საქართველოს ფინანსთა სამინისტროს საბაჟო დეპარტამენტის საბაჟო ორგანოების სამოქმედო ტერიტორიების, საბაჟო გაფორმების ადგილისა და დროის განსაზღვრის შესახებ

საქართველოს საბაჟო კოდექსის 77-ე მუხლისა და "საქართველოს ფინანსთა სამინისტროს საბაჟო დეპარტამენტის სტრუქტურისა და რეფორმის პირველი რიგის ღონისძიებების შესახებ" საქართველოს პრეზიდენტის 2002 წლის 2 აგვისტოს №358 ბრძანებულების მოთხოვნათა შესაბამისად, ვბრძანებ:

1. საქართველოს ფინანსთა სამინისტროს საბაჟო დეპარტამენტის (შემდგომში – საბაჟო დეპარტამენტი) ტერიტორიულ ორგანოებს (საბაჟო ორგანოებს) და მათ სტრუქტურაში არსებულ საბაჟო გაფორმების განყოფილებებს განესაზღვროთ შემდეგი სამოქმედო ტერიტორიები:

ა) რეგიონალურ საბაჟოს „აღმოსავლეთი“ – ქ. თბილისი, ქ. რუსთავი, გარდაბნის, მარნეულის, ბოლნისის, თეთრიწყაროს, დმანისის, წალკის, საგარეჯოს, გურჯაანის, თელავის, ახმეტის, ლაგოდეხის, ყვარლის, დედოფლისწყაროს, სიღნაღის, ყაზბეგის, დუშეთის, მცხეთის, თიანეთის, ახალგორის, ხაშურის, გორის, ქარელის, კასპის, თიანეთის, ყორნისის, ჯავის, ცხინვალის, ახალციხის, ბორჯომის, ადიგენის, ასპინძის, ნინოწმინდისა და ახალქალაქის რაიონები;

ბ) რეგიონალურ საბაჟოს „დასავლეთი“ – ქ. ბათუმი, ქ. ფოთი, ქ. ქუთაისი, ბათუმის, ხელვაჩაურის, ქობულეთის, ხულოს, ქედის, ოზურგეთის, ჩოხატაურის, ლანჩხუთის, სენაკის, აბაშის, ხობის, მარტვილის, წყალტუბოს, ონის, ამბროლაურის, ცაგერის, ლენტეხის, ტყიბულის, ხონის, თერჯოლის, ვანის, ბაღდათის, საჩხერის, ჭიათურის, ზესტაფონის, ხარაგაულის, სამტრედიის, ზუგდიდის, ჩხორუწყუს, წალენჯიხის და მესტიის რაიონები.

საქართველოს ფინანსთა მინისტრის 2003 წლის 20 ოქტომბრის ბრძანება №524-სსმIII,№121,20.10.2003წ., მუხ.1002

საქართველოს ფინანსთა მინისტრის 2003 წლის 23 დეკემბრის ბრძანება №625-სსმIII,№148,25.12.2003წ., მუხ.1207

საქართველოს ფინანსთა მინისტრის 2005 წლის 25 აპრილის ბრძანება №287-სსმIII,№54,05.05.2005წ.,მუხ.596

2. საქონლისა და სატრანსპორტო საშუალებების (შემდგომში საქონელი – საქართველოს საბაჟო კოდექსის მიხედვით) გამგზავნს, მიმღებს ან მათ სტრუქტურულ ქვედანაყოფს, თუ კანონმდებლობით სხვა რამ არაა დადგენილი, საბაჟო გაფორმების ადგილად განესაზღვროს იმ საბაჟო ორგანოს სამოქმედო ტერიტორია, სადაც იმყოფება:

ა) იურიდიული პირი – საქართველოს სამოქალაქო კოდექსის მიხედვით;

ბ) ინდივიდუალური საწარმო – ეკონომიკური საქმიანობის ადგილის მიხედვით – საქართველოს საგადასახადო კოდექსის შესაბამისად;

გ) ფიზიკური პირი – საცხოვრებელი ადგილის მიხედვით – საქართველოს სამოქალაქო კოდექსის შესაბამისად.

3. საბაჟო ორგანოებს საბაჟო გაფორმების ადგილებად განესაზღვროთ:

ა) რეგიონალური საბაჟო „აღმოსავლეთის“ საბაჟო გაფორმების განყოფილებას – ქ. თბილისი, იუმაშევის ქ. №14; ქ. რუსთავი, ფიროსმანის ქ. №38; ქ. გურჯაანი, ნონეშვილის ქ. №1; ქ. მცხეთა, ნარეკვავის დასახლება, ნატახტარის ქ. №1; მცხეთის რ-ნი, ზაჰესის დასახლება, მშვიდობის ქ. №105ა; ბორჯომის რ-ნი, სოფელი ჩითახევი;

ბ) რეგიონალური საბაჟო „აღმოსავლეთის“ საბაჟო საგუშაგო „თბილისის აეროპორტის“ საბაჟო გაფორმების განყოფილებას – ქ. თბილისის აეროპორტი;

გ) რეგიონალური საბაჟო „დასავლეთის“ საბაჟო გაფორმების ბათუმის განყოფილებას – ხელვაჩაურის რ-ნი, სოფელი ადლია, შპს „ტერმინალის“ საწყობის ტერიტორია;

დ) რეგიონალური საბაჟო „დასავლეთის“ საბაჟო გაფორმების ქუთაისის განყოფილებას – წყალტუბოს რაიონი, სოფ. ქვიტირი, „საბაჟო-კემპინგი“;

ე) რეგიონალური საბაჟო „დასავლეთის“ საბაჟო საგუშაგო „ბათუმის პორტის“ საბაჟო გაფორმების განყოფილებას – ქ. ბათუმი, გოგებაშვილის ქ. №60;

ვ) რეგიონალური საბაჟო „დასავლეთის“ საბაჟო საგუშაგო „ფოთის პორტის“ საბაჟო გაფორმების განყოფილებას – ქ. ფოთი, ხობის ქ. №7.

ზ) აფხაზეთის ავტონომიური რესპუბლიკის საბაჟო სამმართველოს საბაჟო გაფორმების განყოფილებას – ქ. თბილისი, იუმაშევის ქ. №14;

თ) რეგიონალურ ი საბაჟო "ენერგეტიკის საბაჟო ს" გაფორმების განყოფილებას – ქ. თბილისი, მარშალ გელოვანის გზატკეცილი №2.

საქართველოს ფინანსთა მინისტრის 2004 წლის 17 მარტის ბრძანება №160-სსმIII,№33,25.03.2004წ., მუხ.276

4. დაინტერესებული პირის თხოვნით და საბაჟო დეპარტამენტის წერილობითი თანხმობით საბაჟო გაფორმება შეიძლება განხორციელდეს განცხადებაში მითითებულ ადგილზე.

5. საბაჟო დეპარტამენტის წერილობითი თანხმობა არაა საჭირო მუდმივ და დროებით საცხოვრებლად გადაადგილებულ პირთა, დიპლომატიურ და მასთან გათანაბრებულ წარმომადგენლობათა, დიპლომატიურ და ადმინისტრაციულ ტექნიკური პერსონალის (მათთან მცხოვრები ოჯახის წევრების ჩათვლით) კუთვნილი საქონლისა და სატრანსპორტო საშუალებების, ასევე ჰუმანიტარული დახმარებისა და გრანტით შემოტანილი საქონლის საბაჟო გაფორმებისას.

6. ფიზიკური პირის მიერ საქართველოს საბაჟო საზღვარზე გადაადგილებული 700 ლარამდე ღირებულების საქონელი, ამ პირის თხოვნის საფუძველზე, ექვემდებარება გაფორმებას იმ სასაზღვრო საბაჟო გამშვებ პუნქტში, სადაც მის მიერ ხორციელდება საქონლით საბაჟო საზღვრის გადაკვეთა.

7. (ამოღებულია).

7¹^.(ამოღებულია).

8. საბაჟო გაფორმების დროდ განისაზღვროს 9 საათიდან 18 საათამდე, თუ ამ ბრძანებით სხვა რამ არ არის დადგენილი. დაინტერესებული პირის თხოვნით, მისი ხარჯითა და საბაჟო ორგანოს წერილობითი თანხმობით, საბაჟო გაფორმება შეიძლება განხორციელდეს საბაჟო ორგანოს არასამუშაო დროსაც.

საქართველოს ფინანსთა მინისტრის 2004 წლის 4 მაისის ბრძანება №309-სსმIII,№52,18.05.2004წ.,მუხ.443

8¹^.(ამოღებულია).

9. ბრძანება ამოქმედდეს ოფიციალურ ბეჭდვით ორგანოში გამოქვეყნებიდან მე-10 დღეს.

მ. გოგიაშვილი

შეტანილი ცვლილებები:

1.საქართველოს ფინანსთა მინისტრის 2003 წლის 20 ოქტომბრის ბრძანება №524-სსმIII,№121,20.10.2003წ., მუხ.1002

2.საქართველოს ფინანსთა მინისტრის 2003 წლის 23 დეკემბრის ბრძანება №625-სსმIII,№148,25.12.2003წ., მუხ.1207

3.საქართველოს ფინანსთა მინისტრის 2004 წლის 17 მარტის ბრძანება №160-სსმIII,№33,25.03.2004წ., მუხ.276

4.საქართველოს ფინანსთა მინისტრის 2004 წლის 4 მაისის ბრძანება №309-სსმIII,№52,18.05.2004წ.,მუხ.443

5.საქართველოს ფინანსთა მინისტრის 2005 წლის 25 აპრილის ბრძანება №287-სსმIII,№54,05.05.2005წ.,მუხ.596

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს ფინანსთა სამინისტროს საბაჟო დეპარტამენტის საბაჟო ორგანოების სამოქმედო ტერიტორიების, საბაჟო გაფორმების ადგილისა და დროის განსაზღვრის შესახებ“, №309, 13.06.2003, სარეგისტრაციო კოდი 230210000.11.117.005878 (კონსოლიდირებული რედაქცია 25.04.2005). ხელმისაწვდომია: https://legali.ge/law/1367077-5/