საქართველოს იუსტიციის მინისტრის ბრძანება №429 „საქართველოს იუსტიციის სამინისტროს სისტემაში სტაჟირების შესახებ

სახელმწიფო სარეგისტრაციო კოდი 010.240.030.11.106.006.458

საქართველოს იუსტიციის მინისტრის

ბრძანება №429

2004 წლის 19 აპრილი

 ქ. თბილისი

საქართველოს იუსტიციის სამინისტროს სისტემაში სტაჟირების შესახებ

„საქართველოს იუსტიციის სამინისტროს დებულების შესახებ” საქართველოს პრეზიდენტის 2001 წლის 31 დეკემბრის №544 ბრძანებულების შესაბამისად, ვბრძანებ:

1. დამტკიცდეს საქართველოს იუსტიციის სამინისტროს სისტემაში სტაჟირების გავლის თანდართული წესი (დანართი 1).

2. ძალადაკარგულად ჩაითვალოს საქართველოს იუსტიციის მინისტრის 2002 წლის 30 აგვისტოს №750 ბრძანება (სსმ III, 2002წ., №88, მუხ 799) „საქართველოს იუსტიციის სამინისტროს ცენტრალურ აპარატში სტაჟირების გავლის წესის შესახებ”.

3. ეს ბრძანება ამოქმედდეს გამოქვეყნებისთანავე.

 გ. პაპუაშვილი

შეტანილი ცვლილებები:

1.საქართველოს იუსტიციის მინისტრის 2005 წლის 1 ივნისის ბრძანება №987-სსმIII,№66,01.06.2005წ., მუხ.700

2.საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

3.საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

 დანართი 1

საქართველოს იუსტიციის სამინისტროს სისტემაში სტაჟირების გავლის წესი

თავი I. ზოგადი დებულებები

    მუხლი 1

ეს წესი განსაზღვრავს საქართველოს იუსტიციის სამინისტროს (შემდგომში – სამინისტრო) სისტემაში სტაჟირების გავლის პირობებს.

    მუხლი 2

მაღალკვალიფიციური კადრების მომზადების, მათი პროფესიული განვითარების, პრაქტიკული უნარ-ჩვევების გამომუშავებისა და სრულყოფის მიზნით, სამინისტრო უქმნის ახალგაზრდა სპეციალისტებს დამოუკიდებელი მუშაობისა და შემოქმედებითი ინიციატივის გამოვლენისათვის საჭირო პირობებს.

 

მუხლი 3.

ა) სტაჟირება – საქართველოს იუსტიციის სამინისტროს ცენტრალურ აპარატში (სტრუქტურულ ქვედანაყოფებში), იუსტიციის სამინისტროს სისტემაში შემავალ ტერიტორიულ ორგანოებში (შემდგომში – ტერიტორიული ორგანო), მათ შორის, აჭარის ავტონომიური რესპუბლიკის იუსტიციის დეპარტამენტში და სახელმწიფო საქვეუწყებო დაწესებულებებში (შემდგომში – დაწესებულება) ამ წესით რეგულირე-ბადი, აუნაზღაურებელი საქმიანობა;

ბ) სტაჟიორი – პირი, რომელიც ამ წესის საფუძველზე გადის სტაჟირებას;

გ) კანდიდატი – პირი, რომელსაც ამ წესის შესაბამისად იუსტიციის სამინისტროში შეაქვს განცხადება სტაჟირების გავლის შესახებ.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

მუხლი 4.

ეს წესი არ ვრცელდება:

ა) იუსტიციის სამინისტროს სასჯელაღსრულების დაწესებულებებზე;

ბ) იუსტიციის სამინისტროს სისტემაში შემავალ საჯარო სამართლის იურიდიულ პირებზე.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

თავი II. სტაჟიორის სტატუსი

    მუხლი 5

1. სტაჟიორად, კონკურსის წესით (ტესტირება ან/და გასაუბრება), შეიძლება დანიშნულ იქნეს შესაბამისი უმაღლესი განათლების მქონე ან დამამთავრებელი კურსის სტუდენტი.

2. დამამათავრებელ კურსად ჩაითვლება სწავლების ბოლო კურსი.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

 

მუხლი 6

1. სტაჟიორთა კონკურსს ატარებს სამინისტროს სტაჟირების საბჭო;

2. კონკურსის თემატიკას დეპარტამენტების მიხედვით ამტკიცებს მინისტრი.

3. გადაწყვეტილებას კანდიდატის სტაჟიორად დანიშვნის შესახებ იღებს მინისტრი საბჭოს წარდგინების საფუძველზე, რომელიც ფორმდება ბრძანებით.

4. საბჭო იღებს გადაწყვეტილებას ხმათა უმრავლესობით, ხოლო ხმათა თანაბრად გაყოფის შემთხვევაში საბჭოს თავმჯდომარის ხმა ითვლება გადამწყვეტად.

საქართველოს იუსტიციის მინისტრის 2005 წლის 1 ივნისის ბრძანება №987-სსმIII,№66,01.06.2005წ., მუხ.700

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

    მუხლი 7

კანდიდატმა სამინისტროს საკადრო საკითხთა დეპარტამენტში (შემდგომში _ საკადრო საკითხთა დეპარტამენტი) უნდა წარმოადგინოს შევსებული განაცხადის ფორმა სტაჟირებაზე (დანართი №2).

    მუხლი 8

1. სტაჟირების ვადა განისაზღვრება 6 თვით.

2. (ძალადაკარგულია).

3. სტაჟიორს დანიშვნის შემდეგ ეძლევა სტაჟირების გავლის დამადასტურებელი მოწმობა.

4. სტაჟირების წარმატებით გავლის შემთხვევაში, სტაჟიორს ეძლევა სტაჟირების სერტიფიკატი.

    მუხლი 9

1. მოთხოვნას სტაჟიორთა რაოდენობის თაობაზე ცალკეულ სტრუქტურულ ქვედანაყოფში საჭიროების მიხედვით შტატით გათვალისწინებულ მოსამსახურეთა საერთო რაოდენობის ფარგლებში წარადგენს ქვედანაყოფის ხელმძღვანელი;

2. სამინისტროს ცალკეულ სტრუქტურულ ქვედანაყოფში, დაწესებულებაში და ტერიტორიულ ორგანოში სტაჟიორთა რაოდენობა ყოველწლიურად განისაზღვრება მინისტრის მიერ.

საქართველოს იუსტიციის მინისტრის 2005 წლის 1 ივნისის ბრძანება №987-სსმIII,№66,01.06.2005წ., მუხ.700

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

თავი III. სტაჟიორის უფლებები

    მუხლი 10

სტაჟიორს უფლება აქვს:

ა) სამინისტროს შესაბამისი სტრუქტურული ქვედანაყოფის, დაწესებულების ან ტერიტორიული ორგანოს ხელმძღვანელის თანხმობით გაეცნოს სამსახურებრივ დოკუმენტაციას (საარქივო მასალებს), ისარგებლოს სათანადო ინფორმაციით (ბიბლიოთეკით, ელექ-ტრონული საშუალებებით და სხვა), თუ აღნიშნული არ ეწინააღმდეგება კანონმდებლობით დადგენილ მოთხოვნებს;

ბ) უშუალო ხელმძღვანელის თანხმობით დაესწროს და მონაწილეობა მიიღოს სამინისტროს შესაბამისი სტრუქტურული ქვედანაყოფის, დაწესებულების ან ტერიტორიული ორგანოს მიერ ორგანიზებულ ღონისძიებებში;

გ) გაეცნოს სამინისტროს შესაბამისი სტრუქტურული ქვედანაყოფის, დაწესებულების ან ტერიტორიული ორგანოს მუშაობის სპეციფიკას, იმ საკითხების მომზადებასა და სათანადო დოკუმენტების შედგენას, რომელიც მოცემულ სფეროს მიეკუთვნება და გამოიყენოს მათი კვალიფიციური ცოდნა დაკისრებული დავალებების შესრულებისას.

2. სტაჟიორი სამინისტროს სტრუქტურული ქვედანაყოფის, დაწესებულების ან ტერიტორიული ორგანოს ხელმძღვანელის მითითებითა და პასუხისმგებელი მოხელის მეთვალყურეობით ასრულებს კონკრეტულ, ცალკეულ დავალებებს, რომელიც შეიძლება შეეხებოდეს სამინისტროს სტრუქტურული ქვედანაყოფის, დაწესებულების ან ტერიტორიული ორგანოს საქმიანობის საკითხებს.

    მუხლი 11

1. სტაჟიორს უფლება აქვს დააყენოს წინადადება საბჭოს თავმჯდომარის წინაშე მისი სამინისტროს სხვა სტრუქტურულ ერთეულში, დაწესებულებაში, ან ტერიტორიულ ორგანოში გადაყვანის შესახებ.

2. საბჭოს თავმჯდომარე სტაჟიორის მოსწრებისა და ცოდნის დონის, აგრეთვე სამინისტროს შესაბამისი სტრუქტურული ქვედანაყოფის ან დაწესებულების ხელმძღვანელის რეკომენდაციის საფუძველზე, უფლე-ბამოსილია მიიღოს გადაწყვეტილება სტაჟიორის გადაყვანის შესახებ.

თავი IV. სტაჟიორის მოვალეობები

    მუხლი 12

1. სტაჟიორი მოვალეა:

ა) გაეცნოს და იხელმძღვანელოს სამინისტროს ან შესაბამისი დაწესებულების საქმიანობის მარეგულირებელი კანონმდებლობით;

ბ) დადგენილ ვადებში შეასრულოს ყველა ის დავალება, რომელიც მას დაეკისრება შესაბამისად სამინისტროს იმ სტრუქტურული ქვედანაყოფის, და-წესებულების ან ტერიტორიული ორგანოს ხელმძღვანელის მიერ, სადაც იგი გადის სტაჟირებას;

გ) მუდმივი კონტაქტი იქონიოს სამინისტროს სტრუქ-ტურული ქვედანაყოფის, დაწესებულების ან ტერიტორიული ორგანოს მოხელეებთან.

2. სტაჟიორი ვალდებულია სტაჟირების პერიოდში სამინისტროს შესაბამისი სტრუქტურული ქვედანაყოფის, დაწესებულების ან ტერიტორიული ორგანოს ხელძღვანელის უშუალო მითითების შემთხვევაში აწარმოოს პირადი მოსწრების დღიური და მასში ასახოს ჩატარებული სამუშაოები თემატიკის ჩვენებით. პირადი მოსწრების დღიური (ასეთის არსებობის შემთხვევაში) სტაჟიორმა სტაჟირების ვადის გასვლის მომენტისათვის უნდა წარუდგინოს უშუალო ხელმძღვანელს მის მიერ გაწეული მუშაობის შედეგე-ბის შეჯამებისას.

საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

    მუხლი 13

1. სტაჟიორი ვალდებულია ყოველდღიურად საკუთარი ხელმოწერით დააფიქსიროს გამოცხადება შესაბამის დაწესებულებაში ან ტერიტორიულ ორგანოში, რომელზედაც კონტროლს ახორციელებს ამ სამსახურის ხელმძღვანელი.

2. ხელწერილი სამინისტროს დებულებისა და შინაგანაწესის, შესაბამისი დაწესებულების დებულების (შინაგანაწესის) გაცნობის შესახებ თან ერთვის სტაჟიორის პირად საქმეს.

თავი V. სამინისტროს მოვალეობები

    მუხლი 14

სამინისტრო სტაჟიორს უქმნის სათანადო პირობებს პროფესიული უნარ-ჩვევებისა და პრაქტიკული გამოცდილების შესაძენად.

    მუხლი 15

1. სამინისტროს სტრუქტურული ქვედანაყოფის, დაწესებულების ან ტერიტორიული ორგანოს ხელმძღვანელი პირადად აკონტროლებს სტაჟიორის მიერ პირადი მოსწრების დღიურის წარმოებას (ასეთის არსებობის შემთხვევაში). იგი სტაჟიორს პერიოდულად აწვდის სასწავლო თემატიკას, აძლევს დავალებებს და შესაბამისად აკონტროლებს მათ შესრულებას.

2. სამინისტროს სტრუქტურული ქვედანაყოფის, დაწესებულების ან ტერიტორიული ორგანოს ხელმძღვანელი ვალდებულია სტაჟიორს მისცეს მიმართულება და განუსაზღვროს შესასრულებელი სამუშაოს კონკრეტული ვადა, მიაწოდოს აღნიშნულთან დაკავშირებით დროული და სწორი ინფორმაცია.

    მუხლი 16

სამინისტროს ტერიტორიული ორგანოს ხელმძღვანელი ვალდებულია სამინისტროს იმ სტრუქტუ-რული ქვედანაყოფის ხელმძღვანელს, რომელსაც იგი სამსახურებრივად ექვემდებარება, სისტემატურად ჩააბაროს ანგარიში სტაჟირების მიმდინარეობის შესახებ.

    მუხლი 17

სამინისტროს სტრუქტურული ქვედანაყოფის, დაწესებულების ხელმძღვანელი ვალდებულია ყოველ-კვარტალურად მიაწოდოს ინფორმაცია საკადრო საკითხთა დეპარტამენტს მისდამი დაქვემდებარებულ სფეროში სტაჟირების მიმდინარეობის შესახებ.

თავი VI. სტაჟირების საბჭო

    მუხლი 18

1. სტაჟიორების კონკურსს ატარებს სამინისტროს სტაჟირების საბჭო (შემდგომში – საბჭო).

1^​1. გადაწყვეტილებას კონკურსის ჩატარების ფორმის შესახებ იღებს საბჭო;

2. სტაჟიორთა საბჭოს ორგანიზაციულ უზრუნველყოფას ახორცილებს საკადრო საკითხთა დეპარტამენტი.

3. საბჭო შედგება საბჭოს თავმჯდომარისა და 7 წევრისგან, რომლებსაც ნიშნავს და ათავისუფლებს მინისტრი. საბჭოს თავმჯდომარე, საჭიროების შემთხვევაში, უფლებამოსილია მოიწვიოს შესაბამისი ქვედანაყოფის ხელმძღვანელი.

4. საბჭოს თავმჯდომარეს ჰყავს მოადგილე.

5. საბჭოს თავმჯდომარის არყოფნის პერიოდში მის მოვალეობებს ასრულებს საბჭოს თავმჯდომარის მოადგილე.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

 

მუხლი 19

1. საბჭო, როგორც წესი, კონკურსს აწყობს წელიწადში ორჯერ.

2. გადაწყვეტილებას კონკურსის გადადების შესახებ იღებს საბჭოს თავმჯდომარე მინისტრთან შეთანხმებით.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

თავი VII. სტაჟირების გავლის სხვა პირობები

    მუხლი 20

1. სტაჟირების შეწყვეტის საფუძველია:

ა) სტაჟირების პერიოდში არასაპატიო მიზეზით 5 დღის განმავლობაში შესაბამის დანაყოფში გამოუცხადებლობა;

ბ) დავალების შეუსრულებლობა ან არაჯეროვანი შესრულება;

გ) პირადი განცხადება;

დ) ამ წესის 21-ე მუხლით გათვალისწინებული შემთხვევა.

2. სტაჟირების შეწყვეტის შესახებ გადაწყვეტილებას იღებს მინისტრი საბჭოს, სამინისტროს შესაბამისი სტრუქტურული ქვედანაყოფის ან დაწესებულების ხელმძღვანელის წინადადებით ან საკუთარი ინიციატივის საფუძველზე.

    მუხლი 21

იმ შემთხვევაში, თუ სტაჟიორი დადგენილი წესით დაინიშნა სამინისტროს სტრუქტურულ ქვედანაყოფში, დაწესებულებაში ან ტერიტორიულ ორგანოში თანამ-დებობაზე, მას სტაჟირება ჩაეთვლება გავლილად და ეძლევა შესაბამისი მოწმობა ან სერტიფიკატი.

 

მუხლი 22

1. სტაჟიორთა მიღების პროცედურასა და სტაჟირების გავლას საერთო კოორდინაციას უწევს სამინისტროს საკადრო საკითხთა დეპარტამენტი (შემდგომში – დეპარტამენტი).

2. დეპარტამენტის თანამშრომელთაგან იქმნება სამდივნო, რომელიც უზრუნველყოფს კონკურსანტთა საბუთების მიღებასა და ყველა საჭირო დოკუმენტაციის მომზადებას.

3. სამდივნო შედგება სამდივნოს უფროსისა და წევრებისაგან.

4. დეპარტამენტი ვალდებულია სტაჟირების საკითხებზე 6 თვეში ერთხელ მიაწოდოს ინფორმაცია საბჭოს თავმჯდომარესა და მინისტრს.

    თავი VIII. გარდამავალი და დასკვნითი დებულებები

მუხლი 23.

ამ წესის ძალადაკარგულად ცნობა, მასში ცვლილებებისა და დამატებების შეტანა ხდება საქართველოს იუსტიციის მინისტრის ბრძანებით.

საქართველოს იუსტიციის მინისტრის 2005 წლის 28 ოქტომბრის ბრძანება №1969-სსმIII,№126, 28.10.2005წ., მუხ.1408

საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

 

 

 

 

საქართველოს იუსტიციის სამინისტრო

განაცხადი სტაჟირებაზე

1. გვარი, სახელი -----------------------------------------------------------------------------

2. დაბადების ადგილი, თარიღი -------------------------------------------------------------

3. მოქალაქეობა --------------------------------------------------------

4. პირადობის მოწმობის ნომერი ----------------------------------------------------------

5. ოჯახური მდგომარეობა -----------------------------------------------

6. საცხოვრებელი ადგილის მისამართი, ტელეფონი, ელექტრონული

  ფოსტა, ფაქსი

 --------------------------------------------------------------------------------------------------------

 --------------------------------------------------------------------------------------------------------

7. განათლება ( როდის რომელი სასწავლებელი დაამთავრეთ)

როდიდან  როდემდე          სასწავლებელი             ფაკულტეტი

 

8. ამჟამად სწავლობთ თუ არა, მიუთითეთ სად

9. სპეციალობა, კვალიფიკაცია (დიპლომის მიხედვით) და დიპლომის ნომერი

 

  სპეციალობა                კვალიფიკაცია          დიპლომის №

10. რომელ უცხო ენებს ფლობთ, ცოდნის დონე

 

შეაფასეთ ენის ცოდნის დონე შემდეგი ტერმინებით: სუსტად, საშუალოდ, კარგად, სრულყოფილად

  ენა                  კითხვა       მეტყველება        წერა

 

11. კომპიუტერული პროგრამების ცოდნა:

 --------------------------------------------------------------------------------------------------------

12. რატომ აირჩიეთ აღნიშნული სპეციალობა, მოკლედ ჩამოაყალიბეთ თქვენი პროფესიონალური გეგმები და მიზნები

13. იუსტიციის სამინისტროს რომელ სტრუქტურულ ქვედანაყოფში (დაწესებულება) გსურთ სტაჟირების გავლა. მიუთითეთ სამი სტრუქტურულ ქვედანაყოფი (ან დაწესებულება) პრიორიტეტების მიხედვით.

14. თქვენი ინტერესთა სფეროები

15. რა სახის გრანტები და სტიპენდიები გაქვთ მოპოვებული წარსულში:

 როდის          ორგანიზაცია - დაწესებულება              თანხის ოდენობა

 16. შრომითი საქმიანობა

როდიდან-როდემდე    უწყება , ორგანიზაცია თანამდებობა    ორგანიზაციის

            სადაც, მუშაობდით                           მისამართი უწყება

17. ხართ თუ არა საზღვარგარეთ ნამყოფი კვალიფიკაციის ამაღლების ან სხვა

  პროფესიული მიზნით: სად, როდის?

----------------------------------------------------------------------------------------------------------

18. სამხედრო სამსახურისადმი დამოკიდებულება და სამხედრო

  წოდება: როდის გაქვთ მინიჭებული და რომელი ორგანო-დაწესებულებისგან

----------------------------------------------------------------------------------------------------------

----------------------------------------------------------------------------------------------------------

19. ერთი რეკომენდაცია

 (მიუთითეთ რეკომენდატორის სახელი და გვარი და საკონტაქტო მონაცემები)

20. გთხოვთ ცალკე ფურცელზე დეტალურად დაასაბუთოთ, თუ რას ელით იუსტიციის სამინისტროში სტაჟირებისაგან. დაიცავით ქვემოთ მოცემული ინსტრუქციები ფორმატისა და შინაარსის შესახებ.

ფორმატი

· არაუმეტეს ერთი ნაბეჭდი გვერდისა 1,5 ინტერვალით;

შინაარსი:

·  თქვენი პროფესიული მიზნები;

· რა როლს ითამაშებს იუსტიციის სამინისტროში სტაჟირება აღნიშნული მიზნების მისაღწევად?

· რატომ აირჩიეთ თქვენს მიერ ზემოთ მითითებული სამინისტროს სტრუქტურული ქვედანაყოფი (დაწესებულება) სტაჟირებისათვის?

· როგორ წარმოგიდგენიათ თქვენი წვლილი აღნიშნული სტრუქტურული ქვედანაყოფის (დაწესებულება) საქმიანობაში?

· მოკლედ აღწერეთ იუსტიციის სამინისტროში ჩვენი სტაჟირების სავარაუდო შედეგები და მათი გამოყენება თქვენს შემდგომ პროფესიულ საქმიანობაში;

21. გთხოვთ, ცალკე წარმოადგინოთშშემდეგი საბუთები:

ა) პირადობის დამადასტურებელი მოწმობის ასლი;

ბ)  თქვენი აქტუალური CV;    

გ)  ფოტოსურათი;

დ)  დიპლომის ასლი (ცნობა უმაღლესი სასწავლებლიდან);

ე) რეკომენდაცია/შუამდგომლობა.

სასჯელაღსრულების დეპარტამენტში სტაჟირების გავლის კანდიდატმა საკადრო საკითხთა დეპარტამენში დამატებით უნდა წარმოადგინოს

ა) ცნობა ნასამართლეობის შესახებ;

ბ) სამედიცინო ნარკოლოგიური შემოწმების ცნობა.

22. შენიშვნები

შევსების თარიღი ------------------------------------------

 

პირადი ხელმოწერა ------------------------------------------

 

 

 

 

 

საქართველოს იუსტიციის მინისტრის 2006 წლის 10 მარტის ბრძანება №320-სსმIII,№32,10.03.2006წ., მუხ.371

 

 

 

 

 

 

 

 

 

 

 

 

Annotate