საქართველოს ენერგეტიკის მარეგულირებელი ეროვნული კომისიის (სემეკ) დებულების დამტკიცების შესახებ

სახელმწიფო სარეგისტრაციო კოდი 300.390.000.14.011.006.087

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება �18

2003 წლის 24 სექტემბერი

ქ. თბილისი

საქართველოს ენერგეტიკის მარეგულირებელი ეროვნული კომისიის (სემეკ) დებულების დამტკიცების შესახებ

�დამოუკიდებელი ეროვნული მარეგულირებელი ორგანოების შესახებ� საქართველოს კანონის და �ელექტრონერგეტიკისა და ბუნებრივი გაზის შესახებ� საქართველოს კანონის მე-4 მუხლის მე-3 პუნქტისა და მე-5 მუხლის პირველი პუნქტის საფუძველზე, სემეკმა დაადგინა:

1. დამტკიცდეს საქართველოს ენერგეტიკის მარეგულირებელი ეროვნული კომისიის (სემეკ) დებულება.

2. ძალადაკარგულად გამოცხადდეს �საქართველოს ელექტროენერგეტიკისა და ბუნებრივი გაზის სფეროში სერტიფიკაციის სისტემის ცენტრალური ორგანოს შესახებ� სემეკის 2001 წლის 6 მარტის �2 დადგენილება და �საქართველოს ენერგეტიკის მარეგულირებელი ეროვნული სემეკის დებულების დამტკიცების შესახებ� სემეკის 2003 წლის 20 მაისის �7 დადგენილება.

3. დადგენილება ძალაშია გამოქვეყნების დღიდან.

თავმჯდომარე დ. მირცხულავა

შეტანილი ცვლილებები:

1. საქართველოს ენერგეტიკის მარეგულირებელი ეროვნულ ი კომისიის 2003 წლის 27 ოქტომბრის დადგენილება �23-სსმIII,�139,04.12.2003წ.,მუხ.1136

2. საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

საქართველოს ენერგეტიკის მარეგულირებელი ეროვნული კომისიის დებულება

კარი I. ზოგადი დებულებანი

თავი I. სემეკის სტატუსი, ფუნქციები და უფლებამოსილებანი

��� მუხლი 1.

1. საქართველოს ენერგეტიკის მარეგულირებელი ეროვნული კომისია (შემდგომში � სემეკი) არის �ელექტროენერგეტიკისა და ბუნებრივი გაზის შესახებ� საქართველოს კანონის საფუძველზე შექმნილი და �დამოუკიდებელი ეროვნული მარეგულირებელი ორგანოების შესახებ� საქართველოს კანონით განსაზღვრული საჯარო სამართლის იურიდიული პირი, რომელიც წარმოადგენს სახელმწიფოს მიერ განსაზღვრული სფეროს რეგულირების მიზნით შექმნილ, სპეციალური უფლებაუნარიანობის მქონე დამოუკიდებელ ორგანოს, იგი დამოუკიდებელია სახელმწიფო ორგანოების, უწყებებისა და ორგანიზაციებისაგან და არ არის დაფუძნებული სახელმწიფო ქონების ბაზაზე.

2. სემეკი თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საქართველოს კანონებით და სხვა ნორმატიული აქტებით.

3. სემეკს აქვს ბეჭედი საქართველოს სახელმწიფო გერბის გამოსახულებით და საკუთარი სახელწოდების აღნიშვნით, დამოუკიდებელი ბალანსი, სათანადო ანგარიშები ბანკში, მათ შორის, უცხოურ ვალუტაში.

4. სემეკის საქმიანობის დაფინანსების ძირითადი წყაროა ლიცენზიატების, იმპორტიორების, მიმწოდებლების და სისტემის კომერციული ოპერატორის მიერ გადახდილი რეგულირების საფასური.

5. სემეკი ყოველი წლის 31 მარტამდე ადგენს თავისი საქმიანობის შესახებ გასული წლის ანგარიშს, რომელსაც უგზავნის საქართველოს პრეზიდენტს, საქართველოს პარლამენტს და საქართველოს ენერგეტიკის სამინისტროს. სემეკის ანგარიში ხელმისაწვდომია საზოგადოებისთვისაც.

6. სემეკის იურიდიული მისამართია: 0177 ქ. თბილისი, ალ. ყაზბეგის გამზ. �45, ტელ: (995 32) 399176, ფაქსი: (995 32) 311690, ელფოსტა: mail@gnerc.org, ვებგვერდი: www.gnerc.org.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 2.

სემეკის ძირითადი ფუნქციებია:

ა) ელექტროენერგიის წარმოების, გადაცემის, დისპეტჩერიზაციისა და განაწილების, აგრეთვე ბუნებრივი გაზის ტრანსპორტირების და განაწილების ლიცენზირების წესებისა და პირობების დადგენა. ლიცენზიების გაცემა, მათში ცვლილებების შეტანა და მათი გაუქმება;

ბ) საქმისწარმოების წესების და პროცედურების, სადავო საკითხების განხილვის პროცედურული წესების, რეგულირების საფასურის ოდენობის და გაანგარიშების წესის, ლიცენზირების წესების, მიწოდებისა და მოხმარების წესების, ტარიფების მეთოდოლოგიის, ტარიფების (მათ შორის, ზღვრული), ნორმატიული დანაკარგების ოდენობის და გაანგარიშების წესის შემუშავება და დამტკიცება. ასევე, სხვა ნორმატიული აქტების შემუშავება და დამტკიცება საკანონმდებლო აქტით განსაზღვრულ შემთხვევებში;

გ) კონკურენციის განვითარების საფუძველზე და არსებული არაკონკურენტული ბაზრის რეგულირების მექანიზმების გამოყენებით ელექტროენერგიის წარმოების, გადაცემის, დისპეტჩერიზაციის, განაწილების, გატარების, იმპორტის და მოხმარების, სისტემის კომერციული ოპერატორის მომსახურების, სისტემის კომერციული ოპერატორის მიერ სავალდებულო წესით შესასყიდი და სიმძლავრის სასისტემო რეზერვის ტარიფების, ასევე ახალი მომხმარებლების გადამცემ ან გამანაწილებელ ქსელზე მიერთების საფასუ-რის, აგრეთვე ბუნებრივი გაზის ტრანსპორტირების, განაწილების, მიწოდებისა და მოხმარების ტარიფების დადგენა და რეგულირება, გარდა ავტოგაზგასამართ სადგურებში რეალიზებული ბუნებრივი გაზის ტარიფებისა;

დ) ლიცენზიატებს, იმპორტიორებს, ექსპორტიოებს, მიმწოდებლებსა და მომხმარებლებს, აგრეთვე სისტემის კომერციულ ოპერატორს შორის წარმოქმნილი სადავო საკითხების გადაწყვეტა თავისი კომპეტენციის ფარგლებში;

ე) ელექტროენერგეტიკისა და ბუნებრივი გაზის სექტორში ლიცენზიების პირობების დაცვის კონტროლი და დარღვევისათვის კანონით გათვალისწინებული ღონისძიებების გატარება;

ვ) ენერგეტიკის დარგში სერტიფიკაციის სამუშაოთა ორგანიზება და კოორდინაცია;

ზ) ლიცენზიატის მიერ ლიცენზიით გათვალისწინებული მომსახურების შეწყვეტაზე, შემცირებაზე ან გაზრდაზე უფლების მიცემა;

თ) ყველა კატეგორიის მომხმარებლის ელექტროენერგიითა და ბუნებრივი გაზით სტაბილური მომარაგებისათვის საჭირო სამართლებრივი საფუძვლის შექმნა;

ი) ლიცენზიატების, იმპორტიორის, ექსპორტიორის, მიმწოდებლის და სისტემის კომერციულ ოპერატორის მიერ მომსახურების გაწევის პირობებისა და წესების დამტკიცება;

კ) ელექტროენერგეტიკისა და ბუნებრივი გაზის სექტორში მომსახურების აღრიცხვის, ანგარიშის მომზადების, დაგზავნის, აგრეთვე ელექტროენერგიისა და ბუნებრივი გაზის საფასურის გადახდის პროცედურების დამტკიცება;

ლ) ელექტროენერგეტიკის და ბუნებრივი გაზის დარგების რეაბილიტაციისა და განვითარების მიზნით ადგილობრივი და უცხოური ინვესტიციების მოზიდვის ხელშეწყობა;

მ) ჰიდროენერგეტიკული, სხვა განახლებადი, ალტერნატიული და ბუნებრივი გაზის ადგილობრივი რესურსების ათვისებისა და უპირატესი გამოყენების ხელშეწყობა;

ნ) ელექტროენერგიის წარმოების, გადაცემის, დისპეტჩერიზაციის, განაწილების, იმპორტის, ექსპორტისა და მოხმარების, აგრთვე ბუნებრივი გაზის მიწოდების, იმპორტის, ექსპორტის, ტრანსპორტირების, განაწილებისა და მოხმარების ეფექტიანობის ამაღლების ხელშეწყობა.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 3.

სემეკი უფლებამოსილია:

ა) მოითხოვოს სახელმწიფო და სხვა ორგანიზაციებისგან, დაწესებულებებისგან, სახელმწიფო და კერძო საწარმოებისგან, ფიზიკური პირებისგან, აგრეთვე თანამდებობის პირებისგან ინფორმაციული, დოკუმენტური და სხვა მასალები, რომლებიც საჭიროა სემეკისთვის კანონმდებლობით დაკისრებული ფუნქციების განსახორციელებლად;

ბ) თავისი ფუნქციების განხორციელების მიზნით, კანონმდებლობით გათვალისწინებულ შემთხვევებში და წესით, მიიღოს სამართლებრივი აქტები - სემეკის გადაწყვეტილებები და დადგენილებები, რომლებიც სავალდებულოა შესასრულებლად ელექტროენერგეტიკისა და ბუნებრივი გაზის სექტორებში სამართალურთიერთობის ყველა სუბიექტისთვის;

გ) კვალიფიკაციის ამაღლების, გამოცდილების გაზიარებისა და შეძენის მიზნით, საქართველოში და საზღვარგარეთ ჩატარებულ შეხვედრებსა და სხვადასხვა პროგრამებში მონაწილეობის მისაღებად დადგენილი წესით მიავლინოს სემეკის აპარატის თანამშრომლები;

დ) დაკისრებულ ამოცანათა გადასაწყვეტად შექმნას მუდმივმოქმედი და დროებითი სამუშაო ჯგუფები;

ე) გაწევრიანდეს და ითანამშრომლოს შესაბამის საერთაშორისო და ადგილობრივ ორგანიზაციებთან;

ვ) უზრუნველყოს სემეკის მატერიალურ-ტექნიკური ბაზის სრულყოფა და გაფართოება, მუშაკთა მატერიალური სტიმულირება და სოციალური დაცვა, კანონმდებლობით განსაზღვრული წესით;

ზ) გამოვიდეს სასამართლოში მოსარჩლის ან მოპასუხის როლში;

თ) ორგანიზება და კოორდინaცია გაუკეთოს ნებაყოფლობით და სავალდებულო სერტიფიკაციის სამუშაოებს საქართველოს კანონმდებლობით დადგენილი წესის მიხედვით;

ი) უზრუნველყოს მის მიერ მიღებული ყველა დადგენილების, გადაწყვეტილების, ბრძანების, ჩანაწერის, სხვა დოკუმენტის და გაცემული ნებართვის საჯარო განხილვის შესაძლებლობა, გარდა საიდუმლო ინფორმაციისა;

კ) ოფიციალურად განმარტოს მის მიერ მიღებული სამართლებრივი აქტები;

ლ) განახორციელოს საქართველოს კანონმდებლობით განსაზღვრული სხვა უფლებამოსილებანი.

თავი II. სემეკის მართვა, ფინანსები და ქონება

��� მუხლი 4.

1. სემეკი შედგება სამი წევრისგან, რომელთაც 6 წლის ვადით ნიშნავს საქართველოს პრეზიდენტი. სემეკის ერთ-ერთ წევრს საქართველოს პრეზიდენტი ნიშნავს სემეკის თავმჯდომარედ. სემეკის წევრი კომისიის თავჯდომარის წარდგინებით ინიშნება ექვსი წლით. სემეკის წევრი შეიძლება ხელახლა დაინიშნოს ექვსწლიანი ვადით. თუ სემეკის წევრის თანამდებობა ვადაზე ადრე თავისუფლდება, პრეზიდენტი სემეკის თავჯდომარის წარდგინებით ნიშნავს ახალ წევრს დარჩენილი ვადით.

2. სემეკის წევრი ვალდებულია სემეკში მუშაობის პერიოდში შეაჩეროს პოლიტიკური პარტიის წევრობა. დაუშვებელია სემეკში და მის აპარატში პოლიტიკური პარტიების, საზოგადოებრივი ორგანიზაციებისა და მათი სტრუქტურული ერთეულების შექმნა.

3. სემეკი წარმოადგენს ადმინისტრაციულ ორგანოს, სადაც სამართლებრივი აქტების მიღება ხდება კენჭისყრის პრინციპით, ხმათა უმრავლესობით.

4. სემეკის სამივე წევრი სარგებლობს თანაბარი ხმის უფლებით.

5. სემეკის სხდომაზე საკითხის განხილვა შესაძლებელია, თუ მას ესწრება სემეკის ორი წევრი მაინც.

6. განსახილველ საკითხზე გადაწყვეტილება მიღებულად ჩაითვლება, თუ მას ხმა მისცა სემეკის არანაკლებ ორმა წევრმა. სემეკის წევრს თავშეკავების უფლება არა აქვს. სემეკის წევრის განსხვავებული პოზიცია საკითხის მიმართ ფიქსირდება სემეკის სხდომის ოქმში.

7.სემეკის თავმჯდომარე:

ა) პასუხისმგებელია სემეკისა და მისი აპარატის ადმინისტრაციულ მართვაზე;

ბ) ამტკიცებს სემეკის წევრებისა და აპარატის თანამშრომლების ხელფასების ოდენობას;

გ) ნიშნავს და ათავისუფლებს აპარატის თანამშრომლებს სემეკის წევრებთან შეთანხმებით;

დ) სემეკის კომპეტენციის ფარგლებში, დადგენილი წესით გამოსცემს ინდივიდუალურ სამართლებრივ აქტს, ბრძანებას;

ე) განკარგავს სემეკის ქონებას მოქმედი კანონმდებლობის შესაბამისად;

ვ) უძღება სემეკის სხდომებს და პასუხისმგებელია სემეკის მიერ დადგენილებებისა და გადაწყვეტილებების მიღებისას პროცედურული წესების დაცვასა და მათ გამოქვეყნებაზე;

ზ) წარმოადგენს სემეკს საქართველოსა და სხვა ქვეყნების ხელისუფლების ორგანოებში, აგრეთვე, საერთაშორისო ორგანიზაციებში;

8. სემეკის წევრის უფლებამოსილებანი:

ა) თავმჯდომრის არყოფნის დროს მისი ბრძანებით შეასრულოს თავმჯდომარის უფლება-მოვალეობები;

ბ) დადგენილი წესით განახორციელოს მიმოწერა;

გ) გასცეს შესაბამისი დავალებები სემეკის აპარატის თანამშრომლებზე;

დ) თავისი კომპეტენციის ფარგლებში შეუფერხებლად მიიღოს და იმუშაოს ლიცენზიატის დოკუმენტაციასა და პერსონალთან.

ე) განახორციელოს კანონმდებლობით მინიჭებული სხვა ფუნქციები.

9. მასზე დაკისრებული ფუნქციების შესასრულებლად სემეკს ჰყავს აპარატი. აპარატის თანამშრომელს თანამდებობაზე ნიშნავს და თანამდებობიდან ათავისუფლებს სემეკის თავმჯდომარე სემეკის წევრებთან შეთანხმებით, მოქმედი კანონმდებლობის შესაბამისად. სემეკის წევრების უფლებამოსილება, გარდა ადმინისტრაციული მართვისა, თანაბრად ვრცელდება სემეკის აპარატის თანამშრომლებზე. სემეკის აპარატის საქმიანობას კოორდანიციას უწევს აღმასრულებელი დირექტორი.

10. აღმასრულებელი დირექტორისა და აღმასრულებელი დირექტორის მოადგილის უფლებამოსილება.

ა) აღმასრულებელი დირექტორი:

ა.ა) �� კოორდინაციას უწევს სემეკის აპარატის სტრუქტურული ერთეულების საქმიანობას;

ა.ბ) ადგენს სემეკის სხდომების დღის წესრიგს, უზრუნველყოფს სემეკს მისი საქმიანობისათვის საჭირო მასალებით და ინფორმაციით;

ა.გ) წარუდგენს სემეკის თავმჯდომარეს ინფორმაციას სემეკის სხდომების დღის წესრიგში შესატანი საკითხების შესახებ;

ა.დ) ხელმძღვანელობს სემეკის ბიუჯეტის მომზადებას, რეგულირების საფასურის გაანგარიშებას, რეგულირების საფასურის გადახდაზე ლიცენზიატებთან, იმპორტიორებთან, მიმწოდებლებთან და სისტემის კომერციულ ოპერატორთან შესათანხმებელი გრაფი-კის შემუშავებას, აკონტროლებს რეგულირების საფასურის დროულ გადახდას, უზრუნველყოფს სემეკის ანგარიშის მომზადებას;

ა.ე) საერთო ხელმძღვანელობას უწევს საქმის წარმოებისა და საკადრო საქმეთა დეპარტამენტის და მატერიალურ-ტექნიკური უზრუნველყოფის სამმართველოსა და ბუღალტერიის საქმიანობას;

ა.ვ) აკონტროლებს სემეკის ბიუჯეტის სახსრების მიზნობრივ გამოყენებას, ხელს აწერს შესაბამის საბუღალტრო დოკუმენტებს;

ა.ზ) თავისი კომპეტენციის ფარგლებში ახორციელებს მიმოწერას;

ბ) აღმასრულებელი დირექტორის მოადგილე:

ბ.ა) წარმართავს სემეკის მატერიალურ-ტექნიკური უზრუნველყოფის სამმართველოს საქმიანობას;

ბ.ბ) აღმასრულებელი დირექტორის არყოფნისას ახორციელებს მის უფლებამოსილებებს.

11. სემეკის გადაწყვეტილებით სემეკის აპარატში გარკვეული თანამდებობის დასაკავებლად შეიძლება გამოცხადდეს კონკურსი.

12. შრომით ხელშეკრულებებს აპარატის თანამშრომლებთან აფორმებს და შესაბამის ბრძანებას გამოსცემს სემეკის თავმჯდომარე. თავმჯდომარის რწმუნებით აპარატის თანამშრომლებთან შრომით ხელშეკრულებების გაფორმება შეუძლია აღმასრულებელ დირექტორს.

13. სემეკის აპარატის საშტატო განრიგი მტკიცდება სემეკის გადაწყვეტილებით.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 5.

1. სემეკის ბიუჯეტის შევსების ძირითადი წყაროა ლიცენზიატებისაგან, იმპორტიორებისაგან, მიმწოდებლებისაგან და სისტემის კომერციული ოპერატორი-საგან მიღებული რეგულირების საფასური.

2. რეგულირების საფასურის ოდენობის განსაზღვრის წესი და გადახდის პირობები დგინდება მოქმედი კანონმდებლობის შესაბამისად, სემეკის დადგენილებით.

3. სემეკი ყოველი წლის 1 ოქტომბრისთვის ამტკიცებს შემდეგი წლის ბიუჯეტს, რომელშიც ასახული უნდა იყოს სემეკის ფუნქციებისა და უფლება-მოვალეოებების განხორციელებასთან დაკავშირებული ყველა ხარჯი. სემეკი ვალდებულია საზოგადოებისთვის ხელმისაწვდომი გახადოს თავისი ბიუჯეტი.

4.� რეგულირების საფასური ჩაირიცხება სემეკის ანგარიშზე. ამ ანგარიშზე არსებულ თანხებს განკარგავს მხოლოდ სემეკი. წლის განმავლობაში სემეკის მიერ გამოუყენებელი თანხები გადაიტანება შემდგომი წლის ანგარიშზე, ამ წლის რეგულირების საფასურის შესაბამისი შემცირებით. სემეკი უფლებამოსილია საჭიროების შემთხვევაშ�ი აიღოს სესხი. ამ სესხისა და შესაბამისი პროცენტის გასტუმრება ხორციელდება შემდეგი წლის რეგულირების საფასურიდან.

5. დასაშვებია სემეკის დასაფინანსებლად გრანტებისა და კანონმდებლობით ნებადართული სხვა სახსრების გამოყენება.

6. რეგულირების საფასური შედის ლიცენზიატების, იმპორტიორების, მიმწოდებლების და სისტემის კომერციული ოპერატორის მიერ წარმოებული პროდუქციის ან/და გაწეული მომსახურების ღირებულებაში.

7.� სემეკი ყოველწლიურად, 31 მარტამდე ამზადებს და აქვეყნებს გასული წლის ფინანსურ ანგარიშს.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 6.

1.� სემეკის ქონებას შეადგენს მის მფლობელობაში არსებული ძირითადი და საბრუნავი საშუალებები, საფინანსო რესურსები, რომლებიც აისახება სემეკის დამოუკიდებელ ბალანსში.

2.� სემეკის ლიკვიდაციის შემთხვევაში სემეკის ქონება გადადის სახელმწიფოს საკუთრებაში.

��� კარი II. სემეკის აპარატის სტრუქტურული ერთეულები

��� თავი III. ზოგადი დებულებანი

��� მუხლი 7.

1. სემეკის აპარატის სტრუქტურული ერთეულებია:

ა) ელექტროენერგეტიკის დეპარტამენტი;

ბ) ბუნებრივი გაზის დეპარტამენტი;

გ) ტარიფებისა და ფასწარმოქმნის დეპარტამენტი;

დ) იურიდიული დეპარტამენტი;

ე) მეთოდოლოგიური და ინფორმაციული უზრუნველყოფის დეპარტამენტი;

ვ) საზოგადოებასთან და საერთაშორისო ურთიერთობის დეპარტამენტი;

ზ) საქმისწარმოებისა და საკადრო საქმეთა დეპარტამენტი;

თ) სერტიფიკაციის სამმართველო;

ი) მატერიალურ-ტექნიკური უზრუნველყოფის სამმართველო;

კ) სემეკის თავმჯდომარის და წევრების აპარატი.

1^​1. სემეკის სტრუქტურაში შედიან სემეკის მთავარი მრჩეველი, თავმჯდომარის მრჩევლები და ბუღალტერია.

2. დეპარტამენტში შეიძლება არსებობდეს სამმართველოები.

3. დეპარტამენტს ხელმძღვანელობს უფროსი, რომელსაც შეიძლება ჰყავდეს მოადგილე, სამმართველოს და სამსახურს � უფროსი, ხოლო ბუღალტერიას � მთავარი ბუღალტერი.

4. სემეკის აპარატის სტრუქტურული ერთეულების და მათი ქვედანაყოფების ფუნქციები განისაზღვრება ამ დებულებით და მათ�ი დებულება ცალკე არ მტკიცდება.

5. მომხმარებელთა ინტერესების დაცვის დამატებითი გარანტიების შესაქმნელად სემეკის აპარატისგან დამოუკიდებლად ყალიბდება მომხმარებელთა ინტერესების საზოგადოებრივი დამცველის სამსახური. საზოგადოებრივი დამცველის საქმიანობა რეგულირების შემადგენელი საქმიანობაა, ფინანსდება შესაბამის მარეგულირებელ ორგანოში გადახდილი რეგულირების საფასურიდან და აისახება მარეგულირებელი ორგანოს ბიუჯეტში, შესაბამისად, საზოგადოებრივი დამცველის სამსახურის საშტატო განრიგი და ბიუჯეტი მტკიცდება სემეკის მიერ. საზოგადოებრივი დამცველი ინიშნება ღია კონკურსის წესით. საკონკურსო კომისიის გადაწყვეტილება 10 დღის ვადაში ფორმდება სემეკის თავმჯდომარის ბრძანებით.

საქართველოს ენერგეტიკის მარეგულირებელი ეროვნულ ი კომისიის 2003 წლის 27 ოქტომბრის დადგენილება �23-სსმIII,�139,04.12.2003წ.,მუხ.1136

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 8.

1. სემეკის აპარატის სტრუქტურული ერთეულის ხელმძღვანელი:

ა) განსაზღვრავს დაქვემდებარებაში მყოფი ყოველი საშტატო ერთეულის ფუნქციურ მოვალეობას;

ბ) წარმართავს სტრუქტურული ერთეულის საქმიანობას საქართველოს კანონმდებლობის, ამ დებულებისა და სემეკის წევრების დავალებათა შესაბამისად;

გ) პასუხისმგებელია სტრუქტურული ერთეულზე დაკისრებული ფუნქციების ჯეროვან შესრულებაზე;

დ) ანაწილებს ფუნქციებს სტრუქტურულ ქვედანაყოფებს შორის და უზრუნველყოფს მათ კოორდინირებულ მუშაობას;

ე) ხელს აწერს ან უკეთებს ვიზირებას სტრუქტურულ ერთეულში მომზადებულ დოკუმენტებს;

ვ) წარუდგენს სემეკს სტრუქტურული ერთეულის მუშაობის კვარტალურ და წლიურ, ასევე სემეკის თავმჯდომარის დავალებით ნებისმიერი სხვა პერიოდის ანგარიშს;

ზ) თავისი კომპეტენციის ფარგლებში, სტრუქტურული ერთეულის სახელით ახორციელებს ახორციელებს მიმოწერას, აგრეთვე სემეკის მიერ მინიჭებულ სხვა უფლებამოსილებებს.

2. სტრუქტურული ქვედანაყოფის (სამმართველოს) უფროსი:

ა) პასუხისმგებელია სამმართველოზე დაკისრებული ფუნქციების სათანადო შესრულებაზე;

ბ) ანაწილებს სამმართველოს მუშაკებს შორის სამუშაოს და უზრუნველყოფს მის ხარისხიანად და დროულად შესრულებას;

გ) ხელს აწერს ან უკეთებს ვიზირებას სტრუქტურულ ქვედანაყოფში მომზადებულ დოკუმენტებს.

3. სტრუქტურული ერთეულის ხელმძღვანელის მიერ თავისი სამსახურებრივი უფლებამოსილებების შესრულების შეუძლებლობის შემთხვევაში, სემეკის თავმჯდომარის ბრძანებით მის მოვალეობას ასრულებს სტრუქტურული ქვედანაყოფის (სამმართველოს) უფროსი, ხოლო ასეთის არ არსებობის შემთხვევაში, ამ სტრუქტურულ ერთეულში ყველაზე მაღალი წოდების თანამშრომელი.

��� თავი IV. ელექტროენერგეტიკის დეპარტამენტი

��� მუხლი 9.

ელექტროენერგეტიკის დეპარტამენტის ძირითადი ფუნქციებია:

ა) ელექტროენერგეტიკის სექტორის ლიცენზიატების მიერ ან სემეკის ინიციატივით ნორმატიული დანაკარგების დადგენაზე წარმოდგენილი მოთხოვნების და შესაბამისი დოკუმენტაციის ექსპერტიზა და დასკვნის მომზადება;

ბ) ელექტროენერგეტიკის სექტორის მომხმარებლებს, ლიცენზიატებს, იმპორტიორებს, ექსპორტიო-რებსა და სისტემის კომერციულ ოპერატორს შორის წარმოშობილი სადავო საკითხების სემეკის სხდომაზე განსახილველად მომზადება;

გ) მის კომპეტენციაში შემავალ საკითხებზე, აპარატის შესაბამის სტრუქტურულ ერთეულებთან ერთად, სემეკის სამართლებრივი აქტების პროექტების მომზადება;

დ) ელექტროენერგეტიკის სექტორის ნორმატიულ-ტექნიკური დოკუმენტაციის შემუშავება და სრულყოფა;

ე) ელექტროენერგეტიკის სექტორში მოქმედი ლიცენზიატების მიერ, დადგენილი წესით, წარმოდგენილი ტექნიკური ანგარიშების ანალიზის საფუძველზე, სემეკისთვის შესაბამისი დასკვნების მომზადება.

ვ) ელექტროენერგეტიკის სექტორში ლიცენზიების მაძიებელთა დოკუმენტაციის ტექნიკური ექსპერტიზა, დასკვნის მომზადება და სემეკის აპარატის სხვა დეპარტამენტებისგან ამ საკითხებზე შესაბამისი საექსპერტო დასკვნების მოპოვება;

ზ) ელექტროენერგეტიკის სექტორში შესაბამისი ლიცენზიის გაცემაზე, ლიცენზიაში ცვლილებების შეტანაზე ან/და გაუქმებაზე საკითხების მომზადება სემეკის სხდომაზე განსახილველად;

თ) ელექტროენერგეტიკის სექტორის ლიცენზიატების მიერ ლიცენზიების პირობების, მათ შორის ელექტ-როენერგეტიკულ სექტორში მოქმედი სუბიექტების მიერ �ელექტროენერგიის (სიმძლავრის) მიწოდებისა და მოხმარების წესებისა� და სემეკის მიერ დადგენილი სხვა პირობების შესრულების კონტროლი და შემოწმების განხორციელება. აგრეთვე, დადგენილი მოთხოვნების დარღვევისთვის შესაბამისი ოქმების შედგენა და კანონმდებლობით გათვალისწინებული ღონისძიებების გასატარებლად სემეკის სხდომისთვის წინადადებების შემუშავება და საკითხის მომზადება;

ი) რეგულირების საფასურის გადახდაზე ელექტროენერგეტიკის სექტორის ლიცენზიატებთან, იმპორტიორებთან და სისტემის კომერციულ ოპერატორთან შესათანხმებელი გრაფიკის შემუშავებაში მონაწილეობის მიღება;

2. ელექტროენერგეტიკის დეპარტამენტის ტექნიკური სამმართველო უზრუნველყოფს ამ მუხლის პირველი პუნქტის �ა�, �ბ� �გ� �დ� და �ე� ქვეპუნქტებით განსაზღვრული ფუნქციების შესრულებას.

საქართველოს ენერგეტიკის მარეგულირებელი ეროვნულ ი კომისიის 2003 წლის 27 ოქტომბრის დადგენილება �23-სსმIII,�139,04.12.2003წ.,მუხ.1136

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი V. ბუნებრივი გაზის დეპარატამენტი

��� მუხლი 10.

ბუნებრივი გაზის დეპარტამენტის ძირითადი ფუნქციებია:

ა) ბუნებრივი გაზის სექტორში ლიცენზიების მაძიებელთა დოკუმენტაციის ტექნიკური ექსპერტიზა, დასკვნის მომზადება და სემეკის აპარატის სხვა დეპარტამენტებისგან ამ საკითხებზე შესაბამისი საექსპერტო დასკვნების მოპოვება;

ბ) ბუნებრივი გაზის შესაბამისი ლიცენზიის გაცემაზე, ლიცენზიაში ცვლილებების შეტანაზე ან/და გაუქმებაზე საკითხების მომზადება სემეკის სხდომაზე განსახილველად;

გ) ბუნებრივი გაზის სექტორის ლიცენზიატების მიერ ლიცენზიების პირობების, მათ შორის ბუნებ-რივი გაზის სექტორში მოქმედი სუბიექტების მიერ �ბუნებრივი გაზის მიწოდებისა და მოხმარების წესებისა� და სემეკის მიერ დადგენილი სხვა პირობების შესრულების კონტროლი და შემოწმების განხორციელება. აგრეთვე, დადგენილი მოთხოვნების დარღვევისათვის შესაბამისი ოქმების შედგენა და კანონმდებლობით გათვალისწინებული ღონისძიებე-ბის გასატარებლად სემეკის სხდომისთვის წინადადებების შემუშავება და საკითხის მომზადება;

დ) ყოველწლიური რეგულირების საფასურის გა-დახდაზე ბუნებრივი გაზის სექტორის ლიცენზიატებთან და მიმწოდებლებთან შესათანხმებელი გრაფიკის შემუშავებაში მონაწილეობის მიღება;

ე) ბუნებრივი გაზის სექტორის ლიცენზიატების მიერ ან სემეკის ინიციატივით ნორმატიული დანაკარგების დადგენაზე წარმოდგენილი მოთხოვნების და შესაბამისი დოკუმენტაციის ექსპერტიზა და დასკვნის მომზადება;

ვ) მის კომპეტენციაში შემავალ საკითხებზე, აპარატის შესაბამის სტრუქტურულ ერთეულებთან ერთად, სემეკის სამართლებრივი აქტების პროექტების მომზადება;

ზ) ბუნებრივი გაზის სექტორის ლიცენზიატებს, მიმწოდებლებს ან/და მომხმარებლებს შორის წარმოშობილი სადავო საკითხების სემეკის სხდომაზე განსახილველად მომზადება;

თ) ბუნებრივი გაზის სექტორის ნორმატიულ-ტექნიკური დოკუმენტაციის შემუშავება და სრულყოფა;

ი) ბუნებრივი გაზის სექტორში მოქმედი ლიცენზიატების მიერ, დადგენილი წესით, წარმოდგენილი ტექნიკური ანგარიშების ანალიზის საფუძველზე, სემეკისთვის შესაბამისი დასკვნების მომზადება.

საქართველოს ენერგეტიკის მარეგულირებელი ეროვნულ ი კომისიის 2003 წლის 27 ოქტომბრის დადგენილება �23-სსმIII,�139,04.12.2003წ.,მუხ.1136

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი VI. ტარიფებისა და ფასწარმოქმნის დეპარტამენტი

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 11.

1. ტარიფებისა და ფასწარმოქმნის დეპარტამენტის ძირითადი ფუნქციებია:

ა) ელექტროენერგეტიკისა და ბუნებრივი გაზის სექტორებში შესაბამისი ლიცენზიატების, იმპორტიორების, მიმწოდებლებისა და პირდაპირი მომხმარებლების, აგრეთვე სისტემის კომერციული ოპერატორის მიერ წარმოდგენილი სატარიფო განაცხადების და თანდართული მასალების ანალიზი და შესაბამისი დასკვნებისა და წინადადებების მომზადება სემეკის სხდომაზე განსახილველად;

ბ) ტარიფების დასადგენად, ელექტროენერგეტიკისა და ბუნებრივი გაზის სექტორებში ლიცენზიატების, იმპორტიორების, მიმწოდებლებისა და სისტემის კომერციული ოპერატორის ეკონომიკური მდგომარეობის ანალიზი და მონიტორინგი;

გ) კვარტალური და წლიური ანგარიშების შედგენა თავისი კომპეტენციის ფარგლებში;

დ) მის კომპეტენციაში შემავალ საკითხებზე, აპარატის შესაბამის სტრუქტურულ ერთეულებთან ერთად, სემეკის სამართლებრივი აქტების პროექტების მომზადება;

ე) ელექტროენერგეტიკისა და ბუნებრივი გაზის სექტორებში მოქმედი შესაბამისი ლიცენზიატების, იმპორტიორების, ექსპორტიორების, მიმწოდებლებისა და პირდაპირი მომხმარებლების, ასევე, სისტემის კომერციული ოპერატორის მიერ დადგენილი წესით წარმოდგენილი ფინანსური ანგარიშების ანალიზის საფუძველზე, სემეკისთვის შესაბამისი დასკვნების მომზადება;

ვ) მეთოდოლოგიური და ინფორმაციული უზრუნველყოფის დეპარტამენტთან ერთად ელექტროენერ-გეტიკისა და ბუნებრივი გაზის სექტორებში ელექტროენერგიის ტარიფების დადგენის მეთოდოლოგიის შემუშავება, ანალიზი და სრულყოფა;

ზ) ახალი მომხმარებლებისათვის მიერთების საფასურის ოდენობის გაანგარიშება და დადგენა;

თ) ელექტროენერგიის წარმოების, გადაცემის, დისპეტჩერიზაციის, განაწილების, გატარების, იმპორტის და მოხმარების, სისტემის კომერციული ოპერატორის მომსახურების, სისტემის კომერციული ოპერატორის მიერ სავალდებულო წესით შესასყიდი და სიმძლავრის სასისტემო რეზერვის ტარიფების, აგრეთვე ბუნებრივი გაზის ტრანსპორტირების, განაწილების, მიწოდებისა და მოხმარების ტარიფების გაანგარიშება და დადგენა.

2. ტარიფებისა და ფასწარმოქმნის დეპარტამენტის ბუნებრივი გაზის სამმართველო უზრუნველყოფს ბუნებრივი გაზის სექტორში ამ მუხლის პირველი პუნქტის �ა�, �ბ� �გ� �დ� �ე�, �ვ� და �თ� ქვეპუნქტებით განსაზღვრული ფუნქციების შესრულებას.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი VII. იურიდიული დეპარტამენტი

��� მუხლი 12.

1. იურდიული დეპარტამენტის სტრუქტურული ქვედანაყოფებია:

ა) იურიდიული სამმართველო;

ბ) სამართლებრივი უზრუნველყოფის სამმართველო.

2. იურიდიული სამმართველოს ძირითადი ფუნქციებია:

ა)� ელექტროენერგეტიკისა და ბუნებრივი გაზის სექტორებში ლიცენზიების მაძიებელთა დოკუმენტაციის სამართლებრივი ექსპერტიზა;

ბ) სემეკის გადაწყვეტილების პროექტების განხილვა და სამართლებრივი დასკვნების მომზადება;

გ)� ელექტროენერგეტიკისა და ბუნებრივი გაზის სექტორებში დასაქმებულ ლიცენზიატთა მიერ ლიცენზიის პირობების, სემეკის დადგენილებებისა და გადაწყვეტილებების შესრულებაზე მონიტორინგი;

დ) ლიცენზიატებს, ლიცენზიატებსა და მომხმარებლებს შორის წამოჭრილ სადავო საკითხებზე დასკვნების მომზადება და განიხილვაში მონაწილეობა.

3. სამართლებრივი უზრუნვეყოფის სამმართველოს ძირითადი ფუნქციებია:

ა) სემეკის ნორმატიული აქტის პროექტების მომზადება და მომზადებაში მონაწილეობის მიღება;

ბ)� ლიცენზიატების მიერ ინვესტორებთან დასადები ხელშეკრულებების პროექტებისთვის რეკომენდაციების მომზადება;

გ) სემეკის აპარატის საქმიანობის სამართლებრივი უზრუნველყოფა;

დ) შესაბამისი რწმუნების საფუძველზე, სემეკის წარმოდგენა სასამართლო ორგანოებში.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი VIII. მეთოდოლოგიური და ინფორმაციული უზრუნველყოფის დეპარტამენტი

��� მუხლი 13.

1. მეთოდოლოგიური და ინფორმაციული უზრუნველყოფის დეპარტამენტის სტრუქტურული ქვედანა-ყოფებია:

ა) მეთოდოლოგიური უზრუნველყოფის სამმართველო;

ბ) ტექნიკური უზრუნველყოფის სამმართველო.

2. მეთოდოლოგიური უზრუნველყოფის სამმართველოს ძირითადი ფუნქციებია:

ა) ენერგეტიკის რეგულირების მეთოდოლოგიური საფუძვლების შემუშავება და მათი სრულყოფის კოორ-დინაცია;

ბ) ენერგეტიკის რეგულირების სფეროში საერთაშორისო ტენდენციების შესწავლა, ანალიზი, სათანა-დო ინფორმაციის და წინადადებების მომზადება;

გ) ელექტროენერგიისა და ბუნებრივი გაზის ტარიფების დადგენის მეთოდოლოგიის შემუშავება, ანალიზი და სრულყოფა;

დ) სემეკის შესაბამის დეპარტამენტებთან ერთად მიერთების საფასურის მეთოდიკის შემუშავებაში და სრულყოფაში მონაწილების მიღება; ასევე სხვა ნორ-მატიული დოკუმენტების შემუშავებაში და სრულ-ყოფაში მონაწილეობის მიღება;

ე) სემეკის კომპენტენციის ფარგლებში აპარატის სხვა სტრუქტურულ ერთეულებთან ერთად ელექტრო-ენერგეტიკისა და ბუნებრივი გაზის სექტორის ობიექ-ტების სარეაბილიტაციო და საინვესტიციო პროგრა-მების, აგრეთვე, პრივატიზაციის პროცესში ინვესტორებთან გასაფორმებელი ხელშეკრულებების პროექტების განხილვაში მონაწილეობა და სათანადო რეკომენდაციების შემუშავება;

ვ) ენერგეტიკის დარგში სამართლებრივი აქტების შემუშავება თავისი კომპეტენციის ფარგლებში;

ზ) მიღებული ნორმატიული აქტების დადგენილი წესით საქართველოს იუსტიციის სამინისტროში რეგისტრაციისა და ნორმატიული აქტების ოფიციალურ ბეჭდვით ორგანოში გამოქვეყნების უზრუნველყოფა.�

3. ტექნიკური უზრუნველყოფის სამმართველოს ძირითადი ფუნქციებია:

ა) სემეკის აპარატის შიდა კომპიუტერული ქსელის გამართული მუშაობისა და განვითარების უზრუნველყოფა, შიდა ერთიანი ინფორმაციული ბაზის შექმნა, მასში ნორმატიულ-სამართლებრივი ბაზის პროგრამების (კანონები, დადგენილებები, გადაწყვე-ტილებები, ბრძანებები და ა.შ.) ყოველკვირეული განახლება და სემეკის მუშაობისათვის საჭირო სამართლებრივი აქტებისა და სხვადასხვა სახის ინფორმაციის განთავსება;

ბ) კომპიუტერული ტექნიკისა და პროგრამული უზრუნველყოფის საკითხებში სემეკის აპარატის თანამშრომელთა კონსულტაცია;

გ) სერვერის გამართული მუშაობის უზრუნველყოფა. სერვერზე ოპერაციული სისტემისა და პროგრამების განახლება. შიდა ქსელის მიერთება გლობალურ ქსელთან (ინტერნეტთან);

დ) სემეკის აპარატის თანამშრომლების კომპიუტერების პროგრამული უზრუნველყოფა, ოპერაციული სისტემების დაყენება-განახლება, საოფისე, ანტივირუსული და სხვა პროგრამების ჩაწერა და განახლება. კომპიუტერებისა და პერიფერიული მოწყობილობების ტექნიკური უზრუნველყოფა, დიაგნოსტიკა, რემონტი და განახლება;

ე) სემეკის სხდომების აუდიო ჩანაწერების გაკეთება. აუდიო ჩანაწერების ციფრულ ფორმატში გადაყვანა და მათი არქივის შექმნა. სხდომის დარბაზის ტექნი-კური უზრუნველყოფა.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი IX. მომხმარებელთა უფლებების დაცვის დეპარტამენტი

��� მუხლი 14. (ძალადაკარგულია)

საქართველოს ენერგეტიკის მარეგულირებელი ეროვნულ ი კომისიის 2003 წლის 27 ოქტომბრის დადგენილება �23-სსმIII,�139,04.12.2003წ.,მუხ.1136

��� თავი X. საზოგადოებასთან და საერთაშორისო ურთიერთობის დეპარტამენტი

��� მუხლი 15.

1. საზოგადოებასთან და საერთაშორისო ურთიერთობის დეპარტამენტის ძირითადი ფუნქციებია:

ა) საზღვარგარეთის ქვეყნების ენერგეტიკულ დაწესებულებებთან და სხვადასხვა სახის საერთაშორისო ორგანიზაციებთან სემეკის კავშირის უზრუნველყოფა;

ბ) საერთაშორისო ურთიერთობის მიმართულებით საქმიანობის კოორდინაცია;

გ) პრეს-დაიჯესტის ფორმით სემეკის გადაწყვეტილებების, სემეკის დღის წესრიგის, ენერგეტიკაში არსებული პრობლემების, სემეკისა და აპარატის საქმიანობის და სხვა საკითხების შესახებ ინფორმა-ციის გავრცელება. მაქსიმალური გამჭვირვალობის დანერგვა;

დ) ენერგეტიკაში მიმდინარე პროცესების მოკლე ანოტაციის მომზადება და გავრცელება;

ე) პრესკონფერენციების მოწყობა;

ვ) პრესისა და სატელევიზიო გადაცემების ყოველდღიური მიმოხილვა და ანალიზი. საჭიროების შემთხვევაში, სემეკის კომპეტენციის ფარგლებში, მათზე რეაგირება. ენერგეტიკაში არსებული პრობლემების, სემეკისა და აპარატის საქმიანობის გაშუქება პრესითა და ტელევიზიით, სოციოლოგიური გამოკვლევების ჩატარება;

ზ) სემეკის საჯარო სხდომებზე მასმედიის მოწვევა;

თ) საზოგადოებასა და ელექტროენერგეტიკისა და ბუნებრივი გაზის სექტორების მომხმარებლებს, შესაბამის ლიცენზიატებს, იმპორტიორებს, ექსპორტიორებს, მიმწოდებლებსა და პირდაპირი მომხმარებლებს, აგრეთვე სისტემის კომერციულ ოპერატორსა � თუ უწყების წარმომადგენლებს შორის დიალოგების მოწყობა და ამით არსებული პრობლემების კონსტრუქციულად მოგვარებაში წვლილის შეტანა;

ი) ენერგეტიკის სფეროში საქართველოს მოსახლეობის სამოქალაქო ცნობიერების გაზრდისა და გაღრმავების ხელშეწყობა;

კ) არასამთავრობო და პროფესიულ ორგანიზაციებთან კავშირის დამყარება და მათი ინტერესების გათვალისწინებით ენერგეტიკის სექტორში არსებული პრობლემების მოგვარება სემეკის კომპეტენციის ფარგლებში;

ლ) მოსახლეობისთვის ენერგეტიკის სფეროში არსებული მდგომარეობის შესახებ ობიექტური ინფორმაციის მიწოდება და ამ სფეროში წამოჭრილი პრობლემების კონსტრუქციულად გადაჭრაში აქტიური მონაწილეობა;

მ) სემეკის ელექტრონული ვებ-გვერდის შედგენა, დამუშავება და მისი მუდმივი განახლება. სემეკის დადგენილებების, გადაწყვეტილებების, შესაბამისი საოქმო ჩანაწერების, წლიური ანგარიშების, ელექტროენერგეტიკისა და ბუნებრივი გაზის სექტორის სხვადასხვა სახის ტექნიკურ-ეკონომიკური მაჩვენებლებისა და სემეკში არსებული სხვა სახის საჯარო ინფორმაციის სემეკის ელექტრონულ ვებ-გვერდზე განთავსება.

2. საზოგადოებასთან და საერთაშორისო ურთიერთობის დეპარტამენტის საერთაშორისო ურთიერთობის სამმართველო უზრუნველყოფს ამ მუხლის პირველი პუნქტის �ა� და �ბ� ქვეპუნქტებით განსაზღვრული ფუნქციების შესრულებას.

3. დეპარტამენტის უფროსის მოადგილე წარმართვას საერთაშორისო ურთიერთობის სამმართველოს საქმიანობას.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

თავი X^​1. საქმისწარმოებისა და საკადრო საქმეთა დეპარტამენტი

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 15^​1.

1. საქმისწარმოებისა და საკადრო საქმეთა დეპარტამენტის სტრუქტურული ქვედანაყოფებია:

ა) კადრების სამმართველო;

ბ) საერთო საქმეთა სამმართველო.

2. კადრების სამმართველოს ძირითადი ფუნქციებია:

ა) თავისი კომპეტენციის ფარგლებში თანამშრომელთა დანიშვნა-გათავისუფლების, დაწინაურების, სხვა თანამდებობაზე გადაყვანის, მივლინებების, შვებულებების და კომისიის თავმჯდომარის ზოგადი ხასიათის ბრძანებათა პროექტების მომზადება;

ბ) თანამშრომელთა პირადი საქმეების შედგენა, აპარატის მუშაკებთან შრომითი ხელშეკრულებების გაფორმების ორგანიზება;

გ) თანამშრომლებთა მატერიალური სტიმულირებისა და დისციპლინური გადაცდომის შესახებ დოკუ-მენტების მომზადება. საპენსიო საბუთების მომზადება და სოციალური უზრუნველყოფის ორგანოებში წარდგენა. აპარატის მუშაკების შვებულებების გრაფიკის შედგენა და მისი დაცვის ორგანიზება;

დ) თავისი კომპეტენციის ფარგლებში ვაკანტურ თანამდებობებზე კონკურსის მოწყობის, თანამშრომელთა ატესტაციის ჩატარების ორგანიზება.

3. საერთო საქმეთა სამმართველოს ძირითადი ფუნქციებია:

ა) სემეკის ერთიანი დოკუმენტბრუნვის წარმართვა მოქმედი კანონმდებლობით დადგენილი წესის შესაბამისად;

ბ) სემეკის თავმჯდომარის, წევრებისა და აღმასრულებელი დირექტორის მიერ გაცემული დავალებების შესრულების კონტროლი, საკონტროლო დავალებათა შესრულების კონტროლი. სემეკის აპარატის სტრუქ-ტურული ერთეულების საქმისწარმოების ორგანიზაციაზე მეთოდური ხელმძღვანელობა;

გ) საჯარო ინფორმაციის ხელმისაწვდომობის უზრუნველყოფა;

დ) სემეკის არქივის ორგანიზაცია;

ე) კონფიდენციალურ ინფორმაციაზე საქმისწარმოების განხორციელება, მოქმედი კანონმდებლობის გათვალისწინებით, შესაბამის ინფორმაციასთან და დოკუმენტაციასთან დაკავშირებით საიდუმლოების რე-ჟიმის დაცვის უზრუნველყოფა;

ვ) მკაცრი აღრიცხვის ფორმების გამოყენებისა და აღრიცხვა-ანგარიშგების უზრუნველყოფა;

ზ) უწყებრივი სალიცენზიო რეესტრის წარმოება. უწყებრივი სალიცენზიო რეესტრის მონაცემების სახელმწიფო სალიცენზიო რეესტრში შეტანისა და �საქართველოს საკანონმდებლო მაცნეში� გამოქვეყნების უზრუნველყოფა;

თ) დადგენილი წესის შესაბამისად, კომისიის სხდომაზე განსახილველ საკითხებთან დაკავშირებული დოკუმენტების მიღება და კომისიის წევრებისათვის წარდგენა, თავისი კომპეტენციის ფარგლებში კომისიის სხდომების ორგანიზება და წარმართვა;

ი) კომისიის სხდომების ოქმების წარმოება;

კ) კომისიის სხდომაზე დასასწრები პირების მოწვევის ორგანიზაცია და მათი საჭირო ინფორმაციით უზრუნველყოფა;

ლ) კომისიის სხდომებზე განსახილველი საკითხების ნუსხისა და კომისიის სხდომების დღის წესრიგის პროექტების მომზადება;

მ) ლიცენზიატების შერჩევითი შემოწმების აქტების რეესტრის წარმოება;

ნ) კომისიის სხდომების საოქმო გადაწყვეტილებების შესრულების კონტროლი;

ო) კომისიის სამართლებრივი აქტების უწყებრივი რეესტრის წარმოება.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

თავი XI. სერტიფიკაციის სამმართველო

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

���������� მუხლი 16.

სერტიფიკაციის სამმართველოს ფუნქციებია:

ა) ელექტროენერგეტიკისა და ბუნებრივი გაზის სფეროში სერტიფიკაციის სამუშაოთა ორგანიზება და კოორდინაცია, რაც ასევე გულისხმობს ელექტრო-ენერგეტიკისა და ბუნებრივი გაზის სფეროში სემეკის მიერ გაცემული ლიცენზიების მფლობელ საწარმოთა ობიექტების, ენერგომოწყობილობებისა და დანად-გარების, პროდუქციის ხარისხის უზრუნველყოფის, გაზომვის, აღრიცხვის, მართვისა და დაცვის სისტემე-ბის და პერსონალის სერტიფიკაციას;

ბ) მონაწილეობის მიღება ელექტროენერგეტიკისა და ბუნებრივი გაზის სფეროში სერტიფიკაციის პოლიტიკის ჩამოყალიბებაში;

გ) სერტიფიკაციის სისტემის ორგანიზაციულ-მეთოდური დოკუმენტების მომზადების კოორდინაცია და შემუშავება;

დ) ელექტროენერგეტიკისა და ბუნებრივი გაზის სფეროში სავალდებულო სერტიფიკაციას დაქვემდებარებული ობიექტების, მოწყობილობების, დანადგარებისა და კვანძების ნუსხის შედგენა და ჩამონათვალში ცვლილებების შეტანა საქართველოს სტანდარტების ტექნიკური რეგლამენტებისა და მეტროლოგიის ეროვნულ სააგენტოსთან ერთად;

ე) წინადადებების შემუშავება სერტიფიკაციის დროს გამოყენებული ნორმატიული დოკუმენტებისა და სისტემის ფუძემდებლური დოკუმენტების სრულყოფის შესახებ;

ვ) ურთიერთობა საქართველოს სტანდარტების ტექნიკური რეგლამენტებისა და მეტროლოგიის ეროვნულ სააგენტოსთან, აკრედიტებულ ორგანოებთან, საგამოცდო ლაბორატორიებთან (ცენტრებთან) და საზოგადოებრივ ორგანიზაციებთან;

ზ) საქართველოს სტანდარტების ტექნიკური რეგლამენტებისა და მეტროლოგიის ეროვნულ სააგენტოსთან ერთად სისტემაში სერტიფიკაციის ორგანოების, საგამოცდო ლაბორატორიების (ცენტრების) აკრედიტაცია და მათი საინსპექციო კონტროლი;

თ) სისტემის მონაწილეთა და სერტიფიცირებულ ობიექტთა რეესტრის წარმოება;

ი) სისტემის მონაწილეთა ინფორმირება მოქმედი ნორმატიული დოკუმენტების შეცვლის ან ახლის შემოღების შემთხვევაში;

კ) ექსპერტთა მომზადება-გადამზადების ორგანიზაცია საქართველოს სტანდარტების ტექნიკური რეგლამენტებისა და მეტროლოგიის ეროვნულ სააგენტოსთან ერთად, საჭიროების შემთხვევაში მეთოდური ცენტრის შექმნა.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

XII თავი. სემეკის თავმჯდომარის აპარატი

��� მუხლი 17.

თავმჯდომარის აპარატის ძირითადი ფუნქციებია:

ა) სემეკის თავმჯდომარის საქმიანობის ორგანიზაციული და ადმინისტრაციული უზრუნველყოფა;

ბ) სემეკის თავმჯდომარის დავალებებისა და ბრძანებების შესრულების კონტროლი;

გ) სემეკის თავმჯდომარესთან გამართული შიდა თათბირების ორგანიზაცია და ოქმების წარმოება;

დ) სემეკის თავმჯდომარის რეზოლუციების პროექტების მომზადება;

ე) სემეკის თავმჯდომარის ცალკეული დავალებების შესრულება.

თავი XII^​1. მატერიალურ-ტექნიკური უზრუნველყოფის სამმართველო

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 171.

1. მატერიალურ-ტექნიკური უზრუნველყოფის სამმარ-თველოს ძირითადი ფუნქციებია:

ა) სემეკისა და მისი აპარატის მატერიალურ-ტექნიკური მომარაგების უზრუნველყოფა;

ბ) სემეკისა და მისი აპარატის მატერიალურ-ტექ-ნიკური ინვენტარის და შენობის მოვლა-პატრონობა;

გ) სახანძრო უსაფრთხოების უზრუნველყოფა;

დ) სემეკისათვის შესყიდვებთან დაკავშირებული ყველა ინფორმაციის მომზადება და დამუშავებული დოკუმენტების საჭიროების მიხედვით გადაცემა;

ე) ფასთა კოტირებისა და ერთ პირთან მოლაპარაკების საშუალებით საქონლის, სამუშაოსა და მომსახურების შესყიდვის განხორციელება;

ვ) ტენდერის ჩასატარებელი სატენდერო დოკუმენტაციის მომზადება და დამუშავება;

ზ) სახელმწიფო შესყიდვების გეგმის დამუშავება და სემეკისათვის და სახელმწიფო შესყიდვების სააგენტოსათვის მათი წარდგენა;

თ) მიმწოდებელთან ხელშეკრულების გაფორმების უზრუნველყოფა;

ი) ტენდერში გამარჯვებულ კომპანიებთან განხორციელებული შესყიდვების ყოველთვიური ანგარიშის სემეკისთვის წარდგენა;

კ) სახელმწიფო შესყიდვების სააგენტოსთვის სახელმწიფო შესყიდვის შესახებ კანონმდებლობით გათვალისწინებული ინფორმაციის მიწოდება.

2. მატერიალურ-ტექნიკური უზრუნველყოფის სამმართველოს სამეურნეო სამსახური უზრუნველყოფს ამ მუხლის პირველი პუნქტის �ა�, �ბ� და �გ� ქვე-პუნქტებით განსაზღვრული ფუნქციების შესრულებას.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი XIII. ბუღალტერია

��� მუხლი 18. ���

�ბუღალტერიის ძირითადი ფუნქციებია:

ა) საბუღალტრო აღრიცხვის წარმართვა და ხარჯთა ნუსხის შედგენა;

ბ) შემოსული ფულადი საშუალებების, სასაქონლო მატერიალურ ფასეულობების და ძირითადი საშუალებების აღრიცხვა, აგრეთვე, წლის ბოლოს მათი ინვენტარიზაცია;

გ) თანამშრომელთა ხელფასების, მივლინებების და სხვა გასაცემლების ანგარიში და გაცემა;

დ) ანგარიშსწორება ანგარიშვალდებულ პირებთან, მიმწოდებელთან და დამკვეთთან;

ე) სახელმწიფო ბიუჯეტისთვის სახსრების სწორად დარიცხვა და დროული გადარიცხვა;

ვ) სემეკის მიერ განხორციელებული ყველა სამეურნეო ოპერაციის საბუღალტრო ანგარიშებში ასახვის სისრულის უზრუნველყოფა და კონტროლი;

ზ) ოპერატიული ინფორმაციის და ბუღალტრული ანგარიშების დროული შედგენა და წარდგენა;

თ) ყოველდღიური საქმიანი ურთიერთობების ქონა ბანკთან და საგადასახადო ინსპექციასთან;

ი) დებიტორ-კრედიტორების აღრიცხვა.

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

 

��� თავი XIV. (ამოღებულია)

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 19. (ამოღებულია)

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� თავი XV. (ამოღებულია)

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

��� მუხლი 20. (ამოღებულია)

საქართველოს ენერგეტიკის მარეგულირებელი ეროვნულ ი კომისიის 2007 წლის 26 ოქტომბრის დადგენილება �19-სსმIII,�153,31.10.2007წ.,მუხ.1706

 

Annotate