1. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში 2004 წლის 24 დეკემბერს შეტანილი ცვლილებების მე-2 მუხლის შესაბამისად საქართველოს სახელმწიფო უშიშროების სამინისტროს სალიკვიდაციო ღონისძიებათა ორგანიზაციული უზრუნველყოფის მიზნით შეიქმნას სალიკვიდაციო კომისია შემდეგი შემადგენლობით:

ბათუ ქუთელია – საქართველოს სახელმწიფო უშიშროების მინისტრის მოვალეობის შემსრულებელი, კომისიის თავმჯდომარე

ვაჟა მაისურაძე – საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის დირექტორის მოადგილე

მერაბ მარაქველიძე – საქართველოს შინაგან საქმეთა სამინისტროს ადმინისტრაციის უფროსის მოადგილე, კომისიის პასუხისმგებელი მდივანი

პავლე მაწკეპლაძე – საქართველოს ფინანსთა სამინისტროს სახელმწიფო ბიუჯეტის სამმართველოს უფროსი

დავით ფრუიძე – საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის საფინანსო-სამეურნეო უზრუნველყოფის მთავარი სამმართველოს უფროსი

გიორგი შარკოვი – საქართველოს ეკონომიკური განვითარების სამინისტროს პრივატიზაციის პოლიტიკის დეპარტამენტის ქონების განკარგვის სამმართველოს მთავარი სპეციალისტი

ზვიად ცაგარეიშვილი – საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის დირექტორის მოადგილე

შალვა ჯანაშვილი – საქართველოს შინაგან საქმეთა მინისტრის მოადგილე.

2. სალიკვიდაციო კომისიამ უზრუნველყოს საქართველოს სახელმწიფო უშიშროების სამინისტროს ბალანსზე რიცხული მატერიალური ფასეულობების, დებიტორულ-კრედიტორული დავალიანებების სრული ინვენტარიზაცია და სალიკვიდაციო ბალანსის წარმოდგენა 2005 წლის 1 თებერვლამდე კანონმდებლობით დადგენილი წესით.

3. საქართველოს ფინანსთა სამინისტრომ (ზ. ნოღაიდელი) და ეკონომიკური განვითარების სამინისტრომ (ა. ალექსიშვილი) სალიკვიდაციო კომისიის დასკვნის საფუძველზე უზრუნველყონ დებიტორულ-კრედიტორული დავალიანებების დამტკიცება კანონმდებლობის შესაბამისად.

4. კომისია თავის საქმიანობას ახორციელებს დაკისრებული ამოცანების შესრულებამდე.

5. კომისია საქმიანობას წარმართავს სხდომების მეშვეობით. სხდომას უძღვება კომისიის თავმჯდომარე. კომისიის სხდომა უფლებამოსილია, თუ მას ესწრება კომისიის წევრთა სრული შემადგენლობის ნახევარზე მეტი.

6. კომისიის სხდომის გადაწყვეტილება მიღებულად ჩაითვლება, თუ მას მხარს დაუჭერს კომისიის დამსწრე წევრთა ნახევარზე მეტი. გადაწყვეტილების მიღება ხდება კენჭისყრის წესით.

7. კომისიის გადაწყვეტილება ფორმდება ოქმით, რომელსაც ხელს აწერენ სხდომის თავმჯდომარე და კომისიის პასუხისმგებელი მდივანი.

8. კომისიის საბოლოო დასკვნას, რეკომენდაციას ან სხვა სახის გადაწყვეტილებას ხელს აწერს კომისიის ყველა წევრი. კომისიის წევრის განსხვავებული აზრი ფორმდება ცალკე ჩანაწერის სახით.

9. კომისიის მიერ მომზადებული წინადადებები განსახილველად წარედგინება საქართველოს მთავრობას.

პრემიერ-მინისტრი ზ. ჟვანია

ხშირად დასმული კითხვები

მოქმედებს თუ არა „საქართველოს სახელმწიფო უშიშროების სამინისტროს სალიკვიდაციო კომისიის შესახებ“?: არა, დოკუმენტი ძალადაკარგულია. ბოლო რედაქცია — 05.07.2007.
როდის იქნა მიღებული „საქართველოს სახელმწიფო უშიშროების სამინისტროს სალიკვიდაციო კომისიის შესახებ“?: „საქართველოს სახელმწიფო უშიშროების სამინისტროს სალიკვიდაციო კომისიის შესახებ“ მიღებულია 17.01.2005. მიმღები ორგანო — საქართველოს მთავრობა. დოკუმენტის ნომერი — №2. სარეგისტრაციო კოდი — 000000000.00.00.000000.
რამდენჯერ შევიდა ცვლილება „საქართველოს სახელმწიფო უშიშროების სამინისტროს სალიკვიდაციო კომისიის შესახებ“-ში?: დოკუმენტში სულ 6 ცვლილებაა შესული. მატსნეს ბოლო კონსოლიდირებული რედაქცია — 05.07.2007.
სად არის „საქართველოს სახელმწიფო უშიშროების სამინისტროს სალიკვიდაციო კომისიის შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 05.07.2007 მდგომარეობით.

როგორ დავიმოწმოთ

საქართველოს მთავრობის დადგენილება „საქართველოს სახელმწიფო უშიშროების სამინისტროს სალიკვიდაციო კომისიის შესახებ“, №2, 17.01.2005, სარეგისტრაციო კოდი 000000000.00.00.000000 (კონსოლიდირებული რედაქცია 05.07.2007). ხელმისაწვდომია: https://legali.ge/law/1297912/

ოფიციალური ტექსტი — matsne.gov.ge , კონსოლიდირებული რედაქცია 05.07.2007. პრაქტიკა, ისტორია და სხვა ბლოკები შედგენილია ავტომატურად ღია წყაროებიდან და არ წარმოადგენს იურიდიულ კონსულტაციას. როგორ ვადგენთ · შეცდომის შეტყობინება