3. ამ ბრძანების ამოქმედებისთანავე ძალადაკარგულად ჩაითვალოს საქართველოს იუსტიციის მინისტრის 1999 წლის 30 დეკემბრის №371 ბრძანება „სასჯელაღსრულების დეპარტამენტის დებულების დამტკიცების შესახებ”.

მ. სააკაშვილი

შეტანილი ცვლილებები:

1. საქართველოს იუსტიციის მინისტრის 2000 წლის 27 ნოემბრი ს ბრძანება №325 - სსმ III, №110, 27.11.2000 წ., მუხ.911

2. საქართველოს იუსტიციის მინისტრის 2000 წლის 27 იანვრი ს ბრძანება №367 - სსმ III, №122, 27.12.2000 წ., მუხ.911

3. საქართველოს იუსტიციის მინისტრის 2001 წლის 26 იანვრი ს ბრძანება №27 - სსმ III, №8, 26.01.2001 წ., მუხ.73

4. საქართველოს იუსტიციის მინისტრის 2001 წლის 18 ივნისის ბრძანება №211 - სსმ III, №65, 19.06.2001 წ., მუხ.474

5. საქართველოს იუსტიციის მინისტრის 2001 წლის 31 ივლისის ბრძანება №288 - სსმ III, №81, 03.08.2001 წ., მუხ.588

6. საქართველოს იუსტიციის მინისტრის 2001 წლის 14 სექტემბრის ბრძანება №349 - სსმ III, №97 14.09.2001 წ., მუხ.709

7. საქართველოს იუსტიციის მინისტრის 2001 წლის 18 სექტემბრის ბრძანება №357 - სსმ III, №101, 25.09.2001 წ., მუხ.738

8. საქართველოს იუსტიციის მინისტრის 2001 წლის 8 ოქტომბრის ბრძანება №368 - სსმ III, №108, 09.10.2001 წ., მუხ.781

საქართველოს იუსტიციის სამინისტროს სასჯელაღსრულების დეპარტამენტის დებულება

მუხლი 1. ზოგადი დებულებანი

ეს დებულება აწესრიგებს საქართველოს იუსტიციის სამინისტროს სასჯელაღსრულების დეპარტამენტის (შემდგომში – დეპარტამენტი) სამართლებრივ სტატუსს, სტრუქტურას, კომპეტენციას, ანგარიშვალდებულებას და დეპარტამენტის საქმიანობასთან დაკავშირებულ სხვა ურთიერთობებს.

მუხლი 2. დეპარტამენტის სტატუსი

1. დეპარტამენტი წარმოადგენს სასჯელაღსრულების ორგანოს, რომელიც შედის საქართველოს იუსტიციის სამინისტროს (შემდგომში – სამინისტრო) გამგებლობაში როგორც სახელმწიფო საქვეუწყებო დაწესებულება.

2. დეპარტამენტი თავის საქმიანობაში ხელმძღვანელობს საქართველოს კონსტიტუციით, საქართველოს კანონით „პატიმრობის შესახებ”, საქართველოს პრეზიდენტის ბრძანებულებებით, საქართველოს იუსტიციის მინისტრის (შემდგომში – მინისტრი) ბრძანებებითა და სხვა შესაბამისი სამართლებრივი აქტებით.

3. დეპარტამენტის დაფინანსება ხორციელდება საქართველოს სახელმწიფო ბიუჯეტის ხარჯზე. დეპარტამენტის ხარჯთაღრიცხვა წარმოადგენს სამინისტროს ხარჯთაღრიცხვის ნაწილს.

4. დეპარტამენტი თავის საქმიანობაში ხელმძღვანელობს კანონიერების, პიროვნების პატივისა და ღირსების პატივისცემის, სამართლიანობის, ჰუმანიზმის, საჯაროობისა და ადამიანის უფლებათა და თავისუფლებათა დაცვის პრინციპებით.

5. დეპარტამენტის დებულებას, საშტატო განრიგსა და ხარჯთაღრიცხვას ამტკიცებს მინისტრი.

მუხლი 3. დეპარტამენტის ამოცანები და ფუნქციები

1. დეპარტამენტის ძირითად ამოცანებს განეკუთვნება:

ა) მსჯავრდებულთა მიმართ თავისუფლების აღკვეთისა და ტუსაღობის სახით სასამართლოს მიერ დადგენილი სასჯელის აღსრულება, აგრეთვე დაპატიმრების სახით აღკვეთის ღონისძიების აღსრულება;

ბ) სასჯელაღსრულების დაწესებულებების, მსჯავრდებულთა და მოსამსახურეთა დაცვის, მსჯავრდებულთა ბადრაგირების ორგანიზება;

გ) სასჯელაღსრულების დ აწესებულებათა უსაფრთხოების უზრუნველყოფა, კანონმდებლობით დადგენილი წესითა და ფარგლებში ოპერატიულ-სამძებრო ღონისძიებებისა და მოკვლევის წარმოება;

დ) მსჯავრდებულთათვის დადგენილი საყოფაცხოვრებო, კომუნალური, სანიტარიულ-ჰიგიენური, სამედიცინო და სხვა პირობების უზრუნველყოფა;

ე) მსჯავრდებულთა დასაქმების ორგანიზება და ამ მიზნით შესაბამისი საქმიანობის განხორციელება, კანონმდებლობით დაკისრებული სხვა ამოცანები.

2. დაკისრებული ამოცანების შესრულების მიზნით დეპარტამენტი:

ა) ხელმძღვანელობს და წარმართავს სასჯელაღსრულების დაწესებულებათა საქმიანობას, განსაზღვრავს მათი საქმიანობის ძირითად მიმართულებებს, დასმული ამოცანების გადაჭრისათვის შესაბამის მეთოდებსა და ღონისძიებებს, უზრუნველყოფს სამეცნიერო-საკონსულტაციო, მეთოდურ და პრაქტიკულ დახმარებას;

ბ) ორგანიზებას და კონტროლს უწევს სასჯელაღსრულების სისტემაში შესაბამისი ნორმატიული აქტების შესრულებას, განაზოგადებს მათი გამოყენების პრაქტიკას, შეიმუშავებს წინადადებებს კანონმდებლობის სრულყოფის თაობაზე, ამზადებს ნორმატიული აქტების პროექტებს;

გ) შეიმუშავებს და ახორციელებს ღონისძიებებს სასჯელაღსრულების ორგანოებში სამართალდარღვევების გამოვლენისა და თავიდან აცილების მიზნით;

დ) კანონმდებლობით დადგენილი წესით ახორციელებს მოკვლევასა და ოპერატიულ-სამძებრო საქმიანობას;

ე) სტიქიური უბედურებებისა და სხვა საგანგებო სიტუაციების დროს ახორციელებს ღონისძიებებს მსჯავრდებულთა უსაფრთხოების უზრუნველსაყოფად, ახორციელებს სასჯელაღსრულების დაწესებულებათა მოსამსახურეების გადაყვანას განსაკუთრებულ რეჟიმზე;

ვ) თავისი კომპეტენციის ფარგლებში ახდენს კადრების შერჩევას, დანიშვნას, მომზადებას და კვალიფიკაციის ამაღლებას;

ზ) აყალიბებს და განაგებს საინფორმაციო ბანკს, აწარმოებს სტატისტიკას და შესაბამის ანალიზს, ახდენს მსჯავრდებულების რეგისტრაციას და პატიმართა აღრიცხვას;

თ) აკონტროლებს სასჯელაღსრულების ორგანოების მოსამსახურეთა მიერ დადგენილი წესებისა და სამსახურებრივი დისციპლინის დაცვას;

ი) ამყარებს ურთიერთობებს და უზრუნველყოფს ინფორმაციის გაცვლას სხვა სახელმწიფოთა სასჯელაღსრულების ორგანოებთან;

კ) ახორციელებს კანონმდებლობით განსაზღვრულ სხვა ფუნქციებს.

საქართველოს იუსტიციის მინისტრის 2000 წლის 27 ნოემბრი ს ბრძანება №325 - სსმ III, №110, 27.11.2000 წ., მუხ.911

საქართველოს იუსტიციის მინისტრის 2001 წლის 18 სექტემბრის ბრძანება №357 - სსმ III, №101, 25.09.2001 წ., მუხ.738

საქართველოს იუსტიციის მინისტრის 2001 წლის 8 ოქტომბრის ბრძანება №368 - სსმ III, №108, 09.10.2001 წ., მუხ.781

მუხლი 4. დეპარტამენტის ხელმძღვანელობა და მოსამსახურეები

1. დეპარტამენტს ხელმძღვანელობს თავმჯდომარე, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. თავმჯდომარე:

ა) ახორციელებს სასჯელაღსრულების ორგანოთა საქმიანობის ხელმძღვანელობას, შეიმუშავებს წინადადებებს მისი გაუმჯობესების მიზნით;

ბ) ანაწილებს ფუნქციებს დაქვემდებარებულ მოსამსახურეებს შორის, აძლევს მათ მითითებებსა და განკარგულებებს;

გ) აკონტროლებს მოსამსახურეების მიერ თავიანთი სამსახურებრივი მოვალეობების შესრულებას, აანალიზებს სამსახურებრივი დისციპლინის მდგომარეობას, შეიმუშავებს და ახორციელებს მოსამსახურეთა მიერ სამსახურებრივი მდგომარეობის ბოროტად გამოყენების თავიდან აცილების ღონისძიებებს;

დ) ხელს აწერს ან ვიზას ადებს დეპარტამენტში მომზადებულ დოკუმენტებს;

ე) წარმოადგენს დეპარტამენტს საკუთარი მოვალეობების შესრულებისას;

ვ) წარუდგენს მინისტრს წინადადებებს დეპარტამენტის სტრუქტურის, შტატების, მუშაობის ორგანიზაციის, დაქვემდებარებული მოსამსახურეებისათვის ხელფასისა და პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ;

ზ) უფლებამოსილების ფარგლებში ახორციელებს მოსამსახურეთა დანიშვნას, გათავისუფლებას, გადაადგილებას, აღდგენას, მათ წახალისებას და დისციპლინური პასუხისმგებლობის დაკისრებას;

თ) უფლებამოსილების ფარგლებში წყვეტს სპეციალურ წოდებებთან დაკავშირებულ საკითხებს;

ი) შუამდგომლობს იმ სახსრების გამოყოფის თაობაზე, რომლებიც საჭიროა დეპარტამენტის ამოცანების შესასრულებლად;

კ) პერიოდულად ისმენს დეპარტამენტის სტრუქტურული ქვედანაყოფების უფროსების ანგარიშს მათ მიერ შესრულებული სამუშაოს თაობაზე;

ლ) ახორციელებს ამ დებულებით, მინისტრის სამართლებრივი აქტებით და სხვა შესაბამისი აქტებით განსაზღვრულ ფუნქციებს.

3. მასზე დაკისრებული ფუნქციების განხორციელებისათვის დეპარტამენტის თავმჯდომარე პასუხს აგებს მინისტრის წინაშე. დეპარტამენტის თავმჯდომარე წელიწადში ორჯერ მაინც მინისტრს წარუდგენს ანგარიშს გაწეული მუშაობის შესახებ.

4. დეპარტამენტის თავმჯდომარეს ჰყავს ოთხი მოადგილე:

ა) სასჯელაღსრულების უსაფრთხოებისა და რეჟიმის დარგში;

ბ) დაცვისა და ბადრაგირების დარგში;

გ) ადამიანის უფლებების დაცვის, სოციალურ საკითხთა და საზოგადოებასთან ურთიერთობის დარგში.

5. თავმჯდომარის მოადგილეს, დეპარტამენტის თავმჯდომარის წარდგინებით, თანამდებობაზე ნიშნავს და ათავისუფლებს მინისტრი.

6. დეპარტამენტის თავმჯდომარის მოადგილეები დაკისრებული სამსახურებრივი ამოცანების შესრულებისათვის პასუხს აგებენ დეპარტამენტის თავმჯდომარისა და მინისტრის წინაშე.

7. დეპარტამენტის თავმჯდომარის მიერ თავისი უფლებამოსილებების განხორციელების შეუძლებლობის შემთხვევაში, თავმჯდომარის მოვალეობებს ასრულებს მისი მოადგილე სასჯელაღსრულების უსაფრთხოების რეჟიმის დარგში.

8. დეპარტამენტის სტრუქტურულ ქვედანაყოფს ხელმძღვანელობს უფროსი, რომელსაც დეპარტამენტის თავმჯდომარის წარდგინებით თანამდებობაზე ნიშნავს და ათავისუფლებს მინისტრი.

9. დაკისრებული სამსახურებრივი ამოცანების შესრულებისათვის სტრუქტურული ქვედანაყოფის უფროსი პასუხს აგებს კურატორი დეპარტამენტის თავმჯდომარის მოადგილის, დეპარტამენტის თავმჯდომარისა და მინისტრის წინაშე.

10. დეპარტამენტის მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი დეპარტამენტის თავმჯდომარის წარდგინებით.

საქართველოს იუსტიციის მინისტრის 2000 წლის 27 იანვრის ბრძანება №367 - სსმ III, №122, 27.12.2000 წ., მუხ.911

საქართველოს იუსტიციის მინისტრის 2001 წლის 26 იანვრის ბრძანება №27 - სსმ III, №8, 26.01.2001 წ., მუხ.73

მუხლი 5. დეპარტამენტის სტრუქტურა

დეპარტამენტის სტრუქტურაში შედის შემდეგი სტრუქტურული ქვედანაყოფები:

ა) შტაბი;

ბ) საერთო სამსახური;

გ) ოპერატიულ-სარეჟიმო მთავარი სამმართველო;

დ) სპეციალური დაცვის სამსახური;

ე) კადრების განყოფილება;

ვ) სპეციალური განყოფილება;

ზ) (ამოღებულია);

თ) მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილება;

ი) იურიდიული განყოფილება;

კ) სწრაფი რეაგირების სპეციალური დანიშნულების სამსახური.

საქართველოს იუსტიციის მინისტრის 2000 წლის 27 ნოემბრის ბრძანება №325 - სსმ III, №110, 27.11.2000 წ., მუხ.911

საქართველოს იუსტიციის მინისტრის 2001 წლის 18 ივნისის ბრძანება №211 - სსმ III, №65, 19.06.2001 წ., მუხ.474

საქართველოს იუსტიციის მინისტრის 2001 წლის 14 სექტემბრის ბრძანება №349 - სსმ III, №97 14.09.2001 წ., მუხ.709

მუხლი 6. უფლებამოსილების განაწილება დეპარტამენტის ხელმძღვანელთა შორის

1. დეპარტამენტის თავ მ ჯდომარის მოადგილე სასჯელაღსრულების უსაფრთხოებისა და რეჟიმის დარგში საერთო ხელმძღვანელობასა და კონტროლს უწევს ოპერატიულ-სარეჟიმო მთავარ სამმართველოსა და სასჯელაღსრულების დაწესებულებათა შესაბამის ი სტრუქტურულ ი ერთეულების საქმიანობას. სასჯელაღსრულების დაწესებულებებში უსაფრთხოების ღონისძიებათა განხორციელებასა და რეჟიმის მოთხოვნათა დაცვას.

2. (ამოღებულია).

3. დეპარტამენტის თავმჯდომარის მოადგილე დაცვისა და ბადრაგირების დარგში საერთო ხელმძღვანელობასა და კონტროლს უწევს სპეციალური დაცვის სამსახურისა და სასჯელაღსრულების დაწესებულებათა შესაბამისი სტრუქტურული ერთეულების საქმიანობას, სასჯელაღსრულების დაწესებულებათა და მსჯავრდებულთა დაცვისა და ბადრაგირების პროცესის ორგანიზებას.

4. დეპარტამენტის თავმჯდომარის მოადგილე ადამიანის უფლებათა დაცვის, სოციალურ საკითხთა და საზოგადოებასთან ურთიერთობის დარგში საერთო ხელმძღვანელობასა და კონტროლს უწევს პენიტენცია რ უ ლ ი რეფორმების სამმართველო სპეციალური სამსახურის მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილების, იურიდიული განყოფილებისა და სასჯელაღსრულების დაწესებულებების შესაბამისი სტრუქტურული ერთეულების საქმიანობას, ახორციელებს სასჯელაღსრულების ორგანოების მოსამსახურეთა, მსჯავრდებულთა და პატიმართა უფლებების, პატივისა და ღირსების დაცვის ღონისძიებებს, უზრუნველყოფს სათანადო რეაგირებას მოქალაქეთა, მსჯავრდებულთა საჩივრებზე, წერილებსა და წინადადებებზე, უზრუნველყოფს მსჯავრდებულთა სოციალური დაცვის ორგანიზებას.

5. (ამოღებულია).

5. შტაბი ექვემდებარება უშუალოდ დეპარტამენტის თავმჯდომარეს.

მუხლი 7. შტაბი

1. შტაბის შემადგენლობაში შედის:

ა) საორგანიზაციო-საინსპექტორო განყოფილება;

ბ) სამდივნო;

ბ) კომენდატურა.

2. შტაბი:

ა) აკონტროლებს დეპარტამენტის სისტემაში კანონებისა და კანონქვემდებარე აქტების, მინისტრის სამართლებრივი აქტების შესრულების მიმდინარეობას;

ბ) აწარმოებს დეპარტამენტის სტრუქტურული ქვედანაყოფების ინსპექტირებას, აანალიზებს გაწეული საქმიანობის მიმდინარეობას, ამზადებს დეპარტამენტის სამოქმედო გეგმებსა და დეპარტამენტიდან სხვადასხვა სახელმწიფო დაწესებულებებში გასაგზავნ მასალებს;

გ) ორგანიზაციას უწევს კომენდატურის და სამდივნოს მუშაობას და ახორციელებს კონტროლს მათ საქმიანობაზე;

დ) ორგანიზებას უწევს დეპარტამენტის თავმჯდომარესთან ოპერატიული თათბირების მომზადებასა და ჩატარებას, ახორციელებს კონტროლს თათბირზე მიღებული გადაწყვეტილებების შესრულებაზე;

ე) უზრუნველყოფს დეპარტამენტში შემოსული კორესპონდენციების აღრიცხვას, დამუშავებას, განაწილებას, საიდუმლო საქმისწარმოებას;

ვ) ახორციელებს კანონმდებლობით დადგენილ სხვა ამოცანებს:

თ) (ამოღებულია);

ი) (ამოღებულია);

კ) (ამოღებულია);

ლ) (ამოღებულია);

მ) (ამოღებულია);

ნ) (ამოღებულია);

ო) (ამოღებულია);

პ) (ამოღებულია);

ჟ) (ამოღებულია).

მუხლი 7¹. საერთო სამსახური

1. საერთო სამსახურის შემადგენლობაში შედის:

ა) საფინანსო-სააღრიცხვო განყოფილება;

ბ) (ამოღებულია);

გ) ბაზა;

დ) მსჯავრდებულთა შრომითი რეაბილიტაციის განყოფილება;

ე) ავტოსატრანსპორტო კოლონა.

2. საერთო სამსახური:

ა) ახორციელებს სასჯელაღსრულების დაწესებულებებიდან ინფორმაციის მიღებას, დამუშავებას, სამინისტროსა და შესაბამის ორგანოებში მიწოდებას და ახდენს დროულ რეაგირებას მინისტრის ბრძანებით დადგენილი წესით;

ბ) უფლებამოსილების ფარგლებში ახორციელებს საბუღალტრო - საფინანსო საქმიანობას;

გ) წარმოადგენს წინადადებებს სასჯელაღსრულების ორგანოთა და მსჯავრდებულთა კვების პროდუქტებით, ინვენტარით, სამშენებლო-ტექნიკური, ელექტრომასალებითა და მოწყობილობებით, ტანსაცმლით და ფეხსაცმლით, იარაღითა და სპეციალური დანიშნულების ქონებით უზრუნველყოფის თაობაზე;

დ) უზრუნველყოფს დაწესებულების მოწყობილობების, საინჟინრო ქსელების, სატრანსპორტო საშუალებებისა და მექანიზმების სისტემის ტექნიკურად გამართულ მუშაობას და ახორციელებს კონტროლს მათ სწორ ექსპლუატაციაზე;

ე) საქმიანობის პროცესში ასრულებს დეპარტამენტისა და სამინისტროს მითითებებს ფინანსური და მატერიალური რესურსების ეკონომიური ხარჯვის თაობაზე და ატარებს ამ მიმართებით პრაქტიკულ ღონისძიებებს;

ვ) მონაწილეობას იღებს სასჯელაღსრულების დაწესებულებებში საინჟინრო ქსელების, ენერგეტიკული ობიექტების სისტემების, ახალი საწარმოო საამქროების ან არსებულის რეკონსტრუქციის ტექნიკური პირობებისა და პროექტების დამუშავებაში;

ზ) ახორციელებს კანონმდებლობით განსაზღვრულ სხვა ამოცანებს.

მუხლი 8. ოპერატიულ-სარეჟიმო მთავარი სამმართველო

1. ოპერატიულ-სარეჟიმო მთავარი სამმართველოს შემადგენლობაშია:

ა) სარეჟიმო სამსახური;

ბ) უსაფრთხოების სამსახური.

2. სარეჟიმო სამსახურის ძირითადი ამოცანებია:

ა) სასჯელაღსრულების დაწესებულებების სარეჟიმო სამსახურების საქმიანობის ორგანიზება, მათი მუშაობის შედეგების შესწავლა და გაანალიზება;

ბ) მსჯავრდებულთა შეხვედრების, მათ მიერ შინაგანაწესისა და დღის წესრიგის დაცვის კონტროლი;

გ) მსჯავრდებულთა გადანაწილება მიზანმიმართულად უსაფრთხოების სამსახურთან შეთანხმებით;

დ) კანონმდებლობით განსაზღვრული სხვა ამოცანები.

3. უსაფრთხოების სამსახურის შემადგენლობაშია შემდეგი განყოფილებები:

ა) მოკვლევის;

ბ) ოპერატიულ-სამძებრო საქმიანობის.

4. უსაფრთხოების სამსახურის ამოცანები და ფუნქციები განსაზღვრულია მინისტრის ბრძანებით „სასჯელაღსრულების დაწესებულების უსაფრთხოების სამსახურის დებულების დამტკიცების შესახებ.

მუხლი 9. (ამოღებულია)

მუხლი 10. სპეციალური დაცვის სამსახური

1. სპეციალური დაცვის სამსახურის შემადგენლობაშია შემდეგი განყოფილებები:

ა) დაცვისა და საინჟინრო-ტექნიკური უზრუნველყოფის განყოფილება;

ბ) ბადრაგირების.

2. სპეციალური დაცვის სამსახურის ამოცანები და ფუნქციები განსაზღვრულია მინისტრის ბრძანებით „სასჯელაღსრულების დაწესებულების უსაფრთხოების სამსახურის დებულების დამტკიცების შესახებ”.

მუხლი 11. კადრების განყოფილება

1. კადრების განყოფილება თავისი უფლებამოსილებების ფარგლებში:

ა) ატარებს დეპარტამენტის ერთიან საკადრო პოლიტიკას, განსაზღვრავს მისი რეალიზაციის ეფექტურ ფორმებსა და მეთოდებს;

ბ) ნომენკლატურის ფარგლებში განიხილავს, ამზადებს და დეპარტამენტის თავმჯდომარეს წარუდგენს მასალებს თანამდებობაზე დანიშვნის, გათავისუფლების, გადაადგილების, სპეციალური წოდებების მინიჭების, მოსამსახურეთა წახალისებისა და დაჯილდოების შესახებ;

გ) აანალიზებს სამსახურებრივი დისციპლინის მდგომარეობას, შეიმუშავებს რეკომენდაციებს და იღებს ზომებს დარღვევებისა და ხარვეზების გამოვლენისა და თავიდან აცილებისათვის;

დ) აწარმოებს მოსამსახურეთა პირად საქმეებს(ნომენკლატურის ფარგლებში) და საკადრო-სტატისტიკურ აღრიცხვიანობას;

ე) წარადგენს მასალებს სამინისტროში მოსამსახურეთათვის სამსახურებრივი მოწმობების გამოსაყოფად;

ვ) განიხილავს საკადრო საკითხებთან დაკავშირებულ წერილებსა და განცხადებებს;

ზ) ნომენკლატურის ფარგლებში ამზადებს მოსამსახურეთა საპენსიო უზრუნველყოფის მასალებს და წარუდგენს სამინისტროს შესაბამის სამსახურს;

თ) ამზადებს საკადრო ანგარიშებს სამინისტროსათვის წარსადგენად;

ი) შეისწავლის პირად შემადგენლობასთან აღმზრდელობითი მუშაობის ფორმებსა და მეთოდებს;

კ) სისტემატურად ახორციელებს სასაჯელაღსრულების დაწესებულებათა ინსპექტირებას.

ლ) ასრულებს კანონმდებლობით განსაზღვრულ სხვა ამოცანებს.

მუხლი 12. (ამოღებულია)

მუხლი 12¹. პენიტენციარული რეფორმების სამმართველო

პენიტენცია რ უ ლ ი რეფორმების სამმართველო:

ა) შეიმუშავებს პენიტენცია რ უ ლ ი სისტემის რეფორმების ერთიან პოლიტიკას;

ბ) კოორდინაციას უწევს სასჯელაღსრულების ორგანოთა ურთიერთობას შესაბამის საზოგადოებრივ და საერთაშორისო ორგანიზაციებთან, მასობრივი ინფორმაციის საშუალებებთან;

გ) შეისწავლის მსჯავრდებულთა კომუნალურ-საყოფაცხოვრებო, განათლების მიღების პირობებს, შეხვედრების განხორციელების, მიმოწერისა და სატელეფონო საუბრების, ამანათებისა და გზავნილების მიღების პრაქტიკას, მის შესაბამისობას დადგენილ ნორმებთან და შეიმუშავებს შესაბამის რეკომენდაციებს;

დ) ასრულებს კანონმდებლობით განსაზღვრულ სხვა ამოცანებს.

მუხლი 12². მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილება

მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილება:

ა) ხელმძღვანელობს და კონტროლს უწევს სასჯელაღსრულების დაწესებულებათა მუშაკების, სოციალური ადაპტაციის ჯგუფების, სარეაბილიტაციო ცენტრებისა და მსჯავრდებულთა განათლებისა და პროფესიული მომზადების სამსახურების საქმიანობას;

ბ) ახორციელებს მსჯავრდებულთა მართლშეგნების ამაღლების, საზოგადოების წარმომადგ ე ნლებთან მათი ურთიერთობის ხელშეწყობის ღონისძიებებს;

გ) ორგანიზებას უკეთებს მსჯავრდებულთა ზოგადი და პროფესიული განათლების უზრუნველყოფას;

დ) შეიმუშავებს რეკომენდაციებს მსჯავრდებულთა და პატიმართა უფლებებისა და სოციალური მდგომარეობის გაუმჯებესების მიზნით, ამ მიმართებით გაწეული საქმიანობის შესახებ მოახსენებს დეპარტამენტის ხელმძღვანელობას;

ე) ასრულებს კანონმდებლობით განსაზღვრულ სხვა ამოცანებს.

მუხლი 13. იურიდიული განყოფილება

იურიდიული განყოფილება შეიმუშავებს წინადადებებს სასჯელაღსრულების სფეროში კანონმდებლობის სრულყოფის თაობაზე და ამზადებს შესაბამისი ნორმატიული აქტების პროექტებს, ახორციელებს დეპარტამენტის საქმიანობის სამართლებრივ უზრუნველყოფას.

მუხლი 13¹. დეპარტამენტის სიმბოლიკა

დეპარტამენტს აქვს მრგვალი, 50-მილიმეტრიანი დიამეტრის ბეჭედი, რომლის ცენტრში გამოსახულია სახელმწიფო გერბი. რგოლის ზედა მხარეს განთავსებულია წარწერა: „საქართველოს იუსტიციის სამინისტროს სასჯელაღსრულების დეპარტამენტი” და შესაბამისი თარგმანი რუსულ და ინგლისურ ენებზე.

საქართველოს იუსტიციის მინისტრის 2001 წლის 31 ივლისის ბრძანება №288 - სსმ III, №81, 03.08.2001 წ., მუხ.588

მუხლი 14. დასკვნითი დებულებანი

ამ დებულების გაუქმება, მასში ცვლილებებისა და დამატებების შეტანა ხდება მინისტრის ბრძანებით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს იუსტიციის მინისტრის ბრძანება №315 სასჯელაღსრულების დეპარტამენტის დებულების დამტკიცების შესახებ“, №315, 14.11.2000, სარეგისტრაციო კოდი 100020010.11.160.004496 (კონსოლიდირებული რედაქცია 08.10.2001). ხელმისაწვდომია: https://legali.ge/law/1344043-8/

საქართველოს იუსტიციის მინისტრის ბრძანება №315 სასჯელაღსრულების დეპარტამენტის დებულების დამტკიცების შესახებ

შემდგომი ცვლილებები (1)

წინა ცვლილებები (8)

დოკუმენტის ტექსტი

მუხლი 71. საერთო სამსახური🔗

მუხლი 121. პენიტენციარული რეფორმების სამმართველო🔗

მუხლი 122. მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილება🔗

მუხლი 131. დეპარტამენტის სიმბოლიკა🔗

მუხლი 1. ზოგადი დებულებანი🔗

მუხლი 2. დეპარტამენტის სტატუსი🔗

მუხლი 3. დეპარტამენტის ამოცანები და ფუნქციები🔗

მუხლი 4. დეპარტამენტის ხელმძღვანელობა და მოსამსახურეები🔗

მუხლი 5. დეპარტამენტის სტრუქტურა🔗

მუხლი 7. შტაბი🔗

მუხლი 71. საერთო სამსახური🔗

მუხლი 9. უსაფრთხოების სამსახური🔗

მუხლი 12. სპეციალური სამსახური🔗

მუხლი 121. პენიტენციარული რეფორმების სამმართველო🔗

მუხლი 122. მსჯავრდებულთა უფლებების დაცვის, განათლების და სოციალურ საკითხთა უზრუნველყოფის განყოფილება🔗

მუხლი 14. დასკვნითი დებულებანი🔗

მუხლი 131. დეპარტამენტის სიმბოლიკა🔗

როგორ დავიმოწმოთ