ექსტერნატის ფორმით მიღებული განათლების სერტიფიცირების დებულების დამტკიცების შესახებ

სახელმწიფო სარეგისტრაციო კოდი 430.010.000.22.022.010.066

საქართველოს განათლებისა და მეცნიერების მინისტრის 

ბრძანება №155

2007 წლის 1 მარტი

ქ. თბილისი

ექსტერნატის ფორმით მიღებული განათლების სერტიფიცირების დებულების დამტკიცების შესახებ

„ზოგადი განათლების შესახებ“ საქართველოს კანონის მე-9 მუხლის მე-4 პუნქტის, 26-ე მუხლის პირველი პუნქტის „მ“ ქვეპუნქტის, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 21-ე მუხლის პირველი პუნქტის, „ნორმატიული აქტების შესახებ“ საქართველოს კანონის 50-ე მუხლის პირველი პუნქტის „ბ“ ქვეპუნქტის, „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილების მე-3 მუხლის მე-2 პუნქტის „ა“ და „მ“ ქვე-პუნქტების შესაბამისად, ვბრძანებ:

1. დამტკიცდეს „ექსტერნატის ფორმით მიღებული განათლების სერტიფიცირების“ თანდართული დებულება.

2. ძალადაკარგულად გამოცხადდეს „ექსტერნატის ფორმით მიღებული განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2006 წლის 22 მაისის №452 ბრძანება (სსმ III, 25.05.2006 წ., №70, მუხ. 883).

3. ბრძანება ამოქმედდეს გამოქვეყნებისთანავე.

ა. ლომაია

შეტანილი ცვლილებები:

1. საქართველოს განათლებისა და მეცნიერების მინისტრის 2007 წლის 31 ივლისის ბრძანება №563 - სსმ Ш, №110, 03.08.2007 წ., მუხ.1227

2. საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

3. საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

4. საქართველოს განათლებისა და მეცნიერების მინისტრის 2009 წლის 30 აპრილის  ბრძანება №239 - სსმ Ш, №53, 01.05.2009 წ., მუხ.611

5. საქართველოს განათლებისა და მეცნიერების მინისტრის 2009 წლის 3 ივნისის ბრძანება №364 - სსმ Ш, №68, 03.07.2009 წ., მუხ.743

ექსტერნატის ფორმით მიღებული განათლების სერტიფიცირების დებულება

    მუხლი 1. ზოგადი დებულებები

1. ექსტერნატის ფორმით ამა თუ იმ საფეხურზე ზოგადი განათლების მიღება ითვალისწინებს სხვადასხვა მიზეზით საქართველოს ან სხვა ქვეყნის ზოგადსაგანმანათლებლო დაწესებულებას (შემდგომში – სკოლას) ჩამოცილებულ პირთა მიერ ზოგადი განათლების ცალკეული კლასის/კლასების ან ტრიმესტრის/ტრიმესტრების ზოგადსაგანმანათლებლო პროგრამების ძირითადად დამოუკიდებლად დაძლევისა და გამოცდების ჩაბარების გზით შესაბამისი განათლების დამადასტურებელი დოკუმენტის მიღების შესაძლებლობას.

2. ექსტერნი წარმოადგენს პირს, რომელიც ამ დებულებით დადგენილი წესით დარეგისტრირდება შესაბამის საგანმანათლებლო რესურსცენტრში, როგორც ექსტერნატის ფორმით განათლების მიღების მსურველი პირი.

    მუხლი 2. ზოგადი განათლების ექსტერნატის ფორმით დაძლევის უფლება

1. პირს უფლება აქვს ექსტერნატის ფორმით ჩააბაროს ზოგადი განათლების ცალკეული კლასის/კლასების ან/და ცალკეული კლასის ტრიმესტრის/ტრიმესტრების სასწავლო პროგრამა/პროგრამები იმ შემთხვევაში, თუ მისი ასაკი შეესაბამება ან აღემატება ექსტერნატის ფორმით დასაძლევი კლასის/ტრიმესტრის მოსწავლეთა ასაკობრივ ჯგუფს და მას დაძლეული აქვს წინმსწრები კლასის/ტრიმესტრის საგანმანათლებლო პროგრამა.

2. პირს უფლება აქვს ექსტერნატის ფორმით ჩააბაროს სრული ზოგადი განათლების დამამთავრებელი კლასის სასწავლო პროგრამა, თუ ეს პირი ექსტერნატის ფორმით გამოცდის ჩატარების წლის 31 დეკემბრის ჩათვლით ხდება 18 ან მეტი წლის. ამ შემთხვევაში პირს არ მოეთხოვება სრული ზოგადი განათლების დამამთავრებელი კლასის წინმსწრები კლასის საგანმანათლებლო პროგრამის დაძლევა.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

    მუხლი 3. ექსტერნების რეგისტრაციაზე და ექსტერნატის ფორმით გამოცდების ჩატარებაზე უფლებამოსილი ორგანოები

1. ზოგადი განათლების კლასის/კლასების ან/და ტრიმესტრის/ტრიმესტრების ექსტერნატის ფორმით დაძლევის გამოცდისათვის ექსტერნების რეგისტრაციას და სხვა საორგანიზაციო საკითხებს, ამ დებულების შესაბამისად, ახორციელებს საქართველოს განათლებისა და მეცნიერების სამინისტრო (შემდგომში – სამინისტრო), ხოლო ავტონომიური რესპუბლიკების ტერიტორიაზე შესაბამისი სამინისტროს ტერიტორიული ორგანო – საგანმანათლებლო რესურსცენტრი (შემდგომში – რესურსცენტრი).

2. ზოგადი განათლების ცალკეული კლასის/კლასების ან/და ტრიმესტრის/ტრიმესტრების ექსტერნატის ფორმით დაძლევის გამოცდას, რომელიც შეიძლება ჩატარდეს წერითი ან ზეპირი ფორმით, ატარებს სკოლა, გარდა ამ მუხლის მე-4 პუნქტით გათვალისწინებული შემთხვევისა.

3. ექსტერნატის ფორმით გამოცდების ჩატარების მიზნით სკოლის დირექტორის ინდივიდუალური ადმნისტრაციულ-სამართლებრივი აქტით იქმნება საგამოცდო კომისია. საგამოცდო კომისია შედგება იმ სკოლის დირექციის წარმომადგენლისაგან, სადაც ტარდება ექსტერნატის გამოცდა, მინიმუმ ერთი იმ საგნის მასწავლებელთაგან, რომელშიც ტარდება ექსტერნატის გამოცდა და იმ რესურსცენტრის წარმომადგენლისაგან, რომლის სამოქმედო ტერიტორიაზე მდებარეობს სკოლა.

4. ექსტერნატის ფორმით სრული ზოგადი განათლების დამამთავრებელი კლასის სასწავლო პროგრამის დაძლევის გამოცდას ატარებს საჯარო სამართლის იურიდიული პირი – გამოცდების ეროვნული ცენტრი (შემდგომში – გამოცდების ეროვნული ცენტრი).

საქართველოს განათლებისა და მეცნიერების მინისტრის 2007 წლის 31 ივლისის ბრძანება №563 - სსმ Ш, №110, 03.08.2007 წ., მუხ.1227

    მუხლი 4. ექსტერნატის ფორმით ჩასაბარებელი საგნები და გამოცდისათვის მომზადება

1. ექსტერნატის ფორმით ცალკეული კლასის/კლასების ან/და ტრიმესტრის/ტრიმესტრების დაძლევისათვის, სკოლა აწესებს გამოცდებს ეროვნული სასწავლო გეგმის შესაბამისად კონკრეტული კლასის/კლასებისათვის გათვალისწინებულ ყველა საგანში, გარდა ამ მუხლის მე-3 პუნქტით გათვალისწინებული საგნებისა. გამოცდის ფორმას და შინაარსს ადგენს სკოლა, რომელიც უზრუნველყოფს გამოცდების ორგანიზებასთან დაკავშირებული საკითხების მოწესრიგებას.

2. ექსტერნატის ფორმით გამოცდების ჩატარების გზით სრული ზოგადი განათლების დაძლევის გამოცდები ტარდება ეროვნული სასწავლო გეგმის შესაბამისად დამამთავრებელი კლასისათვის გათვალისწინებულ ყველა საგანში, გარდა ამ მუხლის მე-3 პუნქტით გათვალისწინებული საგნებისა.

2 ^​1 . ექსტერნატის ფორმით გამოცდების ჩატარების გზით სრული ზოგადი განათლების დამამთავრებელი კლასის დაძლევის გამოცდები ტარდება ეროვნული სასწავლო გეგმის შესაბამისად დამამთავრებელი კლასისათვის გათვალისწინებულ ყველა სავალდებულო საგანში და ერთ-ერთ არჩევით საგანში, გარდა ამ მუხლის მე-3 პუნქტით გათვალისწინებული საგნებისა.

3. ექსტერნატის ფორმით გამოცდა არ შეიძლება ჩატარდეს შემდეგ საგნებში:

ა) ესთეტიკური, შრომითი და ფიზიკური აღზრდა;

ბ) სახელობო განათლება.

4. ზოგადი განათლების ცალკეული კლასის ან/და ტრიმესტრის/ტრიმესტრების დაძლევა შესაძლებელია ქართულ, რუსულ, სომხურ ან აზერბაიჯანულ ენებზე. ექსტერნები, რომლებიც გამოცდებს აბარებენ რუსულ, სომხურ ან აზერბაიჯანულ ენაზე, გამოცდას ქართულ ენასა და ლიტერატურაში და უცხო ენებში აბარებენ შესაბამისი სასწავლო პროგრამის გათვალისწინებით.

5. (ამოღებულია - 30.04.09 №239).

6. სკოლა, რომელშიც უნდა ჩატარდეს ექსტერნატის ფორმით ზოგადი განათლების კლასის/კლასების ან/და ტრიმესტრის/ტრიმესტრების გამოცდები, ვალდებულია:

ა) უზრუნველყოს ექსტერნი ყველა საგამოცდო საგანში კონსულტაციის მიღებით;

ბ) უზრუნველყოს ექსტერნი ისარგებლოს ბიბლიოთეკაში არსებული ყველა საჭირო სასწავლო ლიტერატურით და სკოლაში არსებული ტექნიკური საშუალებებით.

7. რესურსცენტრი, რომელშიც ექსტერნი დარეგისტრირდა, ვალდებულია უზრუნველყოს ექსტერნებისათვის ამ დებულების ხელმისაწვდომობა.

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

საქართველოს განათლებისა და მეცნიერების მინისტრის 2009 წლის 30 აპრილის  ბრძანება №239 - სსმ Ш, №53, 01.05.2009 წ., მუხ.611

    მუხლი 5. ექსტერნატის გამოცდა

1. პირს აქვს უფლება ექსტერნატის ფორმით ჩააბაროს რამდენიმე კლასის/ტრიმესტრის დაძლევის გამოცდა შემდეგი პრინციპის დაცვით:

ა) თუ პირის ასაკი სასკოლო ასაკს არ აღემატება, გამოცდა ტარდება თითოეული ტრიმესტრის ან/და კლასისათვის ცალ-ცალკე. ამ პუნქტის მიზნებისათვის სასკოლო ასაკის მაქსიმალური ზღვარი წარმოადგენს სწავლის დაწყების მინიმალურ სასკოლო ასაკს მიმატებული სრული ზოგადი განათლების მიღებისათვის საჭირო სწავლების წლების რაოდენობა;

ბ) თუ პირის ასაკი აღემატება სასკოლო ასაკს, რამდენიმე კლასის ან/და ტრიმესტრის გამოცდა ტარდება გაერთიანებულად, გარდა სრული ზოგადი განათ-ლების დამამთავრებელი კლასის დამადასტურებელი გამოცდისა;

გ) სრული ზოგადი განათლების საფეხურებში შემავალი რამდენიმე კლასის დაძლევის სურვილის არსებობის შემთხვევაში, რომელთა შორის არის საფეხურის დამამთავრებელი კლასი, პირი, რომლის ასაკი შეესაბამება ან აღემატება სასკოლო ასაკს, გადის მხოლოდ საფეხურის დამამთავრებელი კლასის ექსტერნატის ფორმით დაძლევის გამოცდაზე, რომლის წარმატებით დაძლევის შემთხვევაში პირს დაძლეულად ეთვლება ზოგადი განათლების ყველა წინა საფეხურის და ყველა კლასის საგანმანათლებლო პროგრამა.

2. ექსტერნატის ფორმით სრული ზოგადი განათლების დამამთავრებელი კლასის სასწავლო პროგრამის დაძლევის გამოცდები ტარდება წერითი ფორმით, ტესტირების გზით.

3. ექსტერნატის ფორმით სრული ზოგადი განათლების დაძლევისათვის ექსტერნმა ყოველ გამოცდაში უნდა დააგროვოს ტესტის მაქსიმალური ქულების 40% ან მეტი.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

    მუხლი 6. ექსტერნების რეგისტრაცია

1. ექსტერნატის ფორმით განათლების მიღების სრულწლოვანი მსურველი ან არასრულწლოვანი მსურველის კანონიერი წარმომადგენელი ნებისმიერ რესურსცენტრში, სამინისტროს მიერ დადგენილ ვადებში, სათანადო საბუთებთან ერთად, წარადგენს განცხადებას ექსტერნატის ფორმით განათლების მიღების სურვილის შესახებ.

2. ექსტერნატის ფორმით ზოგადი განათლების დაძლევის მსურველმა რესურსცენტრს უნდა წარუდგინოს:

ა) ექსტერნატის ფორმით განათლების მიღების სრულწლოვანი მსურველის ან არასრულწლოვანი მსურველის კანონიერი წარმომადგენლის განცხადება, რომელშიც მითითებული უნდა იყოს:

ა.ა) ექსტერნატის ფორმით განათლების მიღების მსურველის სახელი, გვარი და მამის სახელი;

ა.ბ) რომელი კლასის/კლასების ან/და ტრიმესტრის/ტრიმესტრების ექსტერნატის ფორმით განათლების დამადასტურებელი დოკუმენტის მიღება სურს ექსტერნატის ფორმით განათლების მიღების მსურველს;

ა.გ) ენა, რომელზეც სურს ექსტერნატის ფორმით განათლების მიღების მსურველს გამოცდის ჩაბარება (ქართული, რუსული, აზერბაიჯანული, სომხური);

ა.დ) უცხო ენა, რომელშიც ექსტერნატის ფორმით განათლების მიღების მსურველს უნდა ჩაუტარდეს გამოცდა, ასეთის საჭიროების შემთხვევაში;

ა.ე) სრული ზოგადი განათლების დამამთავრებელი კლასის კონკრეტული გამოცდა/გამოცდები, რომელთა დადებითი შედეგების გამოყენება სურს ექსტერნატის ფორმით სრული ზოგადი განათლების დამამთავრებელი კლასის დაძლევის მსურველს;

ა.ვ) სრული ზოგადი განათლების დამამთავრებელი კლასისათვის ეროვნული სასწავლო გეგმით გათვალისწინებული ერთ-ერთი არჩევითი საგანი, რომლის ჩაბარებაც სურს ექსტერნატის ფორმით სრული ზოგადი განათლების დამამთავრებელი კლასის დაძლევის მსურველს;

ბ) ექსტერნატის ფორმით განათლების მიღების მსურველის დაბადების მოწმობა;

გ) ამ წესის მე-2 მუხლის პირველი პუნქტით გათვალისწინებულ შემთხვევაში, დოკუმენტი, რომელიც ადასტურებს ექსტერნატის ფორმით განათლების მიღების მსურველის მიერ იმ კლასის/ტრიმესტრის სასწავლო პროგრამის ათვისებას, რომელიც წინ უძღვის დასაძლევი კლასის/ტრიმესტრის საგანმანათლებლო პროგრამას. იმ შემთხვევაში, თუ პირმა განათლება საზღვარგარეთ მიიღო, საგანმანათლებლო პროგრამის დაძლევის დამადასტურებელი დოკუმენტი აღიარებული უნდა იყოს სამინისტროს მიერ.

3. რესურსცენტრის უფროსი რეგისტრაციის ვადის გასვლიდან 5 დღის განმავლობაში გამოსცემს ინდივიდუალურ ადმინისტრაციულ-სამართლებრივ აქტს, რომელიც უნდა შეიცავდეს შემდეგ მონაცემებს:

ა) ექსტერნების ნუსხას;

ბ) იმ კლასის/კლასების ან/და ტრიმესტრის/ტრიმესტრების ჩამონათვალს თითოეული ექსტერნისათვის, რომლის დაძლევაც უნდა განხორციელდეს ექსტერნატის ფორმით, ენობრივი თავისებურებების მითითებით;

ბ ^​1 ) სრული ზოგადი განათლების დამამთავრებელი კლასის გამოცდის/გამოცდების ჩამონათვალს თითოეული ექსტერნისათვის, რომელთა დადებითი შედეგები გამოყენებულ უნდა იქნეს ექსტერნის მიერ სრული ზოგადი განათლების დამამთავრებელი კლასის საგანმანათლებლო პროგრამის დაძლევის გამოცდებისას;

ბ ^​2 ) ენას, რომელზეც თითოეულ ექსტერნს სურს ექსტერნატის ფორმით გამოცდის ჩაბარება (ქართული, რუსული, აზერბაიჯანული, სომხური);

ბ ^​3 ) უცხო ენას, რომელშიც თითოეულ ექსტერნს უნდა ჩაუტარდეს ექსტერნატის ფორმით გამოცდა, ასეთის საჭიროების შემთხვევაში;

გ) სკოლას, სადაც უნდა ჩატარდეს ექსტერნატის გამოცდები თითოეული ექსტერნისათვის.

4. რესურსცენტრი, თუ მის სამოქმედო ტერიტორიაზე არ არსებობს სკოლა, რომელიც სწავლებას ახორციელებს შესაბამის არაქართულ ენაზე, უფლებამოსილია ამ მუხლის მე-3 პუნქტით დადგენილ ვადაში, ინდივიდუალური ადმინისტრაციულ-სამართლებრივი აქტით უარი უთხრას არაქართულ ენაზე ექსტერნატის ფორმით განათლების მიღების მსურველს ექსტერნად დარეგისტრირებაზე და ექსტერნატის ფორმით განათლების მიღების მსურველთან შეთანხმებით ამ მუხლის მე-2 პუნქტით განსაზღვრული დოკუმენტები სარეგისტრაციოდ გადაუგზავნოს იმ რესურსცენტრს, რომელიც უზრუნველყოფს არაქართულ ენაზე ექსტერნატის ფორმით გამოცდების ჩატარებას.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

    მუხლი 7. ექსტერნატის გამოცდის ორგანიზება

1. ექსტერნატის ფორმით ზოგადი განათლების ცალკეული კლასის გამოცდები ტარდება რესურსცენტრის უფროსის მიერ ინდივიდუალური ადმინისტრაციულ-სამართლებრივი აქტით განსაზღვრული სკოლის მიერ, ამავე ან/და იმ რესურსცენტრის ტერიტორიაზე, რომლის სამოქმედო ტერიტორიაზეც მდებარეობს სკოლა.

2. სამინისტროს მიერ დადგენილ ვადაში რესურსცენტრი მე-6 მუხლის მე-3 პუნქტით განსაზღვრული ინდივიდუალური ადმინისტრაციულ-სამართლებრივი აქტის ასლს ექსტერნების მიერ რეგისტრაციის დროს წარმოდგენილ დოკუმენტიაციასთან ერთად უგზავნის ამ მუხლის პირველი პუნქტის შესაბამისად განსაზღვრულ სკოლას და უზრუნველყოფს ექსტერნებისათვის მის ხელმისაწვდომობას.

3. სრული ზოგადი განათლების დამამთავრებელი კლასის სასწავლო პროგრამის დაძლევის მსურველ ექსტერნებთან დაკავშირებით რესურსცენტრი სამინისტროს მიერ დადგენილ ვადაში ამ დებულების მე-6 მუხლის მეორე პუნქტის ,,ა“ ქვეპუნქტით გათვალისწინებული განცხადებისა და ამ დებულების მე-6 მუხლის მე-3 პუნქტით განსაზღვრული ინდივიდუალური ადმინისტრაციულ-სამართლებრივ აქტის ასლებს უგზავნის გამოცდების ეროვნულ ცენტრს და უზრუნ-ველყოფს მის ხელმისაწვდომობას.

4. ზოგადი განათლების ცალკეული კლასის/კლასების და ტრიმესტრის/ტრიმესტრების ექსტერნატის ფორმით გამოცდების ჩატარების ვადები განისაზღვრება სამინისტროს მიერ. გამოცდების ჩატარების განრიგს ამტკიცებს სკოლის დირექტორი ინდივიდუალური ადმინისტრაციულ-სამართლებრივი აქტით. განრიგი შედგენილი უნდა იყოს ისე, რომ უზრუნველყოფილ იქნეს ამ დებულებით დადგენილი წესის შესაბამისად რამდენიმე კლასის/ტრიმესტრის გამოცდების ჩაბარების შესაძლებლობა, სამინისტროს მიერ დადგენილ ვადებში.

5. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდის ვადებს ადგენს მინისტრი ინდივიდუალური ადმინისტრაციულ-სამართლებრივი აქტით, გამოცდების ეროვნული ცენტრის წარდგინებით. სკოლაში ან რესურსცენტრში ფორსმაჟორული სიტუაციის არსებობის შემთხვევაში, გამოცდების ეროვნული ცენტრი ატარებს გამოცდას, გამოცდის ჩატარებისათვის დადგენილი თარიღიდან არა უგვიანეს 10 დღის ვადაში. გამოცდის თარიღს ადგენს გამოცდების ეროვნული ცენტრის დირექტორი ინდივიდუალური ადმინისტრაციულ-სამართლებრივი აქტით.

6. სრული ზოგადი განათლების დამამთავრებელი კლასის სასწავლო პროგრამის დაძლევისათვის ეროვნულ სასწავლო გეგმაზე დაფუძნებულ საგამოცდო ტესტების შექმნას და მათ შესაბამის სკოლაში ან რესურსცენტრში გამოცდაზე მიტანას უზრუნველყოფს გამოცდების ეროვნული ცენტრი საგამოცდო ტესტების კონფიდენციალობის სრული დაცვით.

საქართველოს განათლებისა და მეცნიერების მინისტრის 2007 წლის 31 ივლისის ბრძანება №563 - სსმ Ш, №110, 03.08.2007 წ., მუხ.1227

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

    მუხლი 8. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდის დასწრებაზე უფლებამოსილი პირები

1. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდის მიმდინარეობისას იმ სკოლაში ან რესურსცენტრში, რომელშიც ტარდება გამოცდა (შემდგომში – საგამოცდო ცენტრი) დაშვებულია მხოლოდ შემდეგი პირების ყოფნა:

ა) სამინისტროსა და ცენტრის უფლებამოსილი წარმომადგენლები;

ბ) მეთვალყურე – ცენტრის მიერ უფლებამოსილი პირი, რომელიც მეთვალყურეობას უწევს გამოცდის ჩატარების პროცესს.

2. საგამოცო ცენტრში ამ მუხლის პირველი პუნქტით გათვალისწინებული პირების ყოფნამ ხელი არ უნდა შეუშალოს საგამოცდო პროცესის მიმდინარეობას.

3. ამ მუხლის პირველი პუნქტით გათვალისწინებულ პირებს ეკრძალებათ ნებისმიერი ფორმით ექსტერნის დახმარება ან მათი მუშაობისთვის ხელის შეშლა.

    მუხლი 9. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდის პროცედურა

1. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდის დაწყებამდე ექსტერნების წერითი ნამუშევრების ანონიმურობის უზრუნველსაყოფად ცენტრის მიერ ხდება საგამოცდო ტესტების კოდირება.

2. საგამოცდო ცენტრში ექსტერნი უნდა გამოცხადდეს გამოცდის დაწყებამდე ერთი საათით ადრე და გაიაროს რეგისტრაცია.

3. საგამოცდო ცენტრში რეგისტრაციის გასავლელად ექსტერნი ვალდებულია წარადგინოს პირადობის დამადასტურებელი დოკუმენტი.

4. რეგისტრაციის შემდეგ ექსტერნი განთავსებულ იქნება მისთვის განკუთვნილ სამუშაო მაგიდასთან.

5. ტესტზე მუშაობის დაწყებამდე ექსტერნი უნდა დარწმუნდეს, რომ მისთვის გადაცემული საგამოცდო ტესტურ დავალებათა რვეული და პასუხების ფურცელი არ არის დაზიანებული, რასაც იგი ადასტურებს საგამოცდო სექტორის უწყისში ხელმოწერით.

6. გამოცდის დაწყებამდე ექსტერნებს მოკლედ გააცნობენ გამოცდის ჩატარებისა და საგამოცდო ტესტურ დავალებათა რვეულის გამოყენებისა და პასუხების ფურცლის შევსების წესებს, მათ უფლებამოვალეობებს, რის შემდეგაც დაიწყება საგამოცდო დროის ათვლა. სამუშაო დრო გამოცდის თითოეული ნაწილისათვის განსხვავებულია და მითითებულია საგამოცდო ტესტურ დავალებათა რვეულში. მეთვალყურე უზრუნველყოფს, რომ დროის ათვლამდე ექსტერნებს არ ჰქონდეთ მუშაობის დაწყების საშუალება.

7. ექსტერნთა პასუხების ფურცლის ანონიმურობის უზრუნველსაყოფად, გამოცდის დაწყებამდე, ცენტრის მიერ დადგენილი სახელმძღვანელო პრინციპების შესაბამისად, ხდება მათი კოდირება.

8. საგამოცდო დროის ამოწურვამდე სამუშაოს დამთავრების შემთხვევაში ექსტერნს უფლება აქვს, ტესტურ დავალებათა რვეულისა და პასუხების ფურც-ლის ჩაბარების შემდეგ დატოვოს დარბაზი მეთვალყურის ან მის მიერ ამისთვის გამოყოფილი საგამოცდო პროცესის მონაწილე სხვა პირის თანხლებით.

9. საგამოცდო დროის ამოწურვის ან ექსტერნის მიერ სამუშაოს დასრულების შემდეგ მეთვალყურე ამოწმებს თითოეული ექსტერნის ტესტურ დავალებათა რვეულის გვერდების რაოდენობას, პასუხების ფურცელზე კოდის დაუზიანებლობას და ექსტერნის მიერ უწყისში ხელმოწერის შემდეგ იბარებს მათ.

10. ჩაბარებული ტესტურ დავალებათა რვეულები და პასუხების ფურცლები იკვრება, ილუქება და იგზავნება ცენტრში.

    მუხლი 10. ექსტერნის ვალდებულებები

1. სრული ზოგადი განათლების დამამთავრებელი კლასის სასწავლო პროგრამის ექსტერნატის ფორმით დაძლევის გამოცდაზე ექსტერნი ვალდებულია:

ა) დაუგვიანებლად გამოცხადდეს გამოცდაზე, რეგისტრაციის დამთავრების შემდეგ ექსტერნი გამოცდაზე არ დაიშვება;

ბ) თან იქონიოს ბურთულიანი ავტოკალამი (შავი, ლურჯი ან იისფერი);

გ) სამუშაოს დამთავრების შემდეგ საგამოცდო ტესტის ჩაბარებისას ხელი მოაწეროს საგამოცდო უწყისში;

დ) შეასრულოს ამ დებულებით გათვალისწინებული სხვა ვალდებულებანი და მეთვალყურის მითითებანი.

2. სრული ზოგადი განათლების დამამთავრებელი კლასის სასწავლო პროგრამის ტესტირების მსვლელობისას ექსტერნს ეკრძალება:

ა) მობილური ტელეფონის, პეიჯერის ან სხვა ელექტრონული აპარატურის ქონა;

ბ) გამოცდაზე დამხმარე მასალის – სახელმძღვანელოების, ჩანაწერების, ფურცლების და სხვათა გამოყენება;

გ) პასუხების ფურცლის შესავსებად განსხვავებული ფერის (წითელი, მწვანე,...) მელნის გამოყენება, აგრეთვე პასუხების ფურცელზე მაიდენტიფიცირებელი ნიშნის (სახელი, ნომერი, მისამართი და სხვა) ან რაიმე სახის ისეთი გრაფიკული გამოსახულების (ფიგურა, წარწერა და ა.შ.) დატანა, რომელიც დაკავშირებული არ არის ტესტურ დავალებასთან;

დ) გადალაპარაკება, დახმარების გაწევა ან მიღება რაიმე ფორმით, სხვა ექსტერნებისათვის რაიმე ფორმით ხელის შეშლა;

ე) სამუშაო ადგილის უნებართვოდ დატოვება. სამუშაო ადგილის დატოვება შესაძლებელია მხოლოდ ამ დებულების მე-8 მუხლის პირველ პუნქტში მოყვანილ ერთ-ერთ პირთან ერთად.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

    მუხლი 11. საგამოცდო პროცესის კონტროლი

1. ამ დებულების მე-10 მუხლის მე-2 პუნქტით გათვალისწინებული მოთხოვნების დარღვევის შემთხვევაში ექსტერნს მიეცემა გაფრთხილება.

2. ამ დებულების მე-10 მუხლის მე-2 პუნქტის ,,გ“ ქვეპუნქტით გათვალისწინებული მოქმედების ჩადენაში შემჩნეულ ექსტერნს მიეცემა გაფრთხილება და ჩამოერთმევა პასუხების ფურცელი, რომლის ნაცვლადაც გადაეცემა სარეზერვო პასუხების ფურცელი.

3. ამ დებულების მე-10 მუხლის მე-2 პუნქტით გათვალისწინებული მოთხოვნების განმეორებით დარღვევის, წესრიგის უხეში დარღვევის ან საგამოცდო პროცესის მონაწილე პირის შეურაცხყოფის შემთხვევაში ექსტერნი მოიხსნება გამოცდიდან.

4. ამ მუხლის პირველი, მე-2 და მე-3 პუნქტებით გათვალისწინებული მოქმედებები ფორმდება ცენტრის წარმომადგენლის მიერ შედგენილი ოქმებით, რომელთა ფორმა დამტკიცებულია ცენტრის დირექტორის ინდივიდუალური ადმინისტრაციულ-სამართლებრივი აქტით.

5. პასუხების ფურცელი, რომლის შევსებისას გამოყენებული იქნება განსხვავებული ფერის მელანი ან რომელიც შეიცავს მაიდენტიფიცირებელ ნიშანს ან რაიმე სახის გამოსახულებას (რომელიც დაკავშირებული არ არის ტესტურ დავალებასთან) არ გასწორდება.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

    მუხლი 12. ექსტერნატის გამოცდის შედეგები

1. სკოლის დირექტორი, საგამოცდო კომისიის გადაწყვეტილების საფუძველზე, ინდივიდუალური ადმინისტრაციულ-სამართლებრივი აქტით ამტკიცებს:

ა) იმ პირთა ნუსხას, რომლებმაც ცალკეული კლასის/კლასების ან/და ტრიმესტრის/ტრიმესტრების ექსტერნატის ფორმით გამოცდები დაძლიეს წარმატებით;

ბ) იმ პირთა ნუსხას, რომლებმაც ცალკეული კლასის/კლასების ან/და ტრიმესტრის/ტრიმესტრების ექსტერნატის ფორმით გამოცდები ვერ დაძლიეს.

2. ექსტერნატის ფორმით საშუალო საფეხურის დამამთავრებელი კლასის გამოცდების ჩატარებიდან 15 დღის ვადაში ცენტრი რესურსცენტრში აგზავნის ექსტერნების მიერ ჩაბარებული გამოცდების შედეგებს, სადაც აღინიშნება თითოეული ექსტერნის მიერ თითოეულ გამოცდაში მიღებული ქულები, მათ შორის იმ პირთა ნუსხა, რომლებმაც გადალახეს ამ დებულების მე-5 მუხლის მე-3 პუნქტით დადგენილი 40%-იანი ზღვარი და მოიპოვეს საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე გაცემული სრული ზოგადი განათლების ატესტატი.

2^​1 . ცენტრი ამ მუხლის მე-2 პუნქტით დადგენილ ვადაში სამინისტროში წარადგენს იმ პირთა ნუსხას, რომლებმაც გადალახეს ამ დებულების მე-5 მუხლის მე-3 პუნქტით დადგენილი 40%-იანი ზღვარი და მოიპოვეს საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე გაცემული სრული ზოგადი განათლების ატესტატი, იმ ინფორმაციის მითითებით, თუ რომელ რესურსცენტრში დარეგისტრირდა თითოეული ასეთი პირი ექსტერნად.

2 ^​2 . ექსტერნს შეუძლია მის მიერ წარმატებით დაძლეული სრული ზოგადი განათლების დამამთავრებელი კლასის კონკრეტული გამოცდის/გამოცდების და-დებითი შედეგები გამოიყენოს უვადოდ, სრული ზოგადი განათლების დამამთავრებელი კლასის ექსტერნატის გამოცდებში.

3. ექსტერნების განცხადებები, პირადი საქმეები, ექსტერნების მიერ წარმოდგენილი სხვა დოკუმენტაცია, საგამოცდო ოქმები, წერითი ნამუშევრები და ექსტერნატის გამოცდებთან დაკავშირებული სხვა დოკუმენტაცია, საქართველოს კანონმდებლობით დადგენილი წესით, ინახება სკოლაში, თუ ექსტერნატის ფორმით გამოცდები ტარდება სკოლაში. იმ ექსტერნებთან დაკავშირებული განცხადებები, პირადი საქმეები და სხვა წარმოდგენილი დოკუმენტაცია, რომელთაც გამოთქვეს სრული ზოგადი განათლების დამამთავრე-ბელი კლასის ექსტერნატის ფორმით დაძლევის სურვილი, ინახება იმ რესურსცენტრში, რომელშიც მსურველი დარეგისტრირდა ექსტერნად, ხოლო მათი საგამოცდო ოქმები, წერითი ნამუშევრები და ექსტერნატის გამოცდებთან დაკავშირებული სხვა დოკუმენტაცია – ცენტრში.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 16 მარტის ბრძანება №131 - სსმ Ш, №30, 16.03.2009 წ., მუხ.367

საქართველოს განათლებისა და მეცნიერების მინისტრის 2009 წლის 3 ივნისის ბრძანება №364 - სსმ Ш, №68, 03.07.2009 წ., მუხ.743

    მუხლი 13. აპელაცია

1. ექსტერნატის ფორმით სრული ზოგადი განათლების დამამთავრებელი კლასის სასწავლო პროგრამის დაძლევასთან დაკავშირებით ცენტრის დირექტორის ინდივიდუალურ ადმინისტრაციულ-სამართლებრივი აქტზე და საგამოცდო ცენტრის წარმომადგენლის ოქმზე საჩივრები განიხილება მინისტრის ინდივიდუალური ადმინისტრაციულ-სამართლებრივი აქტით შექმნილი საპრეტენზიო საბჭოს მიერ.

2. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდების შედეგებთან დაკავშირებით საჩივრების განხილვის მიზნით, საპრეტენზიო საბჭო ქმნის საგნობრივ კომისიას/კომისიებს იმ საგანში/საგნებში, რომლებშიც გამოცდების შედეგები არ მოწმდება ელექტრონული საშუალებების გამოყენებით, ავტომატურ რეჟიმში.

3. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდების პროცედურასთან დაკავშირებული საჩივრები სამინისტროში შეიძლება წარდგენილ იქნეს გამოცდის ჩატარებიდან 3 დღის ვადაში.

4. სრული ზოგადი განათლების დამამთავრებელი კლასის სასწავლო პროგრამის დაძლევის გამოცდების შედეგებთან დაკავშირებული საჩივრები სამინისტროში შეიძლება წარდგენილ იქნეს შედეგების დამტკიცებიდან 5 სამუშაო დღის ვადაში. გადაწყვეტილება საჩივრების დაკმაყოფილების/არდაკმაყოფილების შესახებ მიღებულ უნდა იქნეს გასაჩივრების ვადის ამოწურვიდან 10 სამუშაო დღის ვადაში.

5. საპრეტენზიო საბჭოს მიერ საჩივრის დაკმაყოფილების შესახებ გადაწყვეტილების მიღების შემთხვევაში, ამ დებულებით დადგენილი წესით ამ პირებისათვის ტარდება განმეორებითი გამოცდა საჩივრის დაკმაყოფილებიდან 10 დღის ვადაში. გამოცდის ჩატარების თარიღს ადგენს ცენტრის დირექტორი ინდივიდუალური ადმინისტრაციულ-სამართლებრივი აქტით.

    მუხლი 14. ექსტერნატის ფორმით განათლების მიღების დამადასტურებელი დოკუმენტის გაცემა

1. ექსტერნატის ფორმით განათლების დაძლევის დამადასტურებელი დოკუმენტი გაიცემა გამოცდისა და აპელაციის შედეგების საფუძველზე.

2. თუ პირი ექსტერნატის ფორმით წარმატებით დაძლევს რამდენიმე კლასის სასწავლო პროგრამას, რომელიც მოიცავს საბაზო საფეხურის დამამთავრებელ კლასს, მასზე უნდა გაიცეს ზოგადი განათლების საბაზო საფეხურის დაძლევის დამადასტურებელი დოკუმენტი.

3. საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე სრული ზოგადი განათლების ატესტატს გასცემს სამინისტრო, რომელიც წარმოადგენს სამინისტროს მკაცრი აღრიცხვის ფორმას საქართველოს კანონმდებლობის შესაბამისად.

4. საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე სრული ზოგადი განათლების ატესტატებს ავსებს სამინისტროს სტატისტიკის დეპარტამენტი და შევსებულ ატესტატებს გადასცემს იმ რესურსცენტრს, რომელშიც მსურველი დარეგისტრირდა ექსტერნად, ხოლო რესურსცენტრი უზრუნველყოფს მათ გაცემას შესაბამისი პირებისათვის კანონმდებლობით დადგენილი წესით.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 3 ივნისის ბრძანება №364 - სსმ Ш, №68, 03.07.2009 წ., მუხ.743

    მუხლი 15. ცვლილებები და დამატებები

ამ დებულებაში ცვლილებებისა და დამატებების შეტანა ხორციელდება საქართველოს კანონმდებლობით დადგენილი წესით.

     მუხლი 16. გარდამავალი დებულებანი

1. სამინისტრო საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე სრული ზოგადი განათლების ატესტატს, ექსტერნატის ფორმით შესაბამისი გამოცდების გავლის გარეშე, გასცემს იმ ლტოლვილებზე, რომელთა მიმართ სახელმწიფომ ვერ შეასრულა 1997 წლის ,,ევროპის რეგიონში უმაღლეს განათლებასთან დაკავშირებული კვალიფიკაციების ცნობის კონვენციით“ გათვალისწინებული ვალდებულება დაედასტურებინა მათ მიერ სრული ზოგადი განათლების მიღება და რომელთაც 2006 ან 2007 წლებში ერთიანი ეროვნული გამოცდების შედეგად მოიპოვეს აკრედიტებულ უმაღლეს საგან-მანათლებლო დაწესებულებაში ჩარიცხვის უფლება.

2. სამინისტროს მიერ ამ მუხლის პირველი პუნქტით გათვალისწინებული პირებისათვის საშუალო ზოგადსაგანმანათლებლო პროგრამის ექსტერნატის ფორმით დაძლევის საფუძველზე სრული ზოგადი განათლების ატესტატის გაცემა უნდა მოხდეს შესაბამისი დაინტერესებული პირის წერილობითი განცხადების, საქართველოს კანონმდებლობით დადგენილი წესით გაცემული ლტოლვილის მოწმობისა და ერთიანი ეროვნული გამოცდების 2006 ან 2007 წლის კოეფიციენტებით რანჟირების დოკუმენტის საფუძველზე.

საქართველოს განათლებისა და მეცნიერების მინისტრის 2009 წლის 6 იანვრის ბრძანება №04 - სსმ Ш, №4, 14.01.2009 წ., მუხ.28

საქართველოს განათლებისა და მეცნიერების მინისტრის 2009 წლის 3 ივნისის ბრძანება №364 - სსმ Ш, №68, 03.07.2009 წ., მუხ.743

 

 

Annotate