მსჯავრდებულთან ვიდეოპაემნით სარგებლობის წესის დამტკიცების თაობაზე

საქართველოს სასჯელაღსრულების, პრობაციისა და იურიდიული

დახმარების საკითხთა მინისტრის

  ბრძანება №55

2011 წლის 5 აპრილი

ქ. თბილისი

მსჯავრდებულთან ვიდეოპაემნით სარგებლობის წესის დამტკიცების თაობაზე

საქართველოს პატიმრობის კოდექსის 17^​1 მუხლის მე-7 პუნქტის შესაბამისად, ვბრძანებ:

  მუხლი 1. დამტკიცდეს მსჯავრდებულ თან ვიდეოპაემნი თ სარგებლობის წესი თანდართული რედაქციით.

მუხლი 2 . ეს ბრძანება ამოქმედდეს გამოქვეყნებისთანავე.

ხ. კალმახელიძე

შეტანილი ცვლილებები:

1. საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 23 სექტემბრის ბრძანება №167 - ვებგვერდი, 28.09.2011 წ.

2. საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 12 მარტის ბრძანება №36 -ვებგვერდი, 15.03.2012 წ.

3. საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 15 აგვისტოს ბრძანება №125 - ვებგვერდი, 17.08.2012 წ.

 

მსჯავრდებულთან ვიდეოპაემნით სარგებლობის წესი

    მუხლი 1. ზოგადი დებულებანი

1. საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტი, თავისუფლების აღკვეთის დაწესებულებების (შემდგომში – დაწესებულებები) ადმინისტრაციების მეშვეობით უზრუნველყოფს ვიდეოპაემნის უფლებით მოსარგებლე მსჯავრდებულებისათვის შესაბამისი საკომუნიკაციო და ტექნიკური საშუალებებით აღჭურვილი პუნქტების მოწყობას დაწესებულებებში.

2. მსჯავრდებულ თან ვიდეოპაემნის მსურველი პირების რეგისტრაციას, შესაბამისი გრაფიკის შედგენას, განსაზღვრული დაწესებულებების შესაბამის ინფორმირებას, ვიდეოპაემნის გამართვის პროცესის კოორდინაციასა და მსჯავრდებულ თან ვიდეოპაემნის მსურველ პირთა მიღება-დაკავშირებას უზრუნველყოფს არასაპატიმრო სასჯელთა აღსრულებისა და პრობაციის ეროვნული სააგენტო (შემდგომში – პრობაციის ეროვნული სააგენტო) მისი ტერიტორიული ორგანოების – არასაპატიმრო სასჯელთა აღსრულებისა და პრობაციის ბიუროების (შემდგომში – პრობაციის ბიურო) მატერიალურ-ტექნიკური და საკადრო რესურსების გამოყენებით.

    მუხლი 2. ვიდეოპაემნის ხანგრძლივობა და ღირებულება

1. მსჯავრდებულ თან ვიდეოპაემნის განხორციელება შესაძლებელია ათი კალენდარული დღის განმავლობაში არაუმეტეს ერთხელ, სამუშაო დღეებში 10:00 საათიდან 18:00 საათამდე.

2. მსჯავრდებულთან ერთჯერადი ვიდეოპაემნის ხანგრძლივობა არ უნდა აღემატებოდეს 15 წუთს, რომლის საფასური შეადგენს 15 ლარს და ირიცხება პრობაციის ეროვნული სააგენტოს ანგარიშზე. მინისტრის გადაწყვეტილებით შესაძლებელია ვიდეოპაემნით სარგებლობა განხორციელდეს საფასურის გადახდის გარეშე.

2^​1. ვიდეოპაემნით სარგებლობისათვის დაწესებული საფასური ს გადახდისაგან თავისუფლდებიან მსჯავრდებულ ი ს ახლო ნათესავებ ი (შვილი, მეუღლე, მშობელი (მშვილებელი), ნაშვილები და მისი შთამომავალი, შვილიშვილი, და, ძმა, დისწული, ძმისწული და მათი შვილები, ბებია და პაპა, ბებიის დედ-მამა და პაპის დედ-მამა (როგორც დედის, ისე მამის მხრიდან), ბიძა (დედის ძმა და მამის ძმა), დეიდა, მამიდა, ბიძაშვილი, დეიდაშვილი და მამიდაშვილი, აგრეთვე ის პირი, რომელთანაც ცხოვრობდა და ეწეოდა საერთო მეურნეობას პატიმრობის/თავისუფლების აღკვეთის დაწესებულებაში მოხვედრამდე ბოლო 2 წლის განმავლობაში), რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზა ში და რომელთა სოციალურ-ეკონომიკური მდგომარეობის მაჩვენებელი ნაკლებია საარსებო შემწეობის მისაღებად საქართველოს მთავრობის მიერ დადგენილ ზღვრულ ქულაზე.

3 . ვიდეოპაემანი შესაძლებელია ვადამდე შეწყდეს:

ა) მსჯავრდებულის სურვილის საფუძველზე;

ბ) უსაფრთხოების დაცვის მიზნით.

4. ვიდეოპაემნის ვადამდე შეწყვეტის შემთხვევაში გადახდილი საფასური უკან არ ბრუნდება.

5. მსჯავრდებულთან ვიდეოპაემნით სარგებლობის საფასურს ანაზღაურებს ამგვარი პაემნის მსურველი პირი .

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 12 მარტის ბრძანება №36 -ვებგვერდი, 15.03.2012 წ.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 15 აგვისტოს ბრძანება №125 - ვებგვერდი, 17.08.2012 წ.

    მუხლი 3. ვიდეოპაემნის ორგანიზება

1. მსჯავრდებულ თან ვიდეოპაემნის მსურველი პირის რეგისტრაცია წარმოებს ამ პირის წერილობითი განცხადების საფუძველზე დანართი №1-ის შესაბამისად.

2. მსჯავრდებულ თან ვიდეოპაემანის მსურველი პირის განცხადება უნდა შეიცავდეს შემდეგ ინფორმაციას:

ა) ამ პირის და მსჯავრდებულის საიდენტიფიკაციო მონაცემებს (სახელი, გვარი, მამის სახელი და განმცხადებლის პირადი ნომერი);

ბ) განმცხადებლის საკონტაქტო მონაცემებს;

გ) მითითებას იმ დაწესებულების შესახებ, სადაც სასჯელს იხდის მსჯავრდებული;

დ) მითითებას ამ პირის კავშირის შესახებ მსჯავრდებულთან;

ე) მითითებას ვიდეოპაემნის გამართვის განხორციელების სასურველი თარიღის შესახებ;

ე^​1) მითითებას არის თუ არა განმცხადებელი სოციალურად დაუცველი პირი;

ვ) განმცხადებლის ხელმოწერა და თარიღი;

ზ) მსჯავრდებულის თანხმობა/უარი და მისი ხელმოწერა (აისახება თავისუფლების აღკვეთის დაწესებულებაში გაგზავნილ განცხადების ასლზე).

3. განცხადება პრობაციის ბიუროს უნდა წარედგინოს ვიდეოპაემნის გამართვამდე არანაკლებ 7 სამუშაო დღით ადრე.

4. (ამოღებულია - 15.08.12 №125).

5. განცხადების რეგისტრაციიდან არა უგვიანეს მომდევნო სამუშაო დღისა, პრობაციის ბიურო ვიდეოპაემნის გამართვის თაობაზე ატყობინებს შესაბამის დაწესებულებ ას და უგზავნის ამ ბრძანების მე-3 მუხლის პირველი პუნქტით გათვალისწინებული განცხადების ასლს.

6. დაწესებულება ამ მუხლის მე- 5 პუნქტით გათვალისწინებული შეტყობინების მიღებიდან არა უგვიანეს 4 სამუშაო დღის ვადაში, ვიდეოპაემნის გამართვაზე მსჯავრდებულის პასუხს აცნობებს პრობაციის ბიუროს.

7. პრობაციის ბიურო ვიდეოპაემნის გამართვას უზრუნველყოფს ამ მუხლის მე- 6 პუნქტით გათვალისწინებული პასუხის მიღებიდან მომდევნო სამუშაო დღეს.

7^​1. „საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2010 წლის 11 ნოემბრის №156 ბრძანებით დამტკიცებული დებულების მე-3 მუხლის მე-2 პუნქტის ,,ე“ ქვეპუნქტით გათვალისწინებულ შემთხვევაში, თუ დაწესებულება გადასულია განსაკუთრებულ რეჟიმზე, მსჯავრდებულთან ვიდეოპაემნის გამართვის თარიღსა და დროს განსაზღვრავს პრობაციის ბიურო, რასაც განმცხადებელს ატყობინებს წერილობით ან სხვა ნებისმიერი სახის საკომუნიკაციო საშუალებით.

  8. მსჯავრდებულ თან ვიდეოპაემანი დაიშვება წინასწარ განსაზღვრულ დროს და მხოლოდ მსჯავრდებულის თანხმობის შემთხვევაში, რასაც მსჯავრდებული ადასტურებს ამ მუხლის პირველი პუნქტით გათვალისწინებული განცხადების ასლზე ხელმოწერით.

 9. მსჯავრდებულთან ვიდეოპაემანზე ერთდროულად შესაძლებელია დაიშვას არა უმეტეს 3 პირი. ვიდეოპაემანზე ერთდროულად დასაშვებ პირთა დადგენილი ლიმიტი არ ვრცელდება 10 წლამდე ბავშვებზე.

10. (ამოღებულია - 23.09.11 №167).

1 1. მსჯავრდებულთან ვიდეოპაემნის გამართვისას არასრულწლოვანს სავალდებულოა თან ახლდეს სრულწლოვანი პირი.

1 2. ვიდეოპაემნის მსურველი პირი, ამ ბრძანების მე-2 მუხლის მე-2 პუნქტით განსაზღვრული საფასურის გადახდისა და პირადობის დამადასტურებელი დოკუმენტის წარმოდგენის შემდეგ, პრობაციის ბიუროში საამისოდ გამოყოფილი ადგილიდან ამყარებს პირდაპირ, ვიზუალურ და ხმოვან კავშირს მსჯავრდებულთან.

13. ამ ბრძანების მე-2 მუხლის 2^​1 პუნქტით გათვალისწინებულმა პირებმა დადგენილი საფასურისაგან გათავისუფლების მიზნით, ვიდეოპაემნის გამართვამდე უნდა წარმოადგინონ მსჯავრდებულთან ახლო ნათესაობის დამადასტურებელი შესაბამისი დოკუმენტი და ამონაწერი სოციალურად დაუცველი ოჯახების მონაცემთა ერთიანი ბაზიდან.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 23 სექტემბრის ბრძანება №167 - ვებგვერდი, 28.09.2011 წ.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 15 აგვისტოს ბრძანება №125 - ვებგვერდი, 17.08.2012 წ.

    მუხლი 4. გარდამავალი დებულებები

1. მსჯავრდებულთან ვიდეოპაემნის ორგანიზება ხორციელდება შემდეგ დაწესებულებებში:

ა) №11 არასრულწლოვანთა სპეციალური დაწესებულება;

ბ) №1 5 ნახევრად ღია და დახურული ტიპის თავისუფლების აღკვეთის დაწესებულება.

2. დაწესებულებებში , გარდა ამ მუხლის პირველ პუნქტში მითითებული დაწესებულებებისა , ვიდეოპაემნის ორგანიზება განხორციელდეს ეტაპობრივად.

(დანართი №1)

გ ა ნ ც ხ ა დ ე ბ ა

–––––––––––––––––––––––––––––––––––––––––––––––––––––––––––––––––––––––––––––––––––––

(არასაპატიმრო სასჯელთა აღსრულებისა და პრობაციის ბიუროს უფროსი)

 

1. განმცხადებლის მონაცემები: –––––––––––––––––––––––––––––––––––––––––––––––––––––––

 (სახელი, გვარი, მამის სახელი)

 

პირადი № ––––––––––––––––––––––––––––––––––––––

_____________________________________________________________________________________

(ტელეფონის ნომერი, მისამართი რეგისტრაციის მიხედვით/ფაქტობრივი)

_____________________________________________________________________________________

 (მსჯავრდებულის სახელი, გვარი, მამის სახელი)

_____________________________________________________________________________________

 (დაწესებულება, სადაც სასჯელს იხდის მსჯავრდებული)

_____________________________________________________________________________________

 (ვიდეოპაემნის განხორციელების თარიღი: რიცხვი, თვე, წელი)

_____________________________________________________________________________________

 (განმცხადებლის კავშირი მსჯავრდებულთან)

 

 ხართ თუ არა სოციალურად დაუცველი პირი: □ დიახ □ არა

2. ვიდეოპაემანში მონაწილე პირის მონაცემები: –––––––––––––––––––––––––––––––––

 (სახელი, გვარი, მამის სახელი)

პირადი № ––––––––––––––––––––

 

–––––––––––––––––––––––––––––––––––––––––––––––––––––––––––––––––––––––––––––

(ვიდეოპაემანში მონაწილე პირის კავშირი მსჯავრდებულთან)

 

ხართ თუ არა სოციალურად დაუცველი პირი: □ დიახ □ არა

3. ვიდეოპაემანში მონაწილე პირის მონაცემები: –––––––––––––––––––––––––––––––––

 (სახელი, გვარი, მამის სახელი)

პირადი № ––––––––––––––––––––

 

–––––––––––––––––––––––––––––––––––––––––––––––––––––––––––––––––––––––––––––

(ვიდეოპაემანში მონაწილე პირის კავშირი მსჯავრდებულთან)

 

ხართ თუ არა სოციალურად დაუცველი პირი: □ დიახ □ არა

 

–––––––––––––––––––––––––––––––––––           ––––––––––––––––––––––––––––––––––––––––––

(განმცხადებლის ხელმოწერა და თარიღი)             (მსჯავრდებულის თანხმობა/უარი და  ხელმოწერა)

 

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 23 სექტემბრის ბრძანება №167 - ვებგვერდი, 28.09.2011 წ.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 15 აგვისტოს ბრძანება №125 - ვებგვერდი, 17.08.2012 წ.

 

 

Annotate