საქართველოს პრეზიდენტთან თანამგზავრული ტექნოლოგიების საკონსულტაციო-საკოორდინაციო საბჭოს შექმნის შესახებ

საქართველოს პრეზიდენტის

ბრძანებულება №614

1999 წლის 6 ნოემბერი

ქ. თბილისი

საქართველოს პრეზიდენტთან თანამგზავრული ტექნოლოგიების საკონსულტაციო-საკოორდინაციო საბჭოს შექმნის შესახებ

„დიდი აბრეშუმის გზის“ პროგრამის ინტერესებიდან გამომდინარე, უახლესი თანამგზავრული ტექნოლოგიების დანერგვის მიზნით:

1. შეიქმნას საქართველოს პრეზიდენტთან თანამგზავრული ტექნოლოგიების საკონსულტაციო-საკოორდინაციო საბჭო.

2. დამტკიცდეს საქართველოს პრეზიდენტთან არსებული თანამგზავრული ტექნოლოგიების საკონსულტაციო-საკოორდინაციო საბჭოს შემადგენლობა თანდართული სიის მიხედვით.

3. დამტკიცდეს საქართველოს პრეზიდენტთან არსებული თანამგზავრული ტექნოლოგიების საკონსულტაციო-საკოორდინაციო საბჭოს თანდართული დებულება.

4. საკონსულტაციო-საკოორდინაციო საბჭოს პასუხისმგებელმა მდივანმა ჯ. ლომინაძემ საქართველოს პრეზიდენტს დასამტკიცებლად წარმოუდგინოს წინადადება თანამგზავრული ტექნოლოგიების გამოყენების ცენტრის შექმნის შესახებ და მისი დებულება.

5. ამ ბრძანებულების შესრულების კონტროლი დაევალოს საქართველოს სახელმწიფო მინისტრის პირველ მოადგილეს - სახელმწიფო კანცელარიის უფროსს პ. მამრაძეს.

ე. შევარდნაძე

შეტანილი ცვლილებები:

1. საქართველოს პრეზიდენტის 2003 წლის 19 მაისის ბრძანებულება №218  - სსმIII, №47, 29.05.2003წ., მუხ.420

საქართველოს პრეზიდენტთან თანამგზავრული ტექნოლოგიების საკონსულტაციო-საკოორდინაციო საბჭოს შემადგენლობა

ედუარდ შევარდნაძე – საქართველოს პრეზიდენტი, საკონსულტაციო-საკოორდინაციო საბჭოს თავმჯდომარე

პეტრე მამრაძე – საქართველოს სახელმწიფო მინისტრის პირ-ველი მოადგილე – სახელმწიფო კანცელარიის უფროსი, საკონსულტაციო-საკოორდინაციო საბჭოს თავმჯდომარის მოადგილე

ჯუმბერ ლომინაძე – საქართველოს მეცნიერებათა აკადემიის მათემატიკისა და ფიზიკის განყოფილების აკადემიკოს-მდივანი, აკადემიკოსი, საკონსულტაციო-საკოორდინაციო საბჭოს პასუხისმგებელი მდივანი, საქართველოს კოსმოსური სააგენტოს თავმჯდომარე

ვახტანგ აბაშიძე – საქართველოს კომუნიკაციების ეროვნული კომისიის თავმჯდომარე

მერაბ ადეიშვილი – საქართველოს ტრანსპორტისა და კომუნიკაციების მინისტრი

ნიკოლოზ ბერაძე – საქართველოს ჰიდრომეტეოროლოგიის სახელმწიფო დეპარტამენტის თავმჯდომარე

ამირან გამყრელიძე – საქართველოს შრომის, ჯანმრთელობისა და სოციალური დაცვის მინისტრი

დავით ზილფიმიანი – საქართველოს მაუწყებელთა ასოციაციის თავმჯდომარე, იტალიის კოსმოსური კვლევის სააგენტოს პროექტის „ესპერიას„ მონაწილე, რომის უნივერსიტეტის პროფესორი

გიორგი კაკუბერი – საქართველოს ტრანსპორტისა და კომუნიკაციების მინისტრის მოადგილე

გიორგი კარბელაშვილი – ქ. თბილისის ვიცე-მერი

ელგუჯა მეძმარიაშვილი – კოსმოსურ ნაგებობათა სამეცნიერო კვლევითი ინსტიტუტის გენერალური დირექტორი, საქართველოს მეცნიერებათა აკადემიის წევრ-კორესპონდენტი, საქართველოს პარლამენტის წევრი

როალდ საგდეევი – მერილენდის (აშშ) უნივერსიტეტის „აღმოსავლეთ-დასავლეთ“ ცენტრის დირექტორი, საკონსულტაციო-საკოორდინაციო საბჭოს საერთაშორისო ექსპერტი, აკადემიკოსი

რევაზ სვანიძე – საქართველოს კომუნიკაციების ეროვნული კომისიის საკონსულტაციო საბჭოს მდივანი

გიორგი ჩაგელიშვილი – საქართველოს მეცნიერებათა აკადემიის აბასთუმნის ობსერვატორიის პლაზმური ასტროფიზიკის ცენტრის მთავარი მეცნიერი მუშაკი, საქართველოს მეცნიერებათა აკადემიის წევრ-კორესპონდენტი

გიორგი ჭანტურია – საქართველოს ნავთობის საერთაშორისო კორპორაციის პრეზიდენტი

თედო ჯაფარიძე – საქართველოს პრეზიდენტის თანაშემწე ეროვნული უშიშროების საკითხებში, ეროვნული უშიშროების საბჭოს მდივანი

ნინო ჩხობაძე – საქართველოს გარემოსა და ბუნებრივი რესურსების დაცვის მინისტრი.

საქართველოს პრეზიდენტის 2003 წლის 19 მაისის ბრძანებულება №218  - სსმIII, №47, 29.05.2003წ., მუხ.420

 

საქართველოს პრეზიდენტთან არსებული თანამგზავრული ტექნოლოგიების საკონსულტაციო-საკოორდინაციო საბჭოს

დ ე ბ უ ლ ე ბ ა

I. ზოგადი დებულებანი

1. თანამგზავრული ტექნოლოგიების საკონსულტაციო-საკოორდინაციო საბჭო (შემდგომში – საკონსულტაციო-საკოორდინაციო საბჭო) არის საქართველოს პრეზიდენტის სათათბირო ორგანო თანამგზავრული ტექნოლოგიების დარგსა და მათი გამოყენების სფეროებში.

2. საკონსულტაციო-საკოორდინაციო საბჭო თავის საქმიანობაში ხელმძღვანელობს საქართველოს კონსტიტუციით, საქართველოს კანონმდებლობითა და ამ დებულებით.

II. ძირითადი ამოცანები და ფუნქციები

3. საკონსულტაციო-საკოორდინაციო საბჭო:

ა) ა რის საქართველოს პრეზიდენტის სათათბირო ორგანო, რომელიც შეიმუშავებს სახელმწიფო პოლიტიკის სტრატეგიულ მიმართულებებს თანამგზავრული ტექნოლოგიების დარგში და ამ ტექნოლოგიების გამოყენების სფეროებს: ტელემატიკა, ტელემედიცინა, დისტანციური სწავლება და სხვა;

ბ) კოორდინაციას უწევს კოსმოსური ტელეკომუნიკაციური საინფორმაციო სისტემის შექმნასა და მის ფუნქციონირებას შესაბამის სამინისტროებთან, უწყებებთან და სამსახურებთან;

გ) კოორდინაციას უწევს საქართველოს მონაწილეობას საერთაშორისო პროგრამებსა და პროექტებში;

დ) ახორციელებს საკონსულტაციო-საკოორდინაციო საბჭოს მიერ მიღებული გადაწყვეტილებების განხორციელების კონტროლს.

III. საკონსულტაციო-საკოორდინაციო საბჭოს უფლებები

4. საკონსულტაციო-საკოორდინაციო საბჭოს აქვს უფლება:

ა) შექმნას დროებითი სამუშაო ჯგუფები საკონსულტაციო-საკოორდინაციო საბჭოს კომპეტენციას მიკუთვნებული საკითხების განხილვისა და წინადადებების მომზადებისათვის;

ბ) მოისმინოს და დაამტკიცოს სამუშაო ჯგუფების ანგარიშები;

გ) მოითხოვოს და მიიღოს იურიდიული პირებისაგან, საქართველოს სამინისტროებისა და უწყებებისაგან ნებისმიერი ინფორმაცია თავისი კომპეტენციის ფარგლებში.

IV. საკონსულტაციო-საკოორდინაციო საბჭოს საქმიანობის ორგანიზაცია

5. საკონსულტაციო-საკოორდინაციო საბჭო იკრიბება საჭიროებისდა მიხედვით, მაგრამ კვარტალში ერთხელ მაინც.

6. საკონსულტაციო-საკოორდინაციო საბჭოს საორგანიზაციო საქმიანობას ახორციელებს პასუხისმგებელი მდივანი.

V. დებულებაში ცვლილებათა და დამატებათა შეტანის წესი და საკონსულტაციო-საკოორდინაციო საბჭოს საქმიანობის შეწყვეტა

7. ამ დებულებაში ცვლილებებისა და დამატებების შეტანა ხდება საქართველოს კანონმდებლობის საფუძველზე.

8. საკონსულტაციო-საკოორდინაციო საბჭო წყვეტს თავის საქმიანობას საქართველოს კანონმდებლობის საფუძველზე.

Annotate