,,საფინანსო პოლიტიკის შემმუშავებელი სამთავრობო კომისიის შესახებ”

საქართველოს მთავრობის

დადგენილება №5

2006 წლის 12 იანვარი

ქ. თბილისი

საფინანსო პოლიტიკის შემმუშავებელი სამთავრობო კომისიის შესახებ

საქართველოს მთავრობის 2006 წლის 16 მარტის დადგენილება  №56-სსმ III, №35, 17.03.2006წ; მუხ.422

1. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის საფუძველზე შეიქმნას საფინანსო პოლიტიკის შემმუშავებელი სამთავრობო კომისია შემდეგი შემადგენლობით:

ზურაბ ნოღაიდელი – საქართველოს პრემიერ-მინისტრი, კომისიის თავმჯდომარე

ალექსი ალექსიშვილი – საქართველოს ფინანსთა მინისტრი

გიორგი არველაძე – საქართველოს ეკონომიკური განვითარების მინისტრი

კახა ბენდუქიძე – საქართველოს სახელმწიფო მინისტრი რეფორმების კოორდინაციის საკითხებში

ზვიად ხარებავა – საქართველოს პრემიერ-მი-ნისტრის მრჩეველი, კომისიის მდივანი.

    

კომისიის მუშაობაში მონაწილეობა ეთხოვოთ:

შოთა გვენეტაძეს – საქართველოს პარლამენტის წევრს

თამარ გოდერძიშვილს – საჯარო სამართლის იურიდიული პირის – საქართველოს ფასიანი ქაღალდების ეროვნული კომისიის თავმჯდომარის მოადგილეს

რომან გოცირიძეს – საქართველოს ეროვნული ბანკის პრეზიდენტს

ირაკლი კოვზანაძეს – საქართველოს პარალმენტის საფინანსო-საბიუჯეტო კომიტეტის თავმჯდომარეს

არჩილ ცერცვაძეს – საჯარო სამართლის იურიდიული პირის – საქართველოს დაზღვევის სახელმწიფო ზედამხედველობის სამსახურის უფროსს.

საქართველოს მთავრობის 2006 წლის 16 მარტის დადგენილება  №56-სსმ III, №35, 17.03.2006წ; მუხ.422

საქართველოს მთავრობის 2006 წლის 29 ნოემბრის დადგენილება  №222-სსმ III, №162, 01.12.2006წ; მუხ.2206

2. დამტკიცდეს საფინანსო პოლიტიკის შემმუშავებელი სამთავრობო კომისიის თანდართული დებულება.

საქართველოს მთავრობის 2006 წლის 16 მარტის დადგენილება  №56-სსმ III, №35, 17.03.2006წ; მუხ.422

3. დადგენილების შესრულების კონტროლი საქართველოს პრემიერ-მინისტრის დავალებით განახორციელოს კომისიის ერთ-ერთმა წევრმა.

4. დადგენილება ამოქმედდეს გამოქვეყნებისთანავე.

პრემიერ-მინისტრი     ზ. ნოღაიდელი

 

შეტანილი ცვლილებები:

1. საქართველოს მთავრობის 2006 წლის 16 მარტის დადგენილება  №56-სსმ III, №35, 17.03.2006წ; მუხ.422

2. საქართველოს მთავრობის 2006 წლის 29 ნოემბრის დადგენილება  №222-სსმ III, №162, 01.12.2006წ; მუხ.2206

საფინანსო პოლიტიკის შემმუშავებელი სამთავრობო კომისიის

დებულება

    მუხლი 1. ზოგადი დებულებანი

1. საქართველოს საფინანსო პოლიტიკის შემმუშავებელი სამთავრობო კომისია (შემდგომში – კომისია) არის საქართველოს მთავრობის სათათბირო ორგანო, რომელიც საქართველოს მთავრობას წარუდგენს შესაბამის დასკვნებსა და წინადადებებს.

2. კომისია თავის საქმიანობას წარმართავს საქართველოს კანონების, საქართველოს მთავრობის დადგენილებების, განკარგულებებისა და ამ დებულების შესაბამისად.

    მუხლი 2. კომისიის ძირითადი ამოცანები

კომისიის ძირითადი ამოცანა არის საქართველოს მთავრობისათვის შესაბამისი დასკვნებისა და წინადადებების წარდგენა შემდეგ საკითხებზე:

ა) საფინანსო სექტორის მდგრადი განვითარების სტრატეგიის შემუშავება;

ბ) კანონმდებლობაში არსებული ხელშემშლელი ფაქტორების გამოვლენა და მათი აღმოფხვრა;

გ) საინვესტიციო გარემოს შექმნა საფინანსო სექტორში;

დ) ფინანსურ სექტორთან დაკავშირებული სხვა საკითხები.

    მუხლი 3. კომისიის უფლებამოსილებანი

კომისია უფლებამოსილია:

ა) კანონმდებლობით დადგენილი წესით გამოითხოვოს საფინანსო სექტორის შემდგომი განვითარებისა და ლიბერალიზაციის განხორციელებისათვის აუცილებელი ნებისმიერი ინფორმაცია;

ბ) ცალკეული საკითხების მომზადებისა და შემუშავების მიზნით შექმნას სამუშაო ჯგუფები;

გ) კონკრეტული საკითხების გადასაწყვეტად შესაბამისი სფეროებიდან მოიწვიოს სპეციალისტები.

    მუხლი 4. კომისიის ხელმძღვანელობა

1. კომისიის თავმჯდომარე:

ა) ხელმძღვანელობს კომისიის საქმიანობას;

ბ) ამტკიცებს კომისიის სამუშაო განრიგს;

გ) იწვევს და წარმართავს კომისიის სხდომებს;

დ) წარმოადგენს კომისიას მესამე პირებთან ურთიერთობისას.

2. კომისიის მდივანი:

ა) უზრუნველყოფს კომისიის სხდომის გამართვის ორგანიზებას;

ბ) პასუხისმგებელია კომისიის სხდომის ოქმის სწორად და ზუსტად შედგენის, სხდომათა მასალების შენახვისა და დაცვისათვის.

3. კომისიის წევრის უფლებამოსილების ვადამდე შეწყვეტის შემთხვევაში საქართველოს მთავრობა ერთ კვირაში ნიშნავს კომისიის ახალ წევრს.

    მუხლი 5. კომისიის გადაწყვეტილების მიღების წესი

1. კომისიის მიერ გადაწყვეტილება მიიღება დასკვნების სახით კომისიის სხდომებზე.

2. სხდომა უფლებამოსილია მიიღოს გადაწყვეტილება, თუ მას ესწრება კომისიის წევრთა ნახევარზე მეტი.

3. კომისიის სხდომაზე გადაწყვეტილება მიიღება დამსწრეთა ხმების უბრალო უმრავლესობით, მაგრამ სულ ცოტა კომისიის შემადგენლობის 1/3-ის მიერ.

4. კომისიის შეკრების წესსა და ორგანიზებას განსაზღვრავს კომისიის თავმჯდომარე.

    მუხლი 6. კომისიის ორგანიზაციულ-ტექნიკური უზრუნველყოფა

კომისიის საქმიანობის ორგანიზაციულ-ტექნიკურ უზრუნველყოფას ახორციელებს საქართველოს მთავრობის კანცელარია.

    მუხლი 7. კომისიის დებულებაში ცვლილებებისა და დამატებების შეტანის წესი

კომისიის დებულებაში ცვლილებები და დამატებები შეიტანება საქართველოს მთავრობის დადგენილებით კანონმდებლობის შესაბამისად.

Annotate