“საქართველოს სახელმწიფო საქვეუწყებო დაწესებულებათა სპეციალურ რეესტრში რეგისტრაციის შესახებ“

საქართველოს მთავრობის

დადგენილება №55

2004 წლის 9 ივლისი

ქ. თბილისი

საქართველოს სახელმწიფო საქვეუწყებო დაწესებულებათა სპეციალურ რეესტრში რეგისტრაციის შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ 2004 წლის 11 თებერვლის საქართველოს კანონის 25-ე მუხლის მე-8 პუნქტის თანახმად საქართველოს მთავრობა ადგენს:

    მუხლი 1.

სახელმწიფო საქვეუწყებო დაწესებულებათა აღრიცხვისა და მათი საქმიანობის საჯაროობის უზრუნველსაყოფად შეიქმნას სახელმწიფო საქვეუწყებო დაწესებულებათა სპეციალური რეესტრი დანართის მიხედვით.

    მუხლი 2.

სახელმწიფო საქვეუწყებო დაწესებულებათა სპეციალურ რეესტრში შეტანას ახორციელებს საქართველოს მთავრობა საქართველოს მთავრობის კანცელარიის იურიდიული დეპარტამენტის მეშვეობით.

    მუხლი 3.

1. სახელმწიფო საქვეუწყებო დაწესებულებათა სპეციალურ რეესტრში რეგისტრაციის საფუძველია:

ა) საქართველოს კანონი;

ბ) საქართველოს მთავრობის დადგენილება;

გ) საქართველოს პრეზიდენტის ბრძანებულება.

2. სახელმწიფო საქვეუწყებო დაწესებულებათა სპეციალურ რეესტრში რეგისტრაციას საქართველოს მთავრობის კანცელარია უზრუნველყოფს „სახელმწიფო საქვეუწყებო დაწესებულების შექმნის შესახებ“ საქართველოს კანონის ან საქართველოს მთავრობის დადგენილების ძალაში შესვლიდან ერთ თვეში.

საქართველოს მთავრობ ის 2005 წლის 27 მაის ის დადგენი ლება №89 - სსმ III, №64, 27.05.2005 წ., მუხ.671

    მუხლი 4.

სპეციალურ რეესტრში შეტანისას რეგისტრაციის ნომერში მიეთითება შემდეგი 3 რიცხვი, რომელთაგან:

ა) პირველი რიცხვი აღნიშნავს კონკრეტული სამინისტროს კოდს;

ბ) მეორე რიცხვი აღნიშნავს საქვეუწყებო დაწესებულების რიგით ნომერს;

გ) მესამე რიცხვი აღნიშნავს წელს.

    მუხლი 5.

სამინისტროების კოდებია:

– განათლებისა და მეცნიერების – 01

– გარემოს დაცვისა და ბუნებრივი რესურსების – 02

– ეკონომიკური განვითარების – 03

– ენერგეტიკის – 04

– თავდაცვის – 05

– იუსტიციის – 07

– კულტურის, ძეგლთა დაცვისა და სპორტის – 08

– ლტოლვილთა და განსახლების – 09

– საგარეო საქმეთა – 10

– სოფლის მეურნეობის – 12

– ფინანსთა – 13

– შინაგან საქმეთა – 14

– შრომის, ჯანმრთელობისა და სოციალური დაცვის – 15.

საქართველოს მთავრობ ის 2005 წლის 27 მაის ის დადგენი ლება №89 - სსმ III, №64, 27.05.2005 წ., მუხ.671

    მუხლი 6.

სახელმწიფო საქვეუწყებო დაწესებულების რეორგანიზაციის ან ლიკვიდაციისას სპეციალური რეესტრის გრაფაში „შენიშვნა“ მიეთითება სახელმწიფო საქვეუწყებო დაწესებულების რეორგანიზაციის ან ლიკვიდაციის შესახებ გამოცემული ნორმატიული აქტის ნომერი, თარიღი და კეთდება შესაბამისი აღნიშვნა.

    მუხლი 7.

1. დადგენილება ამოქმედდეს გამოქვეყნებისთანავე.

2. საქართველოს მთავრობის კანცელარიამ ამ დადგენილების ძალაში შესვლიდან ორ კვირაში უზრუნველყოს მისი ძალაში შესვლამდე შექმნილი დაწესებულებების სახელმწიფო საქვეუწყებო დაწესებულებათა სპეციალურ რეესტრში რეგისტრაცია.

პრემიერ-მინისტრი ზ. ჟვანია

შეტანილი ცვლილებები:

 1. საქართველოს მთავრობ ის 2005 წლის 27 მაის ის დადგენი ლება №89 - სსმ III, №64, 27.05.2005 წ., მუხ.671

სახელმწიფო საქვეუწყებო დაწესებულებათა სპეციალური რეესტრი

 

Annotate