საქართველოში რუსეთის ფედერაციის კუთვნილი შეიარაღების შემცირების პრობლემებთან დაკავშირებული ოპერატიულ-ტექნიკური კომისიის შექმნის შესახებ

საქართველოს პრეზიდენტის

ბრძანებულება №356

2000 წლის 8 აგვისტო

ქ. თბილისი

საქართველოში რუსეთის ფედერაციის კუთვნილი შეიარაღების შემცირების პრობლემებთან დაკავშირებული ოპერატიულ-ტექნიკური კომისიის შექმნის შესახებ

ეუთოს სტამბ უ ლის 1999 წლის სამიტზე მიღებული საქართველო-რუსეთის განცხადების დებულებათა რეალიზაციის მიზნით მიმდინარე საქართველო-რუსეთის მოლაპარაკების მესამე რაუნდის ოქმის შესაბამისად, აგრეთვე საქართველოში რუსეთის ფედერაციის კუთვნილი შეიარაღების შემცირების პროცესის ხელშესაწყობად და პრაქტიკული საკითხების ადგილზე გადასაწყვეტად:

1. ზემოთ აღნიშნული საკითხების გადაწყვეტისა და საქართველო-რუსეთის ერთობლივი ოპერატიულ-ტექნიკური ჯგუფის ფორმირებისათვის შეიქმნას საქართველოს მხარის ოპერატიულ-ტექნიკური კომისია შემდეგი შემადგენლობით:

გიორგი ბურდული – საქართველოს საგარეო საქმეთა მინისტრის პირველი მოადგილე, ჯგუფის თავმჯდომარე

თეიმურაზ ლორია –საქართველოს თავდაცვის სამინისტროს ლოგისტიკის მართვის ცენტრის უფროსი

კორნელი სალია – საქართველოს სახელმწიფო საზღვრის დაცვის სახელმწიფო დეპარტამენტის სასაზღვრო ძალების შტაბის უფროსის მოვალეობის შემსრულებელი

გუგული მაისურაძე –შპს „საქართველოს რკინიგზის“ ენერგეტიკის დარგის დირექტორი.

ჯონი ფირცხალაიშვილი – საქართველოს შეიარაღებული ძალების გენერალური შტაბის უფროსი

მამუკა ადამია – საქართველოს საგადასახადო შემოსავლების სამინისტროს საბაჟო დეპარტამენტის თავმჯდომარის მოადგილე

ვასილ გიგოლაშვილი – საქართველოს ფინანსთა მინისტრის მოადგილე

დავით თოდუა – საქართველოს შინაგან საქმეთა მინისტრის მოადგილე

კონსტანტინე კუბლაშვილი – საქართველოს იუსტიციის მინისტრის პირველი მოადგილე

ლაშა ნაცვლიშვილი – საქართველოს სახელმწიფო უშიშროების მინისტრის მოადგილე.

საქართველოს პრეზიდენტის 2002 წლის 13 მარტის ბრძანებულება №105-სსმIII,№26,19.03.2002წ.,

მუხ.208

2. რუსეთის ფედერაციის კუთვნილი შეიარაღების შემცირების პროცესის ხელშეწყობისა და მასთან დაკავშირებული პრაქტიკული საკითხების ოპერატიულად გადაწყვეტის მიზნით მიენიჭოს კომისიას სათანადო უფლებამოსილება, რათა გადაჭრას საქართველოში რუსეთის ფედერაციის კუთვნილი შეიარაღების შემცირების დროს წარმოქმნილი საორგანიზაციო, ტექნიკური და სხვა პრობლემები.

3. რუსეთის ფედერაციის კუთვნილი შეიარაღებისა და სხვა სამხედრო ქონების ქვეყნის ფარგლებს გარეთ გატანის უტილიზაციის უზრუნველსაყოფად საქართველოში ავტოსატრანსპორტო და სხვა მატერიალურ-ტექნიკური საშუალებების შემოტანასთან, აგრეთვე მითითებული შეიარაღებისა და ქონების გატანასთან დაკავშირებული, კანონმდებლობით გათვალისწინებული საბაჟო მოსაკრებლების, საგზაო ფონდისა და საბაჟო გადასახდელების გადახდა განხორციელდეს კანონით დადგენილი წესით, ამ შეიარაღებისა და ქონების საქართველოს ტერიტორიიდან გატანისათვის საჭირო სამუშაოებისა და ექსპორტ-იმპორტის პროცედურების შეუფერხებლად.

4. საქართველოს ფინანსთა სამინისტრომ უზრუნველყოს ბრძანებულების მე-3 პუნქტით გათვალისწინებული საბაჟო პროცედურების განხორციელებისას შესაძლო ფინანსური პრობლემების გადაჭრა, შეიმუშაოს და განსაზღვროს წარმოქმნილი ფინანსური ვალდებულებების დაფარვის ფინანსური წყარო, წესი და კონკრეტული ვადები.

5. საქართველოს საგადასახადო შემოსავლების სამინისტროს საბაჟო დეპარტამენტმა და საქართველოს სახელმწიფო საზღვრის დაცვის დეპარტამენტმა უზრუნველყო ნ რუსეთის ფედერაციის კუთვნილი შეიარაღებისა და სხვა სამხედრო ქონების ქვეყნის ტერიტორიის გარეთ გატანისათვის საჭირო სატრანსპორტო და სხვა მატერიალურ-ტექნიკური საშუალებების, აგრეთვე ქვეყნის ტერიტორიიდან გასატანი შეიარაღებისა და სხვა სამხედრო ქონების შეუფერხებელი გატარება სახელმწიფო საზღვარზე.

6. ბრძანებულება ამოქმედდეს გამოქვეყნებისთანავე.

ე. შევარდნაძე

შეტანილი ცვლილებები:

1. საქართველოს პრეზიდენტის 2002 წლის 13 მარტის ბრძანებულება №105-სსმIII,№26,19.03.2002წ.,

მუხ.208

 

Annotate