გადასახადის გადამხდელის ყადაღადადებული ქონების რეალიზაციის წესის დამტკიცების შესახებ

საქართველოს მთავრობის

დადგენილება №10

2005 წლის 25 იანვარი

ქ. თბილისი

გადასახადის გადამხდელის ყადაღადადებული ქონების რეალიზაციის წესის დამტკიცების შესახებ

საქართველოს საგადასახადო კოდექსის 88-ე მუხლის მე-19 ნაწილის შესაბამისად დამტკიცდეს გადასახადის გადამხდელის ყადაღადადებული ქონების რეალიზაციის თანდართული წესი.

პრემიერ-მინისტრი                                                                                       

ზ. ჟვანია

შეტანილი ცვლილებები:

1. საქართველოს მთავრობის 2006 წლის 11 აგვისტოს დადგენილება №156 - სსმ III, №108, 15.08.2006 წ., მუხ.1489

2. საქართველოს მთავრობის 2007 წლის 28 მარტის დადგენილება №60 - სსმ III, №45, 02.04.2007 წ., მუხ.505

გადასახადის გადამხდელის ყადაღადადებული ქონების რეალიზაციის წესი

    მუხლი 1. ზოგადი დებულებანი

1. ეს წესი შემუშავებულია საქართველოს საგადასახადო კოდექსის 88-ე მუხლის მე-19 ნაწილის საფუძველზე და განსაზღვრავს გადასახადის გადამხდელის ყადაღადადებული ქონების რეალიზაციის მიზნით ღია აუქციონის გამართვის პროცედურებს.

2. გადასახადის გადამხდელის ყადაღადადებული ქონების რეალიზაცია ხდება საგადასახადო ორგანოს მიერ სასამართლოს გადაწყვეტილების საფუძველზე, ღია აუქციონის წესით.

3. ყადაღადადებული ქონების რეალიზაციას ახორციელებს ის საგადასახადო ორგანო, სადაც მოვალე იმყოფება საგადასახადო აღრიცხვაზე.

4. ყადაღადადებული ქონების რეალიზაციის უფლების მისაღებად საგადასახადო ინსპექცია მიმართავს სასამართლოს და სასამართლოს გადაწყვეტილების კანონიერ ძალაში შესვლის შემდგომ სააღსრულებო ფურცლის საფუძველზე ახორციელებს გადასახადის გადამხდელის დაყადაღებული ქონების ღია აუქციონზე რეალიზაციას.

5. ყადაღადადებული ქონების რეალიზაცია შეწყდება, თუ გადასახადის გადამხდელი აუქციონის მოწყობამდე უზრუნველყოფს საგადასახადო ვალდებულებათა შესრულებასა და საგადასახადო ორგანოს მიერ აუქციონის ორგანიზებისათვის გაწეული ხარჯების დაფარვას.

6. საჭიროებისას საგადასახადო ორგანოს მოთხოვნის შესაბამისად აუქციონის პროცესის დროს საგადასახადო ორგანოს თანამშრომელთა უსაფრთხოებას და კანონსაწინააღმდეგო ხელყოფისაგან დაცვას უზრუნველყოფს საქართველოს ფინანსთა სამინისტროს ფინანსური პოლიცია.

საქართველოს მთავრობის 2006 წლის 11 აგვისტოს დადგენილება №156 - სსმ III, №108, 15.08.2006 წ., მუხ.1489

    მუხლი 2. აუქციონის გამოცხადება

1. აუქციონის გამართვის დროსა და ადგილს ადგენს შესაბამისი საგადასახადო ორგანო, რის შესახებაც იგი აუქციონის ჩატარებამდე 30 დღით ადრე აკეთებს განცხადებას, რომელიც უნდა შეიცავდეს:

ა) აუქციონის მოწყობის დროსა და ადგილს;

ბ) ქონების მესაკუთრის დასახელებას და მისამართს;

გ) გასაყიდი ქონების დასახელებას (ქონების მოკლე აღწერას);

დ) ქონების საწყის ფასს, რომელიც დაყადაღების აქტში მითითებული ყადაღადადებული ნივთის საბაზრო ფასია;

ე) განცხადებას იმის შესახებ, რომ მესამე პირები, რომელთაც უფლებები აქვთ ამ ქონებაზე, ვალდებულნი არიან ამ უფლებათა დამადასტურებელი მტკიცებულებანი წარადგინონ აუქციონის დაწყებამდე;

ვ) აუქციონის პირობებს.

2. ინფორმაციის გამოქვეყნების შემდეგ ყველა დაინტერესებულ ფიზიკურ და იურიდიულ პირს საგადასახადო ორგანოსთან შეთანხმებით უფლება აქვს წინასწარ გაეცნოს აუქციონზე გასაყიდად გამოტანილ ქონებას.

3. დამატებითი ინფორმაციის მიწოდების საკითხს განსაზღვრავს შესაბამისი საგადასახადო ორგანო.

4. აუქციონის ჩატარების დროსა და ადგილს აცხადებს საგადასახადო ორგანო გამოკრული განცხადებით და მასობრივი ინფორმაციის საშუალებით.

5. აუქციონში მონაწილეობის მსურველი პირი ვალდებულია აუქციონის დაწყებამდე ხაზინის სადეპოზიტო ქვეანგარიშზე წინასწარ გადაიხადოს აუქციონზე გასაყიდად გამოტანილი იმ ნივთის საწყისი ღირებულების 2 პროცენტი, რომლის შეძენასაც იგი აპირებს, რაც გამარჯვების შემთხვევაში ჩაითვლება გადახდილი თანხის ანგარიშში.

    მუხლი 3. აუქციონის მოწყობის წესი

1. აუქციონს ატარებს შესაბამისი საგადასახადო ორგანოს წარმომადგენელი. იგი აუქციონს გახსნილად აცხადებს და სთავაზობს საწყის ფასს.

2. აუქციონი გრძელდება მანამ, სანამ სხვა შემოთავაზება აღარ მოხდება. შესაბამისი საგადასახადო ორგანოს წარმომადგენელმა უნდა გამოაცხადოს ფასის ბოლო შემოთავაზების ავტორი, რის შემდგომ აუქციონი ცხადდება დასრულებულად.

3. პირებს, რომლებმაც ვერ გაიმარჯვეს აუქციონში, გადასახდელი თანხა უბრუნდებათ აუქციონის დასრულებიდან ხუთი დღის განმავლობაში.

4. პირველ აუქციონზე საბოლოოდ შემოთავაზებული ფასი არ უნდა იყოს ნივთის ღირებულების 70 პროცენტზე ნაკლები.

5. თუ პირველი აუქციონის დროს არ მოხდა შესაბამისი ფასის შემოთავაზება, საგადასახადო ორგანო პირველი აუქციონისთვის დადგენილი ფორმით აცხადებს განმეორებით აუქციონს, სადაც საბოლოოდ შემოთავაზებული ფასი არ უნდა იყოს ნივთის ღირებულების 50 პროცენტზე ნაკლები.

6. აუქციონის დამთავრების შემდეგ დგება ოქმი (დანართი №1), რომელშიც უნდა აისახოს აუქციონის მსვლელობა და შედეგები.

7. ნებისმიერი მყიდველი, რომელიც აუქციონზე შეისყიდის ჩამორთმეულ ქონებას, ვალდებულია დაუყოვნებლივ გადაიხადოს მის მიერ შემოთავაზებული ფასის სულ ცოტა ნახევარი ან 5000 ლარი, უმცირესი თანხის მიხედვით, თუ აუქციონზე მიღებულ იქნა მის მიერ შემოთავაზებული ფასი, ხოლო თანხის დარჩენილი ნაწილი უნდა დაიფაროს რეალიზაციიდან 14 კალენდარული დღის განმავლობაში. თანხის მთლიანად დაფარვამდე მყიდველს არ გააჩნია ქონებაზე საკუთრების უფლება.

8. თუ მყიდველი ვერ შეძლებს აუქციონზე შესყიდული ქონების ღირებულების სრულად გადახდას დადგენილ ვადაში, ის კარგავს ყოველგვარ უფლებას აღნიშნულ ქონებაზე და მის მიერ ქონების შეძენის მიზნით უკვე გადახდილ თანხაზე (მათ შორის დეპოზიტზე განთავსებულ თანხაზე). ასეთ შემთხვევაში გადახდილი თანხით დაიფარება ის გადასახადები, რომელთა დაფარვის მიზნითაც თავის დროზე ქონების რეალიზაცია განხორციელდა.

9. თუ მყიდველი ვერ შეძლებს აუქციონზე შესყიდული ქონების ღირებულების დადგენილი წესით გადახდას ან აუქციონზე არ იქნება შემოთავაზებული შესაბამისი ფასი, სახელმწიფო (საგადასახადო ორგანო) უფლებამოსილია:

ა) აუქციონის მოწყობის შესახებ ხელახალი განცხადების გამოქვეყნებიდან სულ ცოტა 14 დღის შემდეგ ქონება გასაყიდად გაიტანოს განმეორებით აუქციონზე, რომლის ოდენობასა და მოწყობის მიზანშეწონილობას განსაზღვრავს საგადასახადო ორგანო;

ბ) მოხსნას ქონებაზე ყადაღა და დაუბრუნოს იგი გადასახადის გადამხდელს მფლობელობისა და განკარგვის უფლებით.

საქართველოს მთავრობის 2006 წლის 11 აგვისტოს დადგენილება №156 - სსმ III, №108, 15.08.2006 წ., მუხ.1489

    მუხლი 4. ყადაღადადებული მალფუჭებადი საქონლის რეალიზაცია

1. ყადაღადადებული მალფუჭებადი საქონლის რეალიზაცია შეიძლება მოხდეს დაუყოვნებლივ.

2. მალფუჭებად საქონლად ითვლება მხოლოდ ის საქონელი, რომლის შენახვის ვადიდან 10 დღეზე ნაკლებია დარჩენილი.

3. მალფუჭებადი საქონლის გაყიდვის შემთხვევაში გადასახადის გადამხდელის სხვა კრედიტორებს აუქციონის გამართვის თარიღიდან 60 დღის განმავლობაში შეუძლიათ მიმართონ საგადასახადო ორგანოს ხელმძღვანელს ადმინისტრაციული სარჩელით, რომ მათაც ჰქონდათ დარეგისტრირებული გირავნობის უფლება გაყიდულ მალფუჭებად საქონელზე საგადასახადო გირავნობის რეგისტრაციის თარიღზე ადრე. ასეთი სარჩელის მიღების შემდეგ საგადასახადო ორგანოს ხელმძღვანელი ვალდებულია განიხილოს სარჩელი 30 დღის ვადაში. საგადასახადო ორგანოს ხელმძღვანელის მიერ საჩივრის მოსარჩელის სასარგებლოდ გადაწყვეტის შემთხვევაში საგადასახადო ორგანო გადაუხდის მოსარჩელეს მალფუჭებადი საქონლის გაყიდვის შედეგად მიღებული თანხის მთლიან რაოდენობას ან მოთხოვნის თანხას, უმცირესი თანხის მიხედვით.

    მუხლი 5. დავალიანების დაფარვის წესი

1. ქონების გაყიდვის შედეგად მიღებული შემოსავლით პირველ რიგში იფარება:

ა) ამოღებასთან, შენახვასა და რეალიზაციასთან დაკავშირებული ხარჯები;

ბ) გადასახადის თანხები;

გ) ჯარიმისა და საურავის თანხები.

2. აუქციონზე ქონების შესყიდვისათვის გადახდილი თანხები შეიტანება ხაზინის სადეპოზიტო ქვეანგარიშზე, საიდანაც ამოღებასთან, შენახვასა და რეალიზაციასთან დაკავშირებული ხარჯების ეკვივალენტური თანხებით ხდება აღნიშნული ხარჯების დაფარვა, ხოლო დარჩენილი თანხები ირიცხება ბიუჯეტის შესაბამის ანგარიშზე.

3. ქონების გაყიდვის შედეგად მიღებული შემოსავლით პირველ რიგში დაფარული თანხების შემდეგ დარჩენილი სახსრები უბრუნდება გადასახადის გადამხდელს ხუთი საბანკო დღის განმავლობაში.

4. ხარჯების სახით ამოიღება:

ა) იმ პირებისათვის ასანაზღაურებელი თანხები, რომელთა მოწვევაც აუცილებელი იყო კარების ან საცავის გახსნისათვის;

ბ) ნივთების შესანახად გადასახდელი თანხები;

გ) მოწვეული ექსპერტის ან/და აუდიტის ხარჯები;

დ) ხარჯები, რომლებიც წარმოიშვა საჯაროდ გამოცხადებისას;

ე) აუქციონის ორგანიზებასა და მოწყობასთან დაკავშირებული ხარჯები.

    მუხლი 6. აუქციონზე შეძენილ ქონებაზე უფლების მიღება

1. თანხის სრული გადახდისთანავე მყიდველს ეძლევა გაყიდვისა და ქონების ფლობის (განკარგვის) შესახებ სერტიფიკატი (დანართი №2), რომელსაც გასცემს ის საგადასახადო ორგანო, სადაც მოვალე იმყოფება საგადასახადო აღრიცხვაზე და რომელშიც შეიტანება შემდეგი მონაცემები:

ა) აუქციონის ჩატარების დრო და ადგილი;

ბ) შეძენილი ქონების დასახელება;

გ) მყიდველის ვინაობა (დასახელება);

დ) გადახდილი თანხის რაოდენობა.

2. სერტიფიკატი ძალაშია მყიდველის მიერ თანხის სრულად გადახდის დამადასტურებელ დოკუმენტთან ერთად.

3. სერტიფიკატთან ერთად მყიდველს გადაეცემა აუქციონის მსვლელობის ამსახველი ოქმი, სადაც ასა-ხულია შესყიდული ქონების სრული ჩამონათვალი.

4. გაყიდვის სერტიფიკატით მყიდველს გადაეცემა საკუთრების უფლება, რომელზეც ვრცელდება არასაგადასახადო გირავნობის უფლება, რომელიც არსებობდა ქონების გაყიდვამდე და აღემატებოდა საგადასახადო გირავნობის უფლებას, რამაც გამოიწვია ქონების დაყადაღება. მყიდველმა დაუყოვნებლივ უნდა გამოიტანოს ქონება ნებისმიერი საწყობიდან თუ საცავიდან, სადაც საქართველოს ფინანსთა სამინისტროს შემოსავლების სამსახური ინახავდა მას. მყიდველის საკუთრების უფლება ძალაში შედის თანხის სახელმწიფოსათვის სრულად გადახდისთანავე.

5. ღია აუქციონზე საქონლის რეალიზაცია იბეგრება საქართველოს საგადასახადო კოდექსითა და სხვა კანონქვემდებარე ნორმატიული აქტებით დადგენილი წესის საფუძველზე.

6. მარეგისტრირებელი ორგანოები აუქციონზე ქონების მყიდველის მიერ სერტიფიკატის (მოწმობის) წარდგენის შემთხვევაში უფლებამოსილია კანონმდებლობით დადგენილი წესის შესაბამისად დაარეგისტრიროს ქონების ახალი მესაკუთრე, რომელიც იკავებს ძველი მესაკუთრის ადგილს და ხდება საკუთრების გადასვლის მომენტში არსებულ ნივთთან დაკავშირებული სამართლებრივი ურთიერთობის მონაწილე.

საქართველოს მთავრობის 2007 წლის 28 მარტის დადგენილება №60 - სსმ III, №45, 02.04.2007 წ., მუხ.505

დანართი №1

ო ქ მ ი №

აუქციონის მსვლელობისა და შედეგების  შესახებ

___________________________________         ______________________200  წ.

(ოქმის შედგენის ადგილი)                 (რიცხვი, თვე)

                                                        ___________________________________

                                                                   (ინსპექციის დასახელება)

 

 № _________ სააღსრულებო ფურცლის საფუძველზე

______________________________________________________________________________________

                              (ინსპექციის წარმომადგენლის თანამდებობა, სახელი, გვარი)

 

 მოვალის:______________________________________________________________________________

                                   (მოვალის დასახელება, მისამართი, საიდენტიფიკაციო კოდი)

 

ყადაღადადებული ქონების რეალიზაციის მიზნით ჩავატარე ღია აუქციონი

 

შემდეგი პირების თანდასწრებით:

1. ______________________________________________________________________________________

                                                             (სახელი, გვარი და მისამართი)

2. ______________________________________________________________________________________

                                                               (სახელი, გვარი და მისამართი)

_______________________________________________________________________________________

 

მოვალე: (მოვალის წარმომადგენელი)_________________________________________

                                                                                 (სახელი, გვარი და მისამართი)

 

აუქციონზე სარეალიზაციოდ გამოტანილი იქნა მოვალის შემდეგი ქონება

 

 

სარეალიზაციოდ გამოტანილი ქონების საერთო ღირებულება _____________________ ლარი

                                                                                                                   თანხა სიტყვიერად

აუქციონში მონაწილეობენ _____________________________________________________________

                                                                   აუქციონში მონაწილეთა ვინაობა(დასახელება)

_______________________________________________________________________________________

_______________________________________________________________________________________

 

რომლებმაც აუქციონის დაწყებამდე ხაზინის სადეპოზიტო ქვეანგარიშზე წინასწარ გადაიხადეს აუქციონზე გასაყიდად გამოტანილი იმ ნივთის საწყისი ღირებულების 2%, რომლის შეძენასაც აპირებენ

 

აუქციონი გამოცხადდა გახსნილად და დაფიქსირდა საწყისი ფასი.

 

აუქციონის მსვლელობა აისახება ოქმში და ფიქსირდება ყველა შემოთავაზება, რომელიც აუქციონის მსვლელობისას კეთდება

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

_______________________________________________________________________________________

 

ვინაიდან აღარ განხორციელდა სხვა შემოთავაზება, რის შემდეგაც დაფიქსირდა ფასის ბოლო შემოთავაზების ავტორი და აუქციონი გამოცხადდა დასრულებულად.

 

აუქციონის შედეგად რეალიზებულ იქნა მოვალის შემდეგი ქონება

 

 

რეალიზებული ქონების საერთო ღირებულება     _________________ ლარი

 

მყიდველებს განემარტათ, რომ საგადასახადო კანონმდებლობის შესაბამისად ვალდებულნი არიან დაუყოვნებლივ გადაიხადონ შემოთავაზებული ფასის არანაკლებ ნახევარი ან 5000 ლარი, უმცირესი თანხის მიხედვით, მხოლოდ თანხის დარჩენილი ნაწილი უნდა დაიფაროს რეალიზაციიდან 14 დღის განმავლობაში. თანხის მთლიანად დაფარვამდე მყიდველს არ  გააჩნია ქონებაზე საკუთრების უფლება. თუ მყიდველი ვერ შესძლებს აუქციონზე შესყიდული ქონების ღირებულების სრულად გადახდას დადგენილ ვადაში, ის კარგავს ყოველგვარ უფლებას აღნიშნულ ქონებაზე და მის მიერ ქონების შეძენის მიზნით უკვე გადახდილ თანხაზე (მათ შორის დეპოზიტზე განთავსებულ თანხაზე)

 

აუქციონი ჩატარდა საქართველოს საგადასახადო კოდექსის 88-ე მუხლის დაცვით და მისი სისწორე დასტურდება ხელმოწერით:

                                                                                               

საგადასახადო ინსპექციის წარმომადგენელი                                                     /____________________/

 

დამსწრეები და მონაწილეები:          

1   /____________________/

 

2 /____________________/

 

3  /____________________/

 

4   /____________________/

 

 

მოვალე:                                                                                  /________________________/

                                                                                                 (სახელი და გვარი)

 

შენიშვნა:_____________________________________________________________________________

_____________________________________________________________________________________

_____________________________________________________________________________________

_____________________________________________________________________________________

_____________________________________________________________________________________

_____________________________________________________________________________________

_____________________________________________________________________________________

 

                                                                                          დანართი №2

 

აუქციონზე შეძენილ ქონებაზე

უფლების მიღების

 

სერთიფიკატი (მოწმობა) №

 

საგადასახადო ინსპექციის დასახელება __________________________________________________

აუქციონის ჩატარების ადგილი _________________________________________________________

აუქციონის ჩატარების დრო ___________________________________________________________

შეძენილი ქონების დასახელება ________________________________________________________

______________________________________________________________________________________

________________________________________________________________________________________     ________________________________________________________________________________________

______________________________________________________________________________________

______________________________________________________________________________________

______________________________________________________________________________________

______________________________________________________________________________________

______________________________________________________________________________________

 

მყიდველის ვინაობა (დასახელება) ______________________________

გადახდილი თანხის ოდენობა __________________________________

 

სერ ტ იფიკატი ძალაშია მყიდველის მიერ თანხის სრულად გადახდის დამადასტურებელ დოკუმენტთან ერთად

 

სერ ტ იფიკატთან ერთად მყიდველს გადაეცემა აუქციონის მსვლელობის ამსახველი ოქმი, სადაც ასახულია შესყიდული ქონების სრული ჩამონათვლი

 

სერ ტ იფიკატის გაცემის თარიღი _________________________________

 

საგადასახადო ინსპექციის უფროსი _____________________________

 

 

Annotate