„ელექტროენერგეტიკისა და ბუნებრივი გაზის სექტორში რეგულირების საფასურის გაანგარიშებისა და გადახდის წესის“ დამტკიცების შესახებ

სახელმწიფო სარეგისტრაციო კოდი 300.390.000.14.010.006.064

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება №17

2003 წლის 8 სექტემბერი

ქ. თბილისი

 „ელექტროენერგეტიკისა და ბუნებრივი გაზის სექტორში რეგულირების საფასურის გაანგარიშებისა და გადახდის წესის“ დამტკიცების შესახებ

„ელექტროენერგეტიკისა და ბუნებრივი გაზის შესახებ“ საქართველოს კანონის მე-5 მუხლის პირველი პუნქტის, აგრეთვე „დამოუკიდებელი ეროვნული მარეგულირებელი ორგანოების შესახებ“ საქართველოს კანონის შესაბამისად, სემეკ-მა დაადგინა:

    მუხლი 1. დამტკიცდეს „ელექტროენერგეტისა და ბუნებრივი გაზის სექტორში რეგულირების საფასურის გაანგარიშებისა და გადახდის წესი“.

    მუხლი 2. ამ დადგენილების ამოქმედების დღიდან ძალადაკარგულად გამოცხადდეს:

1. სემეკ-ის 1999 წლის 23 აგვისტოს №3 დადგენილებით დამტკიცებული ელექტროენერგეტიკისა და ბუნებრივი გაზის სექტორში “ლიცენზირების წესების„ მე-7 მუხლი (საქართველოს საკანონმდებლო მაცნე III, 1999 წ., №41(48), მუხ. 737).

2. “ელექტროენერგეტიკისა და ბუნებრივი გაზის რეგულირების საფასურის შესახებ„ დებულების დამტკიცების თაობაზე“ სემეკ-ის 1999 წლის 23 აგვისტოს №4 დადგენილება (საქართველოს საკანონმდებლო მაცნე III, 1999წ., №41(48), მუხ. 738).

    მუხლი 3. ეს დადგენილება ამოქმედდეს 2003 წლის 1 ოქტომბრიდან.

 თავმჯდომარე დ. მირცხულავა

შეტანილი ცვლილებები:

1. საქართველოს ენერგეტიკის მარეგულირებელი ეროვნულ ი კომისიის 2007 წლის 18 აპრილის დადგენილება №7-სსმIII,№60,30.04.2007წ.,მუხ.657

    ელექტროენერგეტიკისა და ბუნებრივი გაზის სექტორში ყოველწლიური რეგულირების საფასურის გაანგარიშებისა და გადახდის წესი

    მუხლი 1. ზოგადი დებულებები

1. წინამდებარე წესი დამუშავებულია “ელექტროენერგეტიკისა და ბუნებრივი გაზის შესახებ„ საქართველოს კანონის მე-19 მუხლისა და “დამოუკიდებელი ეროვნული მარეგულირებელი ორგანოების შესახებ„ საქართველოს კანონის მე-7 მუხლის საფუძველზე.

2. რეგულირების საფასური წარმოადგენს თანხას, რომელსაც კანონმდებლობის საფუძველზე, წინამდებარე წესის შესაბამისად, ყოველწლიურად იხდიან ელექტროენერგიის წარმოების, გადაცემის, დისპეტჩერიზაციის, განაწილების, ბუნებრივი გაზის ტრანსპორტირების და განაწილების ლიცენზიანტები, აგრეთვე მიმწოდებლები, იმპორტიორები და ელექტროენერ-გეტიკული სისტემის კომერციული ოპერატორი (ესკო), სემეკის საქმიანობასთან, მათ შორის: სემეკის მიერ მათი მოთხოვნის საფუძველზე ან სემეკის ინიციატივით სალიცენზიო, სატარიფო, დავის გადაწყვეტის და სხვა უფლებამოსილების განხორციელებასთან დაკავშირებული ხარჯების დასაფარავად.

3. ნებისმიერი პირი, რომელიც ეწევა საქმიანობას ან აპირებს საქმიანობის დაწყებას სემეკ-ის რეგულირების სფეროში შემავალ დარგში, ვალდებულია გადაიხადოს სემეკ-ის მიერ დადგენილი რეგულირების საფასური.

4. რეგულირების საფასურით მიღებული თანხა წარმოადგენს სემეკ-ის წლიური შემოსავლების ძირითად წყაროს. სემეკ-ის მიერ წლის განმავლობაში მიღებული, მაგრამ ფაქტობრივად გამოუყენებელი (ჭარბი) თანხები გადაიტანება მომავალი წლის ანგარიშზე და გაითვალისწინება ამ წლის რეგულირების საფასურის კოეფიციენტის გაანგარიშებისას. თუ რეგულირების საფასურით მიღებული შემოსავლები არ ფარავს სემეკ-ის მიმდინარე დანახარჯებს, იგი უფლებამოსილია აიღოს სესხი. სესხის და შესაბამისი პროცენტის დაფარვა ხდება რეგულირების საფასურიდან მომდევნო პერიოდში.

5. კომისიის საფინანსო წელი ემთხვევა კალენდარულ წელს.

6. ელექროენერგეტიკისა და ბუნებრივი გაზის სექტორში მოქმედი ლიცენზიანტებისთვის, აგრეთვე მიმწოდებლების, იმპორტიორებისთვის და ესკოსთვის მომავალი წლის საპროგნოზო რეგულირების საფასურის გაანგარიშება ხდება ყოველი წლის 15 სექტემბრამდე, დამტკიცებული საპროგნოზო ბალანსების მიხედვით, ლიცენზიანტის, მიმწოდებლის, იმპორტიორისა და ესკოსგან მიღებული მომავალი წლის საქმიანობის საპროგნოზო მოცულობის საფუძველზე. ლიცენზიანტის, მიმწოდებლის, იმპორტიორისა და ესკოს მიერ მომავალი წლის საქმიანობის საპროგნოზო მოცულობის დროულად წარმოუდგენლობის შემთხვევაში, მისი რეგულირების საფასურის გაანგარიშებისას, სემეკი უფლებამოსილია გამოიყენოს წინა წლის საქმიანობის მოცულობა.

7. საპროგნოზო რეგულირების საფასური გაანგარიშებულ უნდა იქნეს იმგვარად, რომ მთლიანად ფარავდეს სემეკ-ის ყოველი წლის 1 ოქტომბრისთვის დამტკიცებულ, მომავალი წლის ბიუჯეტში გათვალისწინებულ ყველა ხარჯს.

8. ლიცენზიანტების, აგრეთვე მიმწოდებლების, იმპორტიორებისა და ესკოს მიერ ფაქტობრივად განხორციელებული საქმიანობის მოცულობის საფუძველზე, ყოველწლიურად ხორციელდება საპროგნოზო და ფაქტობრივი რეგულირების საფასურის ოდენობის შედარება. ამ შედარების შემდეგ, ლიცენზიანტის, მიმწოდებლის, იმპორტიორისა და ესკოს მიერ ზედმეტად გადახდილი თანხა ჩაითვლება მომავალი წლის რეგულირების საფასურის გადახდებში, დანაკლისი კი ექვემდებარება გადახდას სემეკის მიერ მითითებულ ვადაში.

9. რეგულირების საფასური გაითვალისწინება სემეკის მიერ ლიცენზიანტის, მიმწოდებლის, იმპორტიორისა და ესკოსთვის დადგენილ ტარიფში.

10. ლიცენზიანტი, მიმწოდებელი, იმპორტიორი და ესკო ვალდებული არიან დაფარონ სემეკის მიერ დადგენილი რეგულირების საფასურის 30% ყოველი კალენდარული წლის პირველი კვარტლის განმავლობაში და 35-35% მომდევნო ორი კვარტლის განმავლობაში ყოველკვარტალურად. იმგვარად, რომ დადგენილი რეგულირების საფასურის 100%-ის ანაზღაურება განხორციელდეს ყოველი კალენდარული წლის 1 ოქტომბრამდე.

11. (ძალადაკარგულია).

12. სემეკი უფლებამოსილია მოსთხოვოს ლიცენზიანტს, მიმწოდებელს, იმპორტიორსა და ესკოს შესაბამისი ფინანსური გარანტია, რაც უზრუნველყოფს ამ ლიცენზიანტის, მიმწოდებლის, იმპორტიორისა და ესკოს მიერ გადასახდელი რეგულირების საფასურის ანაზღაურებას.

საქართველოს ენერგეტიკის მარეგულირებელი ეროვნულ ი კომისიის 2007 წლის 18 აპრილის დადგენილება №7-სსმIII,№60,30.04.2007წ.,მუხ.657

მუხლი 2. რეგულირების საფასურის გამოთვლის წესი

1. ამ წესის პირველი მუხლის მე-2 პუნქტით განსაზღვრული ლიცენზიანტების, მიმწოდებლებისა და იმპორტიორებისთვის რეგულირების საფასური გაანგარიშდება ფორმულით:

R=Q*T*K

სადაც,

,,R“ – ლიცენზიანტის, მიმწოდებლის და იმპორტიორის მიერ გადასახდელი რეგულირების საფასური (ლარებში);

,,Q“ – ლიცენზიანტის, მიმწოდებლის და იმპორტიორის საქმიანობის წლიური საპროგნოზო მოცულობა (რეალიზებული კილოვატსაათი ან კუბური მეტრი ბუნებრივი გაზი);

,,T“ – სემეკის მიერ ლიცენზიანტის, მიმწოდებლის და იმპორტიორისთვის დადგენილი ტარიფი (ლარი/კვტსთ; ლარი/1000 მ3);

,,K“ – რეგულირების საფასურის კოეფიციენტი.

2. ამ წესის პირველი მუხლის მე-2 პუნქტით განსაზღვრული რეგულირების საფასური ესკოსთვის გაანგარიშდება ფორმულით:

R ესკო=Qესკო* Tესკო* K

სადაც,

,,R ესკო“ – ესკოს მიერ გადასახდელი რეგულირების საფასური (ლარებში);

,,Qესკო“ – ესკოს საქმიანობის წლიური საპროგნოზო მოცულობა (მწარმოებლებისა და იმპორტიორების მიერ სალტეზე გაცემული და განაწილების ლიცენზიანტების, ექსპორტიორებისა და პირდაპირი მომხმარებლების მიერ მოხმარებული ელექტროენერგიის სრული რაოდენობა კვტსთ);

,,Tესკო“ – სემეკის მიერ ესკოსთვის დადგენილი ტარიფი (ლარი/კვტსთ);

,,K“ – რეგულირების საფასურის კოეფიციენტი.

3. რეგულირების საფასურის მინიმალური ოდენობა და ცალკეული ტიპის ლიცენზიანტების, მიმწოდებლე-ბის, იმპორტიორების და ესკოსთვის რეგულირების საფასურის კოეფიციენტი განისაზღვრება ამ წესების №1 დანართში მოცემული მაჩვენებლების შესაბამისად.

4. ლიცენზიანტების, მიმწოდებლების, იმპორტიორების და ესკოს რეგულირების საფასურის გამოთვლა ან მისი ცვლილება უნდა განხორციელდეს მათთვის ტარიფის დადგენისას ან ცვლილებისთანავე, სემეკის აპარატის შესაბამისი სამსახურის მიერ.

საქართველოს ენერგეტიკის მარეგულირებელი ეროვნული კომისიის 2007 წლის 18 აპრილის დადგენილება №7-სსმIII,№60,30.04.2007წ.,მუხ.657

    მუხლი 3. (ძალადაკარგულია)

საქართველოს ენერგეტიკის მარეგულირებელი ეროვნული კომისიის 2007 წლის 18 აპრილის დადგენილება №7-სსმIII,№60,30.04.2007წ.,მუხ.657

 

მუხლი 4. პასუხისმგებლობა რეგულირების საფასურის გადაუხდელობისთვის

1. სემეკი უფლებამოსილია რეგულირების საფასურის არგადამხდელი ან ამ საფასურის გადახდის ვადების დამრღვევი ლიცენზიანტის, მიმწოდებლის, იმპორტიორის და ესკოს მიმართ გამოიყენოს კანონმდებლობით მინიჭებული ზომები. მათ შორის:

ა) დააჯარიმოს ლიცენზიანტი კანონმდებლობით დადგენილი წესით. ჯარიმის ოდენობა განისაზღვრება კანონით. მარეგულირებელი კომისია განსაზღვრავს რეგულირების საფასურის გადახდისათვის გონივრულ ვადას და შესაბამის პირობებს მისი გადახდისათვის;

ბ) პასუხისმგებლობის დაკისრების მიუხედავად, დადგენილ ვადაში ლიცენზიის მფლობელის მიერ რეგულირების საფასურის გადაუხდელობა გამოიწვევს დაკისრებული ჯარიმის გასამმაგებას. ლიცენზიის მფლობელს ჯარიმის დაკისრებისას განესაზღვრება ვადა და შესაბამისი პირობები რეგულირების საფასურის გადახდისათვის;

გ) გასამმაგებული ჯარიმის დაკისრებიდან დადგენილი ვადის გასვლის შემდეგ, თუ ლიცენზიის მფლობელის მიერ სალიცენზიო პირობები არ იქნება დაკმაყოფილებული, დაკისრებული ჯარიმა კიდევ გასამმაგდება;

დ) თუ ამ მუხლის ა), ბ) და გ) პუნქტებით გათვალისწინებული პასუხისმგებლობის დაკისრების მიუხედავად ლიცენზიის მფლობელის მიერ არ იქნა უზრუნველყოფილი სალიცენზიო პირობების შესრულება, ლიცენზიის გამცემი იღებს გადაწყვეტილებას ლიცენზიის გაუქმების შესახებ, სალიცენზიო საქმიანობის შეჩერების გარეშე;

ე) დაუყოვნებლივ შეაჩეროს ამგვარი ლიცენზიანტის, მიმწოდებლის, იმპორტიორისა და ესკოს ინიციატივით დაყენებული საკითხების განხილვა და გადაწყვეტა, გარდა იმ შემთხვევებისა, როდესაც სემეკის ამგვარი ქმედება ზიანს აყენებს მომხმარებელთა კანონიერ ინტერესებს;

ვ) გამოიყენოს საქართველოს ადმინისტრაციულ სამართალდარღვევათა კოდექსის 361 და 921 მუხლით გათვალისწინებული სანქციები ან/და საქართველოს ზოგადი ადმინისტრაციული კოდექსის XII თავით გათვალისწინებული აღსრულების უზრუნველყოფის ღონისძიებანი.

საქართველოს ენერგეტიკის მარეგულირებელი ეროვნულ ი კომისიის 2007 წლის 18 აპრილის დადგენილება №7-სსმIII,№60,30.04.2007წ.,მუხ.657

 

დანართი №1

რეგულირების საფასურის მინიმალური ოდენობა და ცალკეული ტიპის ლიცენზიანტების, მიმწოდებლების, იმპორტიორებისა და ესკოს რეგულირების საფასურის კოეფიციენტები

1. ელექტროენერგეტიკისა და ბუნებრივი გაზის სექტორის ლიცენზიანტების, მიმწოდებლებლის,

იმპორტიორებისა და ესკოს მიერ გადასახდელი რეგულირების საფასურის კოეფიციენტები:

ა) ელექტროენერგეტიკული სექტორი:

წარმოება        - 0.0035

გადაცემა        - 0.0035

დისპეტჩერიზაცია - 0.0035

განაწილება    - 0.0035

იმპორტი        - 0.0035

ესკო      - 0.0035

ბ) ბუნებრივი გაზის სექტორი:

მიწოდება       - 0.003

ტრანსპორტირება  - 0.004

განაწილება    - 0.004

2. ლიცენზიანტის, მიმწოდებლის, იმპორტიორისა და ესკოს მიერ გადასახდელი რეგულირების

საფასურის წლიური მინიმალური სიდიდე განისაზღვრება 500 (ხუთასი) ლარით, მაგრამ არა

უმეტეს კანონით განსაზღვრული რეგულირების საფასურის ოდენობისა.

საქართველოს ენერგეტიკის მარეგულირებელი ეროვნულ ი კომისიის 2007 წლის 18 აპრილის დადგენილება

№7-სსმIII,№60,30.04.2007წ.,მუხ.657

დანართი №2

(ძალადაკარგულია)

საქართველოს ენერგეტიკის მარეგულირებელი ეროვნულ ი კომისიის 2007 წლის 18 აპრილის 

დადგენილება №7-სსმIII,№60,30.04.2007წ.,მუხ.657

 

ბ) ბუნებრივი გაზის სექტორში:

 

Annotate