საქართველოს სახელმწიფო აგრარული უნივერსიტეტის სტატუსის შესახებ
🕸️ გრაფი — კავშირების ვიზუალიზაცია
ცვლილებები (4)
შემდგომი ცვლილებები (1)
წინა ცვლილებები (3)
დოკუმენტის ტექსტი
საქართველოს პრეზიდენტის
ბრძანებულება №55
2001 წლის 14 თებერვალი
ქ. თბილისი
საქართველოს სახელმწიფო აგრარული უნივერსიტეტის სტატუსის შესახებ
„განათლების შესახებ” საქართველოს კანონის მე-15 მუხლის 1-ლი პუნქტისა და საჯარო სამართლის იურიდიული პირის შესახებ” საქართველოს კანონის შესაბამისად:
1. საქართველოს სახელმწიფო აგრარული უნივერსიტეტი ჩამოყალიბდეს საჯარო სამართლის იურიდიულ პირად.
2. (ძალადაკარგულია)
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
3. ბრ ძ ანებულების პირველ პუნქტში მითითებული საჯარო სამართლის იურიდიული პირის საქმიანობის სახელმწიფო ზედამხედველობა განახორციელოს საქარ თ ველოს განათლების სამინისტრომ.
ე.შევარდნაძე
შეტანილი ცვლილებები:
1. საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
2. საქართველოს პრეზიდენტის 2004 წლის 15 ივლისის ბრძანებულება №271 - სსმ III, №72, 15.07.2004 წ., მუხ.637
3. საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
საქართველოს სახელმწიფო აგრარული უნივერსიტეტის წესდება
(ძალადაკარგულია)
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
+
საქართველოს პრეზიდენტის
ბრძანებულება №55
2001 წლის 14 თებერვალი
ქ. თბილისი
საქართველოს სახელმწიფო აგრარული უნივერსიტეტის სტატუსის შესახებ
„განათლების შესახებ” საქართველოს კანონის მე-15 მუხლის 1-ლი პუნქტისა და საჯარო სამართლის იურიდიული პირის შესახებ” საქართველოს კანონის შესაბამისად:
1. საქართველოს სახელმწიფო აგრარული უნივერსიტეტი ჩამოყალიბდეს საჯარო სამართლის იურიდიულ პირად.
2. დამტკიცდეს საქართველოს სახელმწიფო აგრარული უნივერსიტეტის თანდართული წესდება.
2. (ძალადაკარგულია)
3. ბრზანებულების პირველ პუნქტში მითითებული საჯარო სამართლის იურიდიული პირის საქმიანობის სახელმწიფო ზედამხედველობა განახორციელოს საქართველოს განათლების სამინისტრომ.
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
3. ბრძანებულების პირველ პუნქტში მითითებული საჯარო სამართლის იურიდიული პირის საქმიანობის სახელმწიფო ზედამხედველობა განახორციელოს საქართველოს განათლების სამინისტრომ.
ე.შევარდნაძე
შეტანილი ცვლილებები:
1. საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
2. საქართველოს პრეზიდენტის 2004 წლის 15 ივლისის ბრძანებულება №271 - სსმ III, №72, 15.07.2004 წ., მუხ.637
3. საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
საქართველოს სახელმწიფო აგრარული უნივერსიტეტის წესდება
(ძალადაკარგულია)
სტატუსი, ავტონომიურობა
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
მუხლი 1. უნივერსიტეტის სტატუსი🔗
1. საქართველოს სახელმწიფო აგრარული უნივერსიტეტი (შემდგომში – უნივერსიტეტი) არის საჯარო სამართლის იურიდიული პირი, უმაღლესი საგანმანათლებლო დაწესებულება, რომელიც დაფუძნებულია საქართველოს პრეზიდენტის 2001 წლის თებერვლის ბრძანებულებით. უნივერსიტეტი არის საქართველოს სასოფლო-სამეურნეო ინსტიტუტის უფლებამონაცვლე.
2. უნივერსიტეტს, როგორც საჯარო სამართლის იურიდიულ პირს, აქვს სპეციალური უფლებაუნარიანობა. უნივერსიტეტი ახორციელებს მხოლოდ იმ საქმიანობას, რომელიც დადგენილია ამ წესდებით.
3. უნივერსიტეტის სრული სახელწოდებაა: „საჯარო სამართლის იურიდიული პირი –საქართველოს სახელმწიფო აგრარული უნივერსიტეტი”, შემოკლებით: “სსიპ – სსაუ”. უნივერსიტეტის სრული და შემოკლებული სახელწოდება გამოიყენება თანაბარი მნიშვნელობით.
4. უნივერსიტეტს აქვს დამოუკიდებელი საბანკო ანგარიში, შტამპი და ბეჭედი; ბეჭედზე უნდა აისახოს უნივერსიტეტის სრული სახელწოდება ქართულ ენაზე.
5. უნივერსიტეტი თავისი სპეციალური უფლებაუნარიანობის ფარგლებში დებს გარიგებებს; გარიგებები, რომელიც სცილდება უნივერსიტეტის სპეციალური უფლებაუნარიანობის ფარგლებს, ბათილია.
6. უნივერსიტეტი ვალდებულია აწარმოოს საქართველოს კანონმდებლობით დადგენილი დოკუმენტაცია.
7. უნივერსიტეტს უფლება აქვს საკუთარი სახელით სასამართლოში გამოვიდეს მოსარჩელედ და მოპასუხედ.
8. უნივერსიტეტის იურიდიული მისამართია: საქართველო, ქ. თბილისი, დავით აღმაშენებლის ხეივანი, მე-13 კილომეტრი.
მუხლი 2. უნივერსიტეტის ავტონომიურობა🔗
1. უნივერსიტეტი, კანონმდებლობისა და ამ წესდების შესაბამისად, დამოუკიდებლად წყვეტს საგანმანათლებლო პროცესთან და უნივერსიტეტის მართვასთან დაკავშირებულ საკითხებს.
2. უნივერსიტეტს, მმართველი ორგანოების გადაწყვეტილების საფუძველზე, უფლება აქვს:
ა) დამოუკიდებლად გადაწყვიტოს საკადრო საკითხები საქართველოს კანონმდებლობის საფუძველზე და განსაზღვროს უნივერსიტეტის მუშაკთა დანიშვნის წესი;
ბ) განსაზღვროს უნივერსიტეტის საგანმანათლებლო პროგრამა სახელმწიფო საგანმანათლებლო სტანდარტისა და საქართველოს განათლების სამინისტროს მიერ დამტკიცებული საგანმანათლებლო პროგრამის აუცილებელი დაცვის პირობით;
გ) დაადგინოს სასწავლო პროცესის განხორციელების წესი, დაამტკიცოს სპეციალობების ნუსხა, საქართველოს კანონმდებლობით დადგენილი წესით მიანიჭოს სამეცნიერო ხარისხები და სამეცნიერო-პედაგოგიური წოდებები, წარმართოს სამეცნიერო კვლევითი მუშაობა;
დ) განსაზღვროს უნივერსიტეტის სტრატეგიული განვითარების გეგმა;
ე) სასწავლო პროცესის განხორციელებისას განათლების სამინისტროს რეკომენდაციის საფუძველზე თავად აირჩიოს სასწავლო ლიტერატურა;
ვ) დამოუკიდებლად დაამყაროს კავშირი სხვა საგანმანათლებლო (მათ შორის უცხოეთის) დაწესებულებებთან თავისი საგანმანათლებლო პროგრამის ფარგლებში და საზღვარგარეთის სასწავლო-სამეცნიერო ცენტრებთან ერთობლივად გამოსცეს საერთაშორისო სამეცნიერო ჟურნალები და კრებულები;
ზ) საქართველოს კანონმდებლობითა და ამ წესდებით დადგენილი წესით დამოუკიდებლად მართოს ქონება და ფინანსური სახსრები;
თ) საქართველოს კანონმდებლობითა და ამ წესდებით დადგენილი წესით გადაწყვიტოს მის გამგებლობას მიკუთვნებული სხვა საკითხები.
2. უნივერსიტეტის ავტონომიურობა ვრცელდება მთელ იმ ტერიტორიაზე, სადაც განლაგებულია უნივერსიტეტის მფლობელობასა და/ან სარგებლობაში არსებული შენობა-ნაგებობანი.
საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
საქმიანობის საგანი
მუხლი 3. საქმიანობის საგანი🔗
1. უნივერსიტეტის საქმიანობის საგანია აგრარული და ასევე სხვა პროფილის:
ა) კომპეტენტური და მაღალზნეობრივი სპეციალისტების მომზადება და გადამზადება;
ბ) ფუნდამენტური კვლევითი და გამოყენებითი სამეცნიერო მუშაობა;
გ) სამეცნიერო-პედაგოგიური კადრების მომზადება და გადამზადება, პედაგოგიური პერსონალის კვალიფიკაციის ამაღლების უზრუნველყოფა.
უნივერსიტეტის სტრუქტურა. სასწავლო პროცესი და სამეცნიერო-კვლევითი მუშაობა
მუხლი 4. უნივერსიტეტის სტრუქტურული ერთეულები და მათი ფუნქცია🔗
1. უნივერსიტეტის ძირითადი სასწავლო, მეთოდური, სამეცნიერო-კვლევითი სტრუქტურული ერთეულებია:
ა) უნივერსიტეტის ფაკულტეტები (შესაბამისი კათედრებით და სასწავლო კაბინეტ-ლაბორატორიებით);
ბ) უნივერსიტეტში შემავალი ინსტიტუტები და ფილიალები;
გ) სასწავლო-სამეცნიერო და საცდელი ბაზები, სხვა საუნივერსიტეტო ქვედანაყოფები.
2. სასწავლო ფაკულტეტები/ადგილსამყოფელი: ქ. თბილისი, დავით აღმაშენებლის ხეივანი, მე-13 კმ/:
ა) აგრონომიული ფაკულტეტი;
ბ) ტექნოლოგიისა და მებაღეობა-მევენახეობის ფაკულტეტი;
გ) სატყეო-სამეურნეო ფაკულტეტი;
დ) მექანიზაციის ფაკულტეტი;
ე) ელექტრიფიკაციის და ავტომატიზაციის ფაკულტეტი;
ვ) ჰიდრომელიორაციის და საინჟინრო ეკოლოგიის ფაკულტეტი;
ზ) ეკონომიკურ-ჰუმანიტარული ფაკულტეტი;
თ) დაუსწრებელი სწავლების ფაკულტეტი და არასაბიუჯეტო სწავლების სექტორი;
ი) მოსამზადებელი ფაკულტეტი რეგიონალური ფილიალებით, ლიცეუმი და კოლეჯი.
3. საუნივერსიტეტო დაქვემდებარების ქვედანაყოფები (ადგილსამყოფელი: ქ.თბილისი, დავით აღმაშენებლის ხეივანი, მე-13 კმ):
ა) სამხედრო კათედრა;
ბ) სასწავლო-მეთოდური სამმართველო;
გ) სამეცნიერო ცენტრი;
დ) სამეცნიერო ბიბლიოთეკა;
ე) სარედაქციო-საგამომცემლო განყოფილება;
ვ) ასპირანტურის და დოქტორანტურის განყოფილება;
ზ) სწავლული მდივნის სამსახური;
თ) კადრების სამმართველო;
ი) ადმინისტრაციულ-სამეურნეო ნაწილი (შესაბამისი განყოფილებებით);
კ) ეკონომიკისა და ფინანსების სამმართველო;
ლ) საბუღალტრო აღრიცხვისა და ანგარიშსწორების სამმართველო;
მ) საგარეო ურთიერთობების სამსახური;
ნ) საერთო განყოფილება;
ო) ფიზიკური აღზრდისა და სპორტის კათედრა.
4. უნივერსიტეტის სტრუქტურაში შემავალი სასწავლო, სამეცნიერო-კვლევითი ინსტიტუტები და ფილიალები:
ა) მეაბრეშუმეობის სასწავლო-კვლევითი ინსტიტუტი
(ადგილსამყოფელი – ქ.თბილისი, დავით აღმაშენებლის ხეივანი, მე-13კმ);
ბ) სამთო სოფლის მეურნეობის სამეცნიერო-კვლევითი ინსტიტუტი
(ადგილსამყოფელი – ქ.თბილისი, დავით აღმაშენებლის ხეივანი, მე-13 კმ);
გ) მართვის სახელმწიფო ინსტიტუტი;
(ადგილსამყოფელი – ქ. მარნეული, ერეკლე II ქუჩა № 21);
დ) ბათუმის სასოფლო-სამეურნეო ინსტიტუტი (ადგილსამყოფელი – ქ. ბათუმი, მწვანე კონცხი);
ე) თელავის ფილიალი (ადგილსამყოფელი – ქ.თელავი, თბილისის გზატკეცილი №26).
5. სასწავლო-სამეცნიერო და საცდელი ბაზები და სხვა ორგანიზაციები:
ა) სასწავლო-სამეცნიერო ბაზა “დიღომი” (ადგილსამყოფელი – ქ.თბილისი, დიღომი);
ბ) სასწავლო-საცდელი ბაზა “მუხრანი” (ადგილსამყოფელი – მცხეთის რაიონი, სოფ. მუხრანი);
გ) მეცხოველეობა-მეთესლეობის სასწავლო-ექსპერიმენტული ბაზა “იმედი” (ადგილსამყოფელი – მცხეთის რაიონი, სოფ. მუხრანი);
დ) სასწავლო-სამეცნიერო და საწარმოო გაერთიანება “აგროტრანსსერვისი” (ადგილსამყოფელი ქ.თბილისი, დიღომი);
ე) სტამბა (ადგილსამყოფელი – ქ.თბილისი, დიღომი).
6. უნივერსიტეტის ძირითადი სტრუქტურული ერთეულები ახორციელებენ სასწავლო, მეთოდურ, სამეცნიერო-კვლევით მუშაობას.
7. სტრუქტურული ერთეულების ფუნქციები, მმართველი ორგანოების სისტემა და მუშაობის წესი განისაზღვრება შესაბამისი დებულებით, რომელსაც რექტორის წარდგინებით ამტკიცებს სამეცნიერო საბჭო.
საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
საქართველოს პრეზიდენტის 2004 წლის 15 ივლისის ბრძანებულება №271 - სსმ III, №72, 15.07.2004 წ., მუხ.637
მუხლი 5. სასწავლო პროცესი🔗
1. უნივერსიტეტის სასწავლო პროცესისა და სამეცნიერო-კვლევითი მუშაობის ორგანიზაციის ფორმები დგინდება უნივერსიტეტის შინაგანაწესით, რომელსაც რექტორის წარდგინებით ამტკიცებს სამეცნიერო საბჭო. შინაგანაწესი უნდა შეესაბამებოდეს საქართველოს კანონმდებლობას.
2. უნივერსიტეტის შინაგანაწესით დგინდება უნივერსიტეტში სტუდენტთა ჩარიცხვის, მომდევნო კურსზე ან სხვა ფაკულტეტზე გადაყვანის, აგრეთვე კურსზე დატოვებისა და უნივერსიტეტიდან გარიცხვის პირობები და წესები, სტუდენტთა ცოდნის შეფასების სისტემა და კრიტერიუმები, ქცევისა და სწავლის პირობები, სტუდენტთა უფასო და ფასიანი მომსახურების სახეები, სასწავლო რეჟიმი (სასწავლო მეცადინეობათა ყოველდღიური რაოდენობა, სასწავლო გეგმითა და საუნივერსიტეტო განრიგით განსაზღვრული თანმიმდევრობა, ლექციებს შორის შესვენებათა ხანგრძლივობა და გრაფიკი, სასწავლო პროცესის შიდაკონტროლის წესი და განხორცილების ფორმები ... ). შინაგანაწესი არ შეიძლება შეიცვალოს მიმდინარე სასწავლო წლის განმავლობაში.
3. მოქმედი კანონმდებლობით დადგენილი წესით ბავშვობიდან ინვალიდებისათვის (დიაბეტით დაავადებულები და სხვ.) სწავლის აუცილებელი პირობების შესაქმნელად შინაგანაწესით შეიძლება დადგინდეს ისეთი შეღავათები, რომლებიც ხელს შეუწყობენ მათ სრულფასოვან ინტეგრაციას სასწავლო პროცესში. შეღავათებით არ შეიძლება დადგინდეს დაბალი საგანმანათლებლო სტანდარტი, გამოცდის, ატესტაციისა და ცოდნის შეფასების სხვა ფორმებისაგან გათავისუფლება.
4. უნივერსიტეტის შინაგანაწესით არ შეიძლება შეიზღუდოს სასწავლო პროცესის მონაწილეთა უფლებები, რომლებიც დადგენილია საქართველოს კანონმდებლობით.
მუხლი 6. სწავლების ფორმა🔗
1. უნივერსიტეტში სწავლება ხორციელდება დასწრებული და დაუსწრებელი სწავლების ფორმით საქართველოს განათლების სამინისტროსთან შეთანხმებით.
მუხლი 7. საგანმანათლებლო სერტიფიკატი🔗
1. უნივერსიტეტი მისი საგანმანათლებლო პროგრამის წარმატებით ათვისებისა და სტუდენტის მიერ სახელმწიფო ატესტაციის გავლის შემთხვევაში გასცემს სახელმწიფო საგანმანათლებლო სერტიფიკატს.
მუხლი 8. სამეცნიერო ხარისხებისა და წოდებების მიმნიჭებელი საბჭოები🔗
1. უნივერსიტეტთან იქმნება სადისერტაციო საბჭოები სამეცნიერო ხარისხების დაცვისა და მინიჭებისათვის, რომლებიც თავის მუშაობას წარმართავენ საქართველოს კანონმდებლობით დადგენილი წესით.
2. პროფესორისა და დოცენტის სამეცნიერო-პედაგოგიური წოდებების მინიჭებისათვის უნივერსიტეტთან იქმნება პროფესორთა საბჭო, რომელიც მოქმედებს საქართველოს განათლების სამინისტროს მიერ დადგენილი წესით.
უნივერსიტეტის მართვა. უნივერსიტეტის მუშაკები
მუხლი 9. უნივერსიტეტის ხელმძღვანელი და მმართველი ორგანოებია:🔗
ა) რექტორი; ბ) რექტორატი; გ) დეკანატი; დ) სამეცნიერო საბჭო.
მუხლი 10. რექტორი🔗
1. რექტორი არის უნივერსიტეტის უმაღლესი თანამდებობის პირი. იგი წარმართავს უნივერსიტეტის საქმიანობას, ხელმძღვანელობს სამეცნიერო საბჭოსა და რექტორატს, წარმოადგენს უნივერსიტეტს სხვა ფიზიკურ და იურიდიულ პირებთან ურთიერთობაში და მოქმედებს უნივერსიტეტის სახელით, ასრულებს ამ წესდებით დადგენილ სხვა ფუნქციებს.
2. უნივერსიტეტის რექტორის არჩევა და დამტკიცება ხდება განათლების შესახებ საქართველოს კანონისა და უნივერსიტეტის წესდების მიხედვით. რექტორის უფლებამოსილების ვადის გასვლამდე არა უადრეს 60 დღისა და არა უგვიანეს 45 დღისა სამეცნიერო საბჭო ვალდებულია გამართოს რექტორის არჩევნები. უნივერსიტეტის რექტორობის კანდიდატი უნდა იყოს აგრარული პროფილის მეცნიერი, პროფესორი, უნივერსიტეტის ძირითადი თანამშრომელი, უმაღლეს სასწავლებელში ან სამეცნიერო-კვლევით დაწესებულებაში ხელმძღვანელ თანამდებობაზე მუშაობის გამოცდილებით და უმაღლეს სასწავლებელში პედაგოგიური მუშაობის სულ ცოტა 10 წლის სტაჟით.
3. გადაწყვეტილება რექტორის თანამდებობის დასაკავებლად კონკურსის გამოცხადების შესახებ გამოაქვს სამეცნიერო საბჭოს. საბჭოს ამავე სხდომაზე ღია კენჭისყრით აირჩევა საორგანიზაციო კომისია, რომელიც შემდგომში წარმართავს რექტორის არჩევნების პროცესს. რექტორი აგრძელებს თავისი მოვალეობის შესრულებას სამეცნიერო საბჭოს მიერ რექტორის არჩევამდე.
4. რექტორის არჩევა ხდება უნივერსიტეტის სრული საგანმანათლებლო პროგრამის (ბაკალავრიატი + მაგისტრატურა) – 6 წლის ვადით.
5. რექტორს ირჩევს უნივერსიტეტის სამეცნიერო საბჭო კანონმდებლობით დადგენილი პროცედურის დაცვით. კონკურსის შედეგად არჩეულ კანდიდატს კონკურსის შედეგების დადგენიდან ათ დღეში სამეცნიერო საბჭო წარუდგენს საქართველოს განათლების მინისტრს, რომელიც კანდიდატს კანონმდებლობით დადგენილი წესით დასამტკიცებლად წარუდგენს საქართველოს პრეზიდენტს.
6. რექტორი პასუხისმგებელია სასწავლო, სამეცნიერო, აღმზრდელობით და საორგანიზაციო-სამეურნეო საქმიანობის ხარისხისა და დონისათვის უმაღლეს სასწავლებლებში.
7. რექტორის უფლებამოსილება, კომპეტენცია სახელმწიფო უმაღლესი სასწავლებლების მართვაში, მისდამი დაქვემდებარებული კოლექტივის ხელმძღვანელობაში ქმნის რექტორის სტატუსს, რომელიც განისაზღვრება საქართველოს საკანონმდებლო და კანონქვემდებარე ნორმატიული სამართლებრივი აქტებით, უმაღლესი სასწავლებლის წესდებით.
8. რექტორი უფლებამოსილია:
ა) საქართველოს კანონმდებლობით დადგენილი წესით სამსახურში მიიღოს და გაათავისუფლოს ყველა მუშაკი;
ბ) შეიმუშაოს მმართველი ორგანოების სტრუქტურა, შემადგენლობა და უზრუნველყოს მათი ფუნქციონირება;
გ) განიხილოს და დაამტკიცოს საუნივერსიტეტო ნორმატიული აქტები;
დ) დადგენილი წესით განსაზღვროს ფონდების გამოყენების მიმართულებები;
ე) კანონით ნებადართული წესით განაგოს უნივერსიტეტის ქონება, გახსნას და დახუროს ბანკში უნივერსიტეტის ანგარიში;
ვ) ხელმოწერითა და ბეჭდით დაადასტუროს უნივერსიტეტის დოკუმენტაცია;
ზ) უნივერსიტეტის საგანმანათლებლო პროგრამის ფარგლებში დაამყაროს კავშირი სხვა საგანმანათლებლო, მათ შორის უცხოეთის, დაწესებულებებთან;
თ) განახორციელოს ამ წესდებით დადგენილი სხვა უფლებამოსილებები;
ი) საკანონმდებლო აქტების, ამ წესდებით დადგენილი უფლებამოსილების ფარგლებში რექტორი გამოსცემს შესასრულებლად სავალდებულო ბრძანებებს.
9. რექტორი სამეცნიერო საბჭოსთან კონსულტაციის საფუძველზე უფლებამოსილია.
ა) შემოიღოს და გააუქმოს სპეციალობები საქართველოს განათლების სამინისტროსთან შეთანხმებით;
ბ) განსაზღვროს და დაამტკიცოს სტუდენტთა (მათ შორის უცხოელ სტუდენტთა) მიღებისა და ჩარიცხვის ფორმები და წესი მოქმედი კანონმდებლობის შესაბამისად.
10. რექტორი პასუხისმგებელია უნივერსიტეტის საქმიანობის კანონიერებისა და ეფექტიანობისათვის, უნივერსიტეტის მიერ საქართველოს კანონმდებლობით დადგენილი დოკუმენტაციის ზუსტი წარმოებისათვის, უნივერსიტეტის მიერ გაცემულ დოკუმენტაციაში მითითებული მონაცემების სიზუსტისათვის.
11. რექტორი ანგარიშვალდებულია უნივერსიტეტის სამეცნიერო საბჭოს წინაშე უნივერსიტეტის სასწავლო, სამეცნიერო, საფინანსო-ეკონომიკურ და სოციალურ საქმიანობაზე.
12. რექტორს თანამდებობიდან ვადაზე ადრე საქართველოს კანონმდებლობით დადგენილი საფუძვლების არსებობის შემთხვევაში საქართველოს განათლების მინისტრის წარდგინების საფუძველზე ათავისუფლებს საქართველოს პრეზიდენტი.
13. რექტორის მატერიალური სტიმულირება და გარანტიები უზრუნველყოფილია საქართველოს კანონმდებლობით დადგენილი წესით.
მუხლი 11. უნივერსიტეტის რექტორატი. ფაკულტეტის დეკანატი🔗
1. უნივერსიტეტის რექტორატში შედიან: რექტორი, პრორექტორები, დეკანები და უნივერსიტეტის სტრუქტურული ქვედანაყოფების ზოგიერთი ხელმძღვანელი.
2. პრორექტორების რაოდენობა და ფუნქციები დგინდება უნივერსიტეტის შინაგანაწესით. პრორექტორობის კანდიდატებს რექტორის წარდგინებით ამტკიცებს სამეცნიერო საბჭო, რომლის გადაწყვეტილება საბოლოოდ ფორმდება რექტორის ბრძანებით.
3. უნივერსიტეტის რექტორატის შემადგენლობას ადგენს და ამტკიცებს უნივერსიტეტის რექტორი ბრძანებით.
4. დეკანის არჩევა ხდება შესაბამისი ფაკულტეტის საბჭოს მიერ ალტერნატიული პრინციპით, კონკურსის წესით არსებული კანონმდებლობის შესაბამისად საგანმანათლებლო პროგრამის ვადით. დეკანად შეიძლება არჩეულ იქნეს ფაკულტეტის შესაბამისი პროფილის სპეციალისტი, რომელსაც უნდა ჰქონდეს სამეცნიერო-პედაგოგიური მუშაობის გამოცდილება, სამეცნიერო ხარისხი და წოდება, უმაღლეს სასწავლებელში პედაგოგიური მუშაობის სულ ცოტა 10 წლის სტაჟი. დეკანის არჩევის შედეგები ფორმდება რექტორის ბრძანებით.
5. დეკანის მოადგილეს დეკანის წარდგინებით ნიშნავს რექტორი.
6. მმართველი ორგანოები მუშაობენ აკადემიური, სამეცნიერო, სოციალურ-კულტურული, საფინანსო-ეკონომიკური, საინფორმაციო და სხვა მიმართულებებით. ისინი ანგარიშვალდებული არიან უნივერსიტეტის რექტორისა და მისი საბჭოს წინაშე.
7. მმართველ ორგანოებს უფლება აქვთ შევიდნენ უნივერსიტეტის სამეცნიერო საბჭოში რეკომენდაციებითა და წინადადებებით.
8. უნივერსიტეტის რექტორატი სამეცნიერო საბჭოსთან შეთანხმებით შეიმუშავებს უნივერსიტეტის არასაბიუჯეტო ფინანსური რესურსების ხარჯთა ნუსხების პროექტს.
9. უნივერსიტეტის რექტორატს უფლება აქვს სამეცნიერო საბჭოსთან შეთანხმებით დადგენილი წესითა და პირობებით არასაბიუჯეტო ფინანსური რესურსების არსებობის შემთხვევაში დანიშნოს სახელმწიფო სტიპენდიების დანამატები და უნივერსიტეტის სტიპენდიები, ხელფასები და მათი დანამატები, გასცეს პრემიები, ჯილდოები, ფინანსური დახმარება.
10. რექტორატის წევრებისათვის ხელფასის დანამატის დანიშვნის, პრემიის, ჯილდოსა და უნივერსიტეტის შინაგანაწესით გათვალისწინებული სხვა ფინანსური დახმარების გაცემის საკითხს შინაგანაწესით განსაზღვრული წესით, სამეურვეო საბჭოს წინადადების საფუძველზე წყვეტს სამეცნიერო საბჭო.
11. უნივერსიტეტის სამეცნიერო საბჭო კანონმდებლობით დადგენილი წესით განსაზღვრავს სამეწარმეო (კომერციული) საქმიანობიდან, ფასიანი საგანმანათლებლო მომსახურებიდან მიღებული საკუთარი შემოსავლების (სპეციალური სახსრების) საბანკო ანგარიშების გახსნისა და ხარჯვის წესს და სრულად განკარგავს ამ სახსრებს.
საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
მუხლი 12. სამეცნიერო საბჭო🔗
1. სამეცნიერო საბჭო არის უნივერსიტეტის მართვის არჩევითი ორგანო, რომლის შექმნისა და საქმიანობის წესი და უფლებამოსილება განისაზღვრება საქართველოს საკანონმდებლო აქტებითა და ამ წესდებით.
2. სამეცნიერო საბჭოს შედგენილობაში შედიან (რექტორი, პრორექტორები, უნივერსიტეტის სტრუქტურული ერთეულების ხელმძღვანელები (დეკანები, კათედრებისა და განყოფილებების გამგეები), წამყვანი პროფესორ-მასწავლებლები, სტუდენტთა და ასპირანტთა წარმომადგენლები. სამეცნიერო საბჭოში სულ ცოტა სამ წევრს ირჩევენ უნივერსიტეტის სტუდენტთა ორგანიზაციები უნივერსიტეტის შინაგანაწესით დადგენილი წესით. სამეცნიერო საბჭოს წევრთა რაოდენობა და შემადგენლობა მტკიცდება რექტორის ბრძანებით. სამეცნიერო საბჭოს მუშაობაში სათათბირო ხმის უფლებით მონაწილეობის მიღება შეუძლია უნივერსიტეტის ყველა პედაგოგს.
3. სამეცნიერო საბჭო:
ა) წარმართავს უნივერსიტეტის სასწავლო, სამეცნიერო და მეთოდურ საქმიანობას. იგი უფლებამოსილია მოქმედი კანონმდებლობით დადგენილი წესით ცვლილებები შეიტანოს დაწესებულების საგანმანათლებლო პროგრამაში;
ბ) რექტორის წარდგინებით ამტკიცებს უნივერსიტეტის პრორექტორებს, ინსტიტუტების, ფილიალებისა და სხვა სტრუქტურული ერთეულების ხელმძღვანელებს, საბოლოოდ ფორმდება რექტორის ბრძანებით;
გ) ირჩევს რექტორს, კათედრების გამგეებსა და კათედრების პროფესორებს;
დ) წარადგენს და გამოიწვევს თავის წარმომადგენლებს დაწესებულების სამეურვეო საბჭოში; ისმენს სამეურვეო საბჭოში თავისი წარმომადგენლების ანგარიშს;
ე) განიხილავს უნივერსიტეტში არსებულ მდგომარეობას და აფასებს მას. თავის რეკომენდაციებს წარუდგენს რექტორს;
ვ) უფლებამოსილია უნივერსიტეტის საპატიო დოქტორად აირჩიოს უცხოეთის გამოჩენილი სპეციალისტები, ცნობილი მეცნიერები და საზოგადო მოღვაწეები;
ზ) ასრულებს ამ წესდებითა და უნივერსიტეტის შინაგანაწესით დადგენილ სხვა ფუნქციებს;
თ) სასწავლო, სამეცნიერო და სხვა საკითხებზე გადაწყვეტილებას იღებს ღია კენჭისყრით ხმის უბრალო უმრავლესობით;
ი) ვაკანტურ თანამდებობებზე არჩევას აწყობს ფარული კენჭისყრით, მაგრამ თუ ვაკანტური თანამდებობის დასაკავებლად კონკურსი არ არის, მაშინ სამეცნიერო საბჭოს თანხმობით არჩევა შეიძლება გაიმართოს ღია კენჭისყრით უნივერსიტეტის საარჩევნო დებულების შესაბამისად.
4. სამეცნიერო საბჭოს ხელმძღვანელობს უნივერსიტეტის რექტორი.
5. სამეცნიერო საბჭოს საქმიანობის დეტალური წესები დგინდება უნივერსიტეტის შინაგანაწესით.
მუხლი 13. სამეურვეო საბჭო🔗
1. უნივერსიტეტში ფინანსური და მატერიალური რესურსების მოზიდვის, დაწესებულების ბიუჯეტით განსაზღვრული სახსრების განკარგვისა და კონტროლის მიზნით იქმნება სამეურვეო საბჭო.
2. სამეურვეო საბჭოს უფლებამოსილების ვადაა სამი წელი. ამასთანავე უფლებამოსილების ვადა გრძელდება სამეურვეო საბჭოს ახალი შემადგენლობის არჩევამდე. გამოკლებული წევრის ნაცვლად არჩეული (დანიშნული) წევრის უფლებამოსილება განისაზღვრება სამეურვეო საბჭოს დარჩენილი უფლებამოსილების ვადით.
3. სამეურვეო საბჭოს წევრთა რაოდენობაა თერთმეტი წევრი. საბჭოს წევრებს ნიშნავენ (ირჩევენ) და ათავისუფლებენ:
ა) საქართველოს განათლების სამინისტრო – ორ წევრს;
ბ) სამეცნიერო საბჭო – სამ წევრს თავისი შემადგენლობიდან, ხოლო სამ წევრს მოწვეულ პირთაგან;
გ) სტუდენტთა ორგანიზაციები შინაგანაწესით დადგენილი წესით – სამ წევრს.
4. სამეურვეო საბჭოს წევრად არ შეიძლება დაინიშნოს (აირჩეს) რექტორი ან რექტორატის წევრები, დეკანები და მათი მოადგილეები.
5. სამეურვეო საბჭო შექმნილად ითვლება სრული შემადგენლობის სულ ცოტა ორი მესამედის დანიშვნის (არჩევის) დღიდან. შექმნიდან 10 დღეში საბჭო თავის წევრთაგან სიითი შემადგენლობის უმრავლესობით საბჭოს უფლებამოსილების ვადით ფარული კენჭისყრით ირჩევს თავმჯდომარესა და მის მოადგილეს.
6. სამეურვეო საბჭო:
ა) ხელს უწყობს უნივერსიტეტში ფინანსური და მატერიალური რესურსების მოზიდვას;
ბ) შინაგანაწესით დადგენილ ვადებში და წესით ამტკიცებს უნივერსიტეტის არასაბიუჯეტო ფინანსური რესურსების ხარჯთა ნუსხას;
გ) აკონტროლებს უნივერსიტეტის საბიუჯეტო და არასაბიუჯეტო ფინანსური რესურსების ხარჯვის კანონიერებას და ამტკიცებს შესაბამის ანგარიშებს;
დ) ასრულებს ამ წესდებითა და შინაგანაწესით განსაზღვრულ სხვა უფლებამოსილებებს.
7. სამეურვეო საბჭოს მუშაობის ორგანიზაცია დგინდება უნივერსიტეტის შინაგანაწესით.
მუხლი 14. უნივერსიტეტის მუშაკთა უფლება-მოვალეობანი🔗
1. უნივერსიტეტის მუშაკთა მოვალეობა, შესასრულებელი სამუშაო, ხელფასი და სამსახურის ვადა განისაზღვრება შინაგანაწესით, უნივერსიტეტსა და მუშაკს შორის დადებული ხელშეკრულებით.
2. უნივერსიტეტის მუშაკს უფლება აქვს შინაგანაწესითა და ხელშეკრულებით განსაზღვრულ ფარგლებში მონაწილეობდეს უნივერსიტეტის მართვაში.
3. უნივერსიტეტის პედაგოგი ვალდებულია:
ა) შეასრულოს უნივერსიტეტის წესდებითა და მასთან დადებული ხელშეკრულებით დადგენილი პირობები;
ბ) საქართველოს კანონმდებლობით დადგენილი წესითა და ვადებში აიმაღლოს კვალიფიკაცია;
გ) დაიცვას პროფესიული ეთიკის ნორმები.
უნივერსიტეტის ქონება, დაფინანსება, საბუღალტრო ანგარიშგება და კონტროლი
მუხლი 15. უნივერსიტეტის ქონება🔗
1. უნივერსიტეტს დასახული მიზნებისა და დაკისრებული ფუნქციების განსახორციელებლად სახელმწიფოსაგან უსასყიდლო უზუფრუქტის უფლებით გადაცემული აქვს სახელმწიფო ქონება, რომელიც გამოიყენება მხოლოდ ამ წესდებით დადგენილი მიზნების მისაღწევად. უნივერსიტეტისათვის გადაცემული ქონების მფლობელობისა და სარგებლობის რეჟიმი დგინდება საქართველოს სამოქალაქო კოდექსის შესაბამისად დადებული უზუფრუქტის ხელშეკრულებით.
2. უნივერსიტეტს საქართველოს განათლების სამინისტროს თანხმობის გარეშე ეკრძალება:
ა) უძრავი ქონების შეძენა, დატვირთვა და გასხვისება;
ბ) სესხის აღება; თავდებობა;
გ) საშტატო ნუსხისა და ხელფასის ფონდის განსაზღვრა;
დ) სხვა გადაწყვეტილებების მიღება უნივერსიტეტის ქონებასთან დაკავშირებით, თუ ისინი სცილდება უნივერსიტეტის ამ წესდებით დადგენილი საქმიანობის ფარგლებს.
3. ამ მუხლის მე-2 პუნქტის “ბ” ქვეპუნქტში მითითებული გარიგების დადებისათვის აუცილებელია აგრეთვე საქართველოს ფინანსთა სამინისტროს თანხმობა.
4. სახელმწიფო კონტროლის განმახორციელებელი ორგანოს უარი ამ მუხლის მე-2 და მე-3 პუნქტებში მითითებული გარიგებების დადებაზე უნდა იყოს დასაბუთებული. უარი შეიძლება გასაჩივრდეს სასამართლოში.
5. ამ მუხლის მე-2 და მე-3 პუნქტებით განსაზღვრული გარიგებების დადებისათვის სავალდებულოა სამეცნიერო საბჭოს წერილობითი თანხმობა. რექტორი ვალდებულია სამეცნიერო საბჭოს წერილობით წარუდგინოს შესაბამისი გარიგების პროექტი და გარიგების განმარტებითი ბარათი, რომელშიც დეტალურად იქნება დასაბუთებული გარიგების დადების მიზანშეწონილობა, მისი გავლენა სასწავლო პროცესზე, მოსალოდნელი ეკონომიკური ეფექტი და სხვა შესაძლო შედეგები.
6. მე-2 და მე-3 პუნქტებით განსაზღვრული გარიგებების დადებისათვის საჭირო თანხმობის მისაღებად რექტორი ვალდებულია მაკონტროლებელ ორგანოს წარუდგინოს შესაბამისი გარიგების პროექტი და გარიგების განმარტებითი ბარათი, რომელშიც დეტალურად იქნება დასაბუთებული გარიგების დადების მიზანშეწონილობა, მოსალოდნელი ეკონომიკური ეფექტი და სხვა შესაძლო შედეგები, აგრეთვე სამეცნიერო საბჭოს წერილობითი თანხმობები.
მუხლი 16. დაფინანსება🔗
1. უნივერსიტეტის დაფინანსების წყაროა:
ა) სახელმწიფო ბიუჯეტიდან გამოყოფილი მიზნობრივი სახსრები;
ბ) სახელმწიფო შეკვეთის შესრულებით მიღებული შემოსავალი;
გ) სამოქალაქო გარიგებებით მიღებული შემოსავალი;
დ) შემოწირულობები; გრანტები;
ე) საქართველოს კანონმდებლობით ნებადართული სხვა შემოსავლები.
2. უნივერსიტეტის სახსრები და შემოსავლები მთლიანად ხმარდება დაწესებულების მიზნებისა და ფუნქციების შესრულებას. უნივერსიტეტის სახსრებისა და შემოსავლების გამოყენება რაიმე სხვა მიზნით აკრძალულია.
მუხლი 17. საბუღალტრო ანგარიშგება🔗
1. უნივერსიტეტი ვალდებულია საქართველოს კანონმდებლობით დადგენილი წესით აწარმოოს საფინანსო-ეკონომიკური საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდგინოს საქართველოს ფინანსთა სამინისტროს.
მუხლი 18. სახელმწიფო კონტროლი🔗
1. უნივერსიტეტი ექვემდებარება სახელმწიფო კონტროლს.
2. უნივერსიტეტის სახელმწიფო კონტროლი გულისხმობს მისი საქმიანობის კანონიერების, მიზანშეწონილობის, ეფექტიანობისა და საფინანსო-ეკონომიკური საქმიანობის ზედამხედველობას.
3. უნივერსიტეტის საქმიანობის სახელმწიფო ზედამხედველობას ახორციელებს საქართველოს განათლების სამინისტრო, ხოლო საფინანსო-ეკონომიკურ სფეროში-საქართველოს ფინანსთა სამინისტრო.
4. მაკონტროლებელი ორგანო თავისი კომპეტენციის ფარგლებში უფლებამოსილია შეაჩეროს ან გააუქმოს უნივერსიტეტის გადაწყვეტილება, რომელიც არ შეესაბამება ამ წესდებას, აგრეთვე საქართველოს კანონმდებლობას.
5. უნივერსიტეტი ვალდებულია მაკონტროლებელ ორგანოებს მოთხოვნისთანავე წარუდგინოს უნივერსიტეტის საქმიანობასთან დაკავშირებული ნებისმიერი ინფორმაცია და დოკუმენტაცია, მისცეს მათ შესაბამისი ახსნა-განმარტება.
6. თუ კონტროლის შედეგად გამოვლინდა მნიშვნელოვანი დარღვევები, საქართველოს განათლების მინისტრი უფლებამოსილია საქართველოს პრეზიდენტს წარუდგინოს დასაბუთებული წინადადება უნივერსიტეტის მმართველი ორგანოებისა და თანამდებობის პირების ვადამდე დათხოვნისა და ვადამდელი არჩევნების დანიშვნის შესახებ.
წესდებაში ცვლილებების შეტანის წესი, რეორგანიზაცია, ლიკვიდაცია
მუხლი 19. წესდებაში ცვლილების შეტანის წესი🔗
1. უნივერსიტეტის წესდებაში შესატან ცვლილებათა პროექტს ერთობლივად შეიმუშავებს სამუშაო ჯგუფი, რომელშიც შედიან: რექტორი (ან მის მიერ დანიშნული ერთი წარმომადგენელი), სამეცნიერო საბჭოსა და სამეურვეო საბჭოს მიერ დანიშნული თითო წარმომადგენელი. რექტორი ვალდებულია სამუშაო ჯგუფის მიერ შედგენილი პროექტი წარუდგინოს სამეცნიერო საბჭოს. თუ რექტორი არ ეთანხმება სამეცნიერო საბჭოს მიერ წერილობით გამოთქმულ შენიშვნებს, იგი ვალდებულია სამეცნიერო საბჭოს წარუდგინოს თავისი წერილობითი მოსაზრებები.
რექტორი ვალდებულია პროექტი სამეცნიერო საბჭოს დასკვნისა და თავისი მოსაზრებების თანხლებით წარუდგინოს საქართველოს განათლების მინისტრს. განათლების მინისტრი უფლებამოსილია პროექტი მოტივირებული შენიშვნებით დაუბრუნოს უნივერსიტეტს. უნივერსიტეტი ვალდებულია განიხილოს შენიშვნები და თავისი მოსაზრებები წარუდგინოს საქართველოს განათლების მინისტრს. თანხმობის შემთხვევაში განათლების მინისტრი წესდებაში შესატან ცვლილებათა პროექტს დასამტკიცებლად წარუდგენს საქართველოს პრეზიდენტს.
მუხლი 20. უნივერსიტეტის რეორგანიზაცია, ლიკვიდაცია🔗
1. უნივერსიტეტი შექმნილია განუსაზღვრელი ვადით.
2. უნივერსიტეტის რეორგანიზაცია ან ლიკვიდაცია ხდება საქართველოს კანონმდებლობით დადგენილი წესით.
3. ლიკვიდაციის შედეგად დარჩენილი ქონება გადადის სახელმწიფოს საკუთრებაში.
+
საქართველოს პრეზიდენტის
ბრძანებულება №55
2001 წლის 14 თებერვალი
ქ. თბილისი
საქართველოს სახელმწიფო აგრარული უნივერსიტეტის სტატუსის შესახებ
საქართველოს სახელმწიფო აგრარული უნივერსიტეტის სტატუსის შესახებ
„განათლების შესახებ” საქართველოს კანონის მე-15 მუხლის 1-ლი პუნქტისა და საჯარო სამართლის იურიდიული პირის შესახებ” საქართველოს კანონის შესაბამისად:
1. საქართველოს სახელმწიფო აგრარული უნივერსიტეტი ჩამოყალიბდეს საჯარო სამართლის იურიდიულ პირად.
2. (ძალადაკარგულია)
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
3. ბრძანებულების პირველ პუნქტში მითითებული საჯარო სამართლის იურიდიული პირის საქმიანობის სახელმწიფო ზედამხედველობა განახორციელოს საქართველოს განათლების სამინისტრომ.
2. დამტკიცდეს საქართველოს სახელმწიფო აგრარული უნივერსიტეტის თანდართული წესდება.
3. ბრზანებულების პირველ პუნქტში მითითებული საჯარო სამართლის იურიდიული პირის საქმიანობის სახელმწიფო ზედამხედველობა განახორციელოს საქართველოს განათლების სამინისტრომ.
ე.შევარდნაძე
შეტანილი ცვლილებები:
1. საქართველოს პრეზიდენტის 2003 წლის 17 ნოემბრის ბრძანებულება №569 - სსმ III, №131, 19.11.03 წ., მუხ.1091
2. საქართველოს პრეზიდენტის 2004 წლის 15 ივლისის ბრძანებულება №271 - სსმ III, №72, 15.07.2004 წ., მუხ.637
3. საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
საქართველოს სახელმწიფო აგრარული უნივერსიტეტის წესდება
(ძალადაკარგულია)
საქართველოს პრეზიდენტის 2005 წლის 8 ივნისის ბრძანებულება №473 - სსმ III, №69, 10.06.2005 წ., მუხ.746
როგორ დავიმოწმოთ
საქართველოს პრეზიდენტის ბრძანებულება „საქართველოს სახელმწიფო აგრარული უნივერსიტეტის სტატუსის შესახებ“, №55, 14.02.2001, სარეგისტრაციო კოდი 430210000.05.002.001994 (კონსოლიდირებული რედაქცია 08.06.2005). ხელმისაწვდომია: https://legali.ge/law/1252304-3/