საჯარო სამართლის იურიდიული პირის – საზღვარგარეთ არსებული საქართველოს კულტურული მემკვიდრეობის ფონდის რეორგანიზაციის თაობაზე

საქართველოს პრეზიდენტის

ბრძანებულება №530

2004 წლის 22 ნოემბერი

ქ. თბილისი

საჯარო სამართლის იურიდიული პირის – საზღვარგარეთ არსებული საქართველოს კულტურული მემკვიდრეობის ფონდის რეორგანიზაციის თაობაზე

 1. რეორგანიზებულ იქნეს „საჯარო სამართლის იურიდიული პირის – საზღვარგარეთ არსებული საქართველოს კულტურული მემკვიდრეობის ფონდის შექმნის შესახებ“ საქართველოს პრეზიდენტის 2004 წლის 14 აგვისტოს №332 ბრძანებულებით შექმნილი საჯარო სამართლის იურიდიული პირი – საზღვარგარეთ არსებული საქართველოს კულტურული მემკვიდრეობის ფონდი და მის ბაზაზე შეიქმნას საჯარო სამართლის იურიდიული პირი – საზღვარგარეთ არსებული საქართველოს კულტურული მემკვიდრეობის დაცვის ცენტრი (შემდგომში – ცენტრი).

საქართველოს პრეზიდენტის 2004 წლის 19 დეკემბრის ბრძანებულება №604-სსმIII,№150,21.12.2004წ.,

მუხ.1363

2. ცენტრის სახელმწიფო კონტროლის განმახორციელებელმა ორგანომ – საქართველოს საგარეო საქმეთა სამინისტრომ (ს. ზურაბიშვილი) ერთ თვეში უზრუნველყოს ცენტრის დებულების დამტკიცება და წარმომადგენლობაზე უფლებამოსილი პირის დანიშვნა.

3. ძალადაკარგულად ჩაითვალოს „საჯარო სამართლის იურიდიული პირის – საზღვარგარეთ არსებული საქართველოს კულტურული მემკვიდრეობის ფონდის შექმნის შესახებ“ საქართველოს პრეზიდენტის    2004 წლის 14 აგვისტოს №332 ბრძანებულების (სსმ III, 2004 წ.,№87,  მუხ.756) მე-2 პუნქტით დამტკიცებული დებულება.

4. ამ ბრძანებულების მე-3 პუნქტი ამოქმედდეს ცენტრის დებულების დამტკიცების თაობაზე საქართველოს საგარეო საქმეთა მინისტრის ბრძანების ძალაში შესვლისთანავე.

 მ. სააკაშვილი

შეტანილი ცვლილებები:

1. საქართველოს პრეზიდენტის 2004 წლის 19 დეკემბრის ბრძანებულება №604-სსმIII,№150,21.12.2004წ.,

მუხ.1363