურება ;

ო) შეზღუდული შესაძლებლობის მქონე პირთა დახმარების პროგრამა;

პ) დედ-მამით ობოლი 18 წლამდე ასაკის ბავშვების ერთჯერადი დახმარება;

ჟ) ეკონომიურად შეჭირვებულ ოჯახებზე სათბობის (შეშის) შეძენის ხარჯები.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 2. არაფულადი სოციალური დახმარების სახეები

1. ოზურგეთის მუნიციპალიტეტის ბიუჯეტში გათვალისწინებულია შემდეგი სახის არაფულადი სოციალური დახმარებ ა:

ა) უკიდურესად შეჭირვებულ ოჯახის მზრუნველობამოკლებულ პირთა ყოველდღიური ერთჯერადი კვებით უზრუნველყოფა.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

თავი II. ერთჯერადი ფულადი სოციალური დახმარების ბენეფიციართა კატეგორიები და მათ მისაღებად საჭირო დოკუმენტაცია

    მუხლი 3. ახალშობილთა ოჯახების დახმარება

1. ახალშობილის ოჯახს, რომელიც რეგისტრირებულია სოციალურად დაუცველი ოჯახების მონაცემთა ერთიან ბაზაში და რომლის სარეიტინგო ქულა 70.000-ზე მეტია და არ აღემატება 150.000-ს, უფლება აქვს მოითხოვოს დახმარება ახალშობილის შეძენის გამო.

2. დახმარების მისაღებად ახალშობილის მშობელმა ოზურგეთის მუნიციპალიტეტის გამგეობაში (შემდგომში – გამგეობა) უნდა წარმოადგინოს:

ა) წერილობითი განცხადება;

ბ) მშობლების პირადობის მოწმობები (ასლები);

გ) მშობლების ქორწინების მოწმობა (ასლი არსებობის შემთხვევაში);

დ) ახალშობილის დაბადების მოწმობა (ასლი);

ე) ცნობა სოციალური მომსახურების სააგენტოს ოზურგეთის განყოფილებიდან ოჯახის სარეიტინგო ქულის შესახებ;

ვ) რწმუნებულის აქტი, საცხოვრებელი ადგილის დადასტურების შესახებ;

ზ) გადარიცხვა მოხდება ფიზიკური პირის მიერ გახსნილ პირად ანგარიშზე ან სამედიცინო დაწესებულებაში;

თ) აღნიშნული დახმარება გაიცეს იმ ოჯახებზე , რომელთაც მინიჭებული აქვთ სარეიტინგო ქულა და არ სარგებლობენ სამედიცინო პოლისით.

3. ახალშობილთა ოჯახებისთვის ერთჯერადი ფულადი დახმარების ოდენობა განისაზღვრება მშობიარეთა 50% თანადაფინანსებით, მაგრამ არაუმეტეს 500 ლარისა.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 4. ხანდაზმულ (100 და მეტი წლის ასაკის) პირთა ფულადი დახმარება

1. ოზურგეთის მუნიციპალიტეტის ტერიტორიაზე მცხოვრებ ხანდაზმულ (100 და მეტი წლის ასაკის) პირს უფლება აქვს ისარგებლოს ერთჯერადი ფულადი დახმარების მიღებით.

2. დახმარების მისაღებად ხანდაზმული (100 და მეტი წლის ასაკი) პირის ან მისი ოჯახის სრულწლოვანი წევრის მიერ გამგეობაში წარმოდგენილი უნდა იქნეს:

ა) ხანდაზმული პირის (ან ოჯახის წევრის) წერილობითი განცხადება;

ბ) ხანდაზმული პირის პირადობის მოწმობა (ასლი);

გ) განმცხადებლის პირადობის მოწმობა (ასლი) – თუ განმცხადებელი ხანდაზმული პირის ოჯახის სრულწლოვანი წევრია.

    მუხლი 5. იძულებით გადაადგილებულ პირთა – დევნილთა დახმარება

იძულებით გადაადგილებულ პირთა – დევნილთა დახმარების მუნიციპალური პროგრამა ითვალისწინებს:

1. ზამთრისათვის საჭირო საშეშე მერქნის შესაძენად ოზურგეთის მუნიციპალიტეტში აღრიცხვაზე მყოფ იძულებით გადაადგილებულ პირთა – დევნილთა თითოეული ოჯახისთვის 100 ლარამდე თანხით ერთჯერადი დახმარება:

1.2. იძულებით გადაადგილებული პირის – დევნილის გარდაცვალების შემთხვევაში, სარიტუალო ხარჯის სახით, გარდაცვლილის ოჯახზე გათვალისწინებულია ერთჯერადი ფულადი დახმარების გაცემა. იძულებით გადაადგილებული პირის – დევნილის გარდაცვალების შემთხვევაში გარდაცვლილის ოჯახი ერთჯერადად მიიღებს 200 (ორასი) ლარს.

1.3. ექსტრემალურ სიტუაციაში (ოპერაცია, უბედური შემთხვევა და სხვა)

2. დახმარების მისაღებად მოქალაქემ გამგეობაში უნდა წარმოადგინოს:

ა) წერილობითი განცხადება;

ბ) განმცხადებლის პირადობის მოწმობა (ასლი);

გ) იძულებით გადაადგილებული პირის – დევნილის დამადასტურებელი საბუთი (ასლი);

დ) იძულებით გადაადგილებული პირის – დევნილის გარდაცვალების ცნობა – იძულებით გადაადგილებული პირის – დევნილის გარდაცვალების შემთხვევაში;

ე) ბანკში გახსნილი პირადი ანგარიშის მონაცემები.

3. იძულებით გადაადგილებულ პირთათვის – დევნილთათვის გათვალისწინებული ფულადი დახმარების გაცემა ორივე შემთხვევაში მოხდება ბანკის მეშვეობით, ფიზიკური პირის მიერ გახსნილ ანგარიშზე გადარიცხვით.

    მუხლი 6. სტიქიური მოვლენების შედეგად უსახლკაროდ დარჩენილი შეჭირვებული

ოჯახების დახმარება

1. სტიქიური მოვლენების, უბედური შემთხვევების შედეგად უსახლკაროდ დარჩენილ შეჭირვებულ ოჯახებს, რომლებიც ოზურგეთის მუნიციპალიტეტის ტერიტორიაზე ცხოვრობენ, უფლება აქვთ მოითხოვონ ერთჯერადი დახმარება.

2. ამ მიზნით მოქლაქემ გამგეობაში უნდა წარმოადგინოს:

ა) წერილობითი განცხადება;

ბ) განმცხადებლის პირადობის მოწმობა (ასლი).

3. სტიქიური მოვლენების შედეგად უსახლკაროდ დარჩენილ ოჯახთა მდგომარეობას შეისწავლის ოზურგეთის მუნიციპალიტეტში შექმნილი – უსახლკაროდ დარჩენილი ოჯახების შემსწავლელი დროებითი კომისია. კომისია კომისიური წესით შეარჩევს პრიორიტეტულად მიჩნეულ რამდენიმე ოჯახს.

4. საოქმო გადაწყვეტილების მიღებისას კომისია ხელმძღვანელობს წინასწარ განსაზღვრული პრიორიტეტებით.

5. დახმარება პირველ რიგში გაეწევათ უბედური შემთხვევების შედეგად უსახლკაროდ დარჩენილ შეჭირვებულ ოჯახებს, სიღარიბის ზღვარს მიღმა მყოფ მრავალშვილიან ოჯახებს, ოჯახებს, რომელთა წევრებიც არიან პენსიონერები, უმუშევრები, შრომისუუნარონი, ომის ვეტერანები, ინვალიდები, მარტოხელა დედებს, რომელთაც კმაყოფაზე ჰყავთ არასრულწლოვანი შვილები.

6. თანხის გაცემა ხდება ბანკის მეშვეობით, განმცხადებლის პირად ანგარიშზე გადარიცხვით, რისთვისაც განმცხადებელი, მის მიმართ დადებითი გადაწყვეტილების მიღების შემთხვევაში, გამგეობაში დამატებით წარადგენს ბანკში გახსნილი პირადი ანგარიშის მონაცემებს.

    მუხლი 7. ომის ვეტერანთა დახმარების პროგრამა

  პროგრამა ითვალისწინებს:

1.  მეორე მსოფლიო ომის ვეტერანების ერთჯერად ფულად დახმარებას (50 ორმოცდაათი ლარის ოდენობით).

2. ომის ვეტერანთა სარიტუალო მომსახურებას

საქართველოს თავისუფლებისა და ტერიტორიული მთლიანობისათვის ბრძოლის მონაწილის ან მეორე მსოფლიო ომის ვეტერანის გარდაცვალების შემთხვევაში დაღუპული ომის მონაწილის (ვეტერანის) ოჯახს უფლება აქვს ისარგებლოს სარიტუალო მომსახურების ხარჯების ანაზღაურებით.

დახმარების მისაღებად დაღუპულის ოჯახის სრულწლოვანმა წევრმა გამგეობაში უნდა წარმოადგინოს:

ა) წერილობითი განცხადება;

ბ) გარდაცვლილი ომის მონაწილის პლასტიკური ბარათი (ასლი) ან ცნობა სოციალური მომსახურების სააგენტოს ოზურგეთის განყოფილებიდან, რომ გარდაცვლილი იყო ომის მონაწილე პენსიონერი;

გ) დაღუპული ომის მონაწილის (ვეტერანის) გარდაცვალების მოწმობა;

დ) განმცხადებლის პირადობის მოწმობა (ასლი);

ე) ბანკში გახსნილი პირადი ანგარიშის მონაცემები.

3. ამ წესის მიზნებისთვის პირის „ოჯახის წევრებად“ ჩაითვლება: ა) მშობელი (მშვილებელი); ბ) შვილი (ნაშვილები); გ) მეუღლე; დ) და-ძმა; ე) ბებია-პაპა; რომლებიც ეწევიან საერთო მეურნეობას.

4. გარდაცვლილი ომის მონაწილის (ვეტერანის) თითოეულ ოჯახზე, გარდაცვლილის სარიტუალო მომსახურების ხარჯის ანაზღაურების სახით, გაიცემა თანხა 250 (ორასორმოცდაათი) ლარის ოდენობით.

5. დახმარება გაიცემა ოზურგეთის მუნიციპალიტეტის გამგებლის ბრძანების საფუძველზე.

 6. თანხის გაცემა ხდება ბანკის მეშვეობით, განმცხადებლის მიერ გახსნილ პირად ანგარიშზე გადარიცხვით.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 9. უპატრონო მიცვალებულთა სარიტუალო მომსახურების ხარჯის ანაზღაურება

     1. მუნიცი პ ალიტეტის ტერიტორიაზე მცხოვრები უკიდურესად მძიმე ეკონომიურ პირობებში მყოფი , მარტოხელა, უპატრონო  მოქალაქის გარდაცვალების შემთხვევაში ოზურგეთის მუნიციპალიტეტის ბიუჯეტი ითვალისწინებს ამ კატეგორიის მიცვალებულთა სარიტუალო მომსახურების ხარჯის ანაზღაურებას.

2. სარიტუალო მომსახურების თანხის მისაღებად გამგეობაში წარმოდგენილი უნდა იქნეს:

ა) დაკრძალვის ხარჯის გამღები პირის წერილობითი განცხადება;

ბ) განმცხადებლის პირადობის მოწმობა (ასლი);

გ) გარდაცვალების მოწმობა;

დ) ცნობა სოციალური მომსახურების სააგენტოს ოზურგეთის განყოფილებიდან გარდაცვლილის ოჯახის შემადგენლობისა და სოციალური მდგომარეობის შესახებ.

3. უპატრონო მიცვალებულის სარიტუალო მომსახურების ხარჯის ანაზღაურების სახით, თანხა გაიცემა ერთჯერადად, 200 (ორასი) ლარის ოდენობით.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

თავი III. ყოველთვიური ფულადი სოციალური დახმარების ბენეფიციართა კატეგორიები და მათ მისაღებად საჭირო დოკუმენტაცია

    მუხლი 10. მრავალშვილიანი ოჯახების დახმარება

1. ოზურგეთის მუნიციპალიტეტში მცხოვრებ მრავალშვილიან ოჯახებს, რომლებთაც ჰყავთ ოთხი და მეტი 18 წლამდე ასაკის ბავშვი, უფლება აქვთ მიიღონ ყოველთვიური ფულადი დახმარება, თუკი ისინი რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და თუ მათი სარეიტინგო ქულა არ აღემატება 57.000-ს.

2. მრავალშვილიან ოჯახებს, რომელთა სარეიტინგო ქულა აქვთ 0-დან 57.000-ის ჩათვლით წელიწადში სამჯერ მიეცემათ 100-ლარიანი დახმარება.

3. დახმარების დასანიშნად დახმარების მიღების მსურველმა გამგეობაში უნდა წარმოადგინოს:

ა) წერილობითი განცხადება;

ბ) მშობლების პირადობის მოწმობები (ასლები);

გ) მშობლების ქორწინების მოწმობა (ასლი) (ასეთის არსებობის შემთხვევაში);

დ) ბავშვების დაბადების მოწმობები (ასლები);

ე) ბანკში გახსნილი პირადი ანგარიშის მონაცემები;

ვ) ცნობა სოციალური მომსახურების სააგენტოს ოზურგეთის განყოფილებიდან ოჯახის სარეიტინგო ქულის შესახებ;

ზ) გამგეობის შესაბამისი ტერიტორიული ორგანოს ხელმძღვანელის – რწმუნებულის ან დეპუტატის ხელმოწერა (რეკომენდაცია) აქტის სახით

3. ფულადი დახმარება განისაზღვრება თითოეულ მრავალშვილიან ოჯახზე თვეში 100 (ასი) ლარის ოდენობით.

4. ყოველთვიური ფულადი დახმარება ირიცხება ბენეფიციარის პირად ანგარიშზე.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

თავი IV. არაფულადი სოციალური დახმარების ბენეფიციართა კატეგორიები და მათ მისაღებად საჭირო დოკუმენტაცია

    მუხლი 11. უკიდურესად შეჭირვებულ, ოჯახის მზრუნველობამოკლებულ პირთა ყოველდღიური ერთჯერადი კვებით უზრუნველყოფა

1. ოზურგეთის მუნიციპალიტეტის ტერიტორიაზე მცხოვრები უკიდურესად შეჭირვებული, ოჯახის მზრუნველობას მოკლებული პირი შეიძლება იყოს არაფულადი სოციალური დახმარების მიმღები, ყოველდღიური, უფასო ერთჯერადი კვებით უზრუნველყოფის სახით.

2. არაფულადი სოციალური დახმარების მისაღებად უკიდურესად შეჭირვებულმა, ოჯახის მზრუნველობას მოკლებულმა პირმა გამგეობაში უნდა წარმოადგინოს:

ა) წერილობითი განცხადება;

ბ) განმცხადებლის პირადობის მოწმობა (ასლი).

3. სოციალურ დახმარებაზე ბენეფიციარის უფლებრივი მდგომარეობის საკითხს შეისწავლის ოზურგეთის მუნიციპალიტეტის გამგეობის შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახური და ამზადებს დასკვნას.

    მუხლი 12. 18 წლამდე ასაკის ბავშვების სასწრაფო სამედიცინო მომსახურების

თანადაფინანსება

1. პროგრამის სუბიექტი: ოზურგეთის მუნიციპალიტეტის ტერიტორიაზე მცხოვრები 0-დან 18 წლამდე ასაკის ბავშვები, რომლებიც არ სარგებლობენ სამედიცინო პოლისით.

2. დახმარების მისაღებად განმცხადებელმა (მშობელმა) უნდა წარმოადგინოს:

ა) წერილობითი განცხადება;

ბ) განმცხადებლის პირადობის მოწმობა (ასლი);

გ) ბავშვის პირადობის მოწმობა (ასლი) ან დაბადების მოწმობა (ასლი);

დ) ცნობა სამედიცინო დაწესებულებიდან და ანგარიშფაქტურა;

ე) ცნობა სოციალური მომსახურების სააგენტოს ოზურგეთის განყოფილებიდან ოჯახის სარეიტინგო ქულის შესახებ.

3. დახმარება გაიცემა მაქსიმუმ 50%-ის თანადაფინანსებით.

    მუხლი 13. ეკონომიურად შეჭირვებულ მოქალაქეთათვის სამედიცინო

მომსახურების პროგრამა

1. ეკონომიურად შეჭირვებულ პირს, რომელიც სასწრაფო სამედიცინო მომსახურებას საჭიროებს, მაგრამ არ ექვემდებარება სახელმწიფო პროგრამით დაფინანსებას, უფლება აქვს მოითხოვოს სამედიცინო მომსახურების თანადაფინანსება.

2. დახმარების მისაღებად განმცხადებელმა გამგეობაში უნდა წარმოადგინოს შემდეგი დოკუმენტაცია:

ა) წერილობითი განცხადება;

ბ) პირადობის მოწმობა (ასლი);

გ) ცნობა სამედიცინო დაწესებულებიდან (ფორმა 100);

დ) სამედიცინო დაწესებულების მიერ გაცემული ცნობა (ანგარიშ-ფაქტურა) მკურნალობის ან ქირურგიული ოპერაციის ღირებულების შესახებ.

ე) ცნობა სოციალური მომსახურების სააგენტოს ოზურგეთის განყოფილებიდან ოჯახის სარეიტინგო ქულის შესახებ.

 3. გადაწყვეტილების მიღებისას ოზურგეთის მუნიციპალიტეტის გამგეობის მიერ შექმნილი დროებითი კომისია ხელმძღვანელობს წინასწარ განსაზღვრული პრიორიტეტებით.

4. ეს პრიორიტეტები მოიცავს ეკონომიურად შეჭირვებულ მოქალაქეთა რამდენიმე კატეგორიას, ესენია:

•    პირველი კატეგორია: ა) ონკოლოგიური სენით დაავადებული მოქალაქეები; ბ) პენსიონერები, ომის ვეტერანები, ინვალიდები;

•    მეორე კატეგორია აერთიანებს: ა) მარტოხელა დედებს, რომელთაც კმაყოფაზე ჰყავთ არასრულწლოვანი შვილები; ბ) მრავალშვილიან ოჯახებს;

•    მესამე კატეგორია მოიცავს, უბედური შემთხვევების გამო, განსაკუთრებით მძიმე მდგომარეობაში მყოფ მოქალაქეებს.

5. დახმარება გაიცემა, მაგრამ არა უმეტეს 500 (ხუთასი) ლარის ოდენობით, ხოლო განსაკუთრებით მძიმე შემთხვევაში კი დახმარება შეიძლება გაიცეს უფრო მეტი თანხითაც, სათანადო დასაბუთების საფუძველზე. (შესაძლებელია დახმარება გაიცეს მედიკამენტების სახით).

6. თანხის გაცემა ხდება ბანკის მეშვეობით, ან განმცხადებლის პირად ანგარიშზე გადარიცხვით, რისთვისაც განმცხადებელი, მის მიმართ დადებითი გადაწყვეტილების მიღების შემთხვევაში, გამგეობაში დამატებით წარადგენს ბანკში გახსნილი პირადი ანგარიშის მონაცემებს, ან თანხა ჩაირიცხება შესაბამისი სამედიცინო დაწესებულების საბანკო ანგარიშზე, წარმოდგენილი ანგარიშფაქტურის შესაბამისად.

თავი V. სოციალური დახმარების დანიშვნისა და გაცემის ორგანიზება

და ადმინისტრირება

    მუხლი 14. სოციალური დახმარების დანიშვნისა და გაცემის ორგანიზებაზე პასუხისმგებელი უწყება

1. ოზურგეთის მუნიციპალიტეტის მოსახლეობის სოციალური დაცვის ღონისძიებათა მუნიციპალური პროგრამით გათვალისწინებული სოციალური დახმარებების დანიშვნისა და გაცემის ორგანიზებას უზრუნველყოფს გამგეობის შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახური და გამგეობის შესაბამისი სამსახური.

2. ოზურგეთის მუნიციპალიტეტის გამგეობის შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახური პასუხისმგებელია მუნიციპალური დახმარების მიმღებთა (ბენეფიციართა) სიების კომპიუტერულ დამუშავებაზე.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 15. ბენეფიციარის მიერ სოციალური დახმარების დასანიშნად ან მისაღებად

საჭირო დოკუმენტაციის წარდგენა

1. სოციალური დახმარების დასანიშნად ან მისაღებად ბენეფიციარი წერილობით განცხადებ ას და შესაბამის დოკუმენტაციას წარუდგენს ოზურგეთის მუნიციპალიტეტის გამგეობას, რომელსაც უნდა ერთოდეს გამგეობის ტერიტორიული ორგანოს – გამგეობის რწმუნებულის მიერ გაცემული აქტი.

2. გამგეობა უზრუნველყოფს სოციალური დახმარების მთხოვნელთა განცხადებების რეგისტრაციაში გატარებას ქრონოლოგიურად, სპეციალურ, დანომრილ, ბეჭედდასმულ და ზონარგაყრილ ჟურნალში.

3. გამგეობაში შემოსული ყველა განცხადება თანდართული დოკუმენტაციითურთ მათ შესასწავლად და სოციალური დახმარების გაცემის საკითხზე დასვნის მოსამზადებლად ეგზავნება სამსახურს.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 16. სოციალური სამსახურის მიერ განცხადებების განხილვა

1. გამგეობაში შემოსულ ბენეფიციართა განცხადებებს განიხილავს შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახური.

2. საჯაროობის პრინციპის დაცვის უზრუნველყოფის მიზნით, სამსახურის მიერ სოციალური დახმარებების გაცემის საკითხთა განხილვაში შეიძლება მონაწილეობა მიიღონ დაინტერესებული მასობრივი ინფორმაციის საშუალებებისა და საზოგადოებრივი ორგანიზაციების წარმომადგენლებმა.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 17. სოციალური დახმარებების გაცემისას შრომის, საზოგადოებრივი ჯანმრთელობისა და სოციალური დახმარების, ვეტერანთა, ლტოლვილთა და იძულებით გადაადგილებულ პირთა საქმიანობის სამსახურის მიერ გადაწყვეტილების მომზადება

1. სამსახური დახმარების გაცემის საკითხის განხილვისას ხელმძღვანელობს საქართველოს ზოგადი ადმინისტრაციული კოდექსის VI თავით გათვალისწინებული მარტივი ადმინისტრაციული წარმოებით.

2. სოციალური დახმარების გაცემის საკითხის გადაწყვეტა ხდება ინდივიდუალურად, ყოველი კონკრეტული შემთხვევის არსებითად და ყოველმხრივ შესწავლის საფუძველზე.

3. სამსახური უზრუნველყოფს ყოველთვიური დახმარების მიმღებთა ოჯახებში მომხდარი ცვლილებების სისტემატურ შემოწმებას, რის საფუძველზეც შეაქვს შესაბამისი შესწორებები (დახმარების დანიშვნის გაუქმება, შეწყვეტა, აღდგენა) ბენეფიციართა საქმეებში. ცვლილებებში იგულისხმება ბენეფიციართა ახალი ოჯახების გამოვლენა ან გაუქმება, ოჯახის წევრთა მატება-კლება, ბავშვების სრულწლოვანობის დადგომა, და ა.შ.

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 18. სოციალური დახმარების გაცემის შესახებ გადაწყვეტილების მიღება

1. სოციალური დახმარების გაცემის ა და გაცემაზე უარის თქმის შესახებ გადაწყვეტილებ ა ს იღებს მუნიციპალიტეტის გამგებელი, სამსახურის მიერ გაცემული დასკვნის საფუძველზე.

2. მუნიციპალიტეტის გამგებლის ბრძანებით განისაზღვრება ბენეფიციართა პერსონალური შემადგენლობა და ინიშნება სოციალური დახმარება.

3. გადაუდებელ შემთხვევებში, როდესაც აუცილებელია წინამდებარე წესის მე-13 მუხლით გათვალისწინებულ ბენეფიციართათვის სასწრაფო სამედიცინო მომსახურების თანადაფინანსება და როდესაც დაყოვნებამ შესაძლოა სავალალო შედეგები გამოიწვიოს, დახმარება შეიძლება გაიცეს მხოლოდ მუნიციპალიტეტის გამგებლის ბრძანები ს საფუძველზე .

ოზურგეთის მუნიციპალიტეტის საკრებულოს 2012 წლის 18 იანვრის დადგენილება №2 - ვებგვერდი, 31.01.2012წ.

    მუხლი 19. ერთჯერადი ფულადი დახმარების გაცემა

1. გამგებლის ბრძანების ასლი, რომლითაც დამტკიცებულია ბენეფიციართა პერსონალური შემადგენლობა და დანიშნულია სოციალური დახმარება, იგზავნება გამგეობის ბუღალტერიაში, რომელიც უზრუნველყოფს ფულადი დახმარების სათანადო წესით გაცემას.

2. ფულადი დახმარებები გაიცემა ბანკის მეშვეობით, თანხის ბენეფიციარის პირად ანგარიშზე გადარიცხვით ან სამედიცინო დაწესებულებაში გადარიცხვით.

 

Annotate