საქართველოს სახელმწიფო ქონების მართვის მინისტრის ბრძანება №1-3/198 სახელმწიფო წილობრივი მონაწილეობით არსებული საწარმოების ბალანსზე რიცხული ამორტიზებული ან გამოუყენებელი ძირითადი საშუალებების განკარგვისა და გადაცემის წესის შესახებ დებულების დამტკიცების თაობაზე

სახემწიფო სარეგისტრაციო კოდი   020.012.004.156.

საქართველოს სახელმწიფო ქონების მართვის მინისტრის

 ბრძანება №1-3/198

2000 წლის 27 მარტი

 ქ. თბილისი

სახელმწიფო წილობრივი მონაწილეობით არსებული საწარმოების ბალანსზე რიცხული ძირითადი საშუალებების განკარგვისა და გადაცემის წესის შესახებ

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

საქართველოს პრეზიდენტის 1997 წლის 8 სექტემბრის №487 ბრძანებულების შესაბამისად ვბრძანებ:

1. დამტკიცდეს დებულება “სახელმწიფო წილობრივი მონაწილეობით არსებული საწარმოების ბალანსზე რიცხული ძირითადი საშუალებების განკარგვისა და გადაცემის წესის შესახებ”.

2. დაევალოს სამინისტროს საწარმოთა ლიკვიდაციისა და აქტივების პრივატიზების დეპარტამენტს იურიდიულ დეპარტამენტთან ერთად დებულების საქართველოს იუსტიციის სამინისტროში დადგენილი წესით რეგისტრაცია.

3. ძალადაკარგულად ჩაითვალოს სახელმწიფო ქონების მართვის სამინისტროს 1997 წლის 5 თებერვლის №1-3/81 ბრძანება “სახელმწიფო ქონებით შექმნილი საწარმოების ბალანსზე რიცხული ძირითადი საშუალებების განკარგვისა და გადაცემის წესის შესახებ დებულების დამტკიცების თაობაზე”

4.დაევალოს სამინისტროს ტერიტორიულ ორგანოებთან ურთიერთობისა და საინფორმაციო დეპარტამენტს დებულების რეგისტრაციის შემდეგ მისი გამოქვეყნება გაზეთ “მესაკუთრესა” და “საკანონმდებლო მაცნეში”

5. კონტროლი ბრძანების შესრულებაზე დაევალოს მინისტრის მოადგილეს დ. გელაშვილს.

მ. უკლება

შეტანილი ცვლილებები:

1. საქართველოს ქონების მართვის მინისტრის 2000 წლის 30 ივნისის ბრძანება №1-3/422 - სსმ III, №62, 06.07.2000 წ.,მუხ.602

2. საქართველოს ქონების მართვის მინისტრის 2002 წლის 20 მარტის ბრძანება №1-3/181 - სსმ III, №30, 28.03.2002 წ.,მუხ.261

3. საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

სახელმწიფოს წილობრივი მონაწილეობით არსებულ საწარმოთა ბალანსზე რიცხული ძირითადი საშუალებების განკარგვისა და გადაცემის წესის შესახებ დებულება

ეს დებულება შემუშავებულია საქართველოს პრეზიდენტის 1997 წლის 8 სექტემბრის №487 ბრძანებულებით დამტკიცებული სახელმწიფო ქონების მართვის სამინისტროს დებულების საფუძველზე, საქართველოს კანონის „მეწარმეთა შესახებ” შესაბამისად და აწესრიგებს სახელმწიფოს წილობრივი მონაწილეობით შექმნილი საწარმოების სადაც სახელმწიფოს წილი არანაკლებ 50 %-ია ბალანსზე რიცხული ძირითადი საშუალებების (შემდგმომში “ძირითადი საშუალებები”) განკარგვისა და გადაცემის პროცესს.

სახელმწიფო წილობრივი მონაწილეობით არსებულ საწარმოთა ბალანსზე რიცხული “ძირითადი საშუალებებში” არსებული ძვირფასი ლითონებისა და ძვირფასი ქვების განკარგვის საკითხები რეგულირდება საქართველოს კანონის “ძვირფასი ლითონებისა და ძვირფასი ქვების სახელმწიფო კონტროლის, ანალიზისა და დადამღვის შესახებ”

1. ძირითადი საშუალებების განკარგვის ან გადაცემის ფორმები

1. სახელმწიფოს წილობრივი მონაწილეობით არსებული საწარმოების ბალანსზე რიცხული ძირითადი საშუალებების მიმართ შეიძლება გამოყენებული იქნას განკარგვის შემდეგი ფორმები:

ა) – ბალანსიდან ჩამოწერა (მათ შორის, ვადაზე ადრე);

ბ) – რეალიზაცია;

გ) – (ამოღებულია);

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

2. სახელმწიფო წილობრივი მონაწილეობით არსებული საწარმოების ძირითადი საშუალებების დროებით სარგებლობაში გადაცემა შესაძლებელია იჯარით, ქირავნობით, თხოვებით და სასყიდლიანი უზურფრუქტით;

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

2. ძირითადი საშუალებების ბალანსიდან (მათ შორის ვადამდე) ჩამოწერა

1. სახელმწიფოს წილობრივი მონაწილეობით არსებული საწარმოების ბალანსზე რიცხული ძირითადი საშუალებების ბალანსიდან ჩამოწერა ხდება საწარმოს ხელმძღვანელის წარდგინებით საწარმოს სამეთვალყურეო საბჭოს (პარტნიორთა კრების) გადაწყვეტილების საფუძველზე სახელმწიფო ქონების მართვის სამინისტროს ან მის ტერიტორიულ ორგანოსთან შეთანხმებით.

ა). ძირითადი საშუალებების ჩამოწერის (ვადამდელი ჩამოწერა) საკითხს განიხილავს საწარმოთა მართვის სააგენტოში არსებული მუდმივმოქმედი კომისია, რომელიც იქმნება სააგენტოს თავმჯდომარის ბრძანებით და რომელიც დაკომპლექტებულია სააგენტოს თანამშრომლებით და საქართველოს ეკონომიკის, მრეწველობისა და ვაჭრობის სამინისტროს წარმომადგენლით.

ბ). იმ შემთხვევაში თუ ხდება რომელიმე საზოგადოების ბალანსზე რიცხული ქონების ჩამოწერა, რომლის ღირებულება შეადგენს საზოგადოების ქონების საბალანსო ღირებულების 10%-ზე მეტს, საკითხზე გადაწყვეტილებას იღებს პარტნიორთა კრება (აქციონერთა საერთო კრება) საქართველოს ეკონომიკის, მრეწველობისა და ვაჭრობის სამინისტროსთან შეთანხმებით.

გ). თუ საწარმოს ბალანსზე რიცხული ჩამოსაწერი ძირითადი საშუალებების საბალანსო ღირებულება არ აღემატება საწარმოს ქონების საბალანსო ღირებულების 10%-ს, მაგრამ არაუმეტეს 10000(ათი ათასი) ლარისა, ძირითადი საშუალებების ჩამოწერა საჭიროებს მხოლოდ “საწარმოთა მართვის სააგენტოს” თანხმობას (10000 ლარის ზევით სააგენტო უთანხმებს საქართველოს ეკონომიკის, მრეწველობისა და ვაჭრობის სამინისტროს).

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

3. “ძირითადი საშუალებების” ბალანსიდან ჩამოწერის მიზნით საწარმოს ხელმძღვანელი შესაბამისი ბრძანებით ქმნის კომისიას, რომელშიც შედიან საწარმოს ხელმძღვანელები, ინჟინერი, ბუღალტერი და სხვა თანამშრომლები, აგრეთვე კომისიის წევრი შესაძლებელია იყოს მოწვეული პირი. კომისია სწავლობს ძირითადი საშუალებების ფაქტობრივი ფიზიკურ მდგომარეობას, ასაბუთებს მისი საწარმოს ბალანსიდან ჩამოწერის აუცილებლობას და ამზადებს ქონების ბალანსიდან ჩამოსაწერად საჭირო დოკუმენტაციას – თითოეულ ძირითად საშუალებაზე ამზადებს ძირითადი საშუალებების ბალანსიდან ჩამოსაწერ ქონებას სახელმწიფო ქონების მართვის სამინისტროს ამ დებულების თანდართული ტიპიური №1 და №2 დანართების შესაბამისად, აგრეთვე აფასებს საწარმოს ბალანსიდან ქონების ჩამოწერის შედეგად მიღებულ ვარგის ნაწილებს და საწარმოო მარაგების სახით აჰყავს ბალანსზე. საწარმოს ხელმძღვანელი უზრუნველყოფს ჩამოსაწერი ქონების ღირებულების შეფასების სისწორის შემოწმებასა და დამტკიცებას დამოუკიდებელი აუდიტის მიერ, რის შემდეგაც იგი ამტკიცებს ძირითადი საშუალებების ბალანსიდან ჩამოწერის აქტს და ძირითადი საშუალებების შეფასების აქტს.

4. სახელმწიფო წილობრივი მონაწილეობით შექმნილ საწარმოთა ბალანსზე რიცხული “ძირითადი საშუალებებში” არსებული ძვირფასი ლითონებისა და ქვების განკარვის საკითხები რეგულირდება საქართველოს კანონის “ძვირფასი ლითონებისა და ძვირფასი ქვების სახელმწიფო კონტროლის, ანალიზისა და დადამღვის შესახებ” შესაბამისად.

5. დაუმთავრებელი მშენებლობის ჩამოწერისას საჭიროა სათანადო ექსპერტიზის დასკვნა.

6). ძირითადი საშუალებების ჩამოწერის შედეგად მიღებული ჯართის რეალიზება უნდა განხორციელდეს ინფორმაციის საჯარო გამოქვეყნებით აუქციონის ფორმით. აუქციონის ორგანიზებას ახორციელებს სააგენტო, სპეციალურად შექმნილი სააუქციონო კომისიის მეშვეობით. სააგენტოსთან შეთანხმებით აუქციონის ორგანიზება შეიძლება განხორციელდეს საწარმოს ხელმძღვანელობის მიერ. აუქციონის ფორმით ჯართის რეალიზებისას ინფორმაცია აუქციონის ჩატარების შესახებ უნდა გამოქვეყნდეს საინფორმაციო მასობრივ საშუალებებში აუქციონის ჩატარების თარიღამდე სულ ცოტა 10 დღით ადრე.

7). გამოსაქვეყნებელი ინფორმაცია უნდა შეიცავდეს შემდეგ მონაცემებს:

ა) აუქციონის ორგანიზატორის დასახელება;

ბ) აუქციონის ორგანიზატორის საკონტაქტო ტელეფონის ნომერს და მისამართს;

გ) აუქციონის ჩატარების თარიღსა და ადგილმდებარეობას;

დ) სარეალიზებო ქონების დასახელებას, საწყის ფასს (საწყისს ფასს ადგენს საწარმო სააგენტოსთან შეთანხმებით).

ე) სარეალიზებო ქონების ადგილმდებარეობას, რაოდენობას და მდგომარეობას (ქონების ადგილმდებარეობის, რაოდენობის და მდგომარეობის შესახებ ინფორმაციის უტყუარობაზე პასუხისმგებელია საწარმოს დირექტორი ან დირექტორები).

ვ)აუქციონში მონაწილეობაზე განაცხადების მიღების დაწყების, დამთავრების და ჩატარების ვადას;

ზ)”ბეს” სიდიდეს (რომლის ოდენობას განსაზღვრავს “აუქციონის ორგანიზატორი”), გადახდის ფორმასა და პირობებს.

8. აუქციონში მონაწილეობის უფლება აქვს ნებისმიერ ფიზიკურ და იურიდიულ პირს. აუქციონში მონაწილეობის მიღების მსურველმა (შემდგომში “მონაწილე”) აუქციონის რეგისტრატორს უნდა წარუდგინოს:

ა) განაცხადი, რომელიც შეიცავს ინფორმაციას მონაწილეზე, და ქონების დასახელებას.

ბ) “ბეს” გადახდის დამადასტურებელი დოკუმენტი;

გ) მოქალაქის პირადობის დამადასტურებელი მოწმობის ქსეროასლი;

დ) მოქმედი კანონმდებლობის შესაბამისად გაცემული მინდობილობა, თუ იგი მოქმედებს იურიდიული ან ფიზიკური პირის სახელით;

9). სააუქციონო ვაჭრობის დამთავრების შემდეგ დგება ოქმი, რომელშიც ასახული უნდა იყოს ვაჭრობის მსვლელობა და შედეგები. ოქმი ინომრება ქრონოლოგიური მიმდევრობით, ხელს აწერს “მყიდველი” (გამარჯვებული) და სააუქციონო კომისიის თავმჯდომარე.

10) ოქმის შედგენიდან ოცი კალენდარული დღის ვადაში მყიდველი ვალდებულია გადაიხადოს ქონების გამოსასყიდი თანხა, რის შემდგომაც საწარმოსა და მყიდველს შორის ფორმდება ნასყიდობის ხელშეკრულება.

11). თუ აუქციონი არ შედგა, ათი კალენდარული დღის ვადაში უნდა გამოცხადდეს განმეორებითი აუქციონი ზემოთ აღნიშნული აუქციონის პირობების გათვალისწინებით.

12). ქონების რეალიზების შედეგად მიღებული თანხა აისახება საწარმოს (“გამყიდველის”) ბალანსზე აუქციონის ხარჯების გამოკლებით.

13). საწარმოს ხელმძღვანელობა ვალდებულია საწარმოთა მართვის სააგენტოში წარმოადგინოს ინფორმაცია ძირითადი საშუალებების ჩამოწერის შედეგების თაობაზე.

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

3. ძირითადი საშუალებების რეალიზაცია

1. ძირითადი საშუალებების რეალიზაციისას ქონების მყიდველი შეიძლება იყოს როგორც საქართველოს რეზიდენტი ასევე არარეზიდენტი ფიზიკური ან იურიდიული პირი. რეალიზების შედეგად საწარმოს დირექტორის მიერ მყიდველთან ფორმდება ნასყიდობის ხელშეკრულება და მასზე გადადის მესაკუთრის ყველა უფლებები.

ა). გადაწყვეტილებას ძირითადი საშუალებების რეალიზების თაობაზე საწარმოს დირექტორის წარდგინებით, „საწარმოთა მართვის სააგენტოსთან” შეთანხმებით იღებს სამეთვალყურეო საბჭო (პარტნიორთა კრება).

ბ) იმ შემთხვევაში თუ ხდება საზოგადოების ქონების რეალიზაცია, რომლის ღირებულება აღემატება საზოგადოების ქონების საბალანსო ღირებულების 10%-ს, საკითხზე გადაწყვეტილებას იღებს პარტნიორთა კრება (აქციონერთა საერთო კრება) საქართველოს ეკონომიკის, მრეწველობისა და ვაჭრობის სამინისტროსთან შეთანხმებით.

გ). თუ საწარმოს ბალანსზე რიცხული სარეალიზებო ძირითადი საშუალებების საბალანსო ღირებულება არ აღემატება საწარმოს ქონების საბალანსო ღირებულების 10%-ს, მაგრამ არაუმეტეს 10000(ათი ათასი) ლარისა, ძირითადი საშუალებების რეალიზება საჭიროებს მხოლოდ “საწარმოთა მართვის სააგენტოს” თანხმობას (10000 ლარის ზევით სააგენტო უთანხმებს საქართველოს ეკონომიკის, მრეწველობისა და ვაჭრობის სამინისტროს).

დ). თუ საწარმოს პრივატიზების თაობაზე საქართველოს ეკონომიკის, მრეწველობისა და ვაჭრობის სამინისტროში (ტერიტორიულ ორგანოში) შეტანილია განაცხადი (მიუხედავად ინიციატორისა, მათ შორის იმ შემთხვევაში თუ ობიექტი შესულია საპრივატიზებო ობიექტთა ნუსხაში), სამინისტრომ (ტერიტორიულმა ორგანომ) აღნიშნულის შესახებ დაუყოვნებლივ უნდა აცნობოს “საწარმოთა მართვის სააგენტოს”. პრივატიზების განაცხადის შესახებ ინფორმაციის მიღების შემდგომ საწარმოს ბალანსზე რიცხული ძირითადი საშუალებების რეალიზების საკითხი სააგენტოს მიერ შეთანხმებული უნდა იქნეს საქართველოს ეკონომიკის, მრეწველობისა და ვაჭრობის სამინისტროსთან.

3. ქონების რეალიზაცია ხორციელდება კონკურსის ან აუქციონის წესით, რომლის ორგანიზაციასაც ახორციელებს სახელმწიფო ქონების მართვის სამინისტრო.

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

4. ძირითადი საშუალებების იჯარით, ქირავნობით, თხოვებით და სასყიდლიანი უზურფრუქტით გაცემა

1). ძირითადი საშუალებების იჯარით, ქირავნობით, თხოვებით და სასყიდლიანი უზურფრუქტით გაცემა ხორციელდება კონკურსის ან აუქციონის წესით სამეთვალყურეო საბჭოს (პარტნიორთა კრების) გადაწყვეტილების საფუძველზე “საწარმოთა მართვის სააგენტოსთან” შეთანხმებით.

2). ძირითადი საშუალებების დროებით სარგებლობაში გადაცემის თაობაზე ფორმდება ხელშეკრულება საწარმოს დირექტორსა და ქონების დროებით სარგებლობაში ამღებ პირს შორის.

3). თუ საწარმოს პრივატიზების თაობაზე საქართველოს ეკონომიკის, მრეწველობისა და ვაჭრობის სამინისტროში (ტერიტორიულ ორგანოში) შეტანილია განაცხადი (მიუხედავად ინიციატორისა, მათ შორის იმ შემთხვევაში თუ ობიექტი შესულია საპრივატიზებო ობიექტთა ნუსხაში), სამინისტრომ (ტერიტორიულმა ორგანომ) აღნიშნულის შესახებ დაუყოვნებლივ უნდა აცნობოს “საწარმოთა მართვის სააგენტოს”. პრივატიზების განაცხადის შესახებ ინფორმაციის მიღების შემდგომ საწარმოს ბალანსზე რიცხული ძირითადი საშუალებების იჯარით, ქირავნობით, თხოვებით და სასყიდლიანი უზურფრუქტით გაცემის საკითხი სააგენტოს მიერ შეთანხმებული უნდა იქნეს საქართველოს ეკონომიკის, მრეწველობისა და ვაჭრობის სამინისტროსთან.

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

5. (ამოღებულია).

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

 6. “ძირითადი საშუალებების” ღირებულების შეფასება

1. “ძირითადი საშუალებების” ფასის განსაზღვრისას გამოიყენება საქართველოს პრეზიდენტის 1997 წლის 17 ნოემბრის №671 ბრძანებულება.

7. კონკურსისა და აუქციონის ორგანიზება ძირითადი საშუალებების რეალიზაციის ან გადაცემის დროს

1. ძირითადი საშუალებების რეალიზაციის ან დროებით სარგებლობაში გაცემის დროს კონკურსის (აუქციონის) ორგანიზაციას ანხორციელებს “საწარმოთა მართვის სააგენტო” ან საწარმო “საწარმოთა მართვის სააგენტოსთან” შეთანხმებით. კონკურსის ან აუქციონის ორგანიზებისას გამოიყენება სახელმწიფო ქონების მართვის სამინისტროს 1999 წლის 31 მარტის №1-3/150 და №1-3/151 ბრძანებით დამტკიცებული დებულებები სახელმწიფო ქონების კონკურსის ფორმით პრივატიზების და სახელმწიფო ქონების აუქციონის ფორმით პრივატიზების შესახებ.

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

8. ძირითადი საშუალებების რეალიზების შედეგად მიღებული სახსრების გამოყენება

1. ძირითადი საშუალებების რეალიზაციისას შემოსული სახსრები კონკურსის და აუქციონის ხარჯების გამოკლებით ჩაირიცხება საწარმოს ანგარიშზე, რომლის მიზნობრივ გამოყენების საკითხს წყვეტს საზოგადოების სამეთვალყურეო საბჭო (პარტნიორთა კრება) და ამტკიცებს საჯარო სამართლის იურიდიული პირი საწარმოთა მართვის სააგენტო საკონკურსო (სააუქციონო) კომისიის დასკვნების გათვალისწინებით.

2. ძირითადი საშუალებების დროებით სარგებლობაში გადაცემის შედეგად შემოსული ქირა ირიცხება საწარმოს ანგარიშზე კონკურსის და აუქციონის ორგანიზების ხარჯების გამოკლებით.

3. კონკურსის და აუქციონის ორგანიზაციული ხარჯები ირიცხება სამინისტროს ანგარიშზე.

9. სხვა დებულებები

1. (ამოღებულია).

2. აღნიშნული დებულების საფუძველზე წარმოშობილი სადაო საკითხები განიხილება საერთო სასამართლოების მიერ მოქმედი კანონმდებლობის შესაბამისად.

 საქართველოს ქონების მართვის მინისტრის 2000 წლის 30 ივნისის ბრძანება №1-3/422 - სსმ III, №62, 06.07.2000 წ.,მუხ.602

საქართველოს ქონების მართვის მინისტრის 2002 წლის 20 მარტის ბრძანება №1-3/181 - სსმ III, №30, 28.03.2002 წ.,მუხ.261

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

საქართველოს ეკონომიკის, მრეწველობისა და ვაჭრობის მინისტრის 2003 წლის 29 ივლისის ბრძანება №01/01-01/137 - სსმ III, №81, 05.08.2003 წ.,მუხ.722

 

 

 

 

 

დანართი №1

ძირითად საშუალებათა  პასიური ნაწილის (შენობა-ნაგებობათა და გადასაცემ მოწყობილობათა) ჩამოსაწერი ღირებულების დადგენის

ა ქ ტ ი

2000 წლის 1 –––––––––––––– მდგომარეობით

 

 

 

 

შენიშვნა: 1. ქონების საბაზრო ფასით განსაზღვრა უნდა მოხდეს საქართველოს სტატისტიკის დეპარტამენტის 18.07.97 წ. №79-ს ბრძანების “საქართველოს ეროვნული მეურნეობის ძირითადი ფონდების გადაფასების შესახებ ინსტრუქციის დამტკიცების                       თაობაზე მე-4 მუხლის მე-2 პუნქტის “ბ” ქვეპუნქტის შესაბამისად.

2. ძირითადი ფონდების ღირებულების გაანგარიშებისას გრ. 21-დან გრ.25-ის ჩათვლით ძალაში შედის 1998 წლის 1 ივლისიდან.

დანართი №2

ძირითად საშუალებათა აქტიური ნაწილის (მანქანა-დანადგარების და სხვა) ჩამოსაწერი ღირებულების დადგენის

ა ქ ტ ი

                          2000 წლის 1 –––––––––––––– მდგომარეობით

 

შენიშვნა: 1. ქონების საბაზრო ფასით განსაზღვრა უნდა მოხდეს საქართველოს სტატისტიკის დეპარტამენტის 18.07.97 წ. №79-ს ბრძანების “საქართველოს ეროვნული მეურნეობის ძირითადი ფონდების გადაფასების შესახებ ინსტრუქციის დამტკიცების თაობაზე მე-4          მუხლის მე-2 პუნქტის “ბ” ქვეპუნქტის შესაბამისად.“

 2. ძირითადი ფონდების ღირებულების გაანგარიშებისას გრ. 21-დან გრ.25-ის ჩათვლით ძალაში შედის 1998 წლის 1 ივლისიდან.

 

 

Annotate