,,კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ”

✨ ჰკითხე AI-ს ამ კანონის შესახებ
საქართველოს მთავრობის დადგენილება ძველი რედაქცია ადგილობრივი მმართველობა
მიღების თარიღი
28.12.2005 ბოლო ცვლილება 17.08.2007
გამომცემი ორგანო
საქართველოს მთავრობა
ნომერი
№243
სარეგისტრაციო კოდი
010.240.010.10.003.000.377
გამოქვეყნების წყარო
matsne.gov.ge , სსმ, 153, 30/12/2005
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (3)

შემდგომი ცვლილებები (1)

1
„კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ“ საქართველოს მთავრობის 2005 წლის 28 დეკემბრის №243 დადგენილებაში ცვლილებების შეტანის თაობაზე“
17.08.2007

წინა ცვლილებები (2)

2
„კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ“ საქართველოს მთავრობის 2005 წლის 28 დეკემბრის №243 დადგენილებაში ცვლილებების შეტანის თაობაზე“
13.03.2007
3
,,კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ“ საქართველოს მთავრობის 2005 წლის 28 დეკემბრის №243 დადგენილებაში ცვლილებების შეტანის თაობაზე“
22.12.2006
30.12.2005 22.12.2006 13.03.2007 17.08.2007

დოკუმენტის ტექსტი

⇄ რედაქციების შედარება
+

საქართველოს მთავრობის

დადგენილება №243

2005 წლის 28 დეკემბერი

ქ. თბილისი

კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-11 მუხლისა და „საქართველოს მთავრობაში სახელმწიფო მინისტრის თანამდებობის შემოღების შესახებ” საქართველოს პრეზიდენტის 2004 წლის 14 თებერვლის №61 ბრძანებულების შესაბამისად:

1. დამტკიცდეს კონფლიქტების მოგვარების საკითხებში საქართველოს სახელმწიფო მინისტრისა და სახელმწიფო მინისტრის აპარატის თანდართული დებულება და საშტატო ნუსხა.

2. კონფლიქტების მოგვარების საკითხებში საქართველოს სახელმწიფო მინისტრის აპარატის რიცხოვნობა განისაზღვროს 21 ერთეულით.

საქართველოს მთავრობის 2007 წლის 13 მარტის დადგენილება №50 - სსმ III, №40, 23.03.2007 წ., მუხ.465

3. ძალადაკარგულად გამოცხადდეს საქართველოს მთავრობის 2004 წლის 13 აპრილის №19 დადგენილება „კონფლიქტების მოგვარების საკითხებში სახელმწიფო მინისტრის აპარატის შექმნის შესახებ”.

4. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი

შეტანილი ცვლილებები:

1. საქართველოს მთავრობის 2006 წლის 22 დეკემბრის დადგენილება №247 - სსმ III, №173, 25.12.2006 წ., მუხ.2350

2. საქართველოს მთავრობის 2007 წლის 13 მარტის დადგენილება №50 - სსმ III, №40, 23.03.2007 წ., მუხ.465

დანართი №1

კონფლიქტების მოგვარების საკითხებში საქართველოს სახელმწიფო მინისტრის აპარატის

დებულება

    მუხლი 1. ზოგადი დებულებანი

1. კონფლიქტების მოგვარების საკითხებში საქართველოს სახელმწიფო მინისტრის აპარატი (შემდგომში – აპარატი) იქმნება „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-11 მუხლის შესაბამისად.

2. აპარატის საქმიანობის სფეროს განეკუთვნება საქართველოს ტერიტორიაზე მიმდინარე კონფლიქტების, ასევე რელიგიურ, ეთნიკურ, პოლიტიკურ თუ სხვა საფუძველზე შესაძლო დაპირისპირებათა გადაწყვეტისა და პრევენციის პრობლემები.

3. აპარატი თავისი საქმიანობისას ხელმძღვანელობს საქართველოს კონსტიტუციით, კანონებით, საქართველოს პრეზიდენტისა და საქართველოს მთავრობის სამართლებრივი აქტებით, საქართველოს პრემიერ-მინისტრისა და სახელმწიფო მინისტრის ბრძანებებითა და ამ დებულებით.

4. აპარატის სტრუქტურასა და საშტატო ნუსხას საქართველოს სახელმწიფო მინისტრის წარდგენით განსაზღვრავს საქართველოს მთავრობა.

5. საქართველოს სახელმწიფო მინისტრის აპარატს აქვს დასრულებული ბალანსი და ანგარიში ხაზინაში, ხარჯთა ნუსხა და ბეჭედი სახელმწიფო გერბის გამოსახულებით.

6. საქართველოს სახელმწიფო მინისტრი განკარგავს აპარატის საქმიანობისათვის გამოყოფილ სახსრებს.

7. აპარატის ადგილსამყოფელია ქ. თბილისი, რუსთაველის გამზირი №12.

საქართველოს მთავრობის 2006 წლის 22 დეკემბრის დადგენილება №247 - სსმ III, №173, 25.12.2006 წ., მუხ.2350

    მუხლი 2. აპარატის ძირითადი ამოცანები და ფუნქციები

აპარატი:

ა) შეიმუშავებს და შესაბამის დონეზე განსახილველად წარადგენს მოსაზრებებს კონფლიქტების გადაწყვეტის სტრატეგიული კურსისა და კონკრეტული შემთხვევებისათვის ამ მიმართულებით განხორციელებულ ღონისძიებათა შესახებ;

ბ) ამზადებს საქართველოს ეროვნული უშიშროების საბჭოს, საქართველოს პრეზიდენტისა და საქართველოს პრემიერ-მინისტრის შესაბამის გადაწყვეტილებათა პროექტებს და აწესებს გადაწყვეტილებათა შესრულების კონტროლს;

გ) უზრუნველყოფს საქართველოს ტერიტორიაზე კონფლიქტების გადაწყვეტისა და პრევენციის მიზნით საქართველოს სახელმწიფო სტრუქტურების საქმიანობის კოორდინაციას;

დ) წარმართავს ურთიერთობებს საერთაშორისო ორგანიზაციებთან და ქვეყნების წარმომადგენლობებთან, აგრეთვე არასამთავრობო ორგანიზაციებთან, საინიციატივო ჯგუფებთან, კერძო სტრუქტურებთან და დაინტერესებულ ფიზიკურ პირებთან;

ე) კოორდინაციას უწევს საქართველოს დელეგაციების მუშაობას შესაბამის საკითხებზე მოლაპარაკებისას, შეხვედრებსა და ფორუმებზე. უზრუნველყოფს კონფლიქტების პრობლემებთან დაკავშირებული მაღალი და საექსპერტო დონის უწყებათაშორისი კომისიების საქმიანობის ორგანიზებას;

ვ) თავის მოსაზრებებს წარადგენს სახელმწიფო საკადრო პოლიტიკისა და ნომენკლატურული დანიშვნების შესახებ კონფლიქტების საკითხებთან უშუალოდ დაკავშირებულ სახელმწიფო უწყებებში, აგრეთვე ამ ფაქტორით საშიშროების მატარებელ რეგიონებში.

    მუხლი 3. აპარატის შემადგენლობა

ამ დებულებისა და საშტატო ნუსხის შესაბამისად აპარატში დგინდება შემდეგი თანამდებობები:

ა) სახელმწიფო მინისტრის მოადგილე;

ბ) სახელმწიფო მინისტრის მთავარი პოლიტიკური

მრჩეველი;

გ) აფხაზეთის საკითხთა კოორდინატორი;

დ) აფხაზეთის საკითხთა ექსპერტი;

ე) ცხინვალის რეგიონის საკითხთა კოორდინატორი;

ვ) ცხინვალის რეგიონის საკითხთა ექსპერტი;

ზ) პრესასთან ურთიერთობის კოორდინატორი;

თ) პრესასა და საზოგადოებასთან ურთიერთობის ექსპერტი;

ი) არქივარიუსი;

კ) ინფორმაციული უზრუნველყოფის ექსპერტი;

ლ) საერთაშორისო ორგანიზაციების ექსპერტი;

მ) სახელმწიფო მინისტრის აღმასრულებელი თანაშემწე;

ნ) სახელმწიფო მინისტრის მოადგილის აღმასრულებელი თანაშემწე;

ო) ფინანსების მმართველი;

პ) საქმეთამმართველი;

ჟ) სამეურნეო უზრუნველყოფის მმართველი;

რ) სახელმწიფო მინისტრის თანაშემწე;

ს) სახელმწიფო მინისტრის მოადგილის თანაშემწე.

საქართველოს მთავრობის 2006 წლის 22 დეკემბრის დადგენილება №247 - სსმ III, №173, 25.12.2006 წ., მუხ.2350

საქართველოს მთავრობის 2007 წლის 13 მარტის დადგენილება №50 - სსმ III, №40, 23.03.2007 წ., მუხ.465

    მუხლი 4. აპარატის ხელმძღვანელობა

1. აპარატის საერთო ხელმძღვანელობას ახორციელებს საქართველოს სახელმწიფო მინისტრი.

2. აპარატის მიმდინარე საქმიანობას ხელმძღვანელობენ სახელმწიფო მინისტრის მოადგილეები. სახელმწიფო მინისტრის მოადგილეებს თანამდებობაზე ნიშნავს და თანამდებობიდან ათავისუფლებს სახელმწიფო მინისტრი.

3. სახელმწიფო მინისტრის მოადგილეები:

ა) მოქმედებენ სახელმწიფო მინისტრის მითითებით, ხელმძღვანელობენ და კოორდინაციას უწევენ აპარატის საქმიანობას;

ბ) სახელმწიფო მინისტრს თანამდებობებზე დასანიშნად წარუდგენენ აპარატის საშტატო ნუსხით გათვალისწინებულ საჯარო მოსამსახურეთა კანდიდატურებს, აგრეთვე წინადადებებს მათი ფუნქციური მოვალეობების შესახებ;

გ) წარმოადგენენ სახელმწიფო მინისტრს სამთავრობო სტრუქტურებში, შეხვედრებსა და ფორუმებზე, აგრეთვე ასრულებენ მოვალეობას მისი შვებულების, მივლინების ან სხვა აუცილებელი მიზეზით დაწესებულებაში არყოფნის დროს.

საქართველოს მთავრობის 2006 წლის 22 დეკემბრის დადგენილება №247 - სსმ III, №173, 25.12.2006 წ., მუხ.2350

საქართველოს მთავრობის 2007 წლის 13 მარტის დადგენილება №50 - სსმ III, №40, 23.03.2007 წ., მუხ.465

    მუხლი 5. აპარატის თანამშრომლები

სახელმწიფო მინისტრის აპარატის თანამშრომლები წარმოადგენენ საჯარო მოსამსახურეებს, რომლებიც უზრუნველყოფენ ამ დებულებითა და მოქმედი კანონმდებლობით მათთვის დაკისრებული ამოცანების შესრულებას.

    მუხლი 6. დებულებაში ცვლილებებისა და დამატებების შეტანა

აპარატის დებულებაში ცვლილებებისა და დამატებების შეტანა ხორციელდება საქართველოს მთავრობის დადგენილებით.

დანართი №2

კონფლიქტების მოგვარების საკითხებში საქართველოს სახელმწიფო მინისტრის აპარატის საშტატო ნუსხა

№

თანამდებობა

რაოდენობა

 

საქართველოს სახელმწიფო მინისტრი

1

 

1.

სახელმწიფო მინისტრის მოადგილე

2

2.

სახელმწიფო მინისტრის მთავარი პოლიტიკური მრჩეველი

1

3.

აფხაზეთის საკითხთა კოორდინატორი

1

4.

აფხაზეთის საკითხთა ექსპერტი

1

5.

ცხინვალის რეგიონის საკითხთა კოორდინატორი

1

6.

ცხინვალის რეგიონის საკითხთა ექსპერტი

1

7.

პრესასთან ურთიერთობის კოორდინატორი

1

8.

პრესასა და საზოგადოებასთან ურთიერთობის ექსპერტი

1

9.

არქივარიუსი

1

10.

ინფორმაციული უზრუნველყოფის ექსპერტი

1

11.

საერთაშორისო ორგანიზაციების ექსპერტი

1

12.

სახელმწიფო მინისტრის აღმასრულებელი თანაშემწე

1

13.

სახელმწიფო მინისტრის მოადგილის აღმასრულებელი თანაშემწე

2

14.

ფინანსების მმართველი

1

15.

საქმეთამმართველი

1

16.

სამეურნეო უზრუნველყოფის მმართველი

1

17.

სახელმწიფო მინისტრის თანაშემწე

1

18.

სახელმწიფო მინისტრის მოადგილის თანაშემწე

1

 

 ს უ ლ

21

საქართველოს მთავრობის 2006 წლის 22 დეკემბრის დადგენილება №247 - სსმ III, №173, 25.12.2006 წ., მუხ.2350

საქართველოს მთავრობის 2007 წლის 13 მარტის დადგენილება №50 - სსმ III, №40, 23.03.2007 წ., მუხ.465

Annotate

როგორ დავიმოწმოთ

საქართველოს მთავრობის დადგენილება „,,კონფლიქტების მოგვარების საკითხებში საქართველოს სახელმწიფო მინისტრის აპარატის დებულების დამტკიცების შესახებ”“, №243, 28.12.2005, სარეგისტრაციო კოდი 010.240.010.10.003.000.377 (კონსოლიდირებული რედაქცია 13.03.2007). ხელმისაწვდომია: https://legali.ge/law/12382-2/